Enquisa sobre vacantes nas empresas
galegas,
grao de utilización da capacidade produtiva e
indicador de sentimento do sector servizos de Galicia
Datos correspondentes ao segundo trimestre do ano 2025
Data de publicación: 14/08/2025
descarga en pdf
Principais resultados
O número de vacantes nas empresas galegas de máis de 10 empregados foi de 14.452 no segundo trimestre de 2025, crecendo a unha taxa interanual do 20,82%.
O 31,48% das vacantes non se cubriron porque os candidatos non cosideraron idóneas outras circunstancias do posto de traballo distintas das condicións económicas.
O grao de ocupación do persoal no 69,65% das empresas do sector servizos foi superior ao 75%.
1 Vacantes nas empresas galegas
No segundo trimestre de 2025 había en Galicia 14.452 vacantes nas empresas de 10 ou máis asalariados. O número de vacantes incrementouse en 2.490 con respecto do mesmo trimestre do ano 2024 (11.962).
No segundo trimestre de 2025, o 17,3% das vacantes requirían titulación STEM1. Esta porcentaxe baixa con respecto ao mesmo trimestre do ano anterior, no que o 22,8% das vacantes requirían titulación STEM.
| 2024/II | 2024/III | 2024/IV | 2025/I | 2025/II | TAXA DE VARIACIÓN INTERANUAL DO 2025/II | |
|---|---|---|---|---|---|---|
| VACANTES | 11.962 | 13.586 | 12.728 | 11.385 | 14.452 | 20,82 |
| VACANTES STEM | 2.733 | 3.568 | 3.548 | 2.871 | 2.505 | -8,34 |
| Fonte: IGE. Enquisa sobre vacantes nas empresas galegas (descarga da táboa) |
Tal e como se reflexa no seguinte gráfico, o maior número de vacantes en Galicia rexístrase nas empresas que teñen entre 10 e 49 asalariados.
Fonte: IGE. Enquisa sobre vacantes nas empresas galegas (descarga da táboa)
O principal motivo polo que as empresas non tiñan vacantes foi “Non se necesita ningunha persoa máis”, que superou o 80% no segundo trimestre de 2025.
Fonte: IGE. Enquisa sobre vacantes nas empresas galegas (descarga da táboa)
No segundo trimestre de 2025, o 30,0% das empresas con vacantes aínda tiñan sen cubrir as do trimestre anterior. No mesmo trimestre do ano anterior esta porcentaxe foi do 20,8%.
O motivo máis indicado como causante de non ter cubertas as vacantes foi, as persoas candidatas non consideraron idóneas outras circunstancias do posto distintas das condicións económicas; esta porcentaxe foi de 31,5% no segundo trimestre do ano 2025.
| Motivos | 2024/II | 2024/III | 2024/IV | 2025/I | 2025/II |
|---|---|---|---|---|---|
| Falta de persoas candidatas con titulación superior STEM | 20,51 | 22,54 | 21,13 | 22,97 | 19,44 |
| Falta de persoas candidatas con preparación dixital suficiente | 10,26 | 8,45 | 5,63 | 12,16 | 5,56 |
| Falta de persoas candidatas con formación axeitada non incluída nos dous anteriores | 42,31 | 38,03 | 35,21 | 36,49 | 30,56 |
| As persoas candidatas non consideraron axeitadas as condicións económicas | 15,38 | 12,68 | 15,49 | 14,86 | 14,81 |
| As persoas candidatas non consideraron idóneas outras circunstancias do posto | 19,23 | 11,27 | 22,54 | 24,32 | 31,48 |
| Outros | 37,18 | 42,25 | 40,85 | 31,08 | 34,26 |
| Fonte: IGE. Enquisa sobre vacantes nas empresas galegas (descarga da táboa) |
2 Utilización da capacidade produtiva das empresas galegas do sector servizos
No segundo trimestre de 2025, o 61,8% das empresas empregan as súas instalacións, maquinaria e/ou equipamento máis do 75%. Esta porcentaxe diminuíu con respecto do mesmo trimestre do ano anterior que era do 63,1%.
| 2024/II | 2024/III | 2024/IV | 2025/I | 2025/II | |
|---|---|---|---|---|---|
| Menos do 25% | 5,67 | 4,69 | 5,76 | 7,14 | 5,42 |
| Entre o 25% e 50% | 11,86 | 8,07 | 8,38 | 9,79 | 10,57 |
| Entre 50% e 75% | 19,33 | 25,52 | 23,56 | 24,34 | 22,22 |
| Máis do 75% | 63,14 | 61,72 | 62,30 | 58,73 | 61,79 |
| Fonte: IGE. Enquisa sobre vacantes nas empresas galegas (descarga da táboa) |
No que respecta ao grao de ocupación do persoal, no segundo trimestre de 2025, o 69,7% das empresas empregan ao seu persoal máis do 75%.
| 2024/II | 2024/III | 2024/IV | 2025/I | 2025/II | |
|---|---|---|---|---|---|
| Menos do 25% | 2,58 | 3,39 | 4,19 | 5,29 | 2,71 |
| Entre o 25% e 50% | 7,73 | 7,81 | 6,81 | 7,67 | 8,40 |
| Entre 50% e 75% | 18,56 | 15,89 | 16,75 | 21,69 | 19,24 |
| Máis do 75% | 71,13 | 72,92 | 72,25 | 65,34 | 69,65 |
| Fonte: IGE. Enquisa sobre vacantes nas empresas galegas (descarga da táboa) |
3 Indicador de sentimento harmonizado do sector servizos
Calculando a diferencia entre a porcentaxe de empresas con resposta favorable e a porcentaxe de empresas con resposta desfavorable nos items do indicador de sentimento económico para o sector servizos (economic sentiment indicator for the services sector ou ESI.SERV) calcúlanse os seguintes indicadores:
| 2024/II | 2024/III | 2024/IV | 2025/I | 2025/II | |
|---|---|---|---|---|---|
| Percepción da situación empresarial no trimestre en curso | 7,51 | 11,83 | 13,35 | 7,64 | 7,37 |
| Percepción da evolución da demanda de servizos no trimestre en curso | 14,33 | 12,51 | 14,25 | 8,21 | 12,87 |
| Previsión da evolución da demanda no próximo trimestre | 20,46 | 18,51 | 18,71 | 25,34 | 24,93 |
| Fonte: IGE. Enquisa sobre vacantes nas empresas galegas (descarga da táboa) |
A percepción da situación empresarial no sector servizos mantense en valores positivos nos cinco últimos trimestres. O mesmo ocorre coa percepción da evolución da demanda de servizos. É dicir, segundo reflicten os datos a percepción empresarial do sector servizos é positiva.
A previsión da evolución da demanda para o próximo trimestre acada o valor 24,9% . Este valor positivo segue a senda do ano 2024, no que este indicador acadou valores positivos nos catro trimestres.
4 Notas metodolóxicas
A Enquisa sobre vacantes nas empresas galegas, grao de utilización da capacidade produtiva e indicador de sentimento do sector servizos de Galicia é unha operación estatística na que se enmarcan tres estudos:
Estudo sobre vacantes ou ofertas de emprego nas empresas galegas.
Estudo da utilización da capacidade produtiva das empresas galegas do sector servizos.
Obtención do indicador de sentimento harmonizado das empresas galegas de servizos.
Unha vacante de emprego2 refírese a un posto de traballo remunerado, creado recentemente, que non está ocupado, ou que está a punto de quedar libre, para o cal o empregador:
- está tomando e preparando medidas activas co obxecto de atopar un candidato idóneo alleo á empresa en cuestión, e
- ten a intención de cubrilo de forma inmediata ou nun prazo de tempo determinado.
5 Metodoloxía, definicións, fontes e máis información
Metodoloxía
Definicións
Descarga de datos
Número de vacantes nas empresas de máis de 9 asalariados por tamaño da empresa
Empresas con vacantes no anterior trimestre sen cubrir aínda por tamaño da empresa
Motivos polos que as empresas con vacantes non puideron cubrilas
Grao de utilización das instalacións, maquinaria e/ou equipamento segundo o tamaño da empresa
Grao de ocupación do seu persoal segundo o tamaño da empresa
Fontes de información
IGE.Enquisa sobre vacantes nas empresas galegas, grao de utilización da capacidade produtiva e indicador de sentimento do sector servizos de Galicia.
STEM é un acrónimo dos termos en inglés Science, Technology, Engineering and Mathematics (Ciencia, Tecnoloxía, Enxeñaría e Matemáticas).
↩︎Segundo a definición do Regulamento (CE) No 453/2008 do Parlamento Europeo e do Consello de 23 de abril de 2008 relativo ás estatísticas trimestrais sobre vacantes de emprego na Comunidade)
↩︎