Matriz de Contabilidade Social. Revisión Estatística 2024
Datos correspondentes ao ano 2023
Data de publicación: 24/10/2025
descarga en pdf
Principais resultados
No ano 2023, os soldos e salarios aumentan un 6,8% respecto o ano anterior e representan o 34% do PIB.
O sector sevizos representa o 87,1% dos soldos e salarios percibidos polas mulleres e o 62,4% dos percibidos polos homes.
Os fogares cuxa principal fonte de renda son as remuneracións do traballo concentran o 66,3% do gasto en consumo final dos fogares galegos.
No ano 2023, o gasto en vivenda, auga, gas, electricidade e produtos alimenticios representa o 36,8% do gasto dos fogares galegos.
1 Introdución
A Matriz de Contabilidade Social é unha estatística de síntese de carácter estrutural. O principal obxectivo desta operación é vincular os procesos de xeración de valor engadido coas características socioeconómicas das persoas e dos fogares mediante a unión das estatísticas das contas nacionais coas estatísticas do mercado de traballo e o consumo dos fogares. Isto proporciona unha visión combinada das cifras macroeconómicas e a súa repercusión nas persoas da nosa economía.
A Matriz de Contabilidade Social de Galicia recolle información sobre a remuneración do factor traballo, tanto asalariado (soldos e salarios) como por conta propia (renda mixta), segundo rama de actividade, sexo e nivel de estudos. Tamén ofrece datos das rendas do traballo e do gasto en consumo final por tipo de fogar -clasificados segundo a súa principal fonte de renda-.
A publicación, que subministra datos da serie 2010-2023, é coherente coas operacións estatísticas do Sistema de Contas Económicas de Galicia en Revisión estatística 2024.
2 Remuneración do factor traballo por sexo e nivel de estudos
2.1 Soldos e salarios
No ano 2023 os soldos e salarios aumentan un 6,8% con respecto ao ano anterior, incremento inferior ao do Produto interior bruto (PIB) galego (7,9% en termos correntes). Os soldos e salarios, que son a principal partida da remuneración de asalariados (a outra compoñente son as cotizacións sociais a cargo dos empregadores), supoñen no ano 2023 o 34,0% do PIB e a remuneración de asalariados o 44,0%.
Soldos e salarios. Porcentaxe sobre o PIB e porcentaxe que perciben as mulleres
Unidade: miles de euros, porcentaxe
| Ano | Soldos e salarios | Porcentaxe sobre o PIB | Porcentaxe percibido polas mulleres |
|---|---|---|---|
| 2014 | 18.255.308 | 34,5 | 42,3 |
| 2015 | 18.840.407 | 34,5 | 42,7 |
| 2016 | 19.293.958 | 34,1 | 43,3 |
| 2017 | 19.906.109 | 34,0 | 42,7 |
| 2018 | 20.878.139 | 34,0 | 43,2 |
| 2019 | 22.100.145 | 35,1 | 43,7 |
| 2020 | 21.324.079 | 36,7 | 43,9 |
| 2021 | 22.603.621 | 34,9 | 44,0 |
| 2022 | 24.540.388 | 34,4 | 44,9 |
| 2023 | 26.199.243 | 34,0 | 44,9 |
Fonte: IGE. Matriz de Contabilidade Social (descarga da táboa).
Distribución dos soldos e salarios por sector de actividade, nivel de formación e sexo. Ano 2023
Unidade: miles de euros
Fonte: IGE. Matriz de Contabilidade Social (descarga da táboa).
Nivel de estudos: I: Educación primaria ou inferior.II: Primeira etapa de educación secundaria e similar. III: Segunda etapa de educación secundaria e educación postsecundaria non superior.IV: Educación superior.
Sector de actividade: Servizos I: Comercio, transporte, hostalería, información e comunicacións, actividades financeiras e de seguros, actividades inmobiliarias, actividades profesionais, científicas e técnicas, actividades administrativas e servizos auxiliares (CNAE G a N). Servizos II: Administración pública, educación, actividades sanitarias e sociais, actividades artísticas, outros servizos e actividades dos fogares que empregan persoal doméstico (CNAE O a T)
En 2023, as mulleres perciben o 44,9% dos soldos e salarios, unha porcentaxe moi similar á rexistrada no ano 2022. En canto á distribución sectorial das rendas salariais do colectivo feminino, o sector servizos representa o 87,1% dos soldos e salarios percibidos polas mulleres e é o principal proveedor deste tipo de rendas. Dentro do sector servizos, son especialmente relevantes as actividades de administración pública, educación, sanidade, servizos sociais, actividades artísticas, recreativas e outros servizos, que suman máis do 50% das rendas salarias percibidas polas mulleres fronte ao 24,8% dos homes. En cambio, a industria manufactureira e a construción concentran o 31,7% das rendas salariais dos homes fronte a un 10,9% das mulleres.
Fonte: IGE. Matriz de Contabilidade Social (descarga da táboa).
No ano 2023, o 57,2% dos soldos e salarios corresponde a traballadores con educación superior, o 20,5% a traballadores coa segunda etapa de educación secundaria e o 22,4% restante a traballadores coa primeira etapa de educación secundaria ou nivel de estudos inferior. No periodo 2010-2023 obsérvase unha diminución continua do peso deste último colectivo, aínda que en 2023 aumenta por primeira vez.
En canto á distribución por sexo e nivel de estudos, no caso das mulleres, o 66,4% das rendas recíbenas mulleres con nivel de estudos superior, e nos homes esta porcentaxe é o 49,7%. Isto está estreitamente relacionado coa distinta distribución por sectores de actividade de ambos os dous colectivos.
Fonte: IGE. Matriz de Contabilidade Social (descarga da táboa).
Nivel de estudos: I: Educación primaria ou inferior.II: Primeira etapa de educación secundaria e similar. III: Segunda etapa de educación secundaria e educación postsecundaria non superior.IV: Educación superior.
2.2 Rendas mixtas
No ano 2023 as rendas mixtas aumentan un 14,2% con respecto ao ano anterior e supoñen o 13,0% do PIB galego.
As rendas mixtas xeradas polas mulleres supoñen o 34,9% do total e concéntranse no sector primario e no sector do comercio, transporte, hostalería, actividades profesionais, científicas e técnicas, actividades administrativas e outros servizos (CNAE G a N). No caso das rendas mixtas xeradas polos homes, ademáis dos sectores anteriores, tamén é relevante o sector da construción, de onde proceden o 24,0% das rendas mixtas obtidas polos homes.
Rendas mixtas. Porcentaxe sobre o PIB
Unidade: miles de euros, porcentaxe
| Ano | Rendas mixtas | Porcentaxe sobre o PIB |
|---|---|---|
| 2014 | 6.565.639 | 12,4 |
| 2015 | 6.669.934 | 12,2 |
| 2016 | 6.958.963 | 12,3 |
| 2017 | 7.223.675 | 12,3 |
| 2018 | 7.400.951 | 12,1 |
| 2019 | 7.651.870 | 12,1 |
| 2020 | 6.763.718 | 11,6 |
| 2021 | 7.684.082 | 11,9 |
| 2022 | 8.780.723 | 12,3 |
| 2023 | 10.030.348 | 13,0 |
Fonte: IGE. Matriz de Contabilidade Social (descarga da táboa).
Distribución das rendas mixtas por sector de actividade e sexo. Ano 2023
Unidade: miles de euros
Fonte: IGE. Matriz de Contabilidade Social (descarga da táboa).
Sector de actividade: Servizos I: Comercio, transporte, hostalería, información e comunicacións, actividades financeiras e de seguros, actividades inmobiliarias, actividades profesionais, científicas e técnicas, actividades administrativas e servizos auxiliares (CNAE G a N).Servizos II: Administración pública, educación, actividades sanitarias e sociais, actividades artísticas, outros servizos e actividades dos fogares que empregan persoal doméstico (CNAE O a T)
3 Gasto en consumo final dos fogares residentes por tipo de fogar e grupo de produtos
Os fogares cuxa principal fonte de renda son as remuneracións do traballo -por conta allea ou propia- concentran o 66,3% do gasto en consumo final. Aqueles cuxa principal fonte de renda son as pensións contributivas representan o 31,1%, mentres que os fogares con principal fonte de renda prestacións non contributivas ou outros tipos de ingresos non laborais supoñen o 2,4% do total.
Fonte: IGE. Matriz de Contabilidade Social (descarga da táboa).
O gasto en vivenda, auga, gas, electricidade (grupo de produtos 4) e produtos alimenticios (grupo 1) supón o 36,8% do gasto dos fogares galegos no 2023. Debe terse en conta que no gasto en vivenda tamén se inclúe o gasto en alugueiro imputado dos fogares residentes nunha vivenda en propiedade. A porcentaxe anterior varía en función do tipo de fogar, así para os fogares cuxa principal fonte de ingresos son as rendas do traballo é do 32,7%, mentres que no caso de fogares cuxa principal fonte de ingresos son as pensións, prestacións de desemprego, etc. é o 44,9%.
Outra diferenza importante atópase nos grupos 9 (ocio, espectáculos e cultura) e 11 (hoteis, cafés e restaurantes) cuxo gasto supón, no 2023, o 26,5% do gasto total dos fogares cuxas rendas proveñen principalmente do traballo (grupos I e II) e dez puntos menos no caso do resto de fogares (grupos III e IV).
Distribución do gasto en consumo final por produtos. Fogares cuxa principal fonte de renda son as rendas do traballo
Unidade: porcentaxe
Fonte: IGE. Matriz de Contabilidade Social (descarga da táboa).
Distribución do gasto en consumo final por produtos. Fogares cuxa principal fonte de renda son pensións, prestacións de desemprego, rendas da propiedade e outras
Unidade: porcentaxe
Fonte: IGE. Matriz de Contabilidade Social (descarga da táboa).