Proxeccións de taxas de actividade 2025-2038
Resumo de resultados 30/05/2025
ÍNDICE
descarga en pdf
Principais resultados
O progresivo envellecemento da poboación reducirá a taxa de actividade do 53,2% en 2024 ata o 51,2% en 2038.
En 2038 haberá menos poboación activa que en 2024, un 2,0% menos, a pesar de que a poboación de 16 ou máis anos aumentará un 1,9%.
O número de persoas activas por cada persoa inactiva de 65 ou máis anos pasará de 1,844 en 2024 a 1,526 en 2038.
1 Introdución
A taxa de actividade é a porcentaxe de persoas activas na poboación de 16 ou máis anos. A poboación activa é o conxunto de persoas de 16 ou máis anos que subministran man de obra para a produción de bens e servizos ou que están sen traballo, dispoñibles para traballar e buscando activamente un emprego.
A partir das series históricas da Enquisa de poboación activa (EPA) e das Proxeccións de poboación a curto prazo, baixo a hipótese de que se mantivesen as tendencias pasadas, o IGE proxecta as taxas de actividade xunto co volume e estrutura da poboación activa por sexo e idade para o período temporal 2025-2038.
2 Proxección das taxas de actividade
A taxa de actividade da poboación de 16 ou máis anos pasará do 53,2% en 2024 ao 51,2% en 2038, o que supón unha caída de 2,0 puntos porcentuais. Agora ben, esta redución non será tan intensa nas mulleres como nos homes, dado que nos homes baixará do 57,3% ao 54,3% e nas mulleres do 49,4% ao 48,3%.
En canto á poboación entre os 16 e 64 anos a taxa de actividade pasará do 74,4% en 2024 ao 76,0% en 2038, grazas á mellora da taxa de actividade das mulleres, que subirá 3,3 puntos porcentuais.
Taxas de actividade da poboación de 16 ou máis anos e entre os 16 e 64 anos por sexo. Galicia
Unidade: porcentaxe
| Sexo | Ano 2024 | Ano 2038 |
|---|---|---|
| Total | 53,2 | 51,2 |
| Homes | 57,3 | 54,3 |
| Mulleres | 49,4 | 48,3 |
| Sexo | Ano 2024 | Ano 2038 |
|---|---|---|
| Total | 74,4 | 76,0 |
| Homes | 77,1 | 77,1 |
| Mulleres | 71,7 | 75,0 |
Fonte: IGE. Proxeccións de taxas de actividade (descarga da táboa)
Nota: os datos do ano 2024 proceden da Enquisa de poboación activa (EPA)
A comparación para 2024 e 2038 das taxas de actividade por sexo e grupo decenal de idade pon de manifesto que baixará a taxa de actividade nos grupos de menos de 35 anos e subirá no resto, así como a redución da fenda de xénero das taxas de actividade que terá lugar na poboación entre os 35 e 64 anos.
Taxas de actividade por sexo e grupo decenal de idade. Galicia
Unidade: porcentaxe
Ano 2024
Ano 2038
Fonte: IGE. Proxeccións de taxas de actividade (descarga da táboa)
Nota: os datos do ano 2024 proceden da Enquisa de poboación activa (EPA)
3 Proxección da poboación activa
En 2038 a poboación activa será menor que en 2024, tanto para os homes como para as mulleres, sendo esta baixada máis acusada nos homes. En concreto, a poboación activa de 16 ou máis anos diminuirá un 2,0% (3,6% para os homes e 0,3% para as mulleres) e a poboación activa entre os 16 e 64 anos diminuirá un 4,8% (6,5% para os homes e 3,0% para as mulleres).
Como consecuencia, aumentará a porcentaxe de mulleres na poboación activa, que pasará do 48,6% en 2024 ao 49,5% en 2038, poñéndose de manifesto que nos próximos anos continuará o proceso de converxencia da poboación activa feminina coa masculina que está tendo lugar no mercado laboral.
Poboación activa de 16 ou máis anos e entre os 16 e 64 anos por sexo. Galicia
Unidade: miles de persoas
| Sexo | Ano 2024 | Ano 2038 |
|---|---|---|
| Total | 1.262,3 | 1.236,9 |
| Homes | 648,6 | 625,0 |
| Mulleres | 613,7 | 612,0 |
| Sexo | Ano 2024 | Ano 2038 |
|---|---|---|
| Total | 1.234,1 | 1.174,8 |
| Homes | 634,7 | 593,3 |
| Mulleres | 599,4 | 581,5 |
Fonte: IGE. Proxeccións de taxas de actividade (descarga da táboa)
Nota: os datos do ano 2024 proceden da Enquisa de poboación activa (EPA)
Ao comparar as pirámides de poboación activa de 2024 e 2038, destaca:
O aumento da poboación activa entre os 25 e 34 anos e de 55 ou máis anos.
A caída de poboación activa entre os 35 e 54 anos.
A presenza das mulleres superará á dos homes na poboación activa entre os 45 e 64 anos.
Poboación activa por sexo e grupo decenal de idade. Galicia
Unidade: miles de persoas
Ano 2024
Ano 2038
Fonte: IGE. Proxeccións de taxas de actividade (descarga da táboa)
Nota: os datos do ano 2024 proceden da Enquisa de poboación activa (EPA)
As proxeccións da poboación activa permiten proxectar a evolución de indicadores analíticos do mercado laboral:
A ratio de persoas activas por cada persoa inactiva, calculada tanto para o total da poboación inactiva (incluídas as persoas de menos de 16 anos) como para a poboación inactiva de 65 ou máis anos.
O índice de feminidade sinala o número de mulleres activas por cada home activo; así pois, e unha medida da estrutura da poboación activa por sexo.
O índice de xuventude resume a estrutura da poboación activa por idade, xa que representa o número de persoas activas entre os 16 e 39 anos por cada persoa activa entre os 40 e 64 anos.
As ratios de persoas activas por cada persoa inactiva reduciranse en 2038 respecto a 2024, sobre todo a calculada por cada persoa inactiva de 65 ou máis anos. Así mesmo, segundo o índice de feminidade a poboación activa será máis paritaria entre homes e mulleres e mellorará o índice de xuventude.
| Tempo | Ratio de persoas activas por cada persoa inactiva | Ratio de persoas activas por cada persoa inactiva de 65 ou máis anos | Índice de feminidade | Índice de xuventude |
|---|---|---|---|---|
| 2024 | 0,885 | 1,844 | 0,946 | 0,507 |
| 2025 | 0,885 | 1,821 | 0,952 | 0,500 |
| 2026 | 0,885 | 1,801 | 0,957 | 0,496 |
| 2027 | 0,885 | 1,782 | 0,962 | 0,493 |
| 2028 | 0,888 | 1,769 | 0,965 | 0,495 |
| 2029 | 0,890 | 1,754 | 0,968 | 0,499 |
| 2030 | 0,891 | 1,735 | 0,970 | 0,503 |
| 2031 | 0,891 | 1,715 | 0,972 | 0,508 |
| 2032 | 0,889 | 1,692 | 0,974 | 0,514 |
| 2033 | 0,887 | 1,667 | 0,976 | 0,520 |
| 2034 | 0,884 | 1,641 | 0,977 | 0,527 |
| 2035 | 0,879 | 1,615 | 0,978 | 0,537 |
| 2036 | 0,874 | 1,587 | 0,978 | 0,547 |
| 2037 | 0,867 | 1,557 | 0,979 | 0,556 |
| 2038 | 0,858 | 1,526 | 0,979 | 0,566 |
Fonte: IGE. Proxeccións de taxas de actividade (descarga da táboa)
Nota: os datos do ano 2024 proceden da Enquisa de poboación activa (EPA)