Contas económicas trimestrais de Galicia. Revisión Estatística 2024
Datos correspondentes ao terceiro trimestre de 2025
Data de publicación: 28/11/2025
descarga en pdf
Principais resultados
No terceiro trimestre do ano, o PIB avanza un 0,5% en taxa intertrimestral, unha décima máis que no trimestre anterior.
En termos interanuais, o crecemento do PIB foi do 2,2%, catro décimas menos que no trimestre anterior.
A creación de postos de traballo equivalentes a tempo completo avanzou a un ritmo do 1,4% en taxa interanual.
1 Produto Interior Bruto en volume
No terceiro trimestre do 2025, o Produto Interior Bruto (PIB) xerado pola economía galega, medido en termos de volume encadeado e con datos corrixidos de efectos estacionais e de calendario, rexistra unha variación intertrimestral do 0,5% (0,4% no trimestre anterior). A taxa de variación interanual foi do 2,2%.
| Dato | 2024/I | 2024/II | 2024/III | 2024/IV | 2025/I | 2025/II | 2025/III |
|---|---|---|---|---|---|---|---|
| Taxa de variación trimestre anterior | 0,7 | 0,7 | 0,8 | 0,6 | 0,7 | 0,4 | 0,5 |
| Taxa de variación interanual | 2,3 | 3,0 | 3,2 | 2,8 | 2,9 | 2,6 | 2,2 |
| Fonte: IGE. Contas económicas trimestrais (descarga da táboa). |
PIB. Taxas de variación interanual
Unidade: porcentaxe
PIB. Taxas de variación intertrimestral
Unidade: porcentaxe
Fonte: IGE. Contas económicas trimestrais (descarga da táboa).
A demanda interna contribuíu con 1,9 puntos porcentuais ao crecemento interanual do PIB galego, un punto menos que no trimestre anterior. Por outra banda, a contribución da demanda externa ao crecemento mellora, sendo positiva (0,3 puntos) frente á contribución negativa (-0,3 puntos) do trimestre precedente.
Evolución do PIB en volume e contribucións da demanda interna e da demanda externa
Unidade: taxas de variación en porcentaxe e contribucións en puntos porcentuais
Fonte: IGE. Contas económicas trimestrais (descarga da táboa).
No terceiro trimestre do 2025, todos os compoñentes pola vía da demanda rexistran taxas positivas.
O gasto en consumo final dos fogares e a formación bruta de capital crecen menos que no trimestre anterior. O gasto en consumo final aumenta un 1,2%, (2,5% no segundo trimestre) e a formación bruta de capital aumenta un 3,2%, (5,8% no trimestre precedente).
Por outra banda, o gasto das Administracións públicas medra a un ritmo do 3%, superior ao 2,4% no trimestre anterior.
En relación ao sector exterior, as exportacións de bens e servizos presentan unha taxa interanual do 2,1%, e as importacións medran un 1,6%.
| Compoñentes | 2024/I | 2024/II | 2024/III | 2024/IV | 2025/I | 2025/II | 2025/III |
|---|---|---|---|---|---|---|---|
| Gasto en consumo final | 3,9 | 1,8 | 2,5 | 2,8 | 1,5 | 2,5 | 1,7 |
| Gasto dos fogares e ISFLSF | 2,7 | 0,6 | 1,6 | 1,7 | 1,1 | 2,5 | 1,2 |
| Gastos das AA.PP. | 7,1 | 5,3 | 5,0 | 5,9 | 2,6 | 2,4 | 3,0 |
| Formación bruta de capital | -0,2 | -0,8 | 2,4 | 3,8 | 1,1 | 5,8 | 3,2 |
| Demanda interna (en termos nacionais) (*) | 3,1 | 1,3 | 2,4 | 2,9 | 1,4 | 2,9 | 1,9 |
| Exportación de bens e servizos | 0,9 | 4,8 | 4,0 | 2,8 | 1,4 | -1,5 | 2,1 |
| Importación de bens e servizos | 2,3 | 2,1 | 2,6 | 3,0 | -1,2 | -1,0 | 1,6 |
|
Fonte: IGE. Contas económicas trimestrais (descarga
da táboa). Nota: (*) Contribución ao crecemento do PIB. |
No que respecta á oferta, aumenta o Valor Engadido Bruto (VEB) de todos os grandes sectores de actividade agás do sector primario.
O VEB das ramas primarias rexistra unha taxa de variación interanual do -0,4% (0% no trimestre anterior). Pola súa parte, o VEB da industria medra un 3,3%, sendo a taxa no trimestre precedente do 2,4%. O VEB do sector da construción medrou 1,1 puntos máis que no trimestre precedente, ao presentar unha taxa do 7,6%. O sector servizos rexistra unha taxa do 2,1% (2,8% no trimestre anterior).
| Compoñentes | 2024/I | 2024/II | 2024/III | 2024/IV | 2025/I | 2025/II | 2025/III |
|---|---|---|---|---|---|---|---|
| VEB. Agricultura, gandaría, silvicultura e pesca | 4,3 | 4,0 | 1,4 | 2,9 | 2,8 | 0,0 | -0,4 |
| VEB. Industria | 4,4 | 4,3 | 5,1 | -0,5 | 1,5 | 2,4 | 3,3 |
| VEB. Construción | 2,9 | 4,9 | 4,5 | 6,8 | 5,5 | 6,5 | 7,6 |
| VEB. Servizos | 1,7 | 2,8 | 3,1 | 3,5 | 3,3 | 2,8 | 2,1 |
| Impostos netos sobre os produtos | 0,8 | -0,2 | 0,7 | 1,2 | 0,8 | 0,1 | -1,2 |
| Fonte: IGE. Contas económicas trimestrais (descarga da táboa). |
Evolución do valor engadido bruto por sectores. Volume encadeado referencia ano 2020=100. Datos corrixidos de efectos estacionais e de calendario. Taxas de variación interanual
Unidade: porcentaxe
Fonte: IGE. Contas económicas trimestrais (descarga da táboa).
2 Produto Interior Bruto a prezos correntes e deflactor implícito
No terceiro trimestre do 2025, o PIB valorado a prezos correntes e con datos corrixidos de efectos estacionais e de calendario, rexistra unha variación interanual do 4,9%, sendo esta variación 0,6 puntos inferior á rexistrada no trimestre precedente.
A variación intertrimestral do PIB a prezos correntes sitúase no 1,2% (1,1% no trimestre anterior).
Pola súa parte, o deflactor implícito do PIB medrou un 2,6% neste trimestre.
3 Emprego e produtividade
Os postos de traballo equivalentes a tempo completo rexistran un crecemento interanual do 1,4%, variación semellante á rexistrada no trimestre anterior.
| Dato | 2024/I | 2024/II | 2024/III | 2024/IV | 2025/I | 2025/II | 2025/III |
|---|---|---|---|---|---|---|---|
| Postos de traballo equivalentes a tempo completo | 2,1 | 1,5 | 1,4 | 1,4 | 1,1 | 1,4 | 1,4 |
| Horas traballadas | 2,2 | 0,5 | 0,8 | 0,4 | 0,0 | 0,6 | 1,0 |
| Fonte: IGE. Contas económicas trimestrais (descarga da táboa). |
As horas traballadas aumentan un 1% en taxa interanual no terceiro trimestre (0,6% no trimestre anterior).
Considerando de forma conxunta o crecemento do PIB trimestral e o do emprego, a produtividade aparente real por posto de traballo equivalente a tempo completo medrou un 0,8% neste trimestre, mentres que a produtividade por hora traballada incrementouse un 1,2%.
4 Notas metodolóxicas
As Contas económicas trimestrais son unha estatística de síntese de carácter conxuntural. O seu obxectivo primordial é proporcionar unha descrición cuantitativa e coherente do conxunto da actividade económica galega. Con esta finalidade, elabórase un cadro macroeconómico que ofrece o ritmo de crecemento do PIB galego e das súas compoñentes.
Esta actividade é unha réplica trimestral simplificada das Contas económicas anuais que, pola súa maior frecuencia de elaboración, permite o seguimento conxuntural da actividade económica. Estas estimacións axústanse aos mesmos principios de coherencia e equilibrio contable que as contas de frecuencia anual e, por conseguinte, ao marco do Sistema Europeo de Contas 2010 (SEC-2010). Pódese dicir que as Contas económicas trimestrais supoñen un compromiso entre o rigor e a amplitude das Contas anuais e a rapidez e oportunidade dos indicadores conxunturais.
As utilidades concretas das Contas económicas trimestrais de Galicia son as seguintes:
Medir a evolución da economía no tempo de forma continua e coherente.
Incrementar a calidade do sistema estatístico conxuntural.
Dado o seu carácter sintético e integrador, identifica carencias, suxire cambios e propón un marco de referencia común, susceptible de utilización por estatísticas dispares.
Permite estimar modelos econométricos trimestrais, útiles na análise de políticas económicas e na previsión.