Os salarios. Porcentaxes

En Galicia, gañan máis os homes ou as mulleres?

Segundo os datos da "Encuesta de Estructura Salarial", no ano 2010, o salario bruto anual medio dos homes en Galicia foi 22.626,2 euros e o das mulleres 17.691,1 euros, polo que os homes gañan 4.935,1 euros máis que as mulleres. No ano 2006 esta diferenza era de 4.777,7 euros.

Aumentaron o diminuiron as diferenzas entre os salarios dos homes e das mulleres en Galicia no período 2006-2010?

Para poder comparar os salarios entre homes e mulleres nos dous períodos e cuantificar se aumentaron ou diminuíron as diferenzas non se poden empregar as variacións absolutas. Para realizar esta comparación calcúlase a porcentaxe que representa o salario das mulleres sobre o salario dos homes para cada ano. Que se pode dicir entón das diferenzas nos salarios dos homes e das mulleres?

Porcentaxe do salario das mulleres sobre o dos homes = (Salario das mulleres) / (Salario dos homes) * 100