Construción de edificios
Datos correspondentes a xuño de 2026
Resumo de resultados 30/09/2026
descarga en pdf
Principais resultados
- As vivendas a crear en rehabilitación representaron o 29,1% das vivendas previstas a crear no primeiro semestre de 2026, a proporción máis elevada de todos os semestres desde o inicio da serie elaborada polo IGE.
- No primeiro semestre de 2026, as vivendas de nova planta diminuíron un 20,9% respecto ao mesmo período de 2025.
- En xuño de 2026 contabilizáronse 370 licenzas de obra; as licenzas concedidas prevén a creación de 453 vivendas de nova planta e unha variación neta do parque de 555 vivendas.
Gráfico coa evolución da variación neta do parque de vivendas. Galicia
Fonte: IGE. Construción de edificios (descarga da táboa)
1 Licenzas e edificios
Para interpretar os datos, cómpre distinguir entre licenzas, edificios e vivendas.
A licenza é a autorización municipal para realizar unha obra maior; pode afectar a un ou varios edificios (residenciais ou non residenciais) ou referirse a locais. As vivendas son as unidades residenciais que se prevé crear, rehabiliar ou demoler como resultado desas actuacións.
Por iso, o número de licenzas, edificios e vivendas non ten por que coincidir.
En xuño de 2026 contabilizáronse 370 licenzas de obra en Galicia, un 1,1% menos que no mesmo mes de 2025. No acumulado xaneiro-xuño de 2026 rexistráronse 2.040 licenzas, un 6,6% máis que no primeiro semestre do ano anterior.
En canto aos edificios, en xuño de 2026 diminuíron os de nova planta e aumentaron os destinados a rehabilitación e demolición. A mesma pauta mantense no conxunto do primeiro semestre de 2026.
| Indicador | Xuño 2026 | Variación interanual | Acumulado Xanerio-Xuño 2026 | Variación interanual do acumulado |
|---|---|---|---|---|
| Licencias totais | 370 | -1,1 | 2.040 | 6,6 |
| Edificios de nova planta | 186 | -17,0 | 976 | -10,0 |
| Edificios a rehabilitar | 186 | 12,0 | 1.059 | 11,8 |
| Edificios a demoler | 49 | 75,0 | 193 | 58,2 |
| Fonte: IGE. Construción de edificios (descarga da táboa) |
En xuño de 2026, 193 concellos non concederon ningunha licenza de obra.
2 Vivendas
As licenzas concedidas en xuño de 2026 prevén a creación de 453 vivendas de nova planta, un 8,1% máis que un ano antes, e de 138 vivendas mediante rehabilitación, un 40,8% máis. A variación neta do parque de vivendas1 sitúase en 555 vivendas.
No primeiro semestre de 2026, as vivendas de nova planta diminuíron un 20,9% e as creadas mediante rehabilitación aumentaron un 33,0%. Estas últimas representaron o 29,1% das vivendas previstas a crear, fronte ao 19,6% no mesmo período de 2025. A variación neta do parque de vivendas sitúase en 2.309 vivendas, un 12,5% menos ca un ano antes.
| Indicador | Xuño 2026 | Variación interanual | Acumulado Xanerio-Xuño 2026 | Variación interanual do acumulado |
|---|---|---|---|---|
| Vivendas a crear en nova planta | 453 | 8,1 | 1.746 | -20,9 |
| Vivendas a crear en rehabilitación | 138 | 40,8 | 717 | 33,0 |
| Vivendas a demoler | 36 | 44,0 | 154 | 43,9 |
| Variación neta do parque de vivendas | 555 | 12,8 | 2.309 | -12,5 |
| Fonte: IGE. Construción de edificios (descarga da táboa) |
3 Distribución territorial da obra nova
As vivendas de obra nova previstas en xuño de 2026 presentan unha elevada concentración territorial. Por provincias, Lugo (206 vivendas) e Pontevedra (182) concentran o 85,7% do total previsto. Entre os concellos, Lugo (115 vivendas), Vilagarcía de Arousa (107) e Monforte de Lemos (70) reúnen o 64,5% do total previsto en Galicia.
Fonte: IGE. Construción de edificios (descarga da táboa)
Fonte: IGE. Construción de edificios (descarga da táboa)
4 Notas metodolóxicas
A operación estatística Construción de edificios ofrece información sobre as licenzas de obra maior que conceden os concellos de Galicia. O colectivo de informantes constitúeo o conxunto dos promotores inmobiliarios e/ou técnicos colexiados que asinan os proxectos de edificación.
A estatística ofrece información sobre o número de edificacións de nova planta a construír (con distinción de se se trata de edificios residenciais ou non residenciais), a rehabilitar e a demoler. Tamén informa sobre as vivendas de nova planta ás que darán lugar as novas edificacións, o número de vivendas creadas en rehabilitación e a demoler, así como da variación neta do parque de vivendas.
5 Metodoloxía, definicións, fontes e máis información
Metodoloxía
Definicións
Descarga de datos
Número de edificios e superficie a construír. Galicia. Datos mensuais
Licenzas de obras por concellos. Datos mensuais desde o ano 2020
Vivendas a crear de nova planta. Datos mensuais desde o ano 2020
Fontes de información
IGE. Construción de edificios.
variación neta do parque de vivendas calcúlase como a suma do número de vivendas a crear en nova planta e o de vivendas a crear en rehabilitación, menos o número de vivendas a demoler.↩︎