Caracterización socioeconómica das persoas
propietarias e
inquilinas que alugan vivendas en Galicia
Datos correspondentes ao ano 2025
Resumo de resultados 13/03/2026
ÍNDICE
- Principais resultados
- Introdución
- Persoas propietarias e fianzas segundo o tipo de persoa e tipo de alugueiro
- Características das persoas propietarias de vivendas en alugueiro: persoas físicas residentes en Galicia
- Persoas inquilinas e fianzas segundo o tipo de persoa e tipo de alugueiro
- Características das persoas inquilinas de vivendas en alugueiro: persoas físicas residentes en Galicia
- Definicións, fontes e máis información
descarga en pdf
Principais resultados
- A 31 de decembro de 2025, en Galicia hai 161.650 fianzas activas. Estas fianzas corresponden a 119.793 persoas propietarias e 211.352 persoas inquilinas.
- As persoas propietarias teñen unha idade media de 61,6 anos, fronte aos 43 anos das persoas inquilinas.
- O 50,5% das persoas propietarias residentes en Galicia están afiliadas á Seguridade Social e mutualidades e o 35,4% perciben unha pensión contributiva da Seguridade Social.
- O 77,7% das persoas inquilinas residentes en Galicia están afiliadas á Seguridade Social e mutualidades.
Introdución
A Caracterización socioeconómica das persoas propietarias e inquilinas que alugan vivendas en Galicia é unha actividade estatística elaborada polo Instituto Galego de Estatística (IGE), en colaboración co Instituto Galego de Vivenda e Solo (IGVS), con periodicidade anual.
A información difundida procede das fianzas de alugueiro de vivenda depositadas e activas no IGVS a 31 de decembro de cada ano, combinadas coa Base de datos Sociodemográfica dispoñible no IGE.
O obxectivo desta actividade é analizar as características socioeconómicas das persoas propietarias e inquilinas que alugan vivendas en Galicia.
Cómpre sinalar que cada fianza depositada no IGVS pode incluír máis dunha persoa propietaria, mesmo de distinta tipoloxía, así como máis dunha persoa inquilina.
Persoas propietarias e fianzas segundo o tipo de persoa e tipo de alugueiro
A 31 de decembro de 2025 hai en Galicia 161.650 fianzas activas, nas que figuran como propietarias 119.793 persoas. Delas, o 97,0% son persoas físicas e o 3,0% persoas xurídicas.
As persoas físicas residentes en Galicia, colectivo que se analiza no seguinte apartado, representan o 81,1% do total de persoas propietarias. No ámbito das persoas xurídicas, o grupo máis numeroso é o das sociedades limitadas, que supón o 2,0% do total.
En termos de número de fianzas, destacan os organismos públicos e outras entidades públicas, que figuran como propietarios no 2,0% das fianzas activas a 31 de decembro de 2025.
Os propietarios teñen una media de 1,3 fianzas por persoa no caso das persoas físicas, e asciende a 5 no caso das persoas xurídicas.
| Tipo de persoa propietaria | Número de persoas propietarias | Porcentaxe de persoas propietarias | Número de fianzas | Porcentaxe de fianzas | Número medio de fianzas por persoa propietaria |
|---|---|---|---|---|---|
| Total | 119.793 | 100,00 | 161.650 | 100,00 | 1,35 |
| Persoa física | 116.167 | 96,97 | 152.176 | 94,14 | 1,31 |
| Residente en Galicia | 97.145 | 81,09 | 129.302 | 79,99 | 1,33 |
| Residente fóra de Galicia | 14.584 | 12,17 | 18.869 | 11,67 | 1,29 |
| Morto | 4.438 | 3,70 | 6.514 | 4,03 | 1,47 |
| Persoa xurídica | 3.626 | 3,03 | 18.202 | 11,26 | 5,02 |
| Sociedade limitada | 2.369 | 1,98 | 10.675 | 6,60 | 4,51 |
| Sociedade anónima | 148 | 0,12 | 928 | 0,57 | 6,27 |
| Comunidades de bens | 802 | 0,67 | 2.799 | 1,73 | 3,49 |
| Asociacións e fundacións | 42 | 0,04 | 202 | 0,12 | 4,81 |
| Entidade relixiosa | 18 | 0,02 | 153 | 0,09 | 8,50 |
| Organismos Públicos e outras Entidades Públicas | 19 | 0,02 | 3.156 | 1,95 | 166,11 |
| Outro tipo de sociedades | 228 | 0,19 | 359 | 0,22 | 1,57 |
|
Fonte: IGE. Caracterización socioeconómica das persoas
propietarias e inquilinas que alugan vivendas en Galicia (descarga da
táboa). Nota: unha mesma fianza pode incluír máis dunha persoa propietaria e clasifícase en tantas categorías como tipos de persoas propietarias diferentes presentes |
Se se analiza o tipo de alugueiro (habitual ou de tempada), obsérvase que o 95,6% das persoas propietarias teñen rexistradas as vivendas como alugueiro de vivenda habitual, o 3,2% teñen rexistradas as vivendas como alugueiro de tempada e o 1,2% restante posúe propiedades de ambos tipos.
Distribución das persoas propietarias segundo o tipo de alugueiro. Ano 2025
Unidade: porcentaxe
Fonte: IGE. Caracterización socioeconómica das persoas propietarias e inquilinas que alugan vivendas en Galicia (descarga da táboa).
Características das persoas propietarias de vivendas en alugueiro: persoas físicas residentes en Galicia
Neste apartado analízanse as características socioeconómicas das persoas físicas residentes en Galicia que son propietarias de, polo menos, unha vivenda en alugueiro na Comunidade Autónoma.
No ano 2025, contabilízanse 97.145 persoas físicas residentes en Galicia propietarias de vivendas en alugueiro. Delas, o 52,3% son mulleres. A idade media deste colectivo sitúase en 61,6 anos; 60,9 anos no caso dos homes e 62,2 anos no das mulleres.
| Sexo | Número | Porcentaxe | Idade media |
|---|---|---|---|
| Total | 97.145 | 100,00 | 61,6 |
| Homes | 46.324 | 47,69 | 60,9 |
| Mulleres | 50.821 | 52,31 | 62,2 |
| Fonte: IGE. Caracterización socioeconómica das persoas propietarias e inquilinas que alugan vivendas en Galicia (descarga da táboa). |
A distribución territorial das persoas propietarias de vivendas en alugueiro é semellante á da poboación galega no seu conxunto. A súa presenza concéntrase na franxa costeira das provincias atlánticas e nas capitais provinciais, así como en Santiago de Compostela e Vigo. As provincias occidentais, especialmente nas áreas costeiras do sur da Comunidade Autónoma, rexistran unha maior concentración de persoas propietarias de vivendas en alugueiro, mentres que a parte oriental de Galicia, caracterizada por un maior grao de ruralidade e despoboamento, presenta cifras máis reducidas.
Distribución das persoas físicas propietarias de vivendas en alugueiro segundo o concello de residencia. Ano 2025
Unidade: persoas
Fonte: IGE. Caracterización socioeconómica das persoas propietarias e inquilinas que alugan vivendas en Galicia (descarga da táboa).
O 53,4% das persoas propietarias de vivendas en alugueiro residen no mesmo concello no que se localiza a vivenda que teñen en alugueiro.
Distribución das persoas físicas propietarias residentes en Galicia segundo residen ou non no concello da vivenda en alugueiro. Ano 2025
Unidade: porcentaxe
Fonte: IGE. Caracterización socioeconómica das persoas propietarias e inquilinas que alugan vivendas en Galicia (descarga da táboa).
Nota: considerarase que unha persoa propietaria reside nun concello distinto ao da vivenda en alugueiro cando, polo menos, unha das vivendas que aluga está situada nun concello diferente ao de residencia da persoa
| Relación coa actividade | Número | Idade media |
|---|---|---|
| Total | 97.145 | 61,6 |
| Poboación afiliada á SS e mutualidades | 49.043 | 51,2 |
| Poboación parada rexistrada | 1.833 | 55,1 |
| Poboación pensionista | 34.436 | 75,1 |
| Resto | 11.833 | 66,4 |
| Fonte: IGE. Caracterización socioeconómica das persoas propietarias e inquilinas que alugan vivendas en Galicia (descarga da táboa). |
O grupo máis numeroso de persoas físicas residentes en Galicia propietarias de vivendas en alugueiro é o das persoas afiliadas á Seguridade Social e mutualidades: 50,5% do total. A súa idade media é de 51,2 anos.
O segundo grupo máis numeroso é o das persoas que perciben unha pensión contributiva da Seguridade Social: 35,4% do total, cunha idade media de 75,1 anos.
Distribución segundo a relación coa actividade económica das persoas propietarias de vivendas en alugueiro residentes en Galicia. Ano 2025
Unidade: porcentaxe
Fonte: IGE. Caracterización socioeconómica das persoas propietarias e inquilinas que alugan vivendas en Galicia (descarga da táboa).
As persoas físicas propietarias de vivendas en alugueiro que perciben unha pensión contributiva da Seguridade Social, segundo colectivo máis numeroso, reciben unha pensión media de 1.487,2 euros mensuais.
A táboa seguinte presenta os importes medios das pensións contributivas segundo o réxime de cotización anterior das persoas propietarias que perciben esta prestación.
O importe medio máis elevado rexístrase entre as persoas pensionistas que cotizaron no réxime xeral (sen considerar a categoría “Outros”), cunha pensión media de 1.702,7 euros mensuais. Esta contía é un 61,2% superior á correspondente ás persoas que cotizaron no réxime de autónomos.
| Réxime de cotización anterior | Número | Idade media | Propiedades medias | Importe medio da pensión |
|---|---|---|---|---|
| Total | 34.436 | 75,1 | 1,6 | 1.487,2 |
| Réxime xeral | 21.070 | 74,5 | 1,4 | 1.702,7 |
| Autónomos | 11.389 | 76,6 | 1,8 | 1.056,3 |
| Traballadores do mar | 1.306 | 75,5 | 1,5 | 1.650,0 |
| Outros | 671 | 68,5 | 1,3 | 1.717,2 |
| Fonte: IGE. Caracterización socioeconómica das persoas propietarias e inquilinas que alugan vivendas en Galicia (descarga da táboa). |
Persoas inquilinas e fianzas segundo o tipo de persoa e tipo de alugueiro
A 31 de decembro de 2025 había 211.352 persoas ou entidades inquilinas de vivendas en alugueiro. O 97,9% eran persoas físicase e o 2,1% eran persoas xurídicas. As persoas físicas residentes en Galicia representan o 86,4% do total de inquilinas.
| Tipo de persoa inquilina | Número de persoas inquilinas | Porcentaxe de persoas inquilinas | Número de fianzas | Porcentaxe de fianzas | Número medio de fianzas por persoa inquilina |
|---|---|---|---|---|---|
| Total | 211.352 | 100,00 | 161.650 | 100,00 | 0,76 |
| Persoa física | 206.866 | 97,88 | 158.468 | 98,03 | 0,77 |
| Residente en Galicia | 182.507 | 86,35 | 142.582 | 88,20 | 0,78 |
| Residente fóra de Galicia | 22.625 | 10,70 | 20.060 | 12,41 | 0,89 |
| Morto | 1.734 | 0,82 | 1.752 | 1,08 | 1,01 |
| Persoa xurídica | 4.486 | 2,12 | 4.337 | 2,68 | 0,97 |
| Sociedade limitada | 677 | 0,32 | 920 | 0,57 | 1,36 |
| Sociedade anónima | 236 | 0,11 | 272 | 0,17 | 1,15 |
| Comunidades de bens | 109 | 0,05 | 98 | 0,06 | 0,90 |
| Asociacións e fundacións | 115 | 0,05 | 242 | 0,15 | 2,10 |
| Entidade relixiosa | 22 | 0,01 | 46 | 0,03 | 2,09 |
| Organismos Públicos e outras Entidades Públicas | 57 | 0,03 | 82 | 0,05 | 1,44 |
| Outro tipo de sociedades | 3.270 | 1,55 | 2.698 | 1,67 | 0,83 |
|
Fonte: IGE. Caracterización socioeconómica das persoas
propietarias e inquilinas que alugan vivendas en Galicia (descarga da
táboa). Nota: unha mesma fianza poder incluír máis dunha persoa inquilina e clasifícase en tantas categorías como tipos de persoas inquilinas diferentes presente |
Se se analiza a clasificación segundo tipo de alugueiro, obsérvase que o 5,4% das persoas inquilinas teñen a vivenda arrendada na modalidade de alugueiro de tempada.
Distribución das persoas inquilinas segundo o tipo de alugueiro. Ano 2025
Unidade: porcentaxe
Fonte: IGE. Caracterización socioeconómica das persoas propietarias e inquilinas que alugan vivendas en Galicia (descarga da táboa).
Características das persoas inquilinas de vivendas en alugueiro: persoas físicas residentes en Galicia
No ano 2025, hai en Galicia 182.507 persoas físicas inquilinas de vivendas en alugueiro que residen na Comunidade Autónoma. Delas, o 52,7% son mulleres.
A idade media das persoas inquilinas sitúase en 43,0 anos: 43,3 anos no caso dos homes e 42,6 anos no das mulleres.
| Sexo | Número | Porcentaxe | Idade media |
|---|---|---|---|
| Total | 182.507 | 100,00 | 43,0 |
| Homes | 86.341 | 47,31 | 43,3 |
| Mulleres | 96.166 | 52,69 | 42,6 |
| Fonte: IGE. Caracterización socioeconómica das persoas propietarias e inquilinas que alugan vivendas en Galicia (descarga da táboa). |
Se se compara o concello de residencia da persoa inquilina co concello no que se localiza a vivenda arrendada, obsérvase que o 71,2% das persoas inquilinas residen no mesmo concello que o da vivenda que alugan. Mentres que o 28,8% das persoas inquilinas residen nun concello distinto ao da vivenda que alugan, destas o 16,1% alugan unha vivenda de tempada e o 83,4% unha vivenda habitual.
Distribución das persoas físicas inquilinas residentes en Galicia segundo residen ou non no concello da vivenda en alugueiro. Ano 2025
Unidade: porcentaxe
Fonte: IGE. Caracterización socioeconómica das persoas propietarias e inquilinas que alugan vivendas en Galicia (descarga da táboa).
Nota: considerarase que unha persoa inquilina reside nun concello diferente ao da vivenda en alugueiro cando, polo menos, unha das vivendas no que figura como inquilina está situada nun concello distinto ao de residencia da persoa
Distribución das persoas físicas inquilinas residentes nun concello distinto do da vivenda alugada segundo o tipo de alugueiro . Ano 2025
Unidade: porcentaxe
Fonte: IGE. Caracterización socioeconómica das persoas propietarias e inquilinas que alugan vivendas en Galicia (descarga da táboa).
Nota: considerarase que unha persoa inquilina reside nun concello diferente ao da vivenda en alugueiro cando, polo menos, unha das vivendas no que figura como inquilina está situada nun concello distinto ao de residencia da persoa
Entre as persoas físicas residentes en Galicia que viven de alugueiro, a maioría está afiliada á Seguridade Social e mutualidades: 77,7% do total. O segundo grupo máis numeroso é o “Resto” (9,6% do total), que inclúe, entre outros, os e as estudantes, seguido da poboación que percibe unha pensión contributiva da Seguridade Social, que representa o 9,0% do total de persoas físicas residentes en Galicia que viven de alugueiro.
Distribución segundo a relación coa actividade económica das persoas inquilinas de vivendas en alugueiro residentes en Galicia. Ano 2025
Unidade: porcentaxe
Fonte: IGE. Caracterización socioeconómica das persoas propietarias e inquilinas que alugan vivendas en Galicia (descarga da táboa).
A distribución por sector de actividade das persoas afiliadas á Seguridade Social e mutualidades residentes en Galicia e inquilinas dunha vivenda en alugueiro amosa unha clara predominancia do sector servizos. No ano 2025, o 81,3% das persoas físicas inquilinas afiliadas á Seguridade Social e mutualidades e residentes en Galicia desenvolven a súa actividade no sector servizos, fronte ao 2,2% que traballan no sector da agricultura e da pesca.
Persoas físicas residentes en Galicia inquilinas de vivendas en alugueiro e afiliadas á Seguridade Social e mutualidades segundo sector de actividade. Ano 2025
Unidade: persoas
Fonte: IGE. Caracterización socioeconómica das persoas propietarias e inquilinas que alugan vivendas en Galicia (descarga da táboa).