Os salarios por estudos. Taxas de variación

Caso práctico

Pensas que un maior nivel de estudos contribúe a diminuír as diferenzas salariais entre homes e mulleres?

O nivel de estudos é unha variable que inflúe no salario bruto anual de forma positiva, é dicir, a maior nivel de estudos alcanzado maior nivel salarial. No Gráfico pódese comprobar como a medida que se incrementa o nivel de estudos, aumentan os salarios, tanto nos homes como nas mulleres.

Gráfico . Salario bruto anual segundo o sexo e o nivel de estudos alcanzado. Galicia. Ano 2010
Euros

Pero, que sucede coas diferenzas entre homes e mulleres en cada nivel de estudos?, varían segundo o nivel de estudos?

Táboa . Salario bruto anual segundo o sexo e o nivel de estudos alcanzado. Galicia. Ano 2010
Euros

Retroalimentación

Na Táboa pódense observar os salarios brutos anuais segundo o nivel de estudos alcanzado para os homes e as mulleres. Para comparar as diferenzas por sexo en cada nivel de estudos pódese calcular a variación relativa dos salarios dos homes con respecto aos das mulleres en cada nivel de estudos, que indica en porcentaxe o que superan os salarios dos homes aos das mulleres.

Así, por exemplo, no nivel de estudos "Terciaria" a taxa de variación relativa calcúlase do seguinte modo:

Taxa de variación relativa= (Salario homes - Salario mulleres) / Salario mulleres * 100 = (30.961,9 - 24.105,8)/24.105,8 *100 = 28,44%

e indica que no ano 2010 o salario dos homes con nivel de estudos "Terciaria" foi superior nun 28,44% ao das mulleres co mesmo nivel de estudos.

As taxas de variación relativa que aparecen na Táboa para os tres niveis de educación considerados reflicten que os homes gañan máis que as mulleres en todos eles, pero os incrementos relativos diminúen a medida que aumenta o nivel de estudos polo que as diferenzas salariais entre homes e mulleres son menores nos niveis educativos máis altos.

« Anterior | Siguiente »