Seguimento e análise da construción
Periodo de referencia: terceiro trimestre de 2025
Data de publicación: 30/12/2025
descarga en pdf
Principais resultados
- No terceiro trimestre de 2025, o Valor Engadido Bruto do sector da construción medrou un 7,6% en taxa interanual.
- O emprego na construción aumentou un 1,6% en termos de postos de traballo equivalentes a tempo completo.
- As compravendas de vivendas increméntanse un 7,6% segundo a Estadística de transmisiones de derechos de la propiedad do Instituto Nacional de Estadística (INE).
- Os prezos da vivenda aumentan un 13,4%, segundo o Índice de Precios de la Vivienda do INE.
- A superficie a construír redúcese un 1,4% segundo as licenzas municipais de obra.
1 A construción no ano 2024
No 2024, o sector da construción en Galicia avanzou a un ritmo do 4,8%, acadando o Valor Engadido Bruto (VEB) os 5.232,2 millóns de euros. O sector representa o 6,4% do Produto Interior Bruto (PIB). O emprego no sector situouse nos 84.319 postos de traballo equivalentes a tempo completo, o 7,9% do total.
En España, o sector da construción medrou a un ritmo do 4,8% en 2024, representando o 5,2% do PIB. O emprego supón o 7,2% do total de postos de traballo equivalentes a tempo completo.
O seguinte gráfico mostra o crecemento anual do VEB da construción e do PIB para Galicia e España en termos reais.
PIB e VEB do sector da construción. Datos corrixidos de efectos estacionais e de calendario. Taxa de variación anual (%)
Fonte: IGE. Contas económicas trimestrais. Revisión Estatística 2024; INE. Contabilidad nacional trimestral. Revisión estadística 2024.
No 2024, os postos de traballo equivalentes a tempo completo medran un 0,7% en Galicia e un 3,7% en España encadeando así catro anos consecutivos de subida tanto en Galicia como en España.
2 O sector no terceiro trimestre de 2025
O VEB do sector da construción acadou un ritmo de crecemento do 7,6% interanual no terceiro trimestre de 2025.
VEB Construción. Datos corrixidos de efectos estacionais e de calendario. Taxa de variación interanual (%)
Fonte: IGE. Contas económicas trimestrais. Revisión Estatística 2024; INE. Contabilidad nacional trimestral. Revisión estadística 2024.
Os datos de emprego mostran un menor crecemento que os da actividade cun aumento do 1,6% dos postos de traballo equivalentes a tempo completo, como consecuencia, a produtividade increméntase.
As afiliacións medias á Seguridade Social no sector da construción rexistran un crecemento do 1,7%, sendo o número medio de afiliacións do sector 83.773 neste trimestre.
Afiliacións no sector da construción. Taxa de variación interanual (%)
Fonte: Ministerio de Inclusión, Seguridad Social y Migraciones. Afiliacións á Seguridade Social.
O paro rexistrado estase reducindo máis dun 10% en taxa interanual todos os meses dende maio de 2023, quedando en 6.829 persoas paradas neste sector no mes de novembro de 2025.
Paro rexistrado no sector da construción. Galicia
Unidade: miles de persoas
Fonte: Consellería de Emprego, Comercio e Emigración. Paro rexistrado.
Segundo a EPA, a poboación ocupada no sector da construción neste terceiro trimestre de 2025 diminúe un 13,5%.
Poboación ocupada no sector da construción. Galicia
Unidade: miles de persoas
Fonte: INE. Enquisa de poboación activa.
2.1 Edificación residencial
Dende o punto de vista da demanda, o subsector da edificación residencial experimenta un incremento no terceiro trimestre de 2025, tal e como viña facendo nos anteriores trimestres. Dende a óptica de oferta, as series periodificadas de licenzas e visados tamén rexistran taxas positivas con respecto ao terceiro trimestre de 2024.
Demanda
A compravenda de vivendas, principal indicador de demanda, continúa aumentando no segundo trimestre de 2025, aínda que rexistra taxas inferiores ás do trimestre anterior.
O número de compravendas efectuadas sobre vivendas da Estadística de transmisiones de derechos de la propiedad do Instituto Nacional de Estadística (INE) aumentan un 7,6%. Por outra banda, os datos de compravenda de vivendas totais da Estatística registral inmobiliaria do Colegio de Registradores indican un aumento do 7,5%. As dúas estatísticas indican que é a compravenda de vivenda usada a que máis inflúe na evolución do conxunto, representando máis do 70% das compravendas, se ben, son as compravendas de vivenda nova as que máis aumentan. Segundo o Colegio de Registradores, as compravendas de vivenda usada aumentaron un 5,4% e a vivenda nova incrementouse un 13,7%. Segundo os datos do INE, as compravendas de vivenda usada aumentaron un 5% e as de vivenda nova aumentaron un 14,8%.
|
Estadística de transmisiones de derechos de la propiedad
|
Estadística registral inmobiliaria
|
|||
|---|---|---|---|---|
| Tempo | Galicia | España | Galicia | España |
| 2023 | -11,6 | -10,2 | -11,6 | -16,7 |
| 2024 | 22,4 | 9,7 | 22,4 | 18,4 |
| 2024/I | 13,5 | -5,8 | 13,8 | -5,9 |
| 2024/II | 3,3 | -3,5 | 3,8 | -3,8 |
| 2024/III | 26,0 | 19,2 | 25,7 | 18,9 |
| 2024/IV | 48,3 | 34,2 | 47,3 | 32,9 |
| 2025/I | 15,3 | 20,7 | 14,6 | 19,9 |
| 2025/II | 33,0 | 18,7 | 32,4 | 17,0 |
| 2025/III | 7,6 | 5,0 | 7,5 | 4,7 |
| Fonte: INE. Estadística de transmisiones de derechos de la propiedad; Colegio de Registradores. Estadística registral inmobiliaria. | ||||
Atendendo á Estatística de transacciones inmobiliarias do Ministerio, o número de transaccións presenta unha taxa interanual do -5,2% no terceiro trimestre (13,6% no trimestre anterior). A vivenda usada varía un -3,2% e a nova un -25,8%.
Segundo a Estadística de constitución de hipotecas do INE, o número de vivendas hipotecadas, sen ter en conta aquelas con cambios nas condicións, mostra un crecemento do 22,3% no terceiro trimestre de 2025.
|
Transaccións inmobiliarias. Vivendas
|
Hipotecas en vivendas (sen cambios nas condicións)
|
|||
|---|---|---|---|---|
| Tempo | Galicia | España | Galicia | España |
| 2023 | -7,4 | -11 | -29,8 | -20,6 |
| 2024 | 17,9 | 12 | 28,2 | 8,9 |
| 2024/I | 8,9 | 1,5 | 4,7 | -9,3 |
| 2024/II | 17,1 | 11,3 | -12,0 | -9,6 |
| 2024/III | 17,7 | 16,8 | 53,7 | 21,4 |
| 2024/IV | 26,6 | 18,8 | 76,1 | 38,5 |
| 2025/I | 16,6 | 14,7 | 39,9 | 21,8 |
| 2025/II | 13,6 | 3,6 | 97,2 | 57,9 |
| 2025/III | -5,2 | 2,7 | 22,3 | 24,9 |
| Fonte: Ministerio de Vivienda y Agenda Urbana. Transacciones inmobiliarias; INE. Estadística de Hipotecas. | ||||
Neste terceiro trimestre, segundo a información da estatística do INE, o importe medio das hipotecas en vivenda foi de 127.809 euros, un 76% do importe medio estatal. Con respecto ao mesmo trimestre do 2024, o importe medio aumenta tanto en Galicia coma en España (3,6% e 12,1% respectivamente).
A Estadística registral inmobiliaria do Colegio de Registradores sinala que o importe medio das hipotecas creceu en taxa interanual un 3,4% en Galicia e un 11,1% en España. A cota media mensual redúcese un 2% en Galicia e aumenta un 5% en España. Esta mesma fonte indica que o tipo medio de xuro en Galicia pasou do 3,08% no segundo trimestre ao 2,91% no terceiro trimestre. O prazo medio das hipotecas incrementouse en Galicia (1,7%) e en España (3%), acadando os 295 e 305 meses, respectivamente.
Os prezos da vivenda en Galicia seguiron incrementándose no último trimestre. Se atendemos aos datos publicados polo Ministerio de Vivienda y Agenda Urbana, o prezo da vivenda (€/m2) rexistrou un crecemento dun 9,4% neste trimestre, inferior ao 10,8% do trimestre anterior. Segundo o indicador do INE, o prezo da vivenda aumenta un 13,4%, (12,7% no trimestre anterior). Por tipo de vivenda, segundo o Índice publicado polo INE, o prezo da vivenda nova increméntase un 10,9% en Galicia e un 9,7% en España no terceiro trimestre de 2025, mentres que o da vivenda usada se incrementa un 13,8% en Galicia e un 13,4% en España.
|
Índices de prezos da vivenda (INE)
|
Euros por m2 (Ministerio)
|
|||
|---|---|---|---|---|
| Tempo | Galicia | España | Galicia | España |
| 2023 | 3,6 | 4,0 | 3,4 | 3,9 |
| 2024 | 7,4 | 8,4 | 5,1 | 5,8 |
| 2024/I | 5,1 | 6,3 | 4,1 | 4,3 |
| 2024/II | 6,7 | 7,8 | 4,0 | 5,7 |
| 2024/III | 7,3 | 8,1 | 6,4 | 6,0 |
| 2024/IV | 10,5 | 11,3 | 6,1 | 7,0 |
| 2025/I | 11,2 | 12,2 | 7,3 | 9,0 |
| 2025/II | 12,7 | 12,7 | 10,8 | 10,4 |
| 2025/III | 13,4 | 12,8 | 9,4 | 12,1 |
| Fonte: Ministerio de Vivienda y Agenda Urbana. Valor tasado de la vivienda; INE. Índice de precios de la vivienda. | ||||
O gráfico seguinte mostra a alza nos prezos da vivenda nos últimos trimestres, tanto co indicador do INE como co do Ministerio.
Prezos da vivenda. Taxa de variación interanual (%)
Fonte: Ministerio de Vivienda y Agenda Urbana. Valor tasado de la vivienda; INE. Índices de precios de la vivienda.
O Euribor, tipo de xuro de referencia do mercado hipotecario, que estaba descendendo dende abril de 2024 comeza a incrementarse levemente a partir de agosto deste ano, acadando o valor de 2,217% en novembro de 2025.
O tipo de xuro dos préstamos hipotecarios para adquisición de vivenda de fogares, publicado polo Banco de España, situouse no 2,72% no terceiro trimestre de 2025.
Tipos de xuro das hipotecas
Fonte: Banco de España; Colegio de Registradores. Estadística Registral Inmobiliaria.
O esforzo financeiro, medido como a porcentaxe de salario que unha persoa ten que destinar ao pago do préstamo hipotecario, aumentou 0,3 puntos porcentuais no terceiro trimestre de 2025 respecto ao trimestre anterior.
Esforzo financeiro (%)
Fonte: IGE. Accesibilidade á vivenda.
O comportamento do emprego total da economía afecta á demanda de vivenda, debido a súa repercusión sobre a renda dispoñible dos fogares. Segundo a EPA, as persoas ocupadas totais aumentaron un 1,7% en taxa interanual no terceiro trimestre de 2025. Pola súa banda, as afiliacións totais á Seguridade Social (media do mes) tamén acadan un crecemento do 1,7% no terceiro trimestre de 2025.
Segundo os rexistros das oficinas de emprego, o paro rexistrado total está baixando dende o mes de abril de 2021. No terceiro trimestre de 2025 o paro rexistrado total diminuíu un 7,6%. O total de persoas paradas, medido pola EPA, amosa unha baixada do 8,8% no terceiro trimestre de 2025.
Oferta
Dende a perspectiva da oferta residencial, as series de licenzas e visados indican unha baixada con respecto ao mesmo trimestre do ano anterior. Segundo as licenzas municipais de obra, a superficie a construír diminúe un 1,4% no terceiro trimestre de 2025. Segundo os visados de dirección de obra dos Colexios de Arquitectos Técnicos, a superficie redúcese un 12,7%.
| Tempo | Licenzas | Visados |
|---|---|---|
| 2023 | 12,0 | 6,2 |
| 2024 | 16,2 | 56,0 |
| 2024/I | 38,6 | 45,4 |
| 2024/II | 19,0 | 33,1 |
| 2024/III | 9,3 | 110,9 |
| 2024/IV | 8,0 | 47,0 |
| 2025/I | 19,9 | 60,6 |
| 2025/II | 38,2 | -17,6 |
| 2025/III | -1,4 | -12,7 |
| Fonte: IGE. Estatística de construción de edificios; Colegios de Arquitectos. Obras en edificación. |
No terceiro trimestre de 2025, o número medio mensual de vivendas visadas foi de 636, inferior á media mensual de 2024 (651 vivendas). No caso das licenzas concedidas polos concellos, a media mensual no terceiro trimestre de 2025 foi de 320 vivendas a crear de nova planta, sendo 298 vivendas a media do 2024.
Tendo en conta que a realización das obras se estende ao longo de máis ou menos ano e medio, se periodificamos os datos de licenzas e de visados obteríamos os resultados que se mostran no cadro seguinte. A superficie aumenta un 18,2% segundo as licenzas e un 48,3% segundo os visados no terceiro trimestre.
| Tempo | Licenzas | Visados |
|---|---|---|
| 2023 | -5,4 | 1,8 |
| 2024 | 9,8 | 17,2 |
| 2024/I | -8,8 | 5,3 |
| 2024/II | 2,5 | 15,0 |
| 2024/III | 17,7 | 23,9 |
| 2024/IV | 30,1 | 25,2 |
| 2025/I | 31,7 | 27,8 |
| 2025/II | 25,0 | 43,5 |
| 2025/III | 18,2 | 48,3 |
| Fonte: IGE. Elaboración propia. |
No seguinte gráfico móstrase o comportamento da serie de visados periodificada.
Edificación residencial: visados de obra nova periodificados (superficie a construír). Taxa de variación interanual (%)
Fonte: IGE. Elaboración propia.
2.2 Edificación non residencial
As dúas principais fontes de información deste subsector indican comportamentos diferentes no terceiro trimestre de 2025. Así, a superficie diminúe un 30% segundo os visados de dirección de obra dos Colexios de Arquitectos Técnicos, mentres que se incrementa un 160,9% segundo a información das licenzas municipais de obra.
| Tempo | Licenzas | Visados |
|---|---|---|
| 2023 | -45,1 | -44,7 |
| 2024 | -0,2 | 20,1 |
| 2024/I | -5,7 | 164,4 |
| 2024/II | -46,8 | -28,1 |
| 2024/III | -16,3 | 38,5 |
| 2024/IV | 85,3 | -6,4 |
| 2025/I | 9,1 | -36,0 |
| 2025/II | 98,7 | -18,7 |
| 2025/III | 160,9 | -30,0 |
| Fonte: IGE. Estatística de construción de edificios; Colegios de Arquitectos. Obras en edificación. |
As series periodificadas de visados e licenzas, máis contemporáneas co nivel de actividade, tamén indican un comportamento diferente, cunhas taxas do -28,5% os visados e do 79,8% as licenzas.
| Tempo | Licenzas | Visados |
|---|---|---|
| 2023 | -18,7 | -42,4 |
| 2024 | -30,8 | 32,0 |
| 2024/I | -31,5 | 29,2 |
| 2024/II | -31,7 | 46,3 |
| 2024/III | -39,7 | 29,5 |
| 2024/IV | -18,8 | 23,9 |
| 2025/I | 10,5 | -1,9 |
| 2025/II | 32,5 | -16,3 |
| 2025/III | 79,8 | -28,5 |
| Fonte: IGE. Elaboración propia |
Edificación non residencial: visados de obra nova periodificados (superficie a construír). Taxa de variación interanual (%)
Fonte: IGE. Elaboración propia.
2.3 Licitación oficial
Segundo os datos do Ministerio de Transportes y Movilidad Sostenible, no terceiro trimestre de 2025, o importe licitado en construción polas administracións (edificación e enxeñería civil) en Galicia rexistrou un incremento interanual do 20,8%. As obras de enxeñería civil, que supuxeron un 72,3% da actividade licitadora da Administración neste trimestre, increméntanse un 15,4%.
|
Licitación oficial total
|
Licitación oficial en enxeñería civil
|
|||
|---|---|---|---|---|
| Tempo | Galicia | España | Galicia | España |
| 2023 | -2,3 | -10,8 | -11,3 | -10,4 |
| 2024 | -18,2 | 7,7 | -6,4 | 1,8 |
| 2024/I | -36,1 | 16,6 | -41,0 | 18,6 |
| 2024/II | -21,8 | -17,5 | -17,9 | -32,8 |
| 2024/III | 5,9 | 19,2 | 4,1 | 5,5 |
| 2024/IV | -20,5 | 21,1 | 37,0 | 26,5 |
| 2025/I | 71,3 | -9,1 | 40,3 | -17,1 |
| 2025/II | 50,0 | 19,5 | 17,1 | 36,4 |
| 2025/III | 20,8 | 4,3 | 15,4 | -7,1 |
| Fonte: Ministerio de Transportes y Movilidad Sostenible. Licitación oficial en construcción. | ||||