Enquisa estrutural a fogares. Vivendas familiares: características e medio.
Datos correspondentes ao ano 2025
Data de publicación: 5/06/2026
ÍNDICE
descarga en pdf
Principais resultados
En 2025 había en Galicia 1.110.312 fogares. Case o 40% residía en vivendas de 50 ou máis anos e outro 49% en vivendas de entre 20 e 49 anos.
O 61% dos fogares vivía nunha vivenda en propiedade sen hipoteca, mentres que o 17% residía en aluguer. Os gastos da vivenda supuxeron unha carga pesada para o 38% dos fogares e para máis da metades dos fogares en réxime de aluguer.
O 90% dos fogares declarouse satisfeito coa súa vivenda, se ben o 25% sinalan problemas de humidade, o 15% deficiencias de illamento térmico ou acústico e o 13% problemas de ruído.
O 44% dos fogares galegos aplicaron melloras de eficiencia enerxética. Entre as melloras máis habituais están a substitución da iluminación por luces LED e o cambio de electrodomésticos por outros máis eficientes.
1 Introdución
A Enquisa estrutural a fogares é unha actividade estatística anual dirixida aos fogares galegos co obxecto de obter información sobre as súas características socioeconómicas. Consta de dúas partes: unha primeira de carácter xeral que se repite todos os anos, deseñada para recoller información sobre variables básicas, e unha segunda de carácter específico.
O principal obxectivo do módulo de Vivendas familiares: características e medio é obter información sobre as características das vivendas, as infraestruturas da súa contorna e o equipamento dos fogares.
2 Características das vivendas
2.1 Como son as vivendas galegas?
As vivendas galegas son maioritariamente antigas, amplas e en propiedade.
No ano 2025 había en Galicia 1.110.312 fogares. Case nove de cada dez vivía en vivendas construídas hai máis de 20 anos. En concreto, o 39,98% residía en vivendas familiares principais con 50 ou máis anos de antigüidade e o 48,77% en vivendas con entre 20 e 49 anos de antigüidade. Só o 11,24% dos fogares vivía en vivendas de menos de 20 anos: o 9,1% en vivendas de entre 10 e 19 anos e o 2,14% restante, en vivendas de menos de 10 anos dende a construción.
| Porcentaxe | Número | |
|---|---|---|
| Menos de 5 anos | 1,06 | 11.786 |
| De 5 a 9 anos | 1,08 | 12.004 |
| De 10 a 19 anos | 9,10 | 101.092 |
| De 20 a 49 anos | 48,77 | 541.528 |
| De 50 ou máis anos | 39,98 | 443.902 |
| Total | 100,00 | 1.110.312 |
| Fonte: Enquisa estrutural a fogares. Vivendas familiares: características e medio. (descarga da táboa). |
A antigüidade da vivenda varía segundo o tipo de fogar. Obsérvase que case a metade (49,55%) dos fogares unipersoais residen en vivendas que teñen máis de 50 anos; as parellas con e sen fillos e os fogares monoparentais residen principalmente en vivendas de 20 a 49 anos (52,2%, 52,34% e 48,13%, respectivamente).
Fonte: Enquisa estrutural a fogares. Vivendas familiares: características e medio (descarga da táboa). Nota: “Outra tipoloxía” inclúe; “Sen núcleo”, “Un núcleo e outros” e “Varios núcleos”.
Tamén hai diferenzas no tipo de vivenda. Obsérvase que os unipersois e as parellas sen fillos viven principalmente en vivendas independentes (36,33% e 43,17%), mentres que as parellas con fillos e as monoparentais residen en pisos ou apartamentos en edificios con 10 ou máis vivendas (39,81% e 38,39%, respectivamente).
| Vivenda unifamiliar independente | Vivenda unifamiliar acaroada | Piso ou apartamento nun edificio con menos de 10 vivendas | Piso ou apartamento nun edificio con 10 ou máis vivendas | Total | |
|---|---|---|---|---|---|
| Unipersoal | 36,33 | 8,77 | 20,40 | 34,50 | 100 |
| Parella con fillos | 36,45 | 6,87 | 16,87 | 39,81 | 100 |
| Parella sen fillos | 43,17 | 6,63 | 16,23 | 33,97 | 100 |
| Monoparental | 37,50 | 6,94 | 17,17 | 38,39 | 100 |
| Outra tipoloxía | 54,18 | 6,26 | 14,07 | 25,49 | 100 |
| Total | 40,36 | 7,21 | 17,27 | 35,16 | 100 |
|
Fonte: Enquisa estrutural a fogares. Vivendas familiares:
características e medio. (descarga da
táboa). Nota: Outra tipoloxía inclúe Sen núcleo, Un núcleo e outros e Varios núcleos |
A superficie media das vivendas galegas é de 107,55 metros cadrados. As vivendas máis pequenas son máis habituais entre os fogares unipersoais: o 16,22% viven en vivendas de ata 60 metros cadrados. En cambio, os fogares catalogados como “outra tipoloxía” son os que teñen unhas vivendas máis grandes (o 30,5% residen en vivendas de máis de 120 metros cadrados), seguidos polas parellas con fillos (28,19%).
Fonte: Enquisa estrutural a fogares. Vivendas familiares: características e medio (descarga da táboa). Nota: “Outra tipoloxía” inclúe; “Sen núcleo”, “Un núcleo e outros” e “Varios núcleos”.
A propiedade sen hipoteca é o réxime de tenza máis común. O 60,82% dos fogares residía en vivendas en propiedade sen hipoteca. A continuación sitúanse os fogares en réxime de alugueiro, co 16,73%, e os fogares en propiedade con hipoteca, co 15,83%. O 6,61% restante vivía nunha vivenda cedida ou noutra situación.
| Porcentaxe | Número | |
|---|---|---|
| En propiedade sen hipoteca | 60,82 | 675.337 |
| En propiedade con hipoteca | 15,83 | 175.780 |
| En aluguer | 16,73 | 185.760 |
| Cedida e outro | 6,61 | 73.435 |
| Total | 100,00 | 1.110.312 |
| Fonte: Enquisa estrutural a fogares. Vivendas familiares: características e medio. (descarga da táboa). |
2.2 Que servizos e equipamentos teñen?
As vivendas galegas teñen unha alta cobertura de servizos básicos, pero aínda presentan unha baixa implantación de tecnoloxías máis avanzadas, como a domótica ou a aerotermia.
No ano 2025 o 99,52% dos fogares dispoñía de auga quente na vivenda (1.104.940) e o 77,78% tiña calefacción (863.650 fogares).
Para quentar a auga, os fogares empregaban sobre todo a electricidade, propano ou butano, gas natural e gasóleo. A electricidade foi a fonte máis habitual, cun 29,25% dos fogares. A continuación situáronse o propano/butano (27,88%), o gas natural (24,38%) e o gasóleo (18,39%).
| Porcentaxe | Número | |
|---|---|---|
| Electricidade | 29,25 | 323.140 |
| Propano/butano | 27,88 | 308.050 |
| Gas natural | 24,38 | 269.395 |
| Gasóleo | 18,39 | 203.182 |
| Biomasa (madeira e derivados) | 3,87 | 42.762 |
| Aerotermia | 1,58 | 17.468 |
| Solar | 1,05 | 11.554 |
| Outra | 0,19 | 2.061 |
| Fonte: Enquisa estrutural a fogares. Vivendas familiares: características e medio. (descarga da táboa). |
Para a calefacción, a fonte máis utilizada foi o gasóleo, presente no 30,37% dos fogares con calefacción. Despois situáronse a electricidade (27,14%) e o gas natural (25,84%).
| Porcentaxe | Número | |
|---|---|---|
| Gasóleo | 30,37 | 262.258 |
| Electricidade | 27,14 | 234.401 |
| Gas natural | 25,84 | 223.168 |
| Biomasa (madeira e derivados) | 14,93 | 128.911 |
| Propano/butano | 6,29 | 54.309 |
| Aerotermia | 2,00 | 17.266 |
| Solar | 0,56 | 4.850 |
| Outra | 0,28 | 2.428 |
| Fonte: Enquisa estrutural a fogares. Vivendas familiares: características e medio. (descarga da táboa). |
Os servizos exteriores tamén teñen unha cobertura elevada. O 86,47% tiña conexión á rede pública de augas residuais e unha porcentaxe moi similar (85,19%) conexión á rede pública de auga potable. O equipamento do fogar mostra unha diferenza clara entre servizos básicos e servizos avanzados. A maioría dos fogares galegos conta con seguro no fogar (79,37%) pero só un 7,39% conta con sistemas de domótica instalados.
| Porcentaxe | Número | |
|---|---|---|
| Iluminación pública exterior | 98,82 | 1.097.180 |
| Recollida de lixo nun contorno inmediato á súa vivenda | 96,63 | 1.072.944 |
| Conexión pública de augas residuais (rede de sumidoiros) | 86,47 | 960.085 |
| Conexión á rede pública de auga potable | 85,19 | 945.836 |
| Recollida selectiva de lixo | 84,03 | 932.954 |
| Recollida de plásticos, metálicos (latas…) | 81,74 | 907.517 |
| Seguro do fogar | 79,37 | 881.247 |
| Tendedeira | 74,66 | 828.923 |
| Recollida de vidro | 73,46 | 815.670 |
| Recollida de papel e cartón | 72,70 | 807.249 |
| Terraza, patio ou xardín | 67,15 | 745.598 |
| Terraza, patio ou xardín individual ou privado | 60,68 | 673.752 |
| Abastecemento de auga comunitario ou individual | 20,40 | 226.553 |
| Saneamento individual ou outros | 16,14 | 179.229 |
| Terraza, patio ou xardín público ou comunitario | 10,76 | 119.465 |
| Domótica | 7,39 | 82.053 |
| Fonte: Enquisa estrutural a fogares. Vivendas familiares: características e medio. (descarga da táboa). |
2.3 Que están facendo para mellorar a eficiencia enerxética?
Os fogares galegos apostaron sobre todo por melloras enerxéticas sinxelas, como cambiar a iluminación ou renovar electrodomésticos.
Nos últimos 5 anos, o 43,54% dos fogares realizaron melloras para aumentar a eficiencia enerxética. De entre as medidas que aplicaron os fogares, destacan dúas en particular: a substitución da iluminación por luces LED (32%) e o cambio de electrodomésticos por outros máis eficientes ou de baixo consumo (20,82%).
| Porcentaxe | Número | |
|---|---|---|
| Substituír a iluminación interior ou exterior por LED’s | 32,00 | 355.320 |
| Cambiar electrodomésticos a outros máis eficientes ou de baixo consumo | 20,82 | 231.202 |
| Illamento térmico da fachada ou tellado (SATE, trasdosados interiores de pladur…) | 10,12 | 112.331 |
| Cambiar as ventás por outras máis illantes | 9,87 | 109.539 |
| Substituír a caldeira de gas/gasoil/leña por outra máis eficiente ou máis sostible (aerotermia, xeotermia) | 3,89 | 43.157 |
| Instalación de placas solares para produción de enerxía eléctrica ou auga quente | 1,42 | 15.720 |
| Instalar sistemas de ventilación forzada para a renovación de aire na vivenda | 1,37 | 15.266 |
| Total | 43,54 | 483.402 |
|
Fonte: Enquisa estrutural a fogares. Vivendas familiares:
características e medio. (descarga da
táboa). Nota: O Total correspóndese co número de fogares que aplicou algunha das medidas de eficiencia enerxética. A Porcentaxe está calculada sobre o total de fogares de Galicia |
2.4 Que problemas declaran?
As humidades son o problema máis frecuente nas vivendas galegas.
En 2025, o 24,84% dos fogares declarou ter problemas de humidades na vivenda. A continuación situáronse as deficiencias de illamento térmico ou acústico, co 15,34%, ou os problemas de ruído, co 12,92%.
Fonte: IGE. Enquisa estrutural a fogares. Vivendas familiares: características e medio (descarga da táboa).
O ruído afectou a 143.000 fogares galegos. A causa principal foi o tráfico terrestre, sinalado polo 57,65% dos fogares con problemas de ruído. Despois situáronse os ruidos procedentes dos veciños e veciñas, co 41,15%, e as actividades comerciais e de ocio, co 20,38%.
| Porcentaxe | Número | |
|---|---|---|
| Tráfico terrestre | 57,65 | 82.717 |
| Veciños | 41,15 | 59.043 |
| Actividades comerciais e de ocio | 20,38 | 29.235 |
| Orixe animal | 12,05 | 17.295 |
| Reunións informais urbanas (botellón…) | 10,22 | 14.664 |
| Orixe mecánica (obras, canteiras, minas…) | 10,02 | 14.375 |
| Tráfico aéreo | 5,88 | 8.435 |
| Outra | 0,44 | 629 |
| Fonte: Enquisa estrutural a fogares. Vivendas familiares: características e medio. (descarga da táboa). |
Tamén houbo outros problemas, aínda que con menor presenza. Entre eles destacan o acceso deficiente a internet, a falta de espazo, a luz natural insuficiente nalgunha habitación, os ruídos procedentes do exterior e os ruídos producidos polos veciños.
Os cheiros afectaron a 78.920 fogares. Entre as principais causas atópanse os olores polas canalizacións ou saneamento (42,05%), olores por explotacións agrogandeiras (31,02%) e olores provocados por fumes (un 16,49%, no que se inclúen olores polo tráfico, hostalaría, industria, tabaco…).
| Porcentaxe | Número | |
|---|---|---|
| Canalización, saneamento | 42,05 | 33.186 |
| Explotacións agrogandeiras | 31,02 | 24.477 |
| Fumes, tabaco | 16,49 | 13.014 |
| Industrias (alimentarias, conserveiras, talleres…) | 8,60 | 6.785 |
| Outra | 6,14 | 4.847 |
| Colectores de residuos | 4,96 | 3.913 |
| Vertedoiros | 3,10 | 2.449 |
| Fonte: Enquisa estrutural a fogares. Vivendas familiares: características e medio. (descarga da táboa). |
2.5 Cal é a carga económica da vivenda?
A vivenda supón unha carga económica pesada para máis dun terzo dos fogares galegos.
En 2025, o 37,79% dos fogares declarou que os gastos da vivenda eran unha carga pesada. Para o 58,68%, estes gastos supuxeron unha carga razoable. Só o 4% afirmou que non lle supoñían ningunha carga.
Estes gastos inclúen a hipoteca ou outros préstamos vinculados á vivenda, a comunidade, os seguros, as reparacións, a auga, o gas, a electricidade, os impostos e as taxas municipais.
Fonte: IGE. Enquisa estrutural a fogares. Vivendas familiares: características e medio (descarga da táboa).
A carga económica é maior nos fogares en alugueiro. Obsérvase que para máis da metade dos fogares en réxime de alugamento (52,6%) estes gastos supoñen unha carga pesada. Para os fogares con vivenda en propiedade, a maioría declara ter uns gastos que lles supoñen carga razoable (63,71% para os fogares propietarios sen hipoteca e o 54,23% para os propietarios con hipoteca).
| Unha carga pesada | Unha carga razoable | Non supoñen ningunha carga | Total | |
|---|---|---|---|---|
| En propiedade sen hipoteca | 32,59 | 63,71 | 3,69 | 100 |
| En propiedade con hipoteca | 43,55 | 54,23 | 2,22 | 100 |
| En aluguer | 52,60 | 46,04 | 1,37 | 100 |
| Cedida e outro | 34,27 | 55,04 | 10,69 | 100 |
| Total | 37,79 | 58,68 | 3,54 | 100 |
| Fonte: Enquisa estrutural a fogares. Vivendas familiares: características e medio. (descarga da táboa). |
\
3 O contorno da vivenda
3.1 Que teñen preto os fogares?
Os servizos máis accesibles son a parada de autobús, os bares ou cafeterías, os espazos abertos de ocio, as farmacias e as tendas de comestibles. En todos estes casos, máis do 70% dos fogares pode chegar a pé en aproximadamente 15 minutos.
O 62,98% dos fogares de Galicia dispoñía no ano 2025 dun centro de saúde ou ambulatorio públicos a unha distancia de, aproximadamente, 15 minutos a pé, mentres que o 35,02% podía ir en transporte (deles, o 16,64% contaba con posibilidade de transporte público). O 2% restante dispoñía de centro de saúde ou ambulatorio públicos a unha distancia de máis de 15 minutos da súa vivenda.
Por outra banda, o servizo máis afastado dos fogares galegos é a estación de tren. Só o 38,36% afirma non dispoñer dela a menos de 15 minutos da súa vivenda (o 34,65% precisa usar un medio de transporte para chegar dende o seu fogar en menos de 15 minutos).
| Servizo | A pé | Nalgún medio de transporte | Con posibilidade de transporte público | Sen posibilidade de transporte público | Non dispoñen | Total |
|---|---|---|---|---|---|---|
| Parada de autobús | 80,04 | 16,31 | 5,67 | 10,64 | 3,66 | 100 |
| Bar ou cafetería | 78,78 | 20,31 | 7,83 | 12,48 | 0,91 | 100 |
| Espazos abertos de ocio (parques…) | 76,21 | 22,11 | 8,78 | 13,33 | 1,68 | 100 |
| Farmacia | 72,78 | 26,17 | 10,70 | 15,47 | 1,05 | 100 |
| Tenda de comestibles | 72,41 | 25,80 | 10,51 | 15,29 | 1,79 | 100 |
| Centro público que imparte educación infantil | 67,92 | 29,57 | 15,29 | 14,28 | 2,51 | 100 |
| Centros sociais de ocio públicos (culturais, da terceira idade, ludotecas…) | 67,34 | 29,10 | 13,24 | 15,86 | 3,56 | 100 |
| Establecementos comerciais (ferraxería, drogaría, mercería…) | 67,07 | 29,68 | 12,96 | 16,72 | 3,25 | 100 |
| Centro público que imparte educación primaria | 66,85 | 30,61 | 16,62 | 13,98 | 2,55 | 100 |
| Banco, caixa de aforros, caixeiro | 65,53 | 32,14 | 14,45 | 17,69 | 2,33 | 100 |
| Instalacións deportivas de titularidade pública | 65,07 | 31,46 | 14,91 | 16,55 | 3,47 | 100 |
| Gardería pública | 63,78 | 32,20 | 14,33 | 17,86 | 4,02 | 100 |
| Centro de saúde ou ambulatorio públicos | 62,98 | 35,02 | 16,64 | 18,38 | 2,00 | 100 |
| Centro público que imparte ESO | 61,77 | 32,79 | 18,75 | 14,04 | 5,45 | 100 |
| Oficina de correos | 58,70 | 36,94 | 18,61 | 18,33 | 4,36 | 100 |
| Biblioteca pública | 58,38 | 35,37 | 17,53 | 17,85 | 6,25 | 100 |
| Centro público que imparte bacharelato | 58,32 | 33,24 | 19,00 | 14,24 | 8,44 | 100 |
| Centro público que imparte formación profesional | 55,25 | 34,30 | 19,81 | 14,49 | 10,45 | 100 |
| Estación de tren | 26,98 | 34,65 | 21,39 | 13,26 | 38,36 | 100 |
| Fonte: Enquisa estrutural a fogares. Vivendas familiares: características e medio. (descarga da táboa). |
3.2 Como valoran a vivenda e o contorno?
Os fogares galegos valoran positivamente a súa vivenda e tamén a paisaxe do seu contorno.
En 2025, o 91% dos fogares galegos mostrouse satisfeito ou moi satisfeito coa súa vivenda. A porcentaxe de fogares moi insatisfeitos situouse no 0,92%.
Fonte: IGE. Enquisa estrutural a fogares. Vivendas familiares: características e medio (descarga da táboa).
A valoración do contorno tamén é positiva, aínda que moitos fogares identifican impactos negativos na paisaxe próxima.
O 37,51% fogares afirmaron non ter ningún impacto negativo (416.440 dos fogares galegos). Entre os que indicaron presenza de impactos negativos, os máis frecuentes foron: a presenza de edificacións ruinosas ou con deficiente mantemento (27,51%); abandono da terra coa conseguinte xeración de maleza e arboredo espontáneo (26,7%); estado da urbanización (25,27%); cableados aéreos (23,66%); edificacións e urbanizacións inacabadas ou soar abandonado (23,43%).
| Porcentaxe | Número | |
|---|---|---|
| Ningún | 37,51 | 416.440 |
| Edificacións ruinosas ou con deficiente mantemento | 27,51 | 305.460 |
| O abandono da terra coa conseguinte xeración de maleza e arboredo espontáneo | 26,70 | 296.509 |
| O estado da urbanización (beirarrúa, calzada, mobiliario urbano, graffiti…) | 25,27 | 280.590 |
| Os cableados aéreos (electricidade, telefonía…) | 23,66 | 262.665 |
| Edificacións e urbanización inacabadas ou soar abandonado | 23,43 | 260.187 |
| A circulación e aparcadoiros de vehículos | 21,16 | 234.987 |
| Abandono de obxectos, vehículos, outros materiais… | 11,66 | 129.447 |
| A mala conservación do patrimonio cultural (monumentos, conxuntos históricos, restos arqueolóxicos, espazos protexidos…) | 10,21 | 113.368 |
| Tamaño e volume das edificacións inadecuado | 9,96 | 110.551 |
| As cores ou os materiais das construcións | 9,19 | 102.075 |
| Os peches e valados | 8,90 | 98.865 |
| A mestura de tipos de edificacións (vivendas unifamiliares, bloques de vivendas, naves industriais, talleres…) | 8,11 | 90.091 |
| Paredes medianeiras vistas | 7,97 | 88.541 |
| Deterioración costeira e fluvial (deficiente coidado das ribeiras, abandono de embarcacións…) | 6,96 | 77.235 |
| Determinadas explotacións forestais ou de cultivos pola situación ou pola especie | 5,91 | 65.590 |
| Ocupación dos espazos costeiros e fluviais naturais por zonas urbanizadas (paseo, área recreativa…) | 4,11 | 45.653 |
| Construcións ou instalacións singulares (parques eólicos, infraestruturas, explotacións mineiras, industriais…) | 2,96 | 32.920 |
| Fonte: Enquisa estrutural a fogares. Vivendas familiares: características e medio. (descarga da táboa). |
A pesar destes problemas, a satisfacción coa paisaxe do contorno segue sendo alta. O 86,32% dos fogares afirma estar satisfeito ou moi satisfeito coa paisaxe do seu contorno, mentres que un 12,73% móstrase algo insatisfeito e só o 0,96% moi insatisfeito.
Fonte: IGE. Enquisa estrutural a fogares. Vivendas familiares: características e medio (descarga da táboa).
4 Cambios de vivenda dos fogares
A mobilidade residencial en Galicia é baixa: máis da metade dos fogares leva 20 ou máis anos na mesma vivenda.
No ano 2025, o 54,86% dos fogares galegos levaba residindo na mesma vivenda 20 ou máis anos. O 16,91% entre 10 e 19 anos, o 12,15% entre 5 e 9 e o 16,08% restante menos de 5 anos.
| Porcentaxe | Número | |
|---|---|---|
| Menos de 5 anos | 16,08 | 178.565 |
| De 5 a 9 anos | 12,15 | 134.885 |
| De 10 a 19 anos | 16,91 | 187.742 |
| De 20 a 29 anos | 17,22 | 191.226 |
| De 30 a 39 anos | 11,12 | 123.508 |
| De 40 a 49 anos | 10,39 | 115.346 |
| 50 ou máis anos | 16,13 | 179.041 |
| Total | 100,00 | 1.110.312 |
| Fonte: Enquisa estrutural a fogares. Vivendas familiares: características e medio. (descarga da táboa). |
Entre os fogares que cambiaron de vivenda nos últimos cinco anos, a razón principal foi mellorar a vivenda. Este foi o motivo do 28,39% dos cambios.
Outros motivos importantes foron adquirir unha vivenda en propiedade ou recibir unha vivenda cedida, co 17,69%; os motivos de traballo dalgún membro do fogar, co 16,02%; e a formación dun novo fogar, co 14,75%.
Fonte: IGE. Enquisa estrutural a fogares. Vivendas familiares: características e medio (descarga da táboa).
Houbo uns 47.950 fogares que declararon precisar dun cambio na súa vivenda. Deles, un 42,27% era un fogar unipersoal e un 18,73% era unha parella con fillos.
Tamén hai núcleos que declaran necesitar un cambio de vivenda. En 2025 foron 47.950. Deles, o 42,27% eran fogares unipersoais e o 18,73% parellas con fillos.
| Porcentaxe | Número | |
|---|---|---|
| Unipersoal | 42,27 | 20.268 |
| Parella con fillos | 18,73 | 8.979 |
| Parella sen fillos | 16,83 | 8.070 |
| Monoparental | 10,04 | 4.814 |
| Outra | 12,13 | 5.814 |
| Total | 100,00 | 47.946 |
| Fonte: Enquisa estrutural a fogares. Vivendas familiares: características e medio. (descarga da táboa). |
Fonte: IGE. Enquisa estrutural a fogares. Vivendas familiares: características e medio (descarga da táboa).
As principais razóns para necesitar un cambio de vivenda foron o tamaño, co 35,78%: a formación dun novo fogar, co 31,53% e os motivos económicos, co 20,06%. Tamén destacaron as condicións de habitabilidade, co 20,05%.
Fonte: IGE. Enquisa estrutural a fogares. Vivendas familiares: características e medio (descarga da táboa).
5 Metodoloxía, definicións, fontes e máis información
Metodoloxía
Definicións
Descarga de datos
Fogares segundo a clase de vivenda e o tipo de edificio. Galicia
Fogares segundo a clase de vivenda e tipo de edificio por tipoloxía do fogar. Galicia
Fogares segundo a antigüidade da vivenda. Galicia e provincias
Fogares segundo a antigüidade da vivenda por tipoloxía do fogar. Galicia
Fogares segundo a superficie da vivenda por tipoloxía do fogar. Galicia
Fogares segundo o réxime de tenza da vivenda. Galicia e provincias
Fogares segundo a carga que supoñen os gastos totais da vivenda por réxime de tenza
Fogares que dispoñen de determinadas instalacións ou servizos na vivenda. Galicia e provincias
Fogares segundo as fontes de enerxía que empregan para quentar a auga. Galicia
Fogares segundo as fontes de enerxía que empregan para a calefacción. Galicia
Fogares que dispoñen de determinados servizos exteriores na vivenda. Galicia e provincias
Fogares con determinados problemas na vivenda. Galicia e provincias
Fogares segundo o grao de satisfacción global coa vivenda. Galicia e provincias
Fogares con problemas de ruído na vivenda segundo as causas. Galicia
Fogares con problemas de cheiros na vivenda segundo as causas. Galicia
Fogares segundo o grao de satisfacción global coa paisaxe do contorno. Galicia e provincias
Fogares segundo o número de anos que levan residindo na vivenda. Galicia e provincias
Fogares que cambiaron de vivenda nos últimos 5 anos segundo a razón principal do cambio. Galicia
Núcleos que necesitan cambiar de vivenda principal segundo a tipoloxía do núcleo. Galicia
Núcleos que necesitan cambiar de vivenda principal segundo as razóns. Galicia
Fogares que fixeron melloras nos últimos 5 anos para aumentar a eficiencia enerxética.. Galicia
Fontes de información
IGE. Enquisa estrutural a fogares. Vivendas familiares: características e medio