descarga en pdf
A Enquisa de poboación activa (EPA) é unha investigación por mostraxe, continua e dirixida aos fogares que o Instituto Nacional de Estadística (INE) realiza dende 1964. En xullo de 2008 firmouse un convenio de colaboración entre o INE e o Instituto Galego de Estatística (IGE) para a duplicación da mostra no ámbito territorial da Comunidade Autónoma de Galicia. O obxectivo da ampliación da mostra é permitir a análise da poboación galega en relación coa actividade económica cunha maior desagregación do que se viña facendo ata o momento. Como resultado deste convenio, a partir do terceiro trimestre de 2009 incorpórase á operación a mostra adicional recollida polo IGE, utilizando idéntica metodoloxía e o mesmo sistema de traballo de campo que o INE.
A finalidade principal da EPA é coñecer a actividade económica no relativo ao seu compoñente humano. Está orientada a dar datos das principais categorías poboacionais en relación co mercado de traballo (poboación ocupada, parada, activa e inactiva) e a obter clasificacións destas categorías segundo diversas características. Tamén posibilita confeccionar series temporais homoxéneas de resultados.
A EPA incorporou as cifras do Censo de poboación e vivendas do INE de 2021 ás súas estimacións dos anos 2021 en diante. Para máis información consultar a seguinte ligazón.
No segundo trimestre de 2024 a poboación galega de 16 ou máis anos situouse en 2.368.100 persoas, das cales 1.255.400 clasifícanse como activas, o que sitúa a taxa de actividade no 53%. Con respecto ao trimestre anterior, o número de activos e de activas diminúe en 3.900 persoas e a taxa de actividade diminúe 0,2 puntos respecto ao primeiro trimestre de 2024.
| Dato do trimestre actual | Variación absoluta respecto ao trimestre pasado (miles de persoas) | Variación relativa respecto ao trimestre pasado (tanto por cento) | Variación absoluta respecto ao mesmo trimestre do ano pasado (miles de persoas) | Variación relativa respecto ao mesmo trimestre do ano pasado (tanto por cento) | |
|---|---|---|---|---|---|
| Total | 2.368,1 | 0,1 | 0,0 | 11,5 | 0,5 |
| Activos | 1.255,4 | -3,9 | -0,3 | 6,5 | 0,5 |
| Poboación ocupada | 1.135,6 | 7,9 | 0,7 | 3,9 | 0,3 |
| Poboación parada | 119,8 | -11,8 | -9,0 | 2,6 | 2,2 |
| Inactivos | 1.112,7 | 4,0 | 0,4 | 5,0 | 0,5 |
| Fonte: INE-IGE. Enquisa de poboación activa (descarga da táboa) |
Con respecto ao mesmo trimestre de 2023, o número de persoas activas aumenta en 6.500 persoas e a taxa de actividade non varía.
| Dato do trimestre actual | Variación absoluta respecto ao trimestre pasado | Variación absoluta respecto ao mesmo trimestre do ano pasado | |
|---|---|---|---|
| Total | 53,0 | -0,2 | 0,0 |
| Homes | 57,5 | 0,0 | 0,4 |
| Mulleres | 48,9 | -0,4 | -0,4 |
| Fonte: INE-IGE. Enquisa de poboación activa (descarga da táboa) |
Por sexo, a taxa de actividade masculina non varía respecto á cifra rexistrada hai 3 meses, situándose no 57,5%. A taxa de actividade feminina, pola súa banda, rexistra unha variación negativa cifrada en 0,4 puntos, ata situarse no 48,9%.
| Dato do trimestre actual | Variación absoluta respecto ao trimestre pasado (miles de persoas) | Variación relativa respecto ao trimestre pasado (tanto por cento) | Variación absoluta respecto ao mesmo trimestre do ano pasado (miles de persoas) | Variación relativa respecto ao mesmo trimestre do ano pasado (tanto por cento) | |
|---|---|---|---|---|---|
| Total | 1.255,4 | -3,9 | -0,3 | 6,5 | 0,5 |
| Homes | 649,0 | 1,3 | 0,2 | 7,5 | 1,2 |
| Mulleres | 606,4 | -5,2 | -0,9 | -0,9 | -0,1 |
| Fonte: INE-IGE. Enquisa de poboación activa (descarga da táboa) |
A ocupación aumenta en 7.900 persoas no segundo trimestre de 2024 respecto á cifra do trimestre anterior e sitúase en 1.135.600 persoas ocupadas. A taxa de ocupación tamén aumenta con respecto ao trimestre pasado e sitúase no 48%.
Nos últimos doce meses o número de ocupados e de ocupadas aumentou en 3.900 persoas, o que supón un incremento do 0,3% en termos relativos.
| Dato do trimestre actual | Variación absoluta respecto ao trimestre pasado | Variación absoluta respecto ao mesmo trimestre do ano pasado | |
|---|---|---|---|
| Total | 48,0 | 0,4 | 0,0 |
| Homes | 52,3 | 0,6 | 0,2 |
| Mulleres | 43,9 | 0,0 | -0,4 |
| Fonte: INE-IGE. Enquisa de poboación activa (descarga da táboa) |
Por sexo, neste trimestre aumentou a ocupación masculina: o número de ocupados varóns aummenta en 8.100 persoas respecto ao primeiro trimestre do ano 2024; a ocupación das mulleres, pola súa banda, rexistrou unha diminución de 200 persoas. En termos de taxas, isto tradúcese nun aumento da taxa de ocupación masculina de 0,6 puntos mentres que a taxa feminina non varía respecto ao trimestre pasado.
Con respecto ao segundo trimestre do ano 2023, o número de homes ocupados aumenta en 5.700 persoas (un 1%), mentres que o de mulleres ocupadas diminuíu nun 0,3%.
| Dato do trimestre actual | Variación absoluta respecto ao trimestre pasado (miles de persoas) | Variación relativa respecto ao trimestre pasado (tanto por cento) | Variación absoluta respecto ao mesmo trimestre do ano pasado (miles de persoas) | Variación relativa respecto ao mesmo trimestre do ano pasado (tanto por cento) | |
|---|---|---|---|---|---|
| Total | 1.135,6 | 7,9 | 0,7 | 3,9 | 0,3 |
| Homes | 591,0 | 8,1 | 1,4 | 5,7 | 1,0 |
| Mulleres | 544,6 | -0,2 | 0,0 | -1,8 | -0,3 |
| Fonte: INE-IGE. Enquisa de poboación activa (descarga da táboa) |
Atendendo aos sectores de actividade económica (segundo a CNAE-2009), o número de persoas ocupadas neste trimestre diminuíu no sector primario, pero aumentou na industria, na construción e no sector servizos. Na agricultura e pesca, a diminución da poboación ocupada cifrouse en 3.400 traballadores e traballadoras menos que hai 3 meses. Na industria a ocupación aumentou en 5.000 persoas respecto ao trimestre anterior. Na construción a ocupación aumenta en 3.100 persoas.No sector servizos o incremento foi de 3.000 persoas.
Con respecto ao mesmo trimestre de 2023, a ocupación diminuíu no sector primario, un -5,8% e no sector servizos, un -1,3%. Na industria e na construción a ocupación aumentou con respesto ao mesmo trimestre de 2023: na industria un 6,2% e na construción, 10,6%.
| Dato do trimestre actual | Variación absoluta respecto ao trimestre pasado (miles de persoas) | Variación relativa respecto ao trimestre pasado (tanto por cento) | Variación absoluta respecto ao mesmo trimestre do ano pasado (miles de persoas) | Variación relativa respecto ao mesmo trimestre do ano pasado (tanto por cento) | |
|---|---|---|---|---|---|
| Total | 1.135,6 | 7,9 | 0,7 | 3,9 | 0,3 |
| Agricultura e pesca | 71,5 | -3,4 | -4,5 | -4,4 | -5,8 |
| Industria | 178,8 | 5,0 | 2,9 | 10,4 | 6,2 |
| Construción | 83,5 | 3,1 | 3,9 | 8,0 | 10,6 |
| Servizos | 801,7 | 3,0 | 0,4 | -10,2 | -1,3 |
| Fonte: INE-IGE. Enquisa de poboación activa (descarga da táboa) |
En Galicia había 923.000 persoas asalariadas no segundo trimestre de 2024, 782.900 con contrato indefinido e os 140.000 restantes con contrato temporal. Con respecto ao trimestre anterior rexístranse 4.200 asalariados e asalariadas máis con contrato indefinido. O número de persoas suxeitas a un contrato temporal diminúe, pola contra, en 500 efectivos (o que supón, en termos relativos, unha baixada do 0,4% con respecto ao primeiro trimestre de 2024). No que respecta á variación interanual, a cifra de persoas con contrato indefinido aumentou un 0,8%, e as persoas con contrato temporal diminuíron, pola contra, un 4,4%.
A taxa de temporalidade, calculada como a porcentaxe de persoas con contrato temporal sobre o total de asalariados e asalariadas, sitúase no 15,2%.
| Dato do trimestre actual | Variación absoluta respecto ao trimestre pasado (miles de persoas) | Variación relativa respecto ao trimestre pasado (tanto por cento) | Variación absoluta respecto ao mesmo trimestre do ano pasado (miles de persoas) | Variación relativa respecto ao mesmo trimestre do ano pasado (tanto por cento) | |
|---|---|---|---|---|---|
| Total | 923,0 | 3,8 | 0,4 | 0,1 | 0,0 |
| De duración indefinida | 782,9 | 4,2 | 0,5 | 6,4 | 0,8 |
| Temporal | 140,0 | -0,5 | -0,4 | -6,4 | -4,4 |
| Fonte: INE-IGE. Enquisa de poboación activa (descarga da táboa) |
No segundo trimestre de 2024 en Galicia había 119.800 persoas en paro, 11.800 menos que no trimestre anterior. A taxa de paro diminuíu 1 punto e sitúase no 9,5%.
Con respecto ao segundo trimestre do ano 2023, o número de parados e paradas aumenta en 2.600 persoas (un 2,2%) e a taxa de paro, a súa vez, crece 0,1 puntos en termos interanuais.
| Dato do trimestre actual | Variación absoluta respecto ao trimestre pasado | Variación absoluta respecto ao mesmo trimestre do ano pasado | |
|---|---|---|---|
| Total | 9,5 | -1,0 | 0,1 |
| Homes | 8,9 | -1,1 | 0,1 |
| Mulleres | 10,2 | -0,7 | 0,2 |
| Fonte: INE-IGE. Enquisa de poboación activa (descarga da táboa) |
Por sexo, con respecto ao trimestre anterior, diminúe tanto o paro masculino coma o feminino: o número total de homes parados sitúase en 58.000 persoas (6.800 menos que hai tres meses) e o de mulleres é de 61.800 persoas (5.000 mulleres paradas menos). Ambas as dúas taxas de paro, tanto a masculina como a feminina, reducíronse, situándose a primeira no 8,9% e a segunda no 10,2%.
No tocante á variación interanual, o número de parados entre o sexo masculino aumenta en 1.800 persoas (un 3,2% máis), mentres que o volume de paradas aumenta en 800 persoas (un 1,3% máis que hai un ano).
| Dato do trimestre actual | Variación absoluta respecto ao trimestre pasado (miles de persoas) | Variación relativa respecto ao trimestre pasado (tanto por cento) | Variación absoluta respecto ao mesmo trimestre do ano pasado (miles de persoas) | Variación relativa respecto ao mesmo trimestre do ano pasado (tanto por cento) | |
|---|---|---|---|---|---|
| Total | 119,8 | -11,8 | -9,0 | 2,6 | 2,2 |
| Homes | 58,0 | -6,8 | -10,5 | 1,8 | 3,2 |
| Mulleres | 61,8 | -5,0 | -7,5 | 0,8 | 1,3 |
| Fonte: INE-IGE. Enquisa de poboación activa (descarga da táboa) |
No segundo trimestre de 2024, o número de fogares nos que todos os seus membros activos están en paro diminúe en 6.600 unidades e sitúase en 43.300 fogares. Respecto ao segundo trimestre de 2023, esta tipoloxía de fogares diminúe un 7,7%.
Pola súa banda, o número de fogares nos que todos os seus membros activos son ocupados aumenta en 8.200 unidades. O número de fogares nesta situación é de 657.600. En relación co mesmo trimestre do ano anterior hai 9.000 fogares máis nesta situación, o que supón un incremento do 1,4% en termos relativos.
| Dato do trimestre actual | Variación absoluta respecto ao trimestre pasado (miles de persoas) | Variación relativa respecto ao trimestre pasado (tanto por cento) | Variación absoluta respecto ao mesmo trimestre do ano pasado (miles de persoas) | Variación relativa respecto ao mesmo trimestre do ano pasado (tanto por cento) | |
|---|---|---|---|---|---|
| Total | 1.125,9 | -1,2 | -0,1 | 8,4 | 0,8 |
| Fogares con polo menos un activo | 764,4 | -4,6 | -0,6 | 4,9 | 0,6 |
| Todos os activos son ocupados | 657,6 | 8,2 | 1,3 | 9,0 | 1,4 |
| Todos os activos son parados | 43,3 | -6,6 | -13,2 | -3,6 | -7,7 |
| Con ocupados e parados | 63,5 | -6,2 | -8,9 | -0,6 | -0,9 |
| Fogares nos que non hai ningún activo | 361,5 | 3,4 | 0,9 | 3,5 | 1,0 |
| Fonte: INE-IGE. Enquisa de poboación activa (descarga da táboa) |
Dos 330.100 mozos e mozas galegas de entre 16 e 29 anos, 127.100 (o 38,5%) están ocupados/as, 33.400 (o 10,1%) parados/as e os 169.500 (o 51,3%) restantes son inactivos.
| Dato do trimestre actual | Variación absoluta respecto ao trimestre pasado (miles de persoas) | Variación relativa respecto ao trimestre pasado (tanto por cento) | Variación absoluta respecto ao mesmo trimestre do ano pasado (miles de persoas) | Variación relativa respecto ao mesmo trimestre do ano pasado (tanto por cento) | |
|---|---|---|---|---|---|
| Total | 330,1 | 0,2 | 0,1 | 5,4 | 1,7 |
| Activos | 160,6 | 1,4 | 0,9 | 4,4 | 2,8 |
| Poboación ocupada | 127,1 | 3,4 | 2,7 | -1,8 | -1,4 |
| Poboación parada | 33,4 | -2,1 | -5,9 | 6,1 | 22,3 |
| Parados que buscan primeiro emprego | 10,5 | 0,5 | 5,0 | 3,0 | 40,0 |
| Parados que xa traballaron | 23,0 | -2,5 | -9,8 | 3,2 | 16,2 |
| Inactivos | 169,5 | -1,2 | -0,7 | 1,0 | 0,6 |
| Fonte: INE-IGE. Enquisa de poboación activa (descarga da táboa) |
A taxa de ocupación deste colectivo sitúase no 38,5% no segundo trimestre de 2024. Con respecto ao trimestre anterior aumenta 1 punto; con respecto ao mesmo trimestre do ano 2023 diminúe 1,2 puntos.
A taxa de paro xuvenil sitúase no 20,8% neste trimestre; diminúe 1,5 puntos respecto ao trimestre anterior. En comparación co segundo trimestre de 2023, aumenta 3,3 puntos.
| Dato do trimestre actual | Variación absoluta respecto ao trimestre pasado | Variación absoluta respecto ao mesmo trimestre do ano pasado | |
|---|---|---|---|
| Taxa de actividade | 48,6 | 0,3 | 0,5 |
| Taxa de ocupación | 38,5 | 1,0 | -1,2 |
| Taxa de paro | 20,8 | -1,5 | 3,3 |
| Fonte: INE-IGE. Enquisa de poboación activa (descarga da táboa) |
No segundo trimestre de 2024, o 75,3% dos ocupados e das ocupadas de entre 16 e 29 anos traballa a xornada completa. Con respecto ao primeiro trimestre de 2024, a cifra de ocupados a xornada completa sube un 5,6%. A cifra de mozos e mozas ocupadas a xornada parcial diminúe neste trimestre; en concreto, baixa en 1.700 persoas. Con respecto ao segundo trimestre de 2023, diminúe tanto a ocupación xuvenil que traballa a xornada completa (en 700 persoas), como a ocupación a xornada parcial (en 1.100 persoas).
| Dato do trimestre actual | Variación absoluta respecto ao trimestre pasado (miles de persoas) | Variación relativa respecto ao trimestre pasado (tanto por cento) | Variación absoluta respecto ao mesmo trimestre do ano pasado (miles de persoas) | Variación relativa respecto ao mesmo trimestre do ano pasado (tanto por cento) | |
|---|---|---|---|---|---|
| Total | 127,1 | 3,4 | 2,7 | -1,8 | -1,4 |
| Completa | 95,7 | 5,1 | 5,6 | -0,7 | -0,7 |
| Parcial | 31,4 | -1,7 | -5,1 | -1,1 | -3,4 |
| Fonte: INE-IGE. Enquisa de poboación activa (descarga da táboa) |
Dos 118.100 asalariados e asalariadas existentes neste trimestre de entre 16 e 29 anos, o 66,7% está vinculado á empresa por medio dun contrato indefinido. O número de mozos e mozas con contrato indefinido aumenta un 1,3% respecto ao trimestre anterior; rexistra un incremento tamén, neste caso do 5,3%, respecto ao mesmo trimestre de 2023. O número de mozos e mozas asalariadas con contrato temporal aumenta un 9,4% respecto ao trimestre pasado, e rexistra unha diminución do 9,2% respecto ao segundo trimestre de 2023.
A taxa de temporalidade para o colectivo dos mozos e mozas de entre 16 e 29 anos sitúase no 33,4%.
| Dato do trimestre actual | Variación absoluta respecto ao trimestre pasado (miles de persoas) | Variación relativa respecto ao trimestre pasado (tanto por cento) | Variación absoluta respecto ao mesmo trimestre do ano pasado (miles de persoas) | Variación relativa respecto ao mesmo trimestre do ano pasado (tanto por cento) | |
|---|---|---|---|---|---|
| Total | 118,1 | 4,4 | 3,9 | -0,1 | -0,1 |
| De duración indefinida | 78,8 | 1,0 | 1,3 | 4,0 | 5,3 |
| Temporal | 39,4 | 3,4 | 9,4 | -4,0 | -9,2 |
| Fonte: INE-IGE. Enquisa de poboación activa (descarga da táboa) |
Se comparamos os datos dos sete grandes concellos galegos (aqueles que superan os 50.000 habitantes), observamos que Lugo e Pontevedra son os que presentaron as maiores taxas de ocupación (56,5% e 54,4% respectivamente) no segundo trimestre de 2024. Ferrol é o concello coa menor taxa de ocupación (44,2%). No referido ás taxas de paro, este trimestre Santiago de Compostela é o concello de entre os sete grandes con menor valor (4,4%) e Ferrol e Vigo os que presentan a taxa de paro máis elevada (12,1%).
| Total | Activos | Poboación ocupada | Poboación parada | Poboación inactiva | |
|---|---|---|---|---|---|
| A Coruña | 213,7 | 112,5 | 103,4 | 9,0 | 101,3 |
| Lugo | 90,1 | 55,2 | 50,9 | 4,3 | 34,9 |
| Ourense | 92,4 | 55,0 | 50,0 | 5,1 | 37,4 |
| Pontevedra | 70,6 | 41,3 | 38,4 | 2,9 | 29,3 |
| Santiago de Compostela | 89,3 | 48,5 | 46,4 | 2,1 | 40,7 |
| Vigo | 256,8 | 151,0 | 132,8 | 18,2 | 105,9 |
| Ferrol | 56,7 | 28,5 | 25,1 | 3,4 | 28,2 |
| Fonte: INE-IGE. Enquisa de poboación activa (descarga da táboa) |
Nota: os resultados dos sete grandes concellos deben tomarse con cautela porque poden estar afectados por elevados erros de mostraxe.
| Taxa actividade | Taxa ocupación | Taxa paro | |
|---|---|---|---|
| A Coruña | 52,6 | 48,4 | 8,0 |
| Lugo | 61,2 | 56,5 | 7,7 |
| Ourense | 59,5 | 54,0 | 9,3 |
| Pontevedra | 58,6 | 54,4 | 7,0 |
| Santiago de Compostela | 54,4 | 52,0 | 4,4 |
| Vigo | 58,8 | 51,7 | 12,1 |
| Ferrol | 50,3 | 44,2 | 12,1 |
| Fonte: INE-IGE. Enquisa de poboación activa (descarga da táboa) |
Nota: os resultados dos sete grandes concellos deben tomarse con cautela porque poden estar afectados por elevados erros de mostraxe.
Poboación de 16 e máis anos por sexo, grupos de idade e relación coa actividade económica. Galicia
Taxas de actividade, ocupación e paro por sexo. Galicia e provincias
Poboación activa por sexo e grupos de idade. Galicia e provincias
Poboación ocupada por sexo, grupos de idade e sector económico (CNAE 2009). Galicia
Poboación parada por sexo e grupos de idade. Galicia e provincias
Poboación entre 16 e 29 anos por sexo e relación coa actividade económica. Galicia e provincias
Poboación ocupada entre 16 e 29 anos por tipo de xornada e sexo. Galicia e provincias
INE-IGE. Enquisa de poboación activa (EPA)
Este sitio web utiliza cookies propias de tipo técnico e de terceiros para optimizar o seu uso. As cookies non se utilizan para recoller información de carácter persoal. Se continúa navegando considérase que acepta o seu uso. Coñeza a nosa política de cookies