Enquisa de poboación activa. Variables submostra
Resumo de resultados 09/05/2025
ÍNDICE
descarga en pdf
Principais resultados
En 2024, o sector de estudos de Tecnoloxías da información e comunicación rexistrou a taxa de ocupación máis elevada (79,6%). O de Artes, humanidades e linguas acadou a maior taxa de paro (12,9%).
Sete de cada 10 persoas traballadoras en Galicia tiñan un posto laboral como empregadas (con superiores e sen persoal ao seu cargo), cunha maior porcentaxe de mulleres neste grupo.
O 34,7% da poboación ocupada traballou polo menos un sábado ao mes e o 20,3% polo menos un domingo.
Introdución
A Enquisa de poboación activa (EPA) é unha investigación por mostraxe, continua e dirixida ás vivendas familiares que o Instituto Nacional de Estadística (INE) realiza desde 1964. No ano 2008 asimouse un convenio de colaboración entre o INE e o Instituto Galego de Estatística (IGE) para a duplicación da mostra no ámbito territorial da Comunidade Autónoma de Galicia.
A finalidade principal da EPA é coñecer a actividade económica no relativo ao seu compoñente humano. Está orientada a dar datos das principais categorías poboacionais en relación co mercado de traballo (ocupados, parados, activos e inactivos) e a obter clasificacións destas categorías segundo diversas características. Tamén posibilita confeccionar series temporais homoxéneas de resultados.
Cada trimestre, os fogares que rematan a súa colaboración coa EPA (os que están na sexta entrevista) responden a unha serie de variables adicionais ás investigadas en cada trimestre. A finalidade desta submostra, distribuída durante todo o ano, é a de proporcionar datos anuais de variables estruturais.
Na submostra recóllense as variables estruturais específicas para as que foi deseñada xunto coas demais variables trimestrais da EPA. Polo tanto, a submostra pode ofrecer, para algúns indicadores, resultados diferentes dos que se obteñen como media anual dos datos trimestrais da EPA. Para paliar este problema, a elevación dos resultados da submostra realízase de modo que as estimacións sexan coherentes coa media trimestral para os ocupados, parados e inactivos por sexo e grupos decenais de idade a nivel de España e para o total de ocupados, parados e inactivos para as comunidades autónomas.
A EPA incorporou as cifras do Censo de poboación e vivendas do INE de 2021 ás súas estimacións dos anos 2021 en diante. Para máis información consultar a seguinte ligazón.
Educación
Entre as variables de submostra inclúese o sector de estudos co que se clasifica á poboación segundo a especialidade, campo ou área de contido do seu nivel de formación alcanzado. En 2024, o 58,3% dos galegos e das galegas contaba cun nivel de formación xeral, formación básica de adultos e habilidades persoais. Dentro desta categoría inclúense as persoas que acadaron, como máximo, a ensinanza secundaria obrigatoria ou o bacharelato, isto é, programas ou certificacións de estudos de carácter xeral. O resto da poboación tiña adquirido algunha especialidade.
Entre a poboación ocupada, a porcentaxe de persoas que se clasifica en programas de formación básica situábase no 40,3%. Entre as especialidades con maior porcentaxe de ocupados cómpre salientar os estudos en negocios, administración e dereito (13,3%); mecánica, electrónica e outra formación técnica; industria e construción (12,6%) e saúde e servizos sociais (10,0%).
Poboación de 16 e máis anos por relación coa actividade económica e nivel de formación acadado. Galicia. Ano 2024
Unidade: miles de persoas e porcentaxes
| Total | Activos | Ocupados | Parados | Inactivos | Porcentaxe Total | Porcentaxe Ocupados | |
|---|---|---|---|---|---|---|---|
| Total | 2.372,0 | 1.262,3 | 1.144,0 | 118,3 | 1.109,7 | 100,00 | 100,00 |
| 00 Formación xeral, formación básica de adultos e habilidades persoais | 1.383,4 | 516,6 | 460,6 | 56,0 | 866,8 | 58,32 | 40,26 |
| 01 Educación | 98,3 | 66,5 | 61,2 | 5,3 | 31,8 | 4,14 | 5,35 |
| 02 Artes, humanidades e linguas | 70,5 | 52,5 | 45,7 | 6,7 | 18,0 | 2,97 | 3,99 |
| 03 Ciencias sociais, periodismo e documentación | 37,3 | 28,4 | 25,8 | 2,7 | 8,9 | 1,57 | 2,26 |
| 04 Negocios, administración e dereito | 224,1 | 165,3 | 152,7 | 12,6 | 58,8 | 9,45 | 13,35 |
| 05 Ciencias naturais, químicas, físicas e matemáticas | 31,6 | 23,1 | 21,4 | 1,7 | 8,5 | 1,33 | 1,87 |
| 06 Tecnoloxías da información e as comunicación (TIC) | 52,8 | 45,2 | 42,0 | 3,2 | 7,6 | 2,23 | 3,67 |
| 07 Mecánica, electrónica e outra formación técnica; industria e construción | 196,1 | 155,9 | 143,9 | 11,9 | 40,2 | 8,27 | 12,58 |
| 08 Agricultura, gandería, pesca, silvicultura e veterinaria | 28,1 | 20,5 | 19,7 | 0,8 | 7,6 | 1,18 | 1,72 |
| 09 saúde e servizos sociais | 157,7 | 124,6 | 114,3 | 10,3 | 33,0 | 6,65 | 9,99 |
| 10 Servizos | 73,7 | 61,0 | 55,4 | 5,6 | 12,8 | 3,11 | 4,84 |
| 99 Sectores descoñecidos ou non especificados | 18,5 | 2,7 | 1,2 | 1,6 | 15,7 | 0,78 | 0,10 |
Fonte: IGE. Enquisa de poboación activa. Variables de submostra (Descarga da táboa)
O sector do nivel de formación ten influencia nas variables do mercado laboral. Así, a poboación formada en tecnoloxías da información e as comunicacións acadou a taxa de actividade máis alta (85,6%), seguida de servizos (82,7%), e de mecánica, electrónica e outra formación técnica; industria e construción (79,5%).
Por sexo, tecnoloxías da información e as comunicacións tamén foi a especialidade con maior taxa de actividade para os homes (86,4%), mentres que para as mulleres observouse nos estudos relacionados co sector servizos (85,9%).
Pola contra, as persoas con programas de formación xeral presentaron as menores taxas de actividade (53,2%), tanto para homes como para mulleres (58% e 48,9%, respectivamente)
Taxas de actividade por sector do nivel de formación alcanzado e sexo. Galicia. Ano 2024
Unidade: porcentaxes
| Total | Homes | Mulleres | |
|---|---|---|---|
| Total | 53,2 | 58,0 | 48,9 |
| 00 Formación xeral, formación básica de adultos e habilidades persoais | 37,3 | 44,9 | 30,1 |
| 01 Educación | 67,7 | 78,2 | 65,0 |
| 02 Artes, humanidades e linguas | 74,4 | 75,0 | 74,0 |
| 03 Ciencias sociais, periodismo e documentación | 76,1 | 71,1 | 79,5 |
| 04 Negocios, administración e dereito | 73,8 | 81,0 | 70,2 |
| 05 Ciencias naturais, químicas, físicas e matemáticas | 73,1 | 67,2 | 76,1 |
| 06 Tecnoloxías da información e as comunicación (TIC) | 85,6 | 86,4 | 83,0 |
| 07 Mecánica, electrónica e outra formación técnica; industria e construción | 79,5 | 78,5 | 85,7 |
| 08 Agricultura, gandería, pesca, silvicultura e veterinaria | 73,0 | 69,3 | 85,3 |
| 09 saúde e servizos sociais | 79,0 | 82,5 | 78,1 |
| 10 Servizos | 82,7 | 78,0 | 85,9 |
| 99 Sectores descoñecidos ou non especificados | 14,8 | 12,1 | 15,9 |
Fonte: IGE. Enquisa de poboación activa. Variables de submostra (Descarga da táboa)
No referente á taxa de ocupación, esta situouse no 33,3% para o grupo de poboación sen especialidade académica en 2024. As taxas de ocupación máis elevadas observáronse entre as persoas ocupadas especializadas no sector das tecnoloxías da información e as comunicacións, cunha porcentaxe do 79,6%. Este sector é o de maior taxa de ocupación no caso dos homes (79,3% ) e o de agricultura, gandería, pesca, silvicultura e veterinaria no caso das mulleres (85,3%).
Taxas de ocupación por sector do nivel de formación alcanzado e sexo. Galicia. Ano 2024
unidades: porcentaxes
| Total | Homes | Mulleres | |
|---|---|---|---|
| Total | 48,2 | 52,8 | 44,1 |
| 00 Formación xeral, formación básica de adultos e habilidades persoais | 33,3 | 40,2 | 26,6 |
| 01 Educación | 62,3 | 74,1 | 59,3 |
| 02 Artes, humanidades e linguas | 64,9 | 62,8 | 66,2 |
| 03 Ciencias sociais, periodismo e documentación | 69,0 | 64,8 | 71,9 |
| 04 Negocios, administración e dereito | 68,1 | 74,5 | 64,9 |
| 05 Ciencias naturais, químicas, físicas e matemáticas | 67,7 | 58,2 | 72,6 |
| 06 Tecnoloxías da información e as comunicación (TIC) | 79,6 | 79,3 | 80,7 |
| 07 Mecánica, electrónica e outra formación técnica; industria e construción | 73,4 | 72,6 | 78,9 |
| 08 Agricultura, gandería, pesca, silvicultura e veterinaria | 70,1 | 65,5 | 85,3 |
| 09 saúde e servizos sociais | 72,5 | 78,5 | 70,9 |
| 10 Servizos | 75,1 | 75,7 | 74,8 |
| 99 Sectores descoñecidos ou non especificados | 6,4 | 6,4 | 6,4 |
Fonte: IGE. Enquisa de poboación activa. Variables de submostra (Descarga da táboa)
Por último, a taxa de paro varía entre o 12,9% da poboación especializada en artes, humanidades e linguas (o sector de formación coa taxa de paro máis alta en 2024) ao 4% da poboación especializada no sector da agricultura, gandería, pesca, silvicultura e veterinaria.
Taxas de paro por sector do nivel de formación alcanzado e sexo. Galicia. Ano 2024
Unidades: porcentaxes
| Total | Homes | Mulleres | |
|---|---|---|---|
| Total | 9,4 | 9,0 | 9,8 |
| 00 Formación xeral, formación básica de adultos e habilidades persoais | 10,8 | 10,4 | 11,5 |
| 01 Educación | 7,9 | 5,3 | 8,7 |
| 02 Artes, humanidades e linguas | 12,9 | 16,3 | 10,6 |
| 03 Ciencias sociais, periodismo e documentación | 9,3 | 8,8 | 9,7 |
| 04 Negocios, administración e dereito | 7,6 | 7,9 | 7,5 |
| 05 Ciencias naturais, químicas, físicas e matemáticas | 7,4 | 13,5 | 4,7 |
| 06 Tecnoloxías da información e as comunicación (TIC) | 7,1 | 8,3 | 2,8 |
| 07 Mecánica, electrónica e outra formación técnica; industria e construción | 7,7 | 7,6 | 7,9 |
| 08 Agricultura, gandería, pesca, silvicultura e veterinaria | 4,0 | 5,5 | 0,0 |
| 09 saúde e servizos sociais | 8,3 | 4,8 | 9,2 |
| 10 Servizos | 9,1 | 2,9 | 13,0 |
| 99 Sectores descoñecidos ou non especificados | 56,9 | 46,9 | 59,9 |
Fonte: IGE. Enquisa de poboación activa. Variables de submostra (Descarga da táboa)
Condicións de traballo
En 2024 o 70,0% dos ocupados e das ocupadas de Galicia traballaba nun posto como empregado, con xefes pero sen subordinados, aínda que a porcentaxe era maior entre as mulleres (74,8%) que entre os homes (65,6%). A seguinte categoría en importancia era a de ocupado independente, isto é, sen xefes e sen subordinados, na que se atopaba o 13,2% dos traballadores e das traballadoras galegas.
Por tipo de posto laboral obsérvanse diferencias significativas por sexo. En todas as categorías, agás na de empregado (con xefes e sen subordinados), clasificáronse máis homes que mulleres, tanto en número como en porcentaxe sobre o total de ocupados e ocupadas. Cabe destacar a de director de empresa onde se situou practicamente o doble de homes que de mulleres.
Persoas ocupadas por tipo de posto laboral e sexo. Galicia. Ano 2024
Unidades: miles de persoas
| Total | Homes | Mulleres | |
|---|---|---|---|
| Total | 1.144,0 | 596,4 | 547,6 |
| Empregado (con xefes e sen subordinados) | 800,7 | 391,2 | 409,5 |
| Encargado, xefe de taller ou de oficina, capataz ou similar | 73,1 | 45,1 | 28,0 |
| Mando intermedio | 52,3 | 29,6 | 22,7 |
| Ocupado independente (sen xefes e sen subordinados) | 151,0 | 86,4 | 64,6 |
| Director de pequena, mediana ou gran empresa | 65,5 | 43,5 | 22,0 |
| Non sabe | 1,5 | 0,5 | 0,9 |
Fonte: IGE. Enquisa de poboación activa. Variables de submostra (Descarga da táboa)
O 64,3% dos ocupados e das ocupadas de Galicia non traballou ningún sábado en 2024, o 29,2% traballou polo menos dous sábados ao mes e o 5,5% traballou só un sábado ao mes. Por outra banda, o 79,4% non traballou ningún domingo ao mes durante o ano 2024.
Persoas ocupadas por frecuencia coa que traballan o sábado. Galicia. Ano 2024
Unidade: porcentaxe
Fonte: IGE. Enquisa de poboación activa. Variables de submostra (Descarga da táboa)
Persoas ocupadas por frecuencia coa que traballan o domingo. Galicia. Ano 2024
Unidade: porcentaxe
Fonte: IGE. Enquisa de poboación activa. Variables de submostra (Descarga da táboa)
Dos 939.600 asalariados e asalariadas residentes en Galicia no ano 2024, 36.600 persoas foron contratadas a través dunha empresa de traballo temporal e 18.700 obtiveron o seu emprego actual coa mediación dunha oficina de emprego pública.
Persoas asalariadas por contratación a través dunha empresa de traballo temporal. Galicia. Ano 2024
Unidade: miles de persoas
| Variable | Total | Homes | Mulleres |
|---|---|---|---|
| Total | 939,6 | 474,8 | 464,8 |
| Si | 36,6 | 19,7 | 16,8 |
| Non | 899,9 | 452,0 | 447,9 |
| Non sabe | 3,0 | 3,0 | 0,0 |
Fonte: IGE. Enquisa de poboación activa. Variables de submostra (Descarga da táboa)
Persoas asalariadas por participación dunha oficina de emprego pública na obtención do seu emprego actual. Galicia. Ano 2024
Unidade: miles de persoas
| Variable | Total | Homes | Mulleres |
|---|---|---|---|
| Total | 939,6 | 474,8 | 464,8 |
| Si | 18,7 | 6,5 | 12,2 |
| Non | 880,8 | 446,1 | 434,8 |
| Non sabe | 3,5 | 2,5 | 1,0 |
| Non clasificable | 36,6 | 19,7 | 16,8 |
Fonte: IGE. Enquisa de poboación activa. Variables de submostra (Descarga da táboa)
Experiencia laboral e búsqueda de emprego
No ano 2024 o motivo principal polo cal as persoas paradas que traballaron anteriormente deixaron o último emprego foi por finalizar o contrato (43,9% dos casos). Por outra banda, o 23,8% da persoas paradas deixara o seu último emprego facía tres anos ou máis.
Persoas paradas que traballaron anteriormente segundo a causa para deixar o último emprego e o sexo. Galicia. Ano 2024
Unidade: miles de persoas
| Causa | Total | Homes | Mulleres |
|---|---|---|---|
| Total | 107,0 | 52,8 | 54,2 |
| Despido ou suspensión do posto (inclúe regulación de emprego) | 21,4 | 11,4 | 9,9 |
| Fin do contrato (inclúe os fixos-discontinuos e os traballadores estacionais) | 47,0 | 23,0 | 24,0 |
| Enfermidade ou incapacidade propia | 1,3 | 0,5 | 0,8 |
| Realizar estudos ou recibir formación | 1,1 | 0,8 | 0,3 |
| Coidado de nenos ou de adultos enfermos, incapacitados ou maiores | 0,7 | 0,3 | 0,4 |
| Outras responsabilidades familiares | 0,0 | 0,0 | 0,0 |
| Xubilación anticipada ou normal | 0,0 | 0,0 | 0,0 |
| Outras razóns persoais | 1,7 | 0,7 | 1,0 |
| Outras razóns (inclúen o cese nunha actividade propia e por vontade propia) | 8,2 | 4,6 | 3,6 |
| Non sabe | 0,0 | 0,0 | 0,0 |
| Deixou o seu último emprego hai 3 anos ou máis | 25,5 | 11,4 | 14,0 |
Fonte: IGE. Enquisa de poboación activa. Variables de submostra (Descarga da táboa)
Definicións, fontes e máis información
Definicións
Descarga de datos
Ocupados por tipo de posto laboral, sexo e grupos de idade. Galicia
Persoas ocupadas por frecuencia coa que traballan o sábado, sexo e grupos de idade. Galicia
Persoas ocupadas por frecuencia coa que traballan o domingo, sexo e grupos de idade. Galicia
Persoas paradas que traballaron anteriormente por causa de deixar o último emprego e sexo. Galicia