Alumnado matriculado en ensinanza non universitaria de réxime xeral
Curso 2021-2022. Datos provisionais

---

O alumnado matriculado en ensinanza non universitaria diminuíu con respecto ao curso 2020-2021

No curso 2021-2022 o número de alumnos matriculados na educación non universitaria de réxime xeral diminuíu un 0,91% con respecto ao curso 2020-2021, con 382.256 alumnos, segundo os datos provisionais.

Os niveis de ensinanza nos que se rexistraron maiores diminucións na matrícula foron os Ciclos formativos de grao superior adultos (-0,11%) e Bacharelato de adultos (-0,08%). Pola contra, o número de alumnos en Educación Infantil, nos Ciclos formativos de grao medio ordinarios e nas Ensinanzas básicas iniciais e ESO de adultos, para curso 2021-2022, estímase que aumentou un 0,04% no caso de Educación Infantil e un 0,03% nos Ciclos formativos de grao medio e nas Ensinanzas básicas iniciais.

Alumnos matriculados nas universidades galegas

---

Alumnos matriculados na ensinanza universitaria segundo rama. Galicia
Curso 2020-2021

---

Nas universidades galegas matriculáronse 61.767 alumnos no curso 2020-2021

No curso 2020-2021 nas universidades galegas matriculáronse 61.767 alumnos, 592 máis que no curso anterior. Na última década o alumnado matriculado nas universidades galegas diminuíu nun 2,0%.
A Universidade de Santiago segue a ser a que conta co maior número de alumnado universitario matriculado, representando o 40,6% do total.

A presenza de mulleres segue a ser maior que a dos homes en todas as ramas, excepto na rama de enxeñería e arquitectura.

Produción editorial. Ano 2019
Número de títulos

---

O número de títulos editados en Galicia aumenta un 10,8% en 2019

En Galicia, no ano 2019 editáronse 2.213 títulos, un 10,8% máis que o ano anterior. A provincia da Coruña acumulou en 2019 o 58,7% dos títulos que se editaron en Galicia.

Gasto en bens e servizos culturais. Ano 2020

---

Gasto en bens e servizos culturais segundo grupos de gasto. Galicia. Ano 2020

---

En 2020 o 34,8% do gasto en bens e servizos culturais en Galicia dedicouse á telefonía móbil e servizos relacionados con Internet.

En Galicia, no ano 2020, dedicouse o 34,8% do gasto en bens e servizos culturais á telefonía móbil e servizos relacionados con Internet, o 28,3% á compra de soportes, equipos e accesorios audiovisuais, o 28,1% á adquisición de libros e publicacións periódicas e o 8,8% restante a servizos culturais.

Profesorado en centros de titularidade pública segundo o sexo. Galicia

---

No curso 2021-2022 a cifra de persoal docente nos centros de titularidade pública de Galicia acada o valor de 29.550. Neste colectivo existe unha forte presenza de mulleres, onde representan o 72,4% do total.

Profesores de ensinanza universitaria segundo o tipo de profesor nas
universidades galegas.
Curso 2020-2021

---

O número de profesores nas universidades galegas diminuíu un 0,3% no curso 2020-2021.

Evolución do abandono educativo temperán

---

No ano 2021 o 8,1% da poboación galega de 18 a 24 anos non completou o nivel de educación de secundaria segunda etapa e non segue ningún tipo de formación. Esta porcentaxe en España alcanza o valor do 13,3% mentres que na UE28 o último dato dispoñible, correspondente ao ano 2019, sitúase no 10,3%.

Actividade cinematográfica. Galicia. Ano 2020

---

Artes musicais e escénicas.Galicia. Ano 2021

---