Actividades financeiras, de desenvolvemento e de comercialización levadas a cabo pola empresa e que teñen por obxectivo, ou xeraron unha innovación.

• As actividades innovadoras poden resultar nunha innovación, ser pospostas ou abandonadas.
• Poden ser levadas a cabo dentro da empresa, contratarse a terceiros ou unha combinación de ambos.
• Poden xerar coñecemento ou información aínda que non se introduza ningunha innovación no período.

• Investigación e desenvolvemento experimental (I+D) interna.
• Adquisición de I+D (I+D externa).
• Enxeñaría, deseño e outras actividades creativas.
• Márketing e creación de marca.
• Actividades relacionadas cos dereitos de propiedade intelectual.
• Actividades relacionadas coa formación de persoal.
• Desenvolvemento de software e actividades relacionadas co traballo de bases de datos.
• Actividades relacionadas coa adquisición ou aluguer de bens tanxibles.

Son os gastos motivados pola adquisición de I+D fóra da empresa mediante contrato, convenio, etc. Inclúese a adquisición de actividades de I+D realizada por outras empresas (incluídas as do seu mesmo grupo) ou outras organizacións de investigación públicas ou privadas. Exclúense as cotas institucionais para financiar a outras empresas, asociacións de investigación, etc. que non impliquen unha compra directa de I+D.

Enténdese por cooperación en innovación a participación activa en proxectos conxuntos de innovación (incluído I+D) con outras organizacións. Estas organizacións poden ser tanto empresas como institucións non comerciais. Non implica necesariamente que ambos interlocutores obteñan beneficios comerciais inmediatos na cooperación. A mera contratación fóra da empresa de traballos, sen colaboración activa por parte desta, non se considera cooperación.

Defínese a empresa como a combinación máis pequena de unidades xurídicas que constitúe unha unidade organizativa de produción de bens e servizos e que desfruta dunha certa autonomía de decisión, principalmente á hora de empregar os recursos correntes dos que dispón. A empresa exerce unha ou máis actividades en un ou máis lugares. Unha empresa pode corresponder a unha única unidade xurídica.
No concepto de empresa estatística non sempre se dá a analoxía entre empresa e unidade legal, é dicir, algunhas empresas estatísticas poden estar compostas por dúas ou máis unidades legais. A empresa estatística pode ser:

• Unha unidade legal independente, que non forma parte do grupo empresarial, polo que se supón que dispón de autonomía de decisión.
• Un grupo empresarial formado para unha ou varias unidades legais.
• Un subconxunto dunha ou varias unidades legais dun grupo empresarial.

Empresa que introduciu unha ou máis innovacións no período de observación, tanto si a innovación é responsabilidade da empresa individualmente como se foi unha responsabilidade compartida con outra.

O gasto en I+D interna comprende todos os gastos correntes máis o gasto bruto de capital fixo para o I+D executada dentro dunha unidade estatística durante o período de referencia, calquera que sexa a fonte de financiamento. Os gastos en I+D divídense en gastos correntes e gastos de capital.
Gastos correntes: os gastos correntes son os custos laborais do persoal en I+D e os outros gastos¬ correntes tales como os servizos e outras partidas de gasto (incluído o equipo) utilizados e consumidos ao longo dun ano.
Gastos de capital: son as compras e outros custos asociados á adquisición ou formación de activos fixos que se utilizan de maneira repetida ou continuada na execución do I+D durante máis dun ano.

Unha innovación é un produto ou proceso de negocio novo ou mellorado (ou unha combinación dos dous) que difire significativamente dos produtos ou procesos de negocio previos da empresa e que foi introducido no mercado ou implementado na empresa.

• A innovación ten que selo para a empresa, pero non necesariamente para o seu sector ou mercado. Polo tanto, é suficiente que sexa unha novidade ou mellora para a empresa.
• A innovación púidoa desenvolver a propia empresa, a empresa xunto con outras organización ou puido ser desenvolta por outras empresas ou organizacións.
• Os cambios de natureza estética ou os simples cambios de organización ou de xestión non deben incluírse.

É un ben ou servizo novo ou mellorado que difire significativamente dos bens ou servizos previos da empresa e que foi introducido no mercado.

É un proceso de negocio novo ou mellorado para unha ou máis funcións de negocio que difire significativamente do proceso de negocio anterior da empresa e que foi implementado na empresa.

Defínese coma o conxunto de traballos creativos que se emprenden de modo sistemático co fin de aumentar o volume de coñecementos, incluído o coñecemento do home, a cultura e a sociedade, así como a utilización desa suma de coñecementos para concibir novas aplicacións.

É un acordo contractual entre dúas ou máis partes na que unha parte autoriza a outra a usar a súa propiedade intelectual.

É a forma que adquire a protección xurídica da actividade innovadora. Unha patente é un título que recoñece o dereito de explotar en exclusiva a invención patentada, impedindo a outros a súa fabricación, venta ou utilización sen consentimento do titular. Como contrapartida, a patente ponse a disposición do público para xeral coñecemento.

O número de persoas empregadas corresponde co número de persoas que traballan na empresa xunto coas persoas que, a pesar de traballar fóra da empresa, perciben una retribución por parte da empresa (por exemplo, os representantes de comercio e o persoal de entrega de pedidos, reparación e mantemento que traballan por conta da empresa). Inclúe o persoal remunerado e o non remunerado.
O persoal remunerado está formado polos traballadores ligados á empresa por un contrato de traballo e que son retribuídos con cantidades fixas ou periódicas en forma de soldo, salario, comisión ou pago en especie. Tamén se considera como persoal remunerado os propietarios retribuídos polo seus traballo; os estudantes cun compromiso formal polo que contribúen ao proceso de produción da empresa a cambio de remuneración e/ou servizos de educación; os empregados contratados mediante un contrato de fomento das contratacións de persoas desempregadas; os traballadores domiciliarios se hai un acordo explícito de que se lles remunera en función do traballo que realizan e están incluídos en nómina.
O persoal non remunerado está constituído polas persoas que dirixen ou participan activamente nos traballos da empresa sen percibir unha remuneración fixa ou salario. Inclúense os propietarios, socios autónomos que exercen unha actividade na empresa e axudas familiares. Non se inclúen os socios exclusivamente capitalistas nin os familiares do propietario que non participen activamente na empresa, nin as persoas que estean incluídas na nómina de outra empresa na que realicen a súa actividade principal.