Portal educativo IGE

ver o mapa do portal

Economía. Empresas
Exercicios


  1. Descarga os datos do número de empresas con sede social en Galicia segundo a actividade principal e o estrato de asalariados.

    Ver datos do número de empresas por actividade e tamaño

    Calcula, para cada columna (tamaño da empresa), a porcentaxe de empresas dedicadas a cada unha das seccións de actividades. A vista dos datos, contesta ás seguintes preguntas:

    • ¿A que actividade se dedican principalmente as persoas físicas e as microempresas (ata 9 asalariados)?
    • ¿E as grandes empresas (250 asalariados ou máis)?
    • ¿Que comentarías sobre a industria manufactureira?
    • ¿E sobre a hostalaría?
    • ¿Que máis destacarías?

  2. Descarga os datos do número de empresas con actividade en Galicia segundo a actividade principal e a sede social (cada unha das provincias galegas ou sede fóra de Galicia).

    Ver datos do número de empresas por actividade e sede social. Total empresas

    Ver datos do número do número de empresas por actividade e sede social. Persoas físicas

    Calcula, unha táboa similar ás anteriores para o total de persoas xurídicas.
    Calcula, para cada columna (provincia galega ou sede social fóra de Galicia), a porcentaxe de empresas dedicadas a cada unha das actividades. Ten en conta que o directorio de empresas non inclúe as seccións A e B da CNAE correspondentes á agricultura, gandaría, caza, silvicultura e pesca e contesta ás seguintes preguntas:

    • ¿Existen diferenzas entre a distribución por actividades das persoas xurídicas e das persoas físicas?
    • ¿Existen diferenzas entre a distribución por actividades entre as diferentes provincias galegas?, en que actividades destaca cada unha das provincias galegas? (distingue entre persoas físicas e persoas xurídicas)
    • A distribución por actividade principal, ¿é diferente para as empresas con sede social en Galicia ou noutras comunidades autónomas?, ¿que destacarías?
    • Como xa se indicou, esta operación non inclúe as empresas do sector primario debido, entre outras razóns, á dificultade para a súa clasificación e a que, en Galicia, en moitos casos de economías de autoconsumo ou subsistencia non se declaran estas actividades económicas. No suposto de que se incluísen as ramas agrícolas, gandeiras e da pesca, ¿cres que cambiaría a distribución de actividades das empresas?, ¿que provincias sobresairían?