Afiliacións á Seguridade Social por concello de residencia da persoa afiliada
Datos correspondentes ao mes de novembro de 2025
Data de publicación: 30/12/2025
descarga en pdf
Principais resultados
- O número de persoas afiliadas medias á Seguridade Social situouse en novembro de 2025 en 1.028.160, un 1,5% máis que no mesmo mes do ano 2024.
- As persoas afiliadas aumentaron nos sete grandes concellos galegos en comparación con novembro de 2024, sendo Ourense, Ferrol e Vigo os concellos onde se rexistraron os maiores incrementos.
- Por sectores, as afiliacións medias aumentaron na Construción (2%), nos Servizos (1,6%) e na Industria (1,3%), mentres que descenderon na Agricultura e Pesca (-2,2%).
1. Situación da afiliación á Seguridade Social en Galicia
En novembro de 2025 rexistráronse 1.100.638 afiliación medias á Seguridade Social en Galicia, un 1,8% máis que en novembro de 2024. Destas, 1.069.769 (o 97,2%) corresponden a persoas cuxa residencia se atopa nun dos concellos de Galicia.
Débese ter en conta que un mesmo traballador ou traballadora pode figurar varias veces no sistema da Seguridade Social, tantas como actividades laborais distintas desempeñe; máis correctamente, tantas como situacións de cotización distintas teña. Por exemplo, se un traballador ou unha traballadora desempeña un traballo remunerado por conta allea nunha empresa e, ao mesmo tempo, traballa por conta propia noutra empresa da que é propietario/a, figurará ao menos dúas veces no sistema: unha no réxime xeral e outra no réxime de autónomos/as.
Así, se contabilizamos, non o número de afiliacións, senón o de persoas afiliadas medias con residencia en Galicia, a cifra baixa ás 1.028.160 persoas afiliadas en alta laboral ao Sistema da Seguridade Social en novembro de 2025, un 0,2% menos que o mes pasado e un 1,5% máis que en novembro de 2024
Se analizamos a situación a último día de mes, o número de persoas afiliadas con residencia en Galicia foi de 1.031.124, un 1,5% máis que en novembro de 2024.
| Variable | 2025/Novembro | Variación relativa respecto a 2025/Outubro | Variación relativa respecto a 2024/Novembro |
|---|---|---|---|
| Afiliacións medias | |||
| Afiliacións totais á Seg. Social | 1.100.638 | -0,2 | 1,8 |
| Afiliacións á Seg. Social de residentes en Galicia | 1.069.769 | -0,3 | 1,6 |
| Persoas afiliadas á Seg. Social con residencia en Galicia | 1.028.160 | -0,2 | 1,5 |
| Afiliacións último día de mes | |||
| Afiliacións totais á Seg. Social | 1.100.736 | 0,5 | 1,8 |
| Afiliacións á Seg. Social de residentes en Galicia | 1.072.995 | 0,5 | 1,6 |
| Persoas afiliadas á Seg. Social con residencia en Galicia | 1.031.124 | 0,4 | 1,5 |
| Fonte: IGE. Afiliacións á Seguridade Social por concello de residencia da persoa afiliada (descarga da táboa). |
2. Persoas afiliadas medias por sexo e grupos de idade
Para medir a estrutura da poboación afiliada á Seguridade Social en alta laboral pódese construír o seguinte indicador de estrutura: a poboación afiliada de 40 ou máis anos dividida entre a poboación afiliada de 16 a 39 anos e multiplicado por cen.
En novembro de 2025, por cada 100 afiliados e afiliadas á Seguridade Social en alta laboral menores de 40 anos, residían en Galicia 227 traballadores/as maiores desta idade. Dos sete grandes concellos galegos, os concellos da Coruña, Ourense, Vigo, Santiago de Compostela e Lugo atópanse por debaixo da media galega. Entre os grandes concellos que teñen valores superiores a media, estes variaban dende 228 no concello de Ferrol ata 239 en Pontevedra.
| Espazo | Índice de estrutura da poboación afiliada | Taxa de substitución da poboación afiliada |
|---|---|---|
| Galicia | 227 | 19 |
| Coruña, A | 201 | 20 |
| Ferrol | 228 | 19 |
| Santiago de Compostela | 223 | 15 |
| Lugo | 223 | 18 |
| Ourense | 206 | 19 |
| Pontevedra | 239 | 17 |
| Vigo | 221 | 20 |
| Fonte: IGE. Afiliacións á Seguridade Social por concello de residencia da persoa afiliada (descarga da táboa). |
Outro indicador analizado é o da taxa de substitución da poboación afiliada, definido como o cociente entre a poboación afiliada menor de 25 anos e a poboación afiliada maior de 55 anos, multiplicado por 100. Este indicador utilízase para comparar a poboación que acaba de ingresar como cotizantes ao sistema da Seguridade Social coa que está próxima a abandonalo e pasar á situación de pensionista.
En Galicia, por cada 100 persoas que están próximos a abandonar o mercado laboral contabilízanse 19 persoas que ingresan ao Sistema da Seguridade Social.
A continuación amósase a variación interanual do número de traballadores e traballadoras afiliados/as á Seguridade Social nos sete grandes municipios galegos.
Nos últimos doce meses (de novembro de 2024 a novembro de 2025), o número de persoas afiliadas aumentou nos sete grandes concellos galegos. O maior incremento experimentárono os concellos de Ourense (2,7%), Ferrol (2,5%) e Vigo (2,5%).
| Concello | 2025/Novembro | Variación relativa respecto a 2025/Outubro | Variación relativa respecto a 2024/Novembro |
|---|---|---|---|
| Galicia | 1.028.160 | -0,2 | 1,5 |
| Coruña, A | 97.142 | 0,4 | 2,0 |
| Ferrol | 19.797 | 0,2 | 2,5 |
| Santiago de Compostela | 41.624 | -0,6 | 1,5 |
| Lugo | 39.400 | -0,2 | 1,3 |
| Ourense | 39.014 | 0,5 | 2,7 |
| Pontevedra | 31.122 | -0,1 | 1,5 |
| Vigo | 115.187 | 0,5 | 2,5 |
| Fonte: IGE. Afiliacións á Seguridade Social por concello de residencia da persoa afiliada (descarga da táboa). |
Variación interanual do número de persoas afiliadas medias
Unidade: taxas de variación interanuais
Galicia
A Coruña
Ferrol
Santiago de Compostela
Lugo
Ourense
Pontevedra
Vigo
Fonte: IGE. Afiliacións á Seguridade Social por concello de residencia da persoa afiliada (descarga da táboa).
4. Afiliacións medias á Seguridade Social por sectores de actividade
O 4,7% das afiliacións en alta laboral de persoas que residen en Galicia corresponden a actividades relacionadas coa agricultura e a pesca; o 13,8% rexístranse no sector industrial; o 7,5% na construción, e o 73,3% corresponden a actividades do sector servizos. En novembro de 2025 as afiliacións á Agricultura e Pesca diminuíron un 2,2%, mentres que no resto dos sectores se incrementaron: 1,3% industria, 1,6% o sector servizos e 2% a construción.
Nos seguintes mapas amósase o peso das afiliacións en alta laboral e as taxas de variación anual segundo os sectores de actividade e o concello de residencia do traballador ou da traballadora.
| Sector de actividade | Afiliacións | Porcentaxe | Variación anual(%) |
|---|---|---|---|
| Total | 1.069.769 | 100,0 | 1,6 |
| Agricultura e pesca | 50.431 | 4,7 | -2,2 |
| Industria | 147.495 | 13,8 | 1,3 |
| Construción | 79.969 | 7,5 | 2,0 |
| Servizos | 784.314 | 73,3 | 1,6 |
| Fonte: IGE. Afiliacións á Seguridade Social por concello de residencia da persoa afiliada (descarga da táboa). |
Os concellos cunha maior porcentaxe de traballadores e traballadoras
afiliadas no sector primario atópanse no interior de Lugo (a excepción
da capital de provincia, Rábade e Monforme de Lemos), nas comarcas
coruñesas de Xallas, Terra de Melide e Arzúa, e na comarca do
Deza.
As afiliacións na industria teñen un maior peso nos municipios do sur da
provincia de Pontevedra, na comarca de Valdeorras, Barbanza, Caldas e O
Sar.
No que respecta á construción, sobresaen os municipios da zona da Costa da Morte (excepto Corcubión e Fisterra) e a meirande parte dos municipios do sur de Ourense e algúns do oeste da provincia.
O sector servizos amosa un maior peso nos sete grandes concellos e nos seus municipios limítrofes.
En novembro de 2025, o número de afiliacións medias medrou ou mantívose estable no 62% dos concellos (194 concellos) en relación co mesmo mes do ano anterior, mentres que as afiliacións diminuíron nos outros 119. No sector servizos, as afiliacións aumentaron no 64,2% dos concellos galegos; na construción, no 57,5% e na industria, no 57,2%. Pola contra, na agricultura e pesca rexistrouse un descenso das afiliacións no 57,8% dos concellos.
Afiliacións medias á Seguridade Social en alta laboral por concellos. Novembro de 2025
Agricultura e pesca
Unidade: porcentaxe
Variación interanual das afiliacións a Seguridade Social por concellos. Novembro de 2025
Agricultura e pesca
Unidade: porcentaxe
Industria
Unidade: porcentaxe
Industria
Unidade: porcentaxe
Construción
Unidade: porcentaxe
Construción
Unidade: porcentaxe
Servizos
Unidade: porcentaxe
Servizos
Unidade: porcentaxe
Fonte: IGE. Afiliacións á Seguridade Social por concello de residencia da persoa afiliada
Notas metodolóxicas
O principal obxectivo desta operación estatística é coñecer o número de persoas afiliadas á Seguridade Social en alta laboral segundo o concello de residencia. Tamén se analiza a distribución das afiliacións por sectores de actividade e réximes de cotización. Preséntanse os datos de afiliacións medias, obtidos como media dos datos diarios dos días hábiles do mes, e a fin de mes.
Para obter o concello de residencia, crúzase o ficheiro de afiliacións recibido da Seguridade Social co Padrón municipal continuo de habitantes, recibido do Instituto Nacional de Estadística (INE).
Para unha mesma persoa traballadora poden figurar varias afiliacións en alta laboral, por exemplo, se desempeña varias actividades laborais nun mesmo réxime ou en varios. Cando se fala de afiliacións á Seguridade Social, cada persoa contabilízase tantas veces como situacións de cotización teña. Pola contra, cando se fala persoas afiliadas, cada traballador ou traballadora contabilízase unha única vez.
Definicións, metodoloxía, fontes e máis información
Definicións
Metodoloxía
Descarga de datos
Fontes de información
IGE. Afiliacións á Seguridade Social por concello de residencia da persoa afiliada