Estudo Salarios. A remuneración do factor traballo na economía galega
Resumo de resultados 06/06/2025
descarga en pdf
Estudo de salarios / A remuneración do factor traballo na economía galega
Principais resultados
No ano 2024, o peso dos salarios representa o 44 % do PIB galego, 0,1 puntos porcentuais máis que en 2023.
O crecemento da remuneración de asalariados en Galicia en 2024 é mais moderado que no conxunto nacional.
A remuneración por hora asalariada en Galicia alcanzou en 2024 os 22,7 euros, un euro máis que en 2023.
Galicia ten unha remuneración de asalariados por hora inferior á media europea en todos os sectores salvo no primario.
No ano 2024, a variación interanual do custo laboral unitario real toma un valor negativo (-0,3 %), o que significa que a remuneración media por asalariado medra menos que o conxunto da produtividade por posto de traballo asalariado e os prezos.
1 Introdución
Os datos do Sistema de Contas Económicas de Galicia ofrecen unha perspectiva macroeconómica da remuneración do factor traballo na comunidade autónoma. A metodoloxía seguida na elaboración das Contas Económicas en Galicia permite realizar comparacións con outros espazos económicos. Neste apartado analizarase como evoluciona a remuneración dos asalariados en Galicia, en que sectores está máis concentrada e en cales a remuneración por hora é maior, e veremos como mudou a economía galega nos últimos anos.
2 Peso da remuneración dos asalariados no PIB
A remuneración de asalariados é unha compoñente do Produto Interior Bruto cando se analiza pola vía das rendas. Indica qué parte do valor engadido bruto xerado por unha economía vai destinada a remunerar o factor traballo. Este concepto inclúe a remuneración total, en efectivo ou en especie, a pagar por un empregador a un asalariado a cambio do traballo realizado por este durante o exercicio contable. Non inclúe a remuneración do traballo non asalariado, que estaría recollida no excedente bruto de explotación, concretamente no concepto de “Renda mixta”.
É un concepto interior, isto é, considera as rendas do traballo pagadas por unidades residentes, independentemente da residencia do asalariado.
| 2015 | 2016 | 2017 | 2018 | 2019 | 2020 | 2021 | 2022 | 2023 | 2024 | |
|---|---|---|---|---|---|---|---|---|---|---|
| Galicia | 44,7 | 44,1 | 44,0 | 44,0 | 45,5 | 47,7 | 45,2 | 44,2 | 43,9 | 44,0 |
| España | 45,7 | 45,2 | 45,1 | 45,4 | 46,7 | 49,8 | 48,9 | 47,7 | 47,8 | 48,4 |
| UE27 | 46,8 | 47,0 | 47,0 | 47,4 | 47,6 | 48,7 | 47,5 | 46,7 | 47,0 | 47,9 |
| Fonte: IGE. Contas económicas trimestrais. Revisión Estatística 2024; Eurostat. National accounts (ESA 2010) |
No ano 2024, o peso dos salarios representa o 44,0% do PIB galego
(0,1 puntos porcentuais máis que en 2023). Este indicador acadou o seu
máximo en Galicia no ano 2020 (situándose no 47,7% do PIB).
En
España, o peso no PIB no ano 2024 tamén é menor ao de 2020. Nos tres
espazos: Galicia, economía española e europea a remuneración do factor
traballo gañou peso no último ano. A participación das rendas salariais
no PIB é inferior en Galicia que nos outros espazos económicos.
Fonte: IGE. Contas económicas trimestrais. Revisión Estatística 2024; Eurostat. National accounts (ESA 2010)
3 Evolución da remuneración de asalariados
| 2015 | 2016 | 2017 | 2018 | 2019 | 2020 | 2021 | 2022 | 2023 | 2024 | |
|---|---|---|---|---|---|---|---|---|---|---|
| Galicia | 2,7 | 2,2 | 3,0 | 4,9 | 6,0 | -3,4 | 5,9 | 7,8 | 7,3 | 5,8 |
| España | 4,3 | 2,2 | 4,0 | 4,3 | 6,4 | -4,1 | 7,5 | 8,6 | 9,1 | 7,7 |
| UE27 | 2,8 | 3,2 | 4,2 | 4,3 | 4,0 | -1,6 | 6,3 | 7,2 | 7,3 | 6,2 |
| Fonte: IGE. Contas económicas trimestrais. Revisión Estatística 2024; Eurostat. National accounts (ESA 2010) |
En termos correntes, a evolución da remuneración de asalariados en
Galicia volve a ser positiva no ano 2024. Pero o seu crecemento é mais
moderado que no conxunto nacional.
Ao longo da serie, a evolución
en Galicia é similar á evolución da remuneración en España: no período
anterior a 2008, o crecemento foi superior á media da UE27 e ambas
presentan taxas negativas entre 2009 e 2013 e no ano 2020.
Fonte: IGE. Contas económicas trimestrais. Revisión Estatística 2024; Eurostat. National accounts (ESA 2010)
4 Remuneración de asalariados por hora efectiva asalariada
| 2015 | 2016 | 2017 | 2018 | 2019 | 2020 | 2021 | 2022 | 2023 | 2024 | |
|---|---|---|---|---|---|---|---|---|---|---|
| Galicia | 16,3 | 16,5 | 16,6 | 17,3 | 18,0 | 19,6 | 19,5 | 20,6 | 21,7 | 22,7 |
| España | 19,5 | 19,5 | 19,7 | 20,0 | 20,9 | 22,2 | 22,5 | 23,2 | 24,8 | 26,2 |
| UE27 | 22,2 | 22,4 | 23,0 | 23,6 | 24,2 | 25,4 | 25,6 | 26,6 | 28,2 | 29,7 |
| Fonte: IGE. Contas económicas trimestrais. Revisión Estatística 2024; Eurostat. National accounts (ESA 2010) |
A remuneración por hora asalariada en Galicia alcanzou en 2024 os
22,7 euros. Esta cifra supón o 76,2% da remuneración por hora na
UE27.
Este diferencial Galicia-UE27 reduciuse desde o ano 2000 (a
remuneración hora galega representaba o 71,1 % da europea) ao ano 2009,
no que a remuneración por hora asalariada alcanzou o 79,6 %. Dende ese
período o diferencial volve medrar.
Pese a que nos últimos anos
se incrementou o diferencial, o balance nos últimos 24 anos é positivo
xa que a remuneración por hora asalariada medrou a maior ritmo en
Galicia que en España e Europa. Nesta comparativa, realizada a prezos
correntes, non se está tendo en conta o diferencial no nivel de prezos
entre os espazos económicos.
Fonte: IGE. Contas económicas trimestrais. Revisión Estatística 2024; Eurostat. National accounts (ESA 2010)
5 Remuneración de asalariados por grandes sectores de actividade
A información do sistema de contas permite coñecer en qué sectores (ou ramas de actividade) está concentrada a remuneración de asalariados. Loxicamente, dependerá do volume de traballo asalariado, e da remuneración media en cada sector.
Distribución da remuneración de asalariados por sectores. Ano 2024
Fonte: IGE. Contas económicas trimestrais. Revisión Estatística 2024; Eurostat. National accounts (ESA 2010)
Como na meirande parte das economías occidentais, a remuneración dos asalariados concéntrase no sector servizos. Porén, en Galicia, o peso do sector servizos é inferior ao dato español ou da UE27. A achega do sector primario á remuneración dos asalariados é do 2,5% en Galicia no ano 2024, porcentaxe superior á remuneración deste sector en España ou Europa.
Fonte: IGE. Contas económicas trimestrais. Revisión Estatística 2024; Eurostat. National accounts (ESA 2010)
Fonte: IGE. Contas económicas trimestrais. Revisión Estatística 2024; Eurostat. National accounts (ESA 2010)
Analizando a evolución do peso da remuneración de asalariados por
sectores ao longo dos últimos 24 anos obsérvase como o peso da industria
vaise reducindo en todo o período; a construción sofre unha caída desde
o ano 2007, e o sector servizos non deixa de medrar.
Estes
fenómenos son comúns nos tres espazos considerados se ben a magnitude
dos cambios é diferente.
6 Remuneración de asalariados por hora efectiva asalariada por sectores de actividade
Fonte: IGE. Contas económicas trimestrais. Revisión Estatística 2024; Eurostat. National accounts (ESA 2010)
Galicia ten unha remuneración de asalariados por hora inferior á media europea en todos os sectores salvo no primario.
As diferenzas son menores no caso do sector da construción ou da Administración pública, sanidade e educación e relativamente importantes en sectores como o das actividades inmobiliarias, no sector das actividades financeiras e de seguros, da información e das comunicacións ou no das actividades profesionais, científicas e técnicas; actividades administrativas e servizos auxiliares.
As actividades financeiras e de seguros, da Administración pública, sanidade e educación e de información e comunicacións son as que presentan unha maior remuneración por hora en Galicia. En España tamén son estes sectores de actividade os mellor remunerados. Na UE-27 adiantan en remuneración media as Actividades profesionais, científicas e técnicas; actividades administrativas e servizos auxiliares ás da Administración pública, sanidade e educación.
7 Evolución do custo laboral unitario real
Este indicador compara a evolución da remuneración por asalariado coa evolución dos prezos e da produtividade por posto traballo (calculada como valor engadido bruto a prezos correntes e postos de traballo asalariados). De modo que toma un valor positivo se o crecemento da remuneración por asalariado supera o crecemento da produtividade e dos prezos.
| 2015 | 2016 | 2017 | 2018 | 2019 | 2020 | 2021 | 2022 | 2023 | 2024 | |
|---|---|---|---|---|---|---|---|---|---|---|
| Galicia | -0,9 | -1,5 | -0,6 | -0,5 | 3,5 | 4,2 | -4,5 | -2,8 | -0,9 | -0,3 |
| España | -0,6 | -1,2 | -0,8 | 0,3 | 2,7 | 7,0 | -1,8 | -2,3 | 0,0 | 1,0 |
| UE27 | -1,2 | 0,1 | -0,2 | 0,5 | 0,1 | 2,5 | -2,5 | -1,9 | 0,6 | 1,6 |
| Fonte: IGE. Contas económicas trimestrais. Revisión Estatística 2024; Eurostat. National accounts (ESA 2010) |
En Galicia esta serie só toma valores positivos en 2007, 2008, 2009, 2011, 2019 e 2020.
Fonte: IGE. Contas económicas trimestrais. Revisión Estatística 2024; Eurostat. National accounts (ESA 2010)
A seguinte táboa recolle a evolución das compoñentes do custo laboral unitario real en Galicia: remuneración por asalariado, produtividade do traballo e prezos. E mostra como no ano 2024 a evolución da remuneración media en Galicia (4,4%) é inferior ao conxunto da evolución da produtividade (1,9 %) e dos prezos (2,8 %) o que provoca que o indicador de evolución do custo laboral unitario real tome un valor negativo (-0,3%).
| 2015 | 2016 | 2017 | 2018 | 2019 | 2020 | 2021 | 2022 | 2023 | 2024 | |
|---|---|---|---|---|---|---|---|---|---|---|
| Remuneración media | 1,1 | 0,2 | 0,6 | 3,3 | 3,3 | 4,9 | 0,1 | 4,3 | 4,8 | 4,4 |
| Produtividade por posto de traballo | 1,8 | 1,5 | -0,1 | 2,4 | -1,5 | 0,1 | 1,9 | 1,5 | 0,2 | 1,9 |
| Deflactor | 0,2 | 0,1 | 1,2 | 1,4 | 1,4 | 0,6 | 2,9 | 5,7 | 5,6 | 2,8 |
| Coste laboral unitario real | -0,9 | -1,5 | -0,6 | -0,5 | 3,5 | 4,2 | -4,5 | -2,8 | -0,9 | -0,3 |
| Fonte: IGE. Contas económicas trimestrais. Revisión Estatística 2024 |
Fonte: IGE. Contas económicas trimestrais. Revisión Estatística 2024
8 Definicións, fontes e máis información
Definicións
Descarga de datos
Contas económicas trimestrais. Revisión Estatística 2024. Oferta, demanda e rendas
Contas económicas trimestrais. Revisión Estatística 2024. Emprego
Contas de produción e explotación por ramas de actividade. Revisión Estatística 2024
Fontes de información
IGE. Contas económicas de Galicia. Revisión Estatística 2024 (os
datos de 2022 son provisionais, e os datos de 2023 e 2024 son
avance).
Eurostat. National accounts (ESA 2010)