Principais resultados

• Os prezos dos bens exportados aumentaron un 1,5% no mes de abril con respecto ao mesmo mes do ano anterior. Os prezos dos bens importados diminuíron un 0,3% en termos interanuais.

• Atendendo á clasificación por destino económico, os prezos dos bens de capital exportados subiron un 4,5% e os dos bens intermedios un 3,7%. En senso contrario, os prezos dos bens de consumo exportados diminuíron un 0,6% respecto ao mes de abril de 2024.

• Con respecto ás importacións, os prezos dos bens de consumo aumentaron un 9,3% e os dos bens de capital un 19,2% respecto ao mes de abril do ano anterior. Os prezos dos bens intermedios rexistraron unha diminución interanual do 6,2%.

1 Evolución

No mes de abril, os prezos dos bens exportados na Comunidade Autónoma de Galicia aumentaron un 1,5% con respecto a abril de 2024, mentres que os prezos dos bens importados diminuíron un 0,3%.

Índices de valor unitario. Galicia. Taxas de variación interanuais (%)

Fonte: IGE (descarga da táboa)

2 Clasificación por destino económico dos bens

Segundo a clasificación por destino económico, no mes de abril produciuse unha diminución interanual do 0,6% nos prezos das exportacións de bens de consumo; os bens de capital incrementaron os seus prezos un 4,5% e os bens intermedios un 3,7% respecto ao mesmo mes de 2024.

En canto as importacións, os prezos dos bens de consumo creceron un 9,3% e os dos bens de capital un 19,2%, en comparación con abril de 2024. En senso contrario, os prezos dos bens intermedios experimentaron unha diminución interanual do 6,2%.

3 Clasificación por orixe/destino xeográfico

En abril, por destino xeográfico, os prezos dos bens exportados aos países da Unión Económica e Monetaria aumentaron un 0,8% en termos interanuais e os das exportacións ao conxunto da Unión Europea un 1,0%. As exportacións dirixidas a países da OCDE incrementáronse un 0,6% e os prezos dos bens destinados ao resto do mundo un 7,6%.

En canto á orixe xeográfica das importacións, os prezos dos bens procedentes da Unión Económica e Monetaria subiron un 9,6% respecto a abril de 2024 e os procedentes da Unión Europea, un 6,9%. As importacións de bens desde países da OCDE rexistraron un alza do 7,8%, mentres que os prezos dos bens importados do resto do mundo baixaron un 9,1%.

4 Notas metodolóxicas

Índices de valor unitario para o comercio exterior é unha operación estatística que elabora o Instituto Galego de Estatística (IGE) con periodicidade mensual.

O obxectivo desta operación estatística é obter unha aproximación aos índices de prezos das operacións de exportación e importación de mercadorías con orixe ou destino en Galicia, excluíndo o comercio co resto de España.

As principais utilidades destes índices son as seguintes: permiten aproximar a evolución dos prezos das exportacións e importacións; úsanse como deflactores para seguir a evolución en volume do comercio exterior; serven para construír indicadores como a relación real de intercambio ou os índices de competitividade.

5 Definicións, fontes e máis información

Definicións

• Definicións

Descarga de datos

• Índices de valor unitario encadeados por áreas xeográficas. Referencia 2010
• Índices de valor unitario encadeados por destino económico. Referencia 2010

Fontes de información

IGE. Índices de valor unitario para o comercio exterior. Referencia 2010.