Estudo Salarios. A remuneración do factor traballo na economía galega
Datos correspondentes ao ano 2024
Data de publicación: 05/12/2025
descarga en pdf
Estudo de salarios / A remuneración do factor traballo na economía galega
Principais resultados
No ano 2024, o peso dos salarios representa o 44,2 % do PIB galego, 0,2 puntos porcentuais máis que en 2023.
O crecemento da remuneración de asalariados en Galicia en 2024 é mais moderado que no conxunto nacional.
A remuneración por hora asalariada en Galicia alcanzou en 2024 os 22,5 euros, case un euro máis que en 2023.
Galicia ten unha remuneración de asalariados por hora inferior á media europea en todos os sectores.
No ano 2024, a variación interanual do custo laboral unitario real é nula, o que significa que a remuneración media por asalariado medrou igual que o conxunto da produtividade por posto de traballo e os prezos.
1 Introdución
Os datos do Sistema de Contas Económicas de Galicia ofrecen unha perspectiva macroeconómica da remuneración do factor traballo na comunidade autónoma. A metodoloxía seguida na elaboración das Contas Económicas en Galicia permite realizar comparacións con outros espazos económicos. Neste apartado analizarase como evoluciona a remuneración dos asalariados en Galicia, en que sectores está máis concentrada e en cales a remuneración por hora é maior.
2 Peso da remuneración dos asalariados no PIB
A remuneración de asalariados é unha compoñente do Produto Interior Bruto cando se analiza pola vía das rendas. Indica qué parte do valor engadido bruto xerado por unha economía vai destinada a remunerar o factor traballo. Este concepto inclúe a remuneración total, en efectivo ou en especie, a pagar por un empregador a un asalariado a cambio do traballo realizado por este durante o exercicio contable. Non inclúe a remuneración do traballo non asalariado, que estaría recollida no excedente bruto de explotación, concretamente no concepto de “Renda mixta”.
É un concepto interior, isto é, considera as rendas do traballo pagadas por unidades residentes, independentemente da residencia do asalariado.
Nos tres espazos: Galicia, economía española e europea, a remuneración do factor traballo gañou peso no 2024. En Galicia, o peso dos salarios representa o 44,2 do PIB galego (0,2 puntos porcentuais máis que en 2023). Este indicador acadou o seu máximo en Galicia no ano 2009 (situándose no 48,1 do PIB). En España, o peso no PIB no ano 2024 tamén é menor ao de 2009. A participación das rendas salariais no PIB é inferior en Galicia que nos outros espazos económicos.
| 2015 | 2016 | 2017 | 2018 | 2019 | 2020 | 2021 | 2022 | 2023 | 2024 | |
|---|---|---|---|---|---|---|---|---|---|---|
| Galicia | 44,7 | 44,1 | 44,0 | 44,0 | 45,5 | 47,7 | 45,2 | 44,3 | 44,0 | 44,2 |
| España | 45,7 | 45,2 | 45,1 | 45,4 | 46,7 | 49,8 | 48,9 | 47,7 | 47,5 | 47,9 |
| UE27 | 46,8 | 47,0 | 47,0 | 47,4 | 47,6 | 48,7 | 47,5 | 46,6 | 46,9 | 47,7 |
| Fonte: IGE. Contas económicas trimestrais. Revisión Estatística 2024; Eurostat. National accounts (ESA 2010). |
Peso da remuneración dos asalariados no PIB. Galicia, España e Europa
Unidade: Porcentaxes
Fonte: IGE. Contas económicas trimestrais. Revisión Estatística 2024; Eurostat. National accounts (ESA 2010).
3 Evolución da remuneración de asalariados
En termos correntes, a evolución da remuneración de asalariados en Galicia volve a ser positiva no ano 2024, pero o seu crecemento é mais moderado que no conxunto nacional.
| 2015 | 2016 | 2017 | 2018 | 2019 | 2020 | 2021 | 2022 | 2023 | 2024 | |
|---|---|---|---|---|---|---|---|---|---|---|
| Galicia | 2,7 | 2,2 | 3,0 | 4,9 | 6,0 | -3,4 | 5,9 | 7,9 | 7,2 | 6,1 |
| España | 4,3 | 2,2 | 4,0 | 4,3 | 6,4 | -4,1 | 7,5 | 8,6 | 8,5 | 7,3 |
| UE27 | 2,8 | 3,2 | 4,2 | 4,3 | 4,0 | -1,6 | 6,3 | 7,3 | 7,4 | 6,1 |
| Fonte: IGE. Contas económicas trimestrais. Revisión Estatística 2024; Eurostat. National accounts (ESA 2010). |
A dinámica temporal da remuneración de asalariados en Galicia é semellante á de España, con un ritmo de crecemento superior ao da UE27 no período previo ao 2008 e no período 2022-2023, e unhas reducións máis pronunciadas que a UE27 no período 2010-2013.
Evolución da remuneración de asalariados en termos correntes. Galicia, España e Europa
Unidade: Taxa de variación interanual(%)
Fonte: IGE. Contas económicas trimestrais. Revisión Estatística 2024; Eurostat. National accounts (ESA 2010).
4 Remuneración de asalariados por hora efectiva asalariada
A remuneración por hora asalariada en Galicia alcanzou en 2024 os 22,5 euros. Esta cifra supón o 76,0% da remuneración por hora na UE27. Este diferencial Galicia-UE27 reduciuse desde o ano 2000 (a remuneración hora galega representaba o 71,1 % da europea) ao ano 2009, no que a remuneración por hora asalariada alcanzou o 79,6 %. Dende ese período o diferencial volve medrar.
| 2015 | 2016 | 2017 | 2018 | 2019 | 2020 | 2021 | 2022 | 2023 | 2024 | |
|---|---|---|---|---|---|---|---|---|---|---|
| Galicia | 16,3 | 16,5 | 16,6 | 17,3 | 18,0 | 19,6 | 19,5 | 20,7 | 21,6 | 22,5 |
| España | 19,5 | 19,5 | 19,7 | 20,0 | 20,9 | 22,2 | 22,5 | 23,2 | 24,4 | 25,6 |
| UE27 | 22,2 | 22,4 | 23,0 | 23,6 | 24,2 | 25,4 | 25,6 | 26,6 | 28,1 | 29,6 |
| Fonte: IGE. Contas económicas trimestrais. Revisión Estatística 2024; Eurostat. National accounts (ESA 2010). |
Pese a todo, o balance nos últimos 24 anos é positivo. Nesta comparativa, realizada a prezos correntes, non se está tendo en conta o diferencial no nivel de prezos entre os espazos económicos.
Remuneración de asalariados por hora efectiva asalariada. Galicia, España e Europa
Unidade: Euros/hora
Fonte: IGE. Contas económicas trimestrais. Revisión Estatística 2024; Eurostat. National accounts (ESA 2010).
5 Remuneración de asalariados por grandes sectores de actividade
A información do sistema de contas permite coñecer en qué sectores (ou ramas de actividade) está concentrada a remuneración de asalariados. Loxicamente, dependerá do volume de traballo asalariado, e da remuneración media en cada sector.
Como na meirande parte das economías occidentais, a remuneración dos asalariados concéntrase no sector servizos. Porén, en Galicia, o peso do sector servizos é inferior ao dato español ou da UE27. O peso do sector primario na remuneración dos asalariados é do 2,2% en Galicia no ano 2024, porcentaxe superior á remuneración deste sector en España ou Europa.
Distribución da remuneración de asalariados por sectores. Ano 2024
Unidade: Porcentaxes
Fonte: IGE. Contas económicas trimestrais. Revisión Estatística 2024; Eurostat. National accounts (ESA 2010).
Analizando a evolución do peso da remuneración de asalariados por sectores ao longo dos últimos 24 anos, obsérvase como o peso da industria vaise reducindo en todo o período; a construción sofre unha caída desde o ano 2007, e o sector servizos non deixa de medrar. Este fenómeno non só se produce en Galicia, senón tamén en España en na UE-27.
Distribución da remuneración de asalariados por sectores. Galicia
Unidade: Porcentaxes
Fonte: IGE. Contas económicas trimestrais. Revisión Estatística 2024.
Distribución da remuneración de asalariados por sectores. España
Unidade: Porcentaxes
Fonte: Eurostat. National accounts (ESA 2010).
Distribución da remuneración de asalariados por sectores. UE27
Unidade: Porcentaxes
Fonte: Eurostat. National accounts (ESA 2010).
6 Remuneración de asalariados por hora efectiva asalariada por sectores de actividade
Galicia ten unha remuneración de asalariados por hora inferior á media europea en todos os sectores. Con respecto a España, só no sector primario e na construción ten unha remuneración superior.
Con respecto á Unión Europea, as maiores diferenzas atópanse no sector Información e comunicacións e nas Actividades financeiras e de seguros. As diferenzas son menores no caso do sector da construción ou da Administración pública, sanidade e educación.
As actividades financeiras e de seguros, da Administración pública, sanidade e educación e de información e comunicacións son as que presentan unha maior remuneración por hora en Galicia, aspecto compartido coa economía española.
Remuneración de asalariados por hora efectiva asalariada por sectores de actividade. Ano 2024
Unidade: Euros/hora
Fonte: IGE. Contas económicas trimestrais. Revisión Estatística 2024; Eurostat. National accounts (ESA 2010).
7 Evolución do custo laboral unitario real
Este indicador compara a evolución da remuneración por asalariado coa evolución dos prezos e da produtividade real por posto traballo (calculada como cociente entre valor engadido bruto a prezos constantes e postos de traballo). De modo que toma un valor positivo se o crecemento da remuneración por asalariado supera o crecemento da produtividade e dos prezos.
| 2015 | 2016 | 2017 | 2018 | 2019 | 2020 | 2021 | 2022 | 2023 | 2024 | |
|---|---|---|---|---|---|---|---|---|---|---|
| Galicia | -0,9 | -1,5 | -0,6 | -0,5 | 3,5 | 4,2 | -4,5 | -2,6 | -0,7 | 0,0 |
| España | -0,6 | -1,2 | -0,8 | 0,3 | 2,7 | 7,0 | -1,8 | -2,5 | -0,3 | 0,5 |
| UE27 | -1,2 | 0,1 | -0,4 | 0,5 | 0,1 | 2,5 | -2,5 | -2,1 | 0,5 | 1,5 |
| Fonte: IGE. Contas económicas trimestrais. Revisión Estatística 2024; Eurostat. National accounts (ESA 2010). |
En Galicia esta serie só toma valores positivos en 2007, 2008, 2009, 2011, 2019 e 2020.
Evolución do custo laboral unitario real
Unidade: Taxa de variación interanual (%)
Fonte: IGE. Contas económicas trimestrais. Revisión Estatística 2024; Eurostat. National accounts (ESA 2010).
8 Definicións, fontes e máis información
Definicións
Descarga de datos
Contas económicas trimestrais. Revisión Estatística 2024. Oferta, demanda e rendas
Contas económicas trimestrais. Revisión Estatística 2024. Emprego
Contas de produción e explotación por ramas de actividade. Revisión Estatística 2024
Fontes de información
IGE. Contas económicas de Galicia. Revisión Estatística 2024 (os
datos de 2023 son provisionais, e os datos de 2024 son avance).
Eurostat. National accounts (ESA 2010).