Movemento natural da poboación
Datos correspondentes ao ano 2025. Datos provisionais
Data de publicación 26/06/2026
descarga en pdf
Principais resultados
Cos datos provisionais de 2025, os nacementos soben por primeira vez dende 2009 e acadan os 13.556, un 1,54% por riba dos 13.350 acontecidos no ano 2024.
As defuncións ascenderon a 33.456, un 2,16% máis que no ano anterior. Máis de dous terzos das defuncións, 22.504, corresponden a persoas de 80 e máis anos.
Galicia rexistra un saldo vexetativo negativo de –19.900 persoas, consecuencia dun menor número de nacementos que de defuncións. Só o concello de Oroso presenta saldo positivo con 3 nacementos máis que defuncións.
Producíronse 9.714 matrimonios, un 5,66 % máis que no ano anterior.
1 Introdución
A “Explotación do movemento natural da poboación” proporciona información sobre os principais fenómenos demográficos (nacementos, defuncións e matrimonios). Xunto coa “Explotación dos movementos migratorios”, permite un estudo cronolóxico dunha poboación. Neste caso, a poboación obxecto de estudo son os nacementos de nais residentes en Galicia, as persoas falecidas con residencia en Galicia e os matrimonios que teñen previsto fixar a súa residencia en Galicia.
2 Evolución dos nacementos, defuncións e matrimonios
O número de defuncións en Galicia foi de 33.456 no ano 2025, 707 máis que no ano 2024. Os datos provisionais de 2025 apuntan a unha estabilización dos nacementos tras máis dunha década de descensos continuados, e sitúase en 13.556, un 1,54% por riba dos 13.350 que tiveron lugar no ano 2024.
O saldo vexetativo ou crecemento natural da poboación calcúlase como a diferenza entre o número de nacementos producidos nun ano e o número de defuncións. Un saldo vexetativo negativo indica que se produciron máis defuncións que nacementos. Os datos do último medio século amosan que o saldo vexetativo en Galicia leva tendo signo negativo dende mediados da década dos oitenta. Obsérvase que a diverxencia entre nacementos e defuncións acentúase cos anos, así, os datos provisionais de 2025, -19.900, duplican o saldo vexetativo negativo que se rexistraba fai 25 anos, -9.440.
Evolución do número de nacementos, defuncións e do saldo vexetativo. Galicia
Unidade: Número
Fonte: IGE, INE. Movemento natural da poboación. Ano 2025 datos provisionais. (descarga da táboa).
No ano 2025, a práctica totalidade dos concellos galegos, 312 dos 313, presentan un saldo vexetativo negativo.
Saldo vexetativo por concellos. Ano 2025
Unidade: Número
Fonte: IGE, INE. Movemento natural da poboación. Ano 2025 datos provisionais. (descarga da táboa).
3 Nacementos
En 2025 houbo 13.556 nacementos en Galicia, un 1,54% máis que en 2024. O 78,12% dos nacementos corresponden a nais con residencia nas provincias da Coruña e Pontevedra. Ourense é a provincia galega que presenta un menor número de nacementos, con 1.337, o 9,86% do total galego, pero é a que experimenta a maior subida respecto ao ano anterior, cun 5,69%.
| 2024 | 2025 | Taxa de variación 2024-2025 | Distribución provincial | |
|---|---|---|---|---|
| Galicia | 13.350 | 13.556 | 1,54 | 100,00 |
| A Coruña | 5.795 | 5.922 | 2,19 | 43,69 |
| Lugo | 1.610 | 1.629 | 1,18 | 12,02 |
| Ourense | 1.265 | 1.337 | 5,69 | 9,86 |
| Pontevedra | 4.680 | 4.668 | -0,26 | 34,43 |
| Fonte: IGE, INE. Movemento natural da poboación. Ano 2025 datos provisionais. (descarga da táboa). |
Nacementos por concellos. Ano 2025
Unidade: Número
Fonte: IGE, INE. Movemento natural da poboación. Ano 2025 datos provisionais. (descarga da táboa).
Os datos dos nacementos segundo a idade da nai constatan o retraso na idade á que as mulleres galegas teñen fillos/as. Así, no ano 2025, os nacementos de nais de 40 e máis anos representan o 14,40% do total de nacementos, fronte ao 2,73% do ano 2000. Paralelamente, o tramo de idade materna no que se concentran o maior número de nacementos foi desprazándose cara a idades máis tardías neste medio século. En 2025, o tramo de 35 a 39 anos concentra a maior proporción de nacementos cun 33,30%. Vintecinco anos atrás, no ano 2000, era o tramo de 30 a 34 anos o que acumulaba a maior porcentaxe de nacementos. E fai medio século, en 1975, correspondía ao de 20 a 24 anos.
| Idade | 1975 | 2000 | 2025 | Distribución 1975 | Distribución 2000 | Distribución 2025 |
|---|---|---|---|---|---|---|
| Total | 43.850 | 19.418 | 13.556 | 100,00 | 100,00 | 100,00 |
| Menos de 20 | 3.449 | 542 | 149 | 7,87 | 2,79 | 1,10 |
| De 20 a 24 | 13.176 | 2.517 | 823 | 30,05 | 12,96 | 6,07 |
| De 25 a 29 | 12.931 | 5.649 | 1.981 | 29,49 | 29,09 | 14,61 |
| De 30 a 34 | 8.066 | 7.046 | 4.137 | 18,39 | 36,29 | 30,52 |
| De 35 a 39 | 4.057 | 3.134 | 4.514 | 9,25 | 16,14 | 33,30 |
| De 40 a 44 | 1.982 | 508 | 1.711 | 4,52 | 2,62 | 12,62 |
| De 45 a 49 | 175 | 20 | 228 | 0,40 | 0,10 | 1,68 |
| 50 e máis anos | 14 | 2 | 13 | 0,03 | 0,01 | 0,10 |
Fonte: IGE, INE. Movemento natural da poboación. Ano 2025 datos provisionais. (descarga da táboa).
Fonte: IGE, INE. Movemento natural da poboación. Ano 2025 datos provisionais. (descarga da táboa).
4 Defuncións
No ano 2025, rexistráronse en Galicia 33.456 defuncións. O 52,78% das defuncións corresponden a persoas de 85 e máis anos. A análise da distribución das defuncións en cada un dos sexos permite comprobar que nas mulleres as defuncións prodúcense a idades máis avanzadas que no caso dos homes. Así, o 77,38% das mulleres que faleceron tiñan máis de 80 anos, porcentaxe que se reduce ao 56,74% no caso dos homes.
| Idade | Total | Homes | Mulleres | Distribución Total | Distribución Homes | Distribución Mulleres |
|---|---|---|---|---|---|---|
| Total | 33.456 | 16.401 | 17.055 | 100,00 | 100,00 | 100,00 |
| 0-44 | 494 | 314 | 180 | 1,48 | 1,91 | 1,06 |
| 45-49 | 294 | 179 | 115 | 0,88 | 1,09 | 0,67 |
| 50-54 | 548 | 342 | 206 | 1,64 | 2,09 | 1,21 |
| 55-59 | 909 | 625 | 284 | 2,72 | 3,81 | 1,67 |
| 60-64 | 1.290 | 894 | 396 | 3,86 | 5,45 | 2,32 |
| 65-69 | 1.744 | 1.151 | 593 | 5,21 | 7,02 | 3,48 |
| 70-74 | 2.333 | 1.536 | 797 | 6,97 | 9,37 | 4,67 |
| 75-79 | 3.340 | 2.054 | 1.286 | 9,98 | 12,52 | 7,54 |
| 80-84 | 4.846 | 2.679 | 2.167 | 14,48 | 16,33 | 12,71 |
| > 84 | 17.658 | 6.627 | 11.031 | 52,78 | 40,41 | 64,68 |
| Fonte: IGE, INE. Movemento natural da poboación. Ano 2025 datos provisionais. (descarga da táboa). |
A evolución das defuncións por grupos de idade dende 1997 pon de manifesto o paulatino incremento na idade á que se produce o falecemento. Nese ano, o número de falecidos con máis de 84 anos de idade era moi similar aos de 75 a 84 anos. Porén, co transcorrer dos anos, o conxunto de persoas que acadan máis de 84 anos ao falecemento medra con forza, ata representar máis da metade dos falecidos en 2025. Paralelamente, os falecementos a idades máis novas presentan, ao longo da serie de anos considerados, valores similares ou incluso inferiores.
| Espazo | 2025 | Distribución provincial |
|---|---|---|
| Galicia | 33.456 | 100,00 |
| A Coruña | 13.446 | 40,19 |
| Lugo | 4.952 | 14,80 |
| Ourense | 4.829 | 14,43 |
| Pontevedra | 10.229 | 30,57 |
Fonte: IGE, INE. Movemento natural da poboación. Ano 2025 datos provisionais. Descarga das táboas (Distribución provincial) (Defuncións segundo a idade).
5 Matrimonios
No ano 2025, rexistráronse en Galicia 9.714 matrimonios; 276 do mesmo sexo. Por provincias, A Coruña e Pontevedra foron nas que se rexistraron maior número de matrimonios, 4.257 e 3.414, respectivamente, mentres que en Ourense alcanzáronse os 934 matrimonios no ano 2025.
| 2024 | 2025 | Taxa de variación interanual | |
|---|---|---|---|
| Total | 9.194 | 9.714 | 5,66 |
| Home e Muller | 8.926 | 9.438 | 5,74 |
| Home e Home | 139 | 138 | -0,72 |
| Muller e Muller | 129 | 138 | 6,98 |
| 2024 | 2025 | Taxa de variación interanual | |
|---|---|---|---|
| Galicia | 9.194 | 9.714 | 5,66 |
| A Coruña | 3.914 | 4.257 | 8,76 |
| Lugo | 1.064 | 1.109 | 4,23 |
| Ourense | 878 | 934 | 6,38 |
| Pontevedra | 3.338 | 3.414 | 2,28 |
Fonte: IGE, INE. Movemento natural da poboación. Ano 2025 datos provisionais. (descarga da táboa).
Nos matrimonios de diferente sexo pódese comprobar un retraso nas idades ás que os homes e as mulleres casan. Así, en Galicia, no ano 2025, o 61,60% das mulleres e o 70,00% dos homes tiñan 35 e máis anos, mentres que fai dez anos estas porcentaxes situábanse no 42,81% e no 55,71%, respectivamente. De feito, no caso dos homes, para o ano 2025 o tramo de idade cunha maior proporción de matrimonios é 50 e máis, cun 23,70%.
Fonte: IGE, INE. Movemento natural da poboación. Ano 2025 datos provisionais. (descarga da táboa).
En 2025, o tipo de matrimonio máis frecuente é o civil, cun 88,12%, o que supón un incremento respecto de 2015, no que o 72,10% dos matrimonios eran dese tipo.
Matrimonios de diferente sexo segundo o tipo de celebración
Unidade: Porcentaxe
Fonte: IGE, INE. Movemento natural da poboación. Ano 2025 datos provisionais. (descarga da táboa).
Nota: a partir do último trimestre do ano 2019, debido a un cambio na recollida dos datos de matrimonios, cambiouse o criterio da residencia do matrimonio para os datos provisionais (ver metodoloxía). Os datos de matrimonios do mesmo sexo corresponden aos celebrados a partir do 3 de xullo de 2005, data de entrada en vigor da Lei 13/2005, pola que se modifica o Código civil en materia de dereito a contraer matrimonio.