Enquisa de poboación activa (EPA)
Datos correspondentes ao segundo trimestre de 2026
Data de publicación: 28/07/2026
descarga en pdf
Principais resultados
- No segundo trimestre de 2026, a taxa de paro en Galicia baixou en 1,1 puntos porcentuais en termos interanuais, situándose no 7,9%.
- O número de persoas paradas en Galicia situouse en 101.100, cun descenso interanual do 4,7 % e do 12,8% respecto do trimestre anterior.
- O número de persoas ocupadas en Galicia aumentou un 0,6 % respecto ao mesmo período do ano anterior, ata acadar as 1.172.000 persoas.
1 Poboación en relación coa actividade económica
No segundo trimestre, a poboación activa de Galicia rexistrou unha variación interanual do 0,1 %, situándose en 1.273.100 persoas. En paralelo, o número de persoas ocupadas experimentou unha taxa de variación interanual do 0,6 %, ata acadar as 1.172.000 persoas. O colectivo de persoas paradas diminue un 4,7 % interanual no mesmo intervalo temporal, quedando en 101.100 persoas.
| Poboación | Variación intertrimestral | Variación interanual | |
|---|---|---|---|
| Total | 2.401,3 | 0,5 | 0,7 |
| Activos | 1.273,1 | -1,6 | 0,1 |
| Poboación ocupada | 1.172,0 | -0,5 | 0,6 |
| Poboación parada | 101,1 | -12,8 | -4,7 |
| Inactivos | 1.128,2 | 3,0 | 1,3 |
| Fonte: INE. Enquisa de poboación activa (descarga da táboa) |
En relación co trimestre anterior o número de ocupados diminúe en 6.100 persoas e o de parados en 14.900.
Nos últimos dez trimestres, a taxa de variación interanual da poboación ocupada en Galicia situouse, en xeral, por debaixo da rexistrada no conxunto de España. Tras dous trimestres cunha taxa similar á española, no trimestre actual a taxa galega sitúase 1,7 puntos por baixo da española.
Taxa de variación interanual da poboación ocupada.
Unidade: Tanto por cento
Fonte: INE. Enquisa de poboación activa (descarga da táboa)
2 Poboación activa
A taxa de actividade baixou no segundo trimestre en 0,3 puntos porcentuais respecto ao mesmo período do ano anterior, situándose no 53 %. No caso dos homes, a taxa diminuíu en 0,8 puntos porcentuais ata alcanzar o 55,9 %, mentres que entre as mulleres aumentou 0,2 puntos porcentuais, situándose no 50,4 %. Con respecto ao pasado trimestre, a taxa de actividade diminúe en 1,2 puntos.
| Taxa de actividade | Variación absoluta trimestral | Variación absoluta anual | |
|---|---|---|---|
| Total | 53,0 | -1,2 | -0,3 |
| Homes | 55,9 | -0,8 | -0,8 |
| Mulleres | 50,4 | -1,4 | 0,2 |
| Fonte: INE. Enquisa de poboación activa (descarga da táboa) |
3 Poboación ocupada
O número de persoas ocupadas en Galicia aumentou no primeiro trimestre un 0,6 % respecto ao mesmo período do ano anterior, situándose en 1.172.000 persoas. A poboación ocupada feminina aumentou un 1,7 %, mentres que a masculina diminuiu o 0,5% no mesmo período. Deste xeito, a poboación ocupada masculina, con 587.000 homes, é lixeiramente superior á feminina, que suma 585.000 mulleres.
| Poboación ocupada | Taxa intertrimestral (%) | Taxa interanual (%) | |
|---|---|---|---|
| Total | 1.172 | -0,5 | 0,6 |
| Homes | 587 | -0,9 | -0,5 |
| Mulleres | 585 | -0,1 | 1,7 |
| Fonte: INE. Enquisa de poboación activa (descarga da táboa) |
Por grupos de idade, os incrementos anuais rexístranse nos colectivos de 55 e máis anos (6,2 %) e de 16 a 24 anos (1,8 %). O número de ocupados de 25 a 54 diminúe un 1,4 % no período.
| Poboación ocupada | Taxa intertrimestral (%) | Taxa interanual (%) | |
|---|---|---|---|
| Total | 1.172,0 | -0,5 | 0,6 |
| de 16 a 24 anos | 51,9 | 3,0 | 1,8 |
| de 25 a 54 anos | 821,3 | -1,6 | -1,4 |
| de 55 e máis anos | 298,9 | 2,0 | 6,2 |
| Fonte: INE. Enquisa de poboación activa (descarga da táboa) |
Segundo a situación profesional, o 82,44 % da poboación ocupada en Galicia no primeiro trimestre é asalariada. Deste total, o 65,63 % corresponde ao sector privado e o 16,81 % ao sector público. Pola súa banda, os traballadores independentes e os empresarios sen asalariados representan o 11,60 %, mentres que os empresarios con persoal asalariado supoñen o 5,48 %.
| Poboación ocupada | Distribución (%) | |
|---|---|---|
| Total | 1.172,0 | 100,00 |
| Empresario con asalariados | 64,2 | 5,48 |
| Traballador independente ou empresario sen asalariados | 136,0 | 11,60 |
| Asalariado do sector público | 197,0 | 16,81 |
| Asalariado do sector privado | 769,2 | 65,63 |
| Outra situación | 5,6 | 0,48 |
| Fonte: INE. Enquisa de poboación activa (descarga da táboa) |
4 Poboación parada
A taxa de paro diminuiu no segundo trimestre en Galicia en 0,4 puntos porcentuais en termos interanuais e en 1,1 puntos respecto do trimestre anterior, situándose no 7,9 %. Esta taxa é a máis baixa desde o ano 2008. A taxa de paro masculina baixou en 0,2 puntos porcentuais, situándose no 8,4 %, e a taxa de paro feminina quedou no 7,5 %, cunha diminución interanual de 0,5 puntos porcentuais.
| Taxa de paro | Variación absoluta trimestral | Variación absoluta anual | |
|---|---|---|---|
| Total | 7,9 | -1,1 | -0,4 |
| Homes | 8,4 | 0,0 | -0,2 |
| Mulleres | 7,5 | -2,0 | -0,5 |
| Fonte: INE. Enquisa de poboación activa (descarga da táboa) |
O número de persoas paradas en Galicia ascende a 101.100, cun descenso do 4,7% en termos interanuais e do 12,8% en termos intertrimestrais . Deste total, 53.600 son homes e 47.500 son mulleres.
| Poboación | Taxa intertrimestral (%) | Taxa interanual (%) | |
|---|---|---|---|
| Total | 101,1 | -12,8 | -4,7 |
| Homes | 53,6 | -1,5 | -4,1 |
| Mulleres | 47,5 | -22,8 | -5,4 |
| Fonte: INE. Enquisa de poboación activa (descarga da táboa) |
A taxa de paro en Galicia mantívose por debaixo da española nos últimos 10 trimestres, situándose no segundo trimestre de 2026 2 puntos porcentuais por baixo da española, ao situarse no 7,9%, fronte ao 9,9% a nivel estatal.
Taxa de paro
Unidade: Tanto por cento
Fonte: INE. Enquisa de poboación activa (descarga da táboa)
5 Notas metodolóxicas
A Enquisa de poboación activa (EPA) é unha investigación por mostraxe, continua e dirixida aos fogares que o Instituto Nacional de Estadística (INE) realiza dende 1964.
A finalidade principal da EPA é coñecer a actividade económica no relativo ao seu compoñente humano. Está orientada a dar datos das principais categorías poboacionais en relación co mercado de traballo (poboación ocupada, parada, activa e inactiva) e a obter clasificacións destas categorías segundo diversas características. Tamén posibilita confeccionar series temporais homoxéneas de resultados.
6 Metodoloxía, definicións, fontes e máis información
Metodoloxía
Definicións
Descarga de datos
Poboación de 16 e máis anos por sexo, grupos de idade e relación coa actividade económica. Galicia
Taxas de actividade, ocupación e paro por sexo. Galicia e provincias
Poboación ocupada por sexo, grupos de idade e sector económico (CNAE 2009). Galicia
Fontes de información
INE. Enquisa de poboación activa (EPA)