Estudo Salarios. Salarios desde o punto de vista do pagador
Datos correspondentes ao ano 2024
31/07/2025
descarga en pdf
Principais resultados
En 2024, o custo total bruto por persoa traballadora en Galicia foi de 33.878 euros, un 5,2 % máis que no ano anterior.
O custo laboral neto foi de 33.642 euros por persoa traballadora, unha vez deducidos 236 euros en conceptos de subvencións e deducións das Administracións Públicas para fomentar o emprego e a formación profesional.
En 2024, o custo laboral medio por persoa traballadora en Galicia representou o 90,3 % da media nacional, 1,2 puntos máis que en 2023.
1 Introdución
Neste apartado analízanse os custos laborais medios relacionados coa contratación das persoas traballadoras a partir dos resultados da “Encuesta Anual de Coste Laboral”. O obxetivo principal desta enquisa é coñecer os niveis das distintas compoñentes do custo laboral. Nesta enquisa investíganse as contas de cotización das empresas con actividade nos tres grandes sectores económicos: industria, construción e servizos (agás as actividades dos fogares como empregadores de persoal doméstico).
2 Evolución do custo laboral medio por persoa traballadora
| Custo laboral bruto | Subvencións e deducións | Custo laboral neto | Custo laboral bruto | Subvencións e deducións | Custo laboral neto | |
|---|---|---|---|---|---|---|
| 2015 | 30.708 | 217 | 30.491 | 27.133 | 183 | 26.950 |
| 2016 | 30.528 | 217 | 30.311 | 27.055 | 189 | 26.867 |
| 2017 | 30.745 | 209 | 30.536 | 27.565 | 177 | 27.388 |
| 2018 | 31.086 | 202 | 30.883 | 27.990 | 187 | 27.803 |
| 2019 | 31.835 | 203 | 31.632 | 29.041 | 185 | 28.856 |
| 2020 | 31.150 | 184 | 30.966 | 28.651 | 170 | 28.481 |
| 2021 | 32.907 | 196 | 32.711 | 29.854 | 211 | 29.643 |
| 2022 | 34.286 | 227 | 34.059 | 30.817 | 249 | 30.568 |
| 2023 | 36.131 | 233 | 35.897 | 32.200 | 288 | 31.912 |
| 2024 | 37.525 | 216 | 37.309 | 33.878 | 236 | 33.642 |
| INE. Encuesta anual de coste laboral. Extraído de http://www.ine.es |
O custo total por persoa traballadora en Galicia, en termos brutos, foi de 33.878 euros durante o 2024, un 5,2 % máis que no ano anterior. En España, o custo laboral bruto incrementouse un 3,9 % en 2024. O custo laboral neto foi de 33.642 euros por persoa traballadora en Galicia en 2024, unha vez deducidos 236 euros en conceptos de subvencións e deducións recibidas das Administracións Públicas para fomentar o emprego e a formación profesional.
Evolución do custo laboral bruto por persoa traballadora.
Galicia e España
Unidade: Euros
Fonte: INE. Encuesta anual de coste laboral. (descarga da táboa)
3 Estrutura do custo laboral bruto por persoa traballadora
| España (Euros) | Galicia (Euros) | España (%) | Galicia (%) | Peso Galicia / España | España (Euros) | Galicia (Euros) | España (%) | Galicia (%) | Peso Galicia / España | |
|---|---|---|---|---|---|---|---|---|---|---|
| Custo laboral bruto | 22.616 | 20.091 | 100,0 | 100,0 | 88,8 | 37.525 | 33.878 | 100,0 | 100,0 | 90,3 |
| Soldos e salarios | 16.561 | 14.583 | 73,2 | 72,6 | 88,1 | 27.559 | 24.666 | 73,4 | 72,8 | 89,5 |
| Cotizacións obrigatorias | 5.137 | 4.693 | 22,7 | 23,4 | 91,4 | 9.000 | 8.375 | 24,0 | 24,7 | 93,1 |
| Beneficios sociais | 397 | 432 | 1,8 | 2,2 | 109,0 | 519 | 418 | 1,4 | 1,2 | 80,7 |
| . Cotizacións voluntarias | 149 | 117 | 0,7 | 0,6 | 78,4 | 191 | 114 | 0,5 | 0,3 | 59,7 |
| . Prestacións sociais directas | 229 | 300 | 1,0 | 1,5 | 131,1 | 311 | 288 | 0,8 | 0,9 | 92,7 |
| . Gastos de carácter social | 18 | 15 | 0,1 | 0,1 | 83,0 | 16 | 16 | 0,0 | 0,0 | 98,4 |
| Indemnizacións por despedimento | 128 | 64 | 0,6 | 0,3 | 49,6 | 186 | 148 | 0,5 | 0,4 | 79,7 |
| Gastos en formación profesional | 79 | 53 | 0,3 | 0,3 | 67,1 | 78 | 131 | 0,2 | 0,4 | 167,5 |
| Gastos derivados do traballo | 314 | 267 | 1,4 | 1,3 | 84,9 | 184 | 140 | 0,5 | 0,4 | 75,9 |
| . Gastos en transporte | 18 | 13 | 0,1 | 0,1 | 76,5 | 10 | 8 | 0,0 | 0,0 | 78,9 |
| . Outros gastos | 297 | 253 | 1,3 | 1,3 | 85,4 | 174 | 132 | 0,5 | 0,4 | 75,8 |
| INE. Encuesta anual de coste laboral. Extraído de http://www.ine.es |
En 2024, o custo laboral medio por persoa traballadora en Galicia representou o 90,3 % da media nacional.
O 72,8 % do custo total en Galicia destinouse a salarios (24.666 euros por persoa traballadora) e o 24,7 % a cotizacións obrigatorias á Seguridade Social (8.375 euros por persoa traballadora).
Do resto de partidas que compoñen o custo, 418 euros anuais por persoa traballadora destináronse a beneficios sociais, 148 corresponderon a indemnizacións por despedimento, 131 euros a formación profesional e 140 a gastos derivados do traballo (transporte ata o lugar de traballo, indemnizacións por fin de contrato, pequenas ferramentas e roupa de traballo, …).
4 Evolución do peso do custo laboral bruto de Galicia no total nacional por sectores de actividade
| Tempo | Peso Total | Peso Industria | Peso Construción | Peso Servizos |
|---|---|---|---|---|
| 2015 | 88,4 | 86,4 | 92,8 | 87,4 |
| 2016 | 88,6 | 88,8 | 90,1 | 87,3 |
| 2017 | 89,7 | 88,8 | 90,3 | 88,7 |
| 2018 | 90,0 | 91,1 | 95,8 | 87,9 |
| 2019 | 91,2 | 92,8 | 99,5 | 88,8 |
| 2020 | 92,0 | 93,7 | 97,4 | 89,8 |
| 2021 | 90,7 | 91,1 | 98,8 | 89,1 |
| 2022 | 89,9 | 89,9 | 98,7 | 88,2 |
| 2023 | 89,1 | 91,3 | 100,0 | 86,8 |
| 2024 | 90,3 | 93,1 | 97,9 | 88,0 |
| INE. Encuesta anual de coste laboral. Extraído de http://www.ine.es |
Tal e como se observou no apartado anterior, o custo laboral medio por persoa traballadora en Galicia representou no 2024 o 90,3 % da media nacional. Nos tres sectores considerados, o custo laboral medio de Galicia é inferior ao nacional.
En 2024, as diferenzas con España reducíronse no sector industrial e servizos. No sector da construción de Galicia, que en 2023 tiña un custo laboral medio igual ao do conxunto nacional, o custo medio sitúase no 97,9 % da media nacional dese sector.
Evolución do custo laboral medio por persoa traballadora.
Galicia e España
Unidade: Porcentaxes
Fonte: INE. Encuesta anual de coste laboral.(descarga da táboa)