Introdución

volver ao índice

As Contas económicas anuais son unha estatística de síntese de carácter estrutural. O seu obxectivo é ofrecer ao usuario unha representación cuantificada da realidade económica galega, completa, sistemática, sinxela e detallada.

Esta actividade segue as liñas metodolóxicas establecidas para o conxunto dos Estados membros da Unión Europea polo Regulamento do Sistema Europeo de Contas (SEC 2010).

Ofrece información do cadro macroeconómico de Galicia desde o ano 1995 e achega información desagregada para 72 sectores económicos desde o ano 2000. Dentro das súas utilidades están:

A “Revisión Estatística 2019” (RE19) é unha revisión extraordinaria regular das contas económicas realizada por criterios estatísticos: incorporación de novas fontes de información, mellora nos procedementos internos de estimación e homoxeneización de criterios de estimación de determinadas variables. Coa implantación desta Revisión, Galicia cumpre coas recomendacións de Eurostat e garante a comparabilidade dos seus datos cos das economías da súa contorna.


Estrutura produtiva de Galicia

volver ao índice

A estimación do PIB pola vía da oferta permite coñecer que sectores produtivos contribúen á xeración de valor engadido en Galicia.

O sector servizos achega o 62,8% do Produto Interior Bruto (PIB) de Galicia no ano 2017. Este sector é cada vez máis relevante no PIB: pasou de achegar o 56,4% do PIB en 1995 ao 62,8% no ano 2017.

O sector industrial achega o 16,1%, o sector primario 5%, a construción un 6,6% e os impostos netos sobre os produtos un 9,6%.


Distribución do PIB pola vía da oferta
Unidade: porcentaxe (%)

Fonte: IGE. Contas económicas anuais (descarga da táboa)

Distribución do PIB pola vía da demanda
Unidade: porcentaxe (%)

Fonte: IGE. Contas económicas anuais (descarga da táboa)


A estimación do PIB pola vía da demanda permite coñecer a achega da demanda interna (gasto en consumo final e formación bruta de capital –investimentos-) xunto coa demanda exterior.

O gasto en consumo final, que inclúe tanto o realizado polos fogares como polas Administracións públicas e ISFLSF, representa o 85,3% do PIB. O investimento representa o 16,3%.


Distribución do PIB pola vía das rendas
Unidade: porcentaxe (%)

Fonte: IGE. Contas económicas anuais (descarga da táboa)


Pola vía das rendas o PIB expresa a remuneración dos factores produtivos: traballo (remuneración de asalariados), capital (excedente de explotación bruto) e o pagamento de impostos. Dentro do excedente de explotación bruto recóllese tamén a renda mixta, que é a remuneración do traballo autónomo. A remuneración dos asalariados achega o 43,8% do PIB no ano 2017, mentres o excedente de explotación bruto achega o 46,1%.


Desagregación por sectores

volver ao índice

As contas económicas anuais ofrecen un alto nivel de detalle sectorial, polo que é posible afondar no coñecemento da estrutura produtiva de Galicia analizando as ramas de actividade que a forman.

No ano 2017 o 73% do emprego da economía galega está centrada no sector servizos, no sector da industria e enerxía concéntrase o 13,2%, no sector primario o 7,2% e na construción o 6,6% restante. En termos de VEB os servizos achegan o 62,8% do PIB, teñen un valor elevado do ratio remuneración de asalariados sobre valor engadido, é dicir, a participación das rendas salariais na xeración de valor é elevada.

A maior produtividade do factor traballo está no sector secundario. Industria e enerxía achegan o 16,1% do PIB en 2017, e a participación das rendas salariais é do 49,5%.

No sector primario a produtividade do traballo é inferior á media da economía e a participación do traballo asalariado é baixo no valor engadido. Neste sector a presenza do traballo por conta propia é elevado.


Estrutura da economía galega a catro grandes sectores. Ano 2017
Unidade: porcentaxe (%), euros

Sector Distribución do PIB Distribución do emprego (postos de traballo) Produtividade (VEB/Horas efectivas) (euros) Remuneración de asalariados/VEB (%)
Sector primario 5,0 7,2 15,9 22,5
Industria e enerxía 16,1 13,2 37,9 49,5
Construción 6,6 6,6 30,1 40,8
Servizos 62,8 73,0 27,5 51,0
Impostos netos sobre
os produtos 		9,6
Total economía 100,0 100,0 30,9 43,8

Fonte: IGE. Contas económicas anuais. Descarga das táboas:(distribución do PIB,distribución do emprego)


Sector primario

As Contas Económicas anuais ofrecen información de catro ramas de actividade dentro do sector primario. Este sector emprega a 80.311 postos de traballo, dos cales máis da metade son da rama da agricultura e gandería. No sector da pesca e acuicultura hai 22.150 postos de traballo.

Neste sector a remuneración de asalariados representa o 22,5% do VEB xerado, porque a taxa de asalarización é baixa, como se aprecia especialmente na rama R01 “Agricultura, gandaría, caza e servizos relacionados con ela”. Por outra banda, a produtividade do traballo é inferior á da economía.


Estrutura do sector primario galego. Ano 2017

Ramas de actividade VEB (miles de euros) VEB (% sobre total sector) EMPREGO (postos de traballo) EMPREGO (% sobre total sector) Produtividade (VEB/Horas efectivas) (euros) Remuneración de asalariados/VEB (%)
R01 Agricultura, gandaría, caza e servizos relacionados con elas 1.862.488 62,9 49.698 61,9 14,0 13,9
R02 Silvicultura e explotacion forestal 409.087 13,8 8.463 10,5 26,6 25,4
R03 Pesca 687.569 23,2 22.150 27,6 17,9 44,2
  • R03A Pesca
510.625 17,3 16.929 21,1 16,8 52,0
  • R03B Acuicultura
176.944 6,0 5.221 6,5 22,4 21,8
TOTAL PRIMARIO 2.959.144 100,0 80.311 100,0 15,9 22,5

Fonte: IGE. Contas económicas anuais (descarga da táboa)


Comparando o ano 2017 co inicio da serie contable, ano 2000, vemos como se incrementa a presenza da agricultura e gandaría no sector primario galego en termos de VEB, pero non en termos de emprego. A “Pesca e acuicultura” evolucionan de forma oposta: perden peso dentro do sector en termos de VEB pero gáñano en termos de emprego. No caso da “Silvicultura e explotación forestal” o máis relevante é o incremento do emprego, tanto en termos relativos como absolutos.


Distribución do emprego do sector primario.
Unidade: porcentaxe sobre o total do sector(%)

Fonte: IGE. Contas económicas anuais (descarga da táboa))


Distribución do VEB do sector primario.
Unidade: porcentaxe sobre o total do sector(%)

Fonte: IGE. Contas económicas anuais (descarga da táboa)


Sector industrial

Dentro do sector industrial distinguimos dous grandes bloques: o sector enerxético (que se corresponde coas seccións B, D, E da CNAE-09) e a industria manufactureira. A composición interna do sector industrial sufriu modificacións dende o ano 2000: a enerxía achegaba nese ano o 22,7% do VEB xerado, mentres en 2017 pasa a representar o 25,2% do total. En termos de emprego a industria manufactureira é máis relevante, e en 2017 o 89,9% dos empregos do sector secundario proveñen da industria manufactureira.


Distribución do emprego no sector da Industria e enerxía.
Unidade: porcentaxe sobre o total do sector (%)

Fonte: IGE. Contas económicas anuais (descarga da táboa)


Distribución do VEB no sector da Industria e enerxía.
Unidade: porcentaxe sobre o total do sector (%)

Fonte: IGE. Contas económicas anuais (descarga da táboa)


O subsector da industria manufactureira

Este subsector está composto por 26 ramas de actividade na difusión das Contas económicas anuais.

A composición da industria manufactureira pon de manifesto a relevancia da fabricación de vehículos automóbiles en Galicia. Esta rama de actividade achega un valor engadido bruto de 976 millóns de euros en 2017, o que supón o 13,7% do total da industria manufactureira galega. O emprego nesta rama de actividade é de 14.612 postos de traballo.

Esta publicación pon o foco en sectores senlleiros da economía galega e ofrece unha información moi desagregada. Un exemplo témolo nas seis ramas da industria alimentaria das que ofrece información as “Contas económicas anuais”. Para analizar a súa relevancia no subsector da industria manufactureira resulta de utilidade tratalas conxuntamente.


Distribución do VEB da industria alimentaria por subramas. Ano 2017
Unidade: porcentaxe sobre o total da industria agroalimentaria(%)

Fonte: IGE. Contas económicas anuais (descarga da táboa)




O valor engadido xerado polas seis ramas da industria alimentaria (1.576 millóns de euros) supera a achega do sector do automóbil, e supón a quinta parte do valor xerado pola industria manufactureira. En termos de emprego supoñen o 24,1% e superan os 31.600 postos de traballo.

Dentro da industria alimentaria a participación das seis ramas que a forman en 2017 queda este xeito: a rama da conserva e do conxelado de peixe (R10B) achega o 30,4% do seu VEB, seguida pola fabricación de bebidas (R11) cun 21,1% e as “R10E Outras industrias alimentarias” cun 19,5% do VEB.


Outras industrias relevantes son a fabricación de produtos metálicos (702 millóns de euros), a metalurxia (549 millóns de euros), a industria téxtil, confección, coiro e calzado (476 millóns de euros), as reparacións e instalación de maquinaria e equipamento, que inclúe a reparación naval(409 millóns de euros) e a industria da madeira que achegou 344 millóns de euros de valor engadido á economía galega.

Con respecto ao ano 2000, a composición do subsector da industria manufactureira presenta algúns cambios. A achega das industrias alimentarias ao VEB industrial manufactureiro incrementouse case cinco puntos. A fabricación de vehículos de motor, que en 2000 achegaba o 15,2% do VEB da industria manufactureira, perdeu un punto e medio porcentual e achega o 13,7% do valor engadido xerado pola industria galega en 2017.

A “Fabricación de produtos metálicos, agás maquinaria e equipamento” e as “Reparación e instalación de maquinaria e equipamento” achegan no ano 2017 un 9,8 e un 5,7% respectivamente, o que supón un incremento da súa relevancia no subsector con respecto ao ano 2000. Tamén gana presenza a rama da Confección de roupa de vestir e industria do coiro e calzado.

A Industria da madeira achega o 4,8% do VEB industrial, e ganou peso interno con respecto a 2000.


Achega ao VEB da industria manufactureira. Ramas con maior achega. Anos 2000 e 2017
Unidade: porcentaxe (%)

Fonte: IGE. Contas económicas anuais (descarga da táboa)


Estrutura da industria manufactureira galega. Ano 2017

Ramas de actividade VEB (miles de euros) VEB (% sobre total sector) EMPREGO (postos de traballo) EMPREGO (% sobre total sector) Produtividade (VEB/Horas efectivas) (euros) Remuneración de asalariados/VEB (%)
R10A Procesamento e conservación de carne e elaboración de produtos cárnicos 253.773 3,6 4.407 3,4 28,9 45,9
R10B Procesamento e conservación de peixes, crustáceos e moluscos 478.427 6,7 11.245 8,6 24,3 63,1
R10C Fabricación de produtos lácteos 137.032 1,9 2.111 1,6 37,5 48,9
R10D Fabricación de produtos para a alimentación animal 66.611 0,9 1.330 1,0 28,9 66,5
R10E Outras industrias alimentarias 307.570 4,3 9.653 7,4 20,2 64,6
R11 Fabricación de bebidas 332.368 4,7 2.927 2,2 65,7 30,1
R12 Industria do tabaco 0 0,0 0 0,0
R13 Industria téxtil 43.976 0,6 1.709 1,3 16,7 78,9
R14_15 Confección de roupa de vestir e industria do coiro e do calzado 476.413 6,7 9.595 7,3 27,0 47,7
R16 Industria da madeira e da cortiza, agás mobles; cestaría e espartaría 343.818 4,8 7.911 6,0 25,0 66,2
R17 Industria do papel 222.594 3,1 1.865 1,4 69,0 30,5
R18 Artes gráficas e reprodución de soportes gravados 84.091 1,2 2.851 2,2 16,2 89,9
R19 Coquerías e refino de petróleo 255.075 3,6 681 0,5 207,7 31,2
R20_21 Industria química e fabricación de produtos farmacéuticos 274.828 3,8 2.293 1,7 70,5 36,0
R22 Fabricación de produtos de caucho e plásticos 206.924 2,9 3.741 2,8 32,9 59,5
R23 Fabricación doutros produtos minerais non metálicos 231.309 3,2 6.555 5,0 20,3 88,2
R24 Metalurxia; fabricación de produtos de ferro, aceiro e ferroaliaxes 548.762 7,7 4.312 3,3 77,5 35,1
R25 Fabricación de produtos metálicos, agás maquinaria e equipamento 702.053 9,8 15.165 11,6 27,0 66,0
R26 Fabricación de produtos informáticos, electrónicos e ópticos 74.731 1,0 1.012 0,8 42,9 52,9
R27 Fabricación de material e equipamento eléctrico 112.779 1,6 1.578 1,2 41,7 54,7
R28 Fabricación de maquinaria e equipamento n.c.n. 214.904 3,0 4.579 3,5 27,6 76,3
R29 Fabricación de vehículos de motor, remolques e semirremolques 976.008 13,7 14.612 11,1 36,7 59,5
R30 Fabricación doutro material de transporte 164.235 2,3 4.071 3,1 24,5 116,6
R31 Fabricación de mobles 173.340 2,4 4.812 3,7 21,1 70,2
R32 Outras industrias manufactureiras 52.407 0,7 1.769 1,3 17,8 66,1
R33 Reparación e instalación de maquinaria e equipamento 409.046 5,7 10.509 8,0 22,7 87,0
TOTAL INDUSTRIA MANUFACTUREIRA 7.143.074 100,0 131.293 100,0 31,4 58,4

Fonte: IGE. Contas económicas anuais (descarga da táboa)


Sector construción

No ano 2017 o sector achega o 6,6% do PIB de Galicia e ten 72.837 postos de traballo, isto é, o 6,6% do emprego total da nosa comunidade. Despois do ano 2009, o sector perdeu peso no total da economía galega, tanto en termos de valor engadido bruto como en termos de emprego, se ben nos últimos anos esta tendencia parece mudar incrementándose a súa achega ao PIB galego:


Evolución do sector da construción galego. 1995-2017
Unidade: peso no PIB (%), postos de traballo

Fonte: IGE. Contas económicas anuais. Descarga das táboas (evolución do emprego,evolución do peso no PIB)


Sector Servizos

As Contas económicas de Galicia achegan información de 37 ramas de actividade do sector servizos. Estas ramas poden agruparse, seguindo a CNAE-09, en 14 seccións.

O “Comercio e reparación de vehículos” xerou en 2017 máis de 6.595 millóns de euros e 186.102 postos de traballo. Representa o 17,6% do valor engadido xerado no sector servizos.

As “Actividades inmobiliarias”, que inclúen a valoración do aluguer das vivendas ocupadas polos seus propietarios, representan case o 15,7% do VEB xerado no sector servizos, pero ten escasa relevancia en termos de emprego. Isto fai que os niveis de produtividade sexan moi elevados e a participación da renda salarial no valor xerado moi baixa.

As “Actividades sanitarias e de servizos sociais” xeraron 3.644 millóns de euros en 2017, cunha elevada participación das rendas salariais (80,8% do VEB). No caso da “Educación” esta participación é incluso superior (86%). En ambos casos trátase de sectores intensivos en traballo.

Estrutura do sector servizos galego. Ano 2017

Ramas de actividade VEB (miles de euros) VEB (% sobre total sector) EMPREGO (postos de traballo) EMPREGO (% sobre total sector) Produtividade (VEB/Horas efectivas) (euros) Remuneración de asalariados/VEB (%)
G Comercio e reparación de vehículos 6.595.793 17,6 186.102 23,0 18,7 52,4
H Transporte e almacenamento 2.377.494 6,4 49.034 6,1 24,8 48,3
I Hostalaría 3.631.413 9,7 76.477 9,4 23,7 36,3
J Información e comunicacións 1.580.626 4,2 19.305 2,4 45,2 47,7
K Actividades financeiras e de seguros 1.804.881 4,8 18.435 2,3 52,4 41,7
L Actividades inmobiliarias 5.868.958 15,7 7.962 1,0 420,2 1,5
M Actividades profesionais, científicas e técnicas 2.029.708 5,4 53.412 6,6 20,6 55,6
N Actividades administrativas e servizos auxiliares 1.261.459 3,4 64.119 7,9 14,5 86,4
O Administración pública e defensa; seguridade social obrigatoria 3.367.400 9,0 55.129 6,8 36,6 71,7
P Educación 2.921.461 7,8 67.204 8,3 31,1 86,0
Q Actividades sanitarias e de servizos sociais 3.644.409 9,8 101.095 12,5 22,1 80,8
R Actividades artísticas, recreativas e de entretemento 1.056.253 2,8 22.005 2,7 34,2 56,2
S Outros servizos 745.542 2,0 36.033 4,4 11,5 50,5
T Actividades dos fogares como empregadores de personal doméstico 490.055 1,3 53.859 6,6 12,5 100,0
TOTAL SERVIZOS 37.375.452 100,0 810.171 100,0 27,5 51,0

Fonte: IGE. Contas económicas anuais (descarga da táboa)


Con respecto ao ano 2000 ganan importancia dentro do sector servizos a “Hostalería”, as “Actividades inmobiliarias”, as “Actividades sanitarias e de servizos sociais” e as “Actividades profesionais, científicas e técnicas”. Pola contra, están a perder presenza relativa no sector servizos o “Comercio e reparación de vehículos”, a “Educación”, a sección de “Información e comunicacións”, o “Transporte e almacenamento” ou as “Actividades financeiras e de seguros”. En termos de emprego, gaña peso especialmente a sección “Actividades Sanitarias e de servizos sociais” e perde peso o emprego no sector do comercio e a “Administración pública e defensa; seguridade social obrigatoria”.

Distribución do VEB no sector servizos. Anos 2000 e 2017
Unidade: porcentaxe sobre o VEB total do sector(%)

Fonte: IGE. Contas económicas anuais (descarga da táboa)


Distribución do emprego (postos de traballo) no sector servizos. Anos 2000 e 2017
Unidade: porcentaxe sobre o emprego total do sector (%)

Fonte: IGE. Contas económicas anuais (descarga da táboa))


Sectores característicos da economía galega

volver ao índice

No IGE elaboramos dende o ano 2013 estudos referidos a diversos sectores da economía galega, incluídos nos programas estatísticos anuais na actividade de interese estatístico “Análise estatística de sectores produtivos e da estrutura económica en xeral”. Na seguinte táboa resumimos a evolución da súa achega ao PIB galego e a súa relevancia en termos de emprego.


Peso no PIB de sectores característicos da economía galega. Anos 2000, 2008 e 2017
Unidade: porcentaxe (%)

Sectores 2000 2008 2017
Cadea forestal-madeira 2,4 1,9 1,9
Fabricación de vehículos e compoñentes 2,0 1,9 1,6
Ramas características do sector cultural 2,6 2,4
Sector da minaría e fabricación de produtos minerais non metálicos 1,9 1,3 0,7
Sector da pesca 2,4 1,6 2,0
Sector do transporte e da loxística 4,2 3,9 4,0

Fonte: IGE. Contas económicas anuais (descarga da táboa)


Emprego de sectores característicos da economía galega. Anos 2000, 2008 e 2017
Unidade: postos de traballo

Sectores 2000 2008 2017
Cadea forestal-madeira 29.544 27.448 23.051
Fabricación de vehículos e compoñentes 18.782 20.579 14.612
Ramas características do sector cultural 36.704 33.675
Sector da minaría e fabricación de produtos minerais non metálicos 20.836 21.058 10.561
Sector da pesca 42.312 35.058 33.395
Sector do transporte e da loxística 44.537 55.667 49.034

Fonte: IGE. Contas económicas anuais (descarga da táboa)


Definicións e máis información

volver ao índice

Táboa de correspondencias: rama de actividade das Contas Económicas de Galicia e CNAE-2009

Táboa de correspondencias: sectores característicos da economía galega e ramas de actividade das Contas Económicas de Galicia

Definicións

Máis información: