Enquisa sobre vacantes nas empresas galegas
Datos correspondentes ao segundo trimestre do ano 2026
Data de publicación: 17/09/2026
descarga en pdf
Principais resultados
O número de vacantes nas empresas galegas de 10 ou máis asalariados estímase en 11.779 no segundo trimestre de 2026, amosando unha taxa de variación interanual do -18,5%.
O 22,1% das vacantes requirían titulación superior STEM.
1. Introdución
O Programa estatístico anual de 2026, aprobado mediante o Decreto 128/2025, do 29 de decembro, prevé a reestruturación do proxecto técnico da operación estatística Enquisa sobre vacantes nas empresas galegas, grao de utilización da capacidade produtiva e indicador de sentimento do sector servizos de Galicia.
Como consecuencia deste proceso de revisión, a partir do segundo trimestre de 2026 non se publican os datos relativos ao grao de utilización da capacidade produtiva do sector servizos nin ao indicador de sentimento harmonizado deste sector.
A reestructuración inclúe tamén unha nova estratificación da mostra co obxectivo de mellorar o contido informativo da enquisa. Deste xeito, a nova edición permitirá ofrecer resultados por sector económico e tamaño da empresa segundo o número de persoas empregadas.
2. Vacantes nas empresas galegas
No segundo trimestre de 2026, estímase que había 11.779 postos vacantes nas empresas con sede en Galicia de 10 ou máis asalariados.
Das 11.779 vacantes que estimamos nas empresas, 2.608 postos requirían unha titulación superior STEM, o 22,14% do total.
| 2025/II | 2025/III | 2025/IV | 2026/I | 2026/II | TAXA DE VARIACIÓN INTERANUAL DO 2026/II | |
|---|---|---|---|---|---|---|
| VACANTES | 14.452 | 14.478 | 11.915 | 11.305 | 11.779 | -18,50 |
| VACANTES STEM | 2.505 | 2.601 | 1.776 | 2.635 | 2.608 | 4,11 |
| Fonte: IGE. Enquisa sobre vacantes nas empresas galegas (descarga da táboa). |
O 80,11% das empresas galegas non tiñan postos vacantes no segundo trimestre do ano.
O principal motivo polo que as empresas non tiñan vacantes era que a demanda actual non requiría incorporar máis persoal (73,69%). O elevado custo laboral asociado á incorporación de novo persoal foi sinalado polo 26,70%.
Fonte: IGE. Enquisa sobre vacantes nas empresas galegas.(descarga da táboa).
Definicións, fontes e máis información
Definicións
Descarga de datos
- Número de vacantes nas empresas de máis de 9 asalariados por tamaño da empresa
- Número de vacantes que requiren titulación superior STEM nas empresas de máis de 9 asalariados por tamaño da empresa
- Motivos polos que as empresas non tiñan vacantes
Fontes de información
IGE. Enquisa sobre vacantes nas empresas galegas.