Estudo Salarios. Salarios nas fontes tributarias
Datos correspondentes ao ano 2024
Data de publicación: 12/12/2025
ÍNDICE
descarga en pdf
Estudo de salarios / Salarios nas fontes tributarias
Principais resultados
En 2024, o salario medio anual en Galicia situouse en 24.232 euros, o dato máis elevado da serie 1999-2024.
Con respecto a 2023, o salario medio das mulleres medrou máis que o dos homes, porén, persisten as diferenzas entre xénero: o salario medio dos homes é superior ao das mulleres. Este patrón tamén se produce no conxunto do Estado.
En 2024, o salario medio é un 3 % máis elevado en España que en Galicia, se ben, esta diferenza reduciuse desde 1999, ano no que o diferencial era do 7,2 %.
Con respecto a España, Galicia presenta unha distribución dos salarios por tramos menos desigual.
1 Introdución
Neste apartado utilízase a estatística “Mercado de trabajo y Pensiones en las fuentes tributarias” realizada pola Axencia Tributaria para facer unha análise dos salarios dende a óptica do perceptor e utilízanse como variables de clasificación a provincia e a Comunidade Autónoma, o sexo, a idade, a rama de actividade e os tramos de salario. A estatística achega información desde o ano 1999 ata o ano 2024.
A estatística ten carácter censual e está baseada nas declaracións anuais do Modelo 190 que presentan todas as persoas físicas, xurídicas e demais entidades que, ademais de estar obrigadas a reter ou ingresar a conta polo imposto sobre a Renda das Persoas Físicas, satisfagan ou abonen algunha renda no ano de referencia da estatística.
Esta estatística permite coñecer o perfil demográfico da poboación asalariada por sexo, a masa salarial por tramos de idade e polo tanto, o salario medio para cada tramo. Ademais, tamén proporciona a clasificación dos asalariados para 10 ramas de actividade co seu correspondente salario medio.
Á hora de interpretar os resultados debe terse en conta que nesta estatística ao longo do ano as persoas poden obter percepcións salariais de máis dunha empresa e dous ou máis tipos de percepcións. Ademais o número de asalariados anuais calcúlase como a suma de persoas que ao longo do ano tiveron algunha percepción salarial; e o salario medio anual como a suma dos salarios anuais dividida polo número de asalariados. En consecuencia, o salario medio anual tende a ter un nesgo á baixa en comparación con outras estatísticas nas que o denominador é o número de asalariados calculado como media anual. Un incremento da temporalidade, por exemplo, fará que o salario medio calculado neste apartado diminúa máis que un salario por hora traballada.
2 Percepcións salariais segundo o grupo de poboación ao que pertencen as persoas asalariadas. Galicia
As persoas asalariadas poden clasificarse segundo o grupo de poboación ao que pertencen. Estes grupos son os seguintes: poboación que só percibe salario, poboación que percibe salario e pensión, poboación que percibe salario e prestación por desemprego e poboación que percibe salario, pensión e prestación por desemprego.
En 2024, 1.106.738 residentes en Galicia percibiron rendas salariais. Deles, algo máis de 907 mil recibiron só rendas salariais, o 82,0% das persoas asalariadas. Dentro do colectivo de asalariados, o 13,4% percibiu tamén prestacións por desemprego en 2024.
O tipo medio de retención incrementouse con respecto ao ano anterior e situouse no 16,0%. Os colectivos que presentan o tipo máis alto son os que perciben só rendas salariais ou rendas salariais e pensións (16,6% e 16,9% respectivamente).
| 2022 | 2023 | 2024 | |
|---|---|---|---|
| Total | |||
| Persoas | 1.067.825 | 1.083.004 | 1.106.738 |
| Retribucións (miles de €) | 23.491.180 | 25.181.587 | 26.818.320 |
| Retribución anual media (€) | 21.999 | 23.252 | 24.232 |
| Retencións (miles de €) | 3.590.961 | 3.923.020 | 4.296.160 |
| Tipo de retención (%) | 15,29 | 15,58 | 16,02 |
| Asalariados | |||
| Persoas | 856.766 | 886.646 | 907.900 |
| Retribucións (miles de €) | 20.612.538 | 22.452.914 | 23.998.053 |
| Retribución anual media (€) | 24.059 | 25.323 | 26.432 |
| Retencións (miles de €) | 3.280.978 | 3.628.907 | 3.980.266 |
| Tipo de retención (%) | 15,92 | 16,16 | 16,59 |
| Asalariados e pensionistas | |||
| Persoas | 44.255 | 44.840 | 50.637 |
| Retribucións (miles de €) | 765.981 | 810.955 | 917.637 |
| Retribución anual media (€) | 17.308 | 18.086 | 18.122 |
| Retencións (miles de €) | 122.959 | 131.225 | 154.922 |
| Tipo de retención (%) | 16,05 | 16,18 | 16,88 |
| Asalariados e desempregados | |||
| Persoas | 162.014 | 147.064 | 143.887 |
| Retribucións (miles de €) | 2.063.076 | 1.869.220 | 1.857.460 |
| Retribución anual media (€) | 12.734 | 12.710 | 12.909 |
| Retencións (miles de €) | 182.973 | 158.575 | 157.351 |
| Tipo de retención (%) | 8,87 | 8,48 | 8,47 |
| Asalariados, pensionistas e desempregados | |||
| Persoas | 4.790 | 4.454 | 4.314 |
| Retribucións (miles de €) | 49.584 | 48.499 | 45.169 |
| Retribución anual media (€) | 10.352 | 10.889 | 10.470 |
| Retencións (miles de €) | 4.051 | 4.314 | 3.621 |
| Tipo de retención (%) | 8,17 | 8,9 | 8,02 |
| Fonte: Agencia Estatal de la Administración Tributaria. Mercado de trabajo y pensiones en las fuentes tributarias (descarga da táboa). |
Fonte: Agencia Estatal de la Administración Tributaria. Mercado de trabajo y pensiones en las fuentes tributarias (descarga da táboa).
Fonte: Agencia Estatal de la Administración Tributaria. Mercado de trabajo y pensiones en las fuentes tributarias (descarga da táboa).
3 Salario medio anual
3.1 Salario medio anual. España e Galicia
No ano 2024 rexístrase o salario medio anual máis alto da serie desta estatística en Galicia (24.232 euros). O número de persoas que recibiron un salario en 2024 incrementouse ata os 1.106.738 e tamén aumenta a retribución total, que alcanza o seu máximo na serie temporal. O salario medio anual rexistrou en Galicia un incremento de 980 euros, un 4,2% máis que o ano anterior. En España, tamén se alcanza o valor máis alto da serie do salario medio anual no ano 2024 (24.962 euros).
Ademais, no periodo 1999-2024, o salario medio anual de Galicia reduce as diferenzas con respecto ao salario medio anual en España, aínda que este último segue a ser superior. Así, o salario medio anual en España é superior ao de Galicia nun 3,0% no ano 2024 fronte ao 7,2% no ano 1999.
O salario medio anual das mulleres incrementouse nun 4,7% no último ano en Galicia, mentres nos homes só alcanza o 3,9%. Este comportamento é similar ao ocorrido no conxunto do Estado, no que tamén se produce un maior incremento porcentual no salario medio das mulleres que no dos homes (un 4,5% e un 3,9%, respectivamente). Non obstante, no ano 2024 o salario medio anual dos homes segue a ser superior ao das mulleres tanto en Galicia como en España (21,6% e 23,2%, respectivamente).
|
Ambos sexos
|
Homes
|
Mulleres
|
||||
|---|---|---|---|---|---|---|
| España | Galicia | España | Galicia | España | Galicia | |
| 2015 | 18.645 | 17.839 | 20.779 | 19.899 | 16.143 | 15.501 |
| 2016 | 18.835 | 18.114 | 21.026 | 20.243 | 16.281 | 15.730 |
| 2017 | 19.172 | 18.463 | 21.417 | 20.554 | 16.568 | 16.123 |
| 2018 | 19.809 | 19.159 | 22.095 | 21.327 | 17.180 | 16.755 |
| 2019 | 20.566 | 19.879 | 22.875 | 22.038 | 17.927 | 17.511 |
| 2020 | 20.503 | 19.900 | 22.640 | 21.887 | 18.047 | 17.720 |
| 2021 | 21.519 | 20.786 | 23.724 | 22.818 | 19.011 | 18.580 |
| 2022 | 22.781 | 21.999 | 25.137 | 24.185 | 20.138 | 19.666 |
| 2023 | 23.981 | 23.252 | 26.390 | 25.527 | 21.298 | 20.840 |
| 2024 | 24.962 | 24.232 | 27.411 | 26.527 | 22.255 | 21.821 |
| Fonte: Agencia Estatal de la Administración Tributaria. Mercado de trabajo y pensiones en las fuentes tributarias (descarga da táboa). | ||||||
Fonte: Agencia Estatal de la Administración Tributaria. Mercado de trabajo y pensiones en las fuentes tributarias (descarga da táboa).
Fonte: Agencia Estatal de la Administración Tributaria. Mercado de trabajo y pensiones en las fuentes tributarias (descarga da táboa).
3.2 Salario medio anual por sexo e grupos de idade. Galicia
O salario medio é superior nos homes en todos os niveis de idade. En 2024, tanto no caso dos homes como no caso das mulleres, produciuse unha suba do salario medio en todos os grupos de idade coa excepción do grupo que recolle aos maiores de 65 anos. En 2024, neste grupo hai 19.601 asalariados, dos 1.106.738 asalariados totais.
|
Ambos sexos
|
Homes
|
Mulleres
|
|||||||
|---|---|---|---|---|---|---|---|---|---|
| Idade | 2022 | 2023 | 2024 | 2022 | 2023 | 2024 | 2022 | 2023 | 2024 |
| Total idade | 21.999 | 23.252 | 24.232 | 24.185 | 25.527 | 26.527 | 19.666 | 20.840 | 21.821 |
| Menor de 18 anos | 1.843 | 1.689 | 1.844 | 2.119 | 1.934 | 2.102 | 1.515 | 1.383 | 1.488 |
| De 18 a 25 anos | 7.948 | 8.649 | 9.203 | 8.821 | 9.629 | 10.236 | 6.969 | 7.559 | 8.055 |
| De 26 a 35 anos | 17.854 | 19.102 | 20.183 | 18.810 | 20.016 | 21.180 | 16.871 | 18.160 | 19.154 |
| De 36 a 45 anos | 22.553 | 23.941 | 25.000 | 24.819 | 26.246 | 27.250 | 20.210 | 21.570 | 22.704 |
| De 46 a 55 anos | 25.635 | 27.016 | 28.260 | 28.684 | 30.199 | 31.501 | 22.388 | 23.662 | 24.899 |
| De 56 a 65 anos | 26.815 | 27.992 | 28.732 | 29.310 | 30.734 | 31.510 | 24.008 | 24.954 | 25.693 |
| Maior de 65 anos | 23.618 | 24.573 | 23.949 | 27.323 | 28.661 | 28.364 | 18.779 | 19.527 | 19.002 |
| Fonte: Agencia Estatal de la Administración Tributaria. Mercado de trabajo y pensiones en las fuentes tributarias (descarga da táboa). | |||||||||
Fonte: Agencia Estatal de la Administración Tributaria. Mercado de trabajo y pensiones en las fuentes tributarias (descarga da táboa).
Fonte: Agencia Estatal de la Administración Tributaria. Mercado de trabajo y pensiones en las fuentes tributarias (descarga da táboa).
3.3 Salario medio anual por ramas de actividade. España e Galicia
En Galicia, no ano 2024 o maior salario medio rexístrase no sector das “Entidades financeiras e aseguradoras” e o menor nos “Outros servizos persoais e de ocio”. Con respecto a 2023 medra o salario medio anual en todos os sectores.
En canto ás diferenzas de nivel no salario medio por sectores, Galicia supera a España no sector primario (no que o emprego asalariado ten pouca entidade en Galicia), no sector da construción e no “Comercio, reparacións e transporte”. No resto de sectores o salario medio anual é superior en España, e as maiores diferenzas prodúcense en “Entidades financeiras e aseguradoras” e “Información e comunicacións”. As diferenzas máis pequenas están en “Servizos sociais”.
|
2020
|
2021
|
2022
|
2023
|
2024
|
||||||
|---|---|---|---|---|---|---|---|---|---|---|
| Sector | España | Galicia | España | Galicia | España | Galicia | España | Galicia | España | Galicia |
| Total sectores | 20.503 | 19.900 | 21.519 | 20.786 | 22.781 | 21.999 | 23.981 | 23.252 | 24.962 | 24.232 |
| Agricultura, gandería, silvicultura e pesca | 8.411 | 15.619 | 9.037 | 16.507 | 9.803 | 17.786 | 10.713 | 18.651 | 11.425 | 19.874 |
| Industria extractiva, enerxía e auga | 29.799 | 29.233 | 29.990 | 29.780 | 32.117 | 31.070 | 33.276 | 31.846 | 33.997 | 32.525 |
| Industria | 24.188 | 21.870 | 25.442 | 22.903 | 26.673 | 24.462 | 28.076 | 26.208 | 29.354 | 27.277 |
| Construción e actividades inmobiliarias | 18.716 | 18.868 | 19.979 | 19.953 | 21.141 | 21.218 | 22.375 | 22.781 | 23.408 | 23.917 |
| Comercio, reparacións e transporte | 18.446 | 18.227 | 19.695 | 19.238 | 21.094 | 21.001 | 22.288 | 22.417 | 23.250 | 23.542 |
| Información e comunicacións | 32.645 | 25.771 | 33.566 | 26.625 | 35.253 | 27.708 | 37.114 | 29.678 | 38.548 | 30.589 |
| Entidades financeiras e aseguradoras | 43.955 | 34.417 | 43.982 | 34.889 | 45.431 | 35.680 | 48.300 | 38.388 | 50.614 | 39.788 |
| Servizos ás empresas | 18.347 | 15.593 | 19.285 | 16.331 | 20.206 | 16.958 | 21.614 | 18.430 | 22.660 | 19.376 |
| Servizos sociais | 26.225 | 26.074 | 26.722 | 26.720 | 28.201 | 27.985 | 29.320 | 29.010 | 30.227 | 29.852 |
| Outros servizos persoais e de ocio | 9.342 | 8.500 | 10.844 | 9.657 | 12.718 | 11.109 | 13.589 | 11.780 | 14.277 | 12.557 |
| Fonte: Agencia Estatal de la Administración Tributaria. Mercado de trabajo y pensiones en las fuentes tributarias (descarga da táboa). | ||||||||||
Fonte: Agencia Estatal de la Administración Tributaria. Mercado de trabajo y pensiones en las fuentes tributarias (descarga da táboa).
4 Persoas asalariadas e percepcións salariais por grupos de idade. España e Galicia
Nos seguintes gráficos amósase a estrutura comparada das persoas asalariadas e da masa salarial por grupo de idade de Galicia e España.
Fonte: Agencia Estatal de la Administración Tributaria. Mercado de trabajo y pensiones en las fuentes tributarias (descarga da táboa).
Fonte: Agencia Estatal de la Administración Tributaria. Mercado de trabajo y pensiones en las fuentes tributarias (descarga da táboa).
As observacións máis salientables resúmense nos seguintes puntos:
A poboación asalariada galega está máis envellecida que a española. A proporción da poboación asalariada que ten máis de 55 anos supera á media española en 1,5 puntos porcentuales. En contraste, os novos (menores de 36 anos) teñen maior peso en España que en Galicia: un 31,9% fronte a un 27,1%.
Na poboación nova asalariada (menor de 36 anos) existe unha gran diferenza entre o peso da súa masa salarial e o peso poboacional no conxunto de persoas asalariadas: en Galicia esta diferenza é de 8,9 puntos e en España de 10,3 puntos. En Galicia implica que o 27,1% da poboación asalariada recibe o 18,3% da masa salarial.
No resto de grupos de idade a proporción de masa salarial supera á de poboación, sendo o grupo de 46 a 55 anos o que presenta unha situación máis favorable: o 28,7% das persoas asalariadas absorben o 33,5% da masa salarial.
5 Datos provinciais
5.1 Salario medio anual por provincias
Ata o ano 2024 a evolución do salario medio anual é similar nas catro provincias: forte crecemento ata o ano 2008, moderación nos anos 2009 e 2010 e diminución ata o ano 2013, no que o salario medio se estabiliza con lixeiras variacións á alza ou á baixa. Desde 2015 rexístranse crecementos nas catro provincias ata o ano 2019. A partir do ano 2020 acelérase o ritmo de crecemento anual dos salarios en todas as provincias. Os crecementos absolutos acumulados neste último periodo rondan os 4.000 euros, o que representa un crecemento porcentual do 21,8% no salario medio do 2024 con respecto ao 2020. O comportamento é positivo nas catro provincias, e a provincia da Coruña é a que rexistra un maior incremento porcentual do salario medio anual.
A Coruña é a única provincia na que o salario medio supera á media galega e o fai nun 7,1%. Pola contra, nas outras tres provincias o salario medio anual é inferior ao de Galicia: un 4,3% menos no caso de Pontevedra, seguida por Lugo e Ourense cun 6,3% menos e un 8,0% menos, respectivamente.
| Galicia | A Coruña | Lugo | Ourense | Pontevedra | |
|---|---|---|---|---|---|
| 2015 | 17.839 | 18.972 | 16.806 | 16.595 | 17.184 |
| 2016 | 18.114 | 19.360 | 16.954 | 16.680 | 17.422 |
| 2017 | 18.463 | 19.539 | 17.409 | 17.109 | 17.898 |
| 2018 | 19.159 | 20.385 | 17.959 | 17.614 | 18.529 |
| 2019 | 19.879 | 21.208 | 18.648 | 18.280 | 19.160 |
| 2020 | 19.900 | 21.172 | 18.963 | 18.447 | 19.105 |
| 2021 | 20.786 | 22.000 | 19.823 | 19.398 | 20.046 |
| 2022 | 21.999 | 23.456 | 20.788 | 20.355 | 21.097 |
| 2023 | 23.252 | 24.840 | 21.939 | 21.473 | 22.259 |
| 2024 | 24.232 | 25.959 | 22.704 | 22.294 | 23.182 |
| Fonte: Agencia Estatal de la Administración Tributaria. Mercado de trabajo y pensiones en las fuentes tributarias (descarga da táboa). |
Fonte: Agencia Estatal de la Administración Tributaria. Mercado de trabajo y pensiones en las fuentes tributarias (descarga da táboa).
5.2 Tramos de salario. Índice de Gini por sexo e por provincias
A estatística da Axencia Tributaria ofrece, para o colectivo de asalariados, información por 13 tramos de salario. Para establecer os tramos tómase como referencia o Salario Mínimo Interprofesional. Con esta distribución por tramos represéntase a curva de Lorenz e calcúlase o índice de Gini.
A curva de Lorenz amosa graficamente a concentración do ingreso ou da riqueza dun espazo determinado (o máis usual é o conxunto de persoas ou fogares dun país ou rexión). Canto máis cerca esté a curva da recta que une os puntos (0,0) e (100,100), máis igualitaria será a distribución da renda. O caso extremo é cando a distribución coincide coa recta, no que todos os individuos percibirían a mesma renda. Cos datos obxecto de análise, relaciónanse as porcentaxes acumuladas de poboación asalariada coas porcentaxes acumuladas de masa salarial nun ano.
A partir da curva de Lorenz calcúlase o índice de Gini, que proporciona unha medida cuantitativa do grao de concentración dos ingresos (ou da riqueza) dun determinado país, rexión ou grupo social. Este coeficiente varía entre 0 e 1, onde o 0 indica a igualdade máxima e o 1 cando un só individuo acapara todo o ingreso. Polo tanto, este coeficiente permítenos facer comparacións no grao de desigualdade entre os grupos obxecto de estudo e a súa evolución no tempo.
Fonte: Elaboración propia a partir dos datos de Mercado de trabajo y pensiones en las fuentes tributarias de la AEAT
En primeiro lugar represéntase a curva de Lorenz de Galicia e de España. A imaxe das dúas curvas superpostas indica que a distribución salarial en España é lixeiramente máis desigual que en Galicia.
Se se comenza polos salarios máis baixos, vese que en Galicia hai un 34,1% da poboación asalariada que percibe un 11,0% da masa salarial (en España o 37,0% das persoas asalariadas percibe o 11,3% da masa salarial) e que o 76,7% absorbe o 50,5% dos salarios en Galicia, e en España o 74,8% do colectivo asalariado o 45,4% da masa salarial.
Se nos situamos nas rendas salariais máis elevadas, en Galicia un 8,6% das persoas asalariadas reciben o 26,0% da masa salarial, en cambio en España un 10,4% recibe o 31,6% dos salarios totais.
As rendas salariais están máis concentradas en España que en Galicia, é dicir, a distribución do ingreso é menos desigual na nosa Comunidade autónoma.
Como se deduce do gráfico no que se representa o índice de Gini referido ao ano 2024, a desigualdade nos ingresos por salarios, é maior nas mulleres que nos homes nas catro provincias, sendo Lugo a que rexistra a diferenza máis elevada. Ou dito doutro xeito, as diferenzas salariais son máis elevadas nas mulleres asalariadas que nos homes asalariados.
En canto á evolución temporal, o grao de desigualdade víñase reducindo desde o ano 2017, coa excepción de 2020, e mantense prácticamente constante no ano 2024, con respecto ao 2023.
Fonte: Elaboración propia a partir dos datos de Mercado de trabajo y pensiones en las fuentes tributarias de la AEAT
Fonte: Elaboración propia a partir dos datos de Mercado de trabajo y pensiones en las fuentes tributarias de la AEAT