Introdución

Os Índices de valor unitario para o comercio exterior é unha operación estatística que elabora o Instituto Galego de Estatística (IGE) con periodicidade mensual.

O obxectivo desta operación estatística é obter unha aproximación aos índices de prezos das operacións de exportación e importación de mercadorías con orixe ou destino en Galicia, excluíndo o comercio co resto de España.

As principais utilidades destes índices son as seguintes: permiten aproximar a evolución dos prezos das exportacións e importacións; úsanse como deflactores para seguir a evolución en volume do comercio exterior; serven para construír indicadores como a relación real de intercambio ou os índices de competitividade.

Evolución

No mes de xaneiro os prezos dos bens exportados na Comunidade Autónoma de Galicia diminuíron un 2,5% con respecto ao mesmo mes do ano anterior. Os prezos dos bens importados diminuíron un 7,9% en termos interanuais.

     Índices de valor unitario. Taxas de variación interanuais. Galicia

Fonte: IGE (descarga da táboa)

Clasificación por destino económico dos bens

Atendendo á clasificación por destino económico, produciuse unha diminución interanual do 1,42% nos prezos das exportacións de bens de consumo. Os prezos dos bens intermedios diminuíron un 4,14% respecto ao mes de xaneiro de 2023 e os prezos dos bens de capital baixaron un 1,33%.

Nas importacións, os prezos dos bens de consumo diminuíron un 1,12% respecto ao mes de xaneiro do ano anterior. Os prezos dos bens intermedios experimentaron unha diminución interanual do 10,55% e os dos bens de capital diminuíron un 17,16%.

Clasificación por orixe/destino xeográfico

Por destino xeográfico, produciuse unha diminución interanual do 3,08% nos prezos dos bens exportados aos países da Unión Económica e Monetaria e una disminución do 3,47% nos das exportacións á Unión Europea. Os prezos das exportacións á OCDE diminuíron en xaneiro un 3,10% e os dos bens con destino ao resto do mundo aumentaron un 2,19%.

Por orixe dos bens importados, os prezos dos bens procedentes de países pertencentes á Unión Económica e Monetaria diminuíron un 3,87% en termos interanuais. Os prezos das importacións procedentes da Unión Europea diminuíron un 3,63%, os prezos dos bens procedentes de países da OCDE diminuíron un 3,76% e os prezos dos bens importados procedentes do resto do mundo diminuíron un 13,16%.

Definicións, fontes e máis información

Definicións

• Definicións

Descarga de datos

• Índices de valor unitario encadeados por áreas xeográficas. Referencia 2010
• Índices de valor unitario encadeados por destino económico. Referencia 2010

Fontes de información

IGE. Índices de valor unitario para o comercio exterior. Referencia 2010.