Paro rexistrado de menores de 25 anos por 1.000 habitantes
Resumo de resultados 27/02/2025
ÍNDICE
descarga en pdf
ZDP: Zona densamente poboada; ZIP: Zona intermedia; ZPP: Zona pouco poboada
Información para Galicia e provincias segundo o grao de urbanización
Paro rexistrado de menores de 25 anos por 1.000 habitantes segundo o grao de urbanización. Galicia
O paro rexistrado de menores de 25 anos por 1.000 habitantes acada na ZIP os seus valores máis altos ao longo do período 2014-2016 e a partir dese ano o indicador é superior na ZDP ata o ano 2022, onde os valores da ZDP e da ZIP son similares. Por tanto, non presenta unha relación directa co grao de urbanización.
No período 2014-2019 o indicador redúcese notablemente en todas as zonas, nas que se acada o seu valor mínimo neste período. No ano 2020 o indicador aumenta nas tres zonas de urbanización debido a pandemia do coronavirus. No ano 2024, o indicador diminúe nas tres zonas de urbanización. Así, no ano 2024 o paro rexistrado de menores de 25 anos por 1.000 habitantes experimentou unha diminución interanual do 11,2%, 10,8% e 9,0% na ZDP, ZIP e ZPP, respectivamente.
| 2014 | 2015 | 2016 | 2017 | 2018 | 2019 | 2020 | 2021 | 2022 | 2023 | 2024 | |
|---|---|---|---|---|---|---|---|---|---|---|---|
| Total | 72,8 | 60,3 | 52,4 | 48,3 | 43,2 | 39,8 | 45,8 | 33,5 | 28,5 | 25,4 | 22,7 |
| ZDP | 72,0 | 60,0 | 53,0 | 50,2 | 47,2 | 43,6 | 49,8 | 34,9 | 28,7 | 25,9 | 23,0 |
| ZIP | 75,4 | 62,2 | 53,6 | 48,4 | 42,4 | 38,7 | 45,3 | 33,7 | 29,3 | 26,0 | 23,2 |
| ZPP | 70,1 | 57,6 | 49,4 | 45,1 | 38,0 | 35,4 | 39,8 | 30,6 | 26,7 | 23,3 | 21,2 |
Información para Galicia segundo o subgrao de urbanización
Paro rexistrado de menores de 25 anos por 1.000 habitantes segundo sexo e subgrao de urbanización. Galicia
| Total | Homes | Mulleres | Total | Homes | Mulleres | |
|---|---|---|---|---|---|---|
| Total | 146,4 | 140,7 | 152,2 | 22,7 | 22,9 | 22,5 |
| ZDP | 155,1 | 150,5 | 159,4 | 23,0 | 23,1 | 23,0 |
| ZIP alta | 149,2 | 139,4 | 159,1 | 23,7 | 23,3 | 24,2 |
| ZIP baixa | 147,4 | 138,6 | 156,4 | 21,5 | 21,6 | 21,8 |
| ZPP alta | 149,3 | 146,2 | 152,5 | 20,7 | 21,7 | 20,1 |
| ZPP intermedia | 137,9 | 130,6 | 145,6 | 23,4 | 25,0 | 21,6 |
| ZPP baixa | 119,3 | 121,9 | 116,3 | 20,7 | 21,6 | 17,8 |
Ao considerar os datos do paro rexistrado de menores de 25 anos por
1.000 habitantes nas seis subzonas de urbanización obsérvase como no ano
2024 o valor máis alto acádase na ZIP alta (23,7 persoas paradas menores
de 25 anos por 1.000 hab.) e os máis baixos na ZPP baixa (20,7 persoas
paradas menores de 25 anos por cada 1.000 habitantes). Parece que non
existe unha relación directa entre este indicador e o subgrao de
urbanización.
Por outra parte, os datos do indicador segundo o sexo amosan que a
incidencia do paro rexistrado nas mulleres menores de 25 anos é menor
que a dos homes na ZPP intermedia e baixa.
Definicións, fontes e máis información
Definicións
- Paro rexistrado de menores de 25 anos por 1.000 habitantes:
-
É o cociente entre as persoas menores de 25 anos inscritas nas oficinas
públicas de emprego como parados e a poboación de 16 a 24 anos,
expresado en tanto por mil.
- Paro rexistrado:
- Este concepto, establecido na Orden ministerial do 11 de marzo de 1985, está constituído polo total de demandas en alta existentes a fin de mes, excluíndo, entre outras, as que correspondan ás seguintes situacións:
- Pluriemprego: demandantes que solicitan outro emprego compatible co que exercen.
- Mellor emprego: demandantes que, estando ocupados, solicitan un emprego para cambialo polo que teñen.
- Colaboración social: demandantes perceptores de prestacións por desemprego que participan en traballos de colaboración social.
- Xubilados: demandantes que son pensionistas de xubilación, pensionistas por grande invalidez ou invalidez absoluta e demandantes de idade igual ou superior a 65 anos.
- Emprego conxuntural: demandantes que solicitan un emprego para un período inferior a 3 meses.
- Xornada < 20 horas: demandantes que solicitan un traballo con xornada inferior a 20 horas semanais.
- Estudantes: demandantes que están cursando estudos de ensinanza oficial regrada sempre que sexan menores de 25 anos ou que, superando esta idade, sexan demandantes de primeiro emprego ou ben demandantes asistentes a cursos de formación profesional e ocupacional, cando as súas horas lectivas superen as 20 á semana, teñan unha bolsa polo menos de manutención e sexan demandantes do primeiro emprego.
- Demandas suspendidas: demandantes con demanda suspendida en canto permanezan nesta situación.
- Compatibilidade prestacións: demandantes beneficiarios de prestacións por desemprego en situación de compatibilidade de emprego por realizar un traballo a tempo parcial. Traballadores eventuais agrícolas subsidiados.
- Rexeitamento de accións de inserción laboral: demandantes que rexeitan accións de inserción laboral axeitadas ás súas características segundo se establece no artigo 17, apartado 2 do Real decreto lexislativo 5/2000, do 4 de agosto.
A posta en marcha do novo Sistema de Información dos Servizos Públicos de Emprego (SISPE) en maio de 2005 produce unha ruptura da serie de paro rexistrado que se viña publicando ata o momento. A implantación deste novo sistema afecta a estimación do paro rexistrado, non porque cambie a definición, senón pola actualización e xestión automatizada da información e porque se corrixiron os erros que se viñan cometendo con certos colectivos.
Descarga de datos
- Paro rexistrado por 1.000 habitantes segundo grupo de idade, sexo e grao de urbanización (Información para Galicia e provincias desde o ano 2005)
- Paro rexistrado por 1.000 habitantes segundo grupo de idade, sexo e subgrao de urbanización (Información para Galicia e provincias desde o ano 2005)
Fontes de información
IGE. Elaboración propia a partir de: IGE. Cifras poboacionais de referencia, Consellería de Traballo e Benestar. Informe do paro rexistrado e información subministrada directamente