Índice de prezos de consumo (IPC). Medias anuais. Galicia. Ano 2022
|
No ano 2022 en Galicia a taxa de variación media anual dos prezos dos bens e servizos de consumo situouse no 9%.
Se se atende aos doce grandes grupos de bens e servizos de consumo, as maiores subas déronse na vivenda (19%), no transporte (12,6%), na alimentación e bebidas non alcohólicas (11,2%), nos hoteis, cafés e restaurantes (7,5%), no enxoval (7%) e nas bebidas alcohólicas e tabaco (4,9%). Pola contra, produciuse unha caída de prezos nas comunicacións (-1,3%).
No tocante ás rúbricas, as que máis subiron en 2022 foron a calefacción, iluminación e distribución de auga; os aceites e graxas; os ovos; o azucre; o leite e os cereais e derivados. As que máis baixaron de prezo en 2022 foron o transporte público urbano e os complementos e reparacións de pezas de vestir.
|
O que máis subiu |
O que máis baixou |
|
Exportacións/expedicións |
Importacións/introducións |
No ano 2022 Galicia exportou mercadorías por un valor de 29.893 millóns de euros (un 18,3% máis que en 2021). O 31,9% das expedicións galegas ten como destino Francia ou Portugal. As principais mercadorías que se exportan dende a nosa Comunidade Autónoma son material de transporte (23,5%) e materias téxtiles (23,1%).
O valor das importacións/introducións acadou os 27.189,7 millóns de euros (un 34,8% máis que en 2021). Os países dos que Galicia importa maior número de mercadorías son, ao igual que no caso das vendas, Francia e Portugal. Estes dous países suman o 28,7% das compras ao exterior. As mercadorías máis importadas foron os produtos minerais (21,6% do valor total das importacións/introducións) e o material de transporte (19%).
|
Exportacións/expedicións |
Importacións/introducións |
O Índice de prezos da vivenda trata de medir a evolución dos prezos de compravenda das vivendas de prezo libre, tanto novas como de segunda man.
No terceiro trimestre de 2022, o Índice de prezos da vivenda aumentou en Galicia un 6,1% con respecto ao mesmo trimestre do ano anterior. Para o conxunto de España este incremento foi do 7,6%.
Nas gráficas de arriba observamos o crecemento do comercio exterior en Galicia nos últimos anos agás no 2020, cunha forte caída provocada pola pandemia da COVID-19. Na gráfica inferior obsérvase a evolución do índices de valor unitario para o comercio exterior. Estes índices aproximan aos verdadeiros índices de prezos das operacións de exportación e/ou expedición e importación e/ou introdución de mercadorías con orixe/destino en Galicia, excluído o comercio co resto de España.
Este sitio web utiliza cookies propias de tipo técnico e de terceiros para optimizar o seu uso. As cookies non se utilizan para recoller información de carácter persoal. Se continúa navegando considérase que acepta o seu uso. Coñeza a nosa política de cookies