Definicións

Enquisa sobre a percepción da competencia en Galicia

Actividade económica

É a creación de valor engadido mediante a produción de bens e servizos, intervindo o traballo, o capital e as materias primas


Actividade principal

É aquela que xera maior valor engadido. Se non se dispón desta información, considérase aquela que proporcione o maior valor de produción, ou no seu defecto, a que empregue un maior número de persoas ocupadas.


Competencia

Situación na que os axentes económicos (empresas e consumidores) teñen unha efectiva liberdade, tanto de ofrecer bens e servizos como de elixir a quen e en que condicións adquírenos.


Conduta colusoria

Acordo, decisión ou recomendación colectiva, ou práctica concertada ou conscientemente paralela, que produza ou poida producir o efecto de impedir, restrinxir ou falsear a competencia dun mercado.


Defensa da competencia

Conxunto de actuacións levadas a cabo polas autoridades da competencia co fin de perseguir as condutas restritivas da competencia e restablecer a libre competencia nos mercados.


Empresa (enquisas IGE)

Combinación máis pequena de unidades xurídicas que constitúe unha unidade organizativa de produción de bens e servizos e que goza dunha certa autonomía de decisión.


Posición dominante

Situación na que unha empresa ten a posibilidade de desenvolver un comportamento relativamente independente que lle permita actuar no mercado sen ter en conta aos provedores, clientes ou consumidores ou aos competidores.



Este sitio web utiliza cookies propias de tipo técnico e de terceiros para optimizar o seu uso. As cookies non se utilizan para recoller información de carácter persoal.
Se continúa navegando considérase que acepta o seu uso. Coñeza a nosa política de cookies
     De acordo
   Compartir: