Afiliacións á Seguridade Social por concello de residencia da persoa afiliada
Datos correspondentes ao mes de xullo de 2026
Data de publicación: 31/08/2026
descarga en pdf
Principais resultados
- En xullo de 2026, o número de persoas afiliadas medias á Seguridade Social foi de 1.063.622 persoas, o que supón un incremento interanual do 2,2% e unha subida con respecto ao mes de xuño do 1,5%.
- En seis dos sete grandes concellos galegos o crecemento interanual da afiliación foi superior á media de Galicia, mentres que en Santiago de Compostela o crecemento foi igual á media de Galicia.
- O sector servizos concentrou o 73,6% das afiliacións de residentes en Galicia, seguido da industria (13,7%), a construción (7,3%) e a agricultura e pesca (4,6%).
- Máis do 40% das afiliacións dos concellos de Rodeiro e Dozón corresponden ao sector primario, mentras que en Santiago de Compostela as afiliacións ao sector servizos superan o 87%.
1. Situación da afiliación á Seguridade Social en Galicia
O número de persoas afiliadas medias á Seguridade Social en alta laboral con residencia en Galicia situouse en 1.063.622 en xullo de 2026, cun aumento do 1,5% en relación con xuño e do 2,2% respecto ao mesmo mes do ano anterior.
Cada persoa contabilízase unha única vez nesta cifra, aínda que pode ter varias afiliacións á Seguridade Social se desenvolve máis dunha actividade laboral ou se se atopa en distintas situacións de cotización. Por este motivo, o número de afiliacións é superior ao de persoas afiliadas.
En total, en Galicia rexistráronse 1.135.950 afiliacións medias á Seguridade Social, un 1,2% máis que no mes anterior e un 2,0% máis que en xullo de 2025. Destas, 1.104.721, o 97,3%, correspondían a persoas cuxo concello de residencia se atopaba en Galicia, cifra que aumentou un 1,2% respecto de xuño de 2026 e un 2,2% en comparación cun ano antes.
| Variable | Xullo 2026 | Variación mes anterior relativa | Variación ano anterior relativa |
|---|---|---|---|
| Persoas afiliadas á Seg. Social con residencia en Galicia | 1.063.622 | 1,5 | 2,2 |
| Afiliacións totais á Seg. Social | 1.135.950 | 1,2 | 2,0 |
| Afiliacións á Seg. Social de residentes en Galicia | 1.104.721 | 1,2 | 2,2 |
| Fonte: IGE. Afiliacións á Seguridade Social por concello de residencia da persoa afiliada (descarga da táboa). |
2. Persoas afiliadas medias nos grandes concellos de Galicia
No último ano, entre xullo de 2025 e xullo de 2026, o número de persoas afiliadas aumentou nos sete grandes concellos galegos. En seis deles o crecemento superou o 2,2% rexistrado no conxunto de Galicia, mentres que o crecemento en Santiago de Compostela foi igual á media galega. Os maiores incrementos déronse nos concellos de Ferrol (3,5%), Pontevedra (3,1%) e A Coruña (3,0%).
| Concello | Xullo 2026 | Variación mes anterior relativa | Variación ano anterior relativa |
|---|---|---|---|
| Galicia | 1.063.622 | 1,5 | 2,2 |
| Coruña, A | 99.260 | 0,7 | 3,0 |
| Ferrol | 20.634 | 2,1 | 3,5 |
| Santiago de Compostela | 42.658 | 0,4 | 2,2 |
| Lugo | 40.534 | 1,0 | 2,7 |
| Ourense | 39.598 | 0,3 | 2,4 |
| Pontevedra | 32.474 | 2,2 | 3,1 |
| Vigo | 117.178 | 0,6 | 2,4 |
| Fonte: IGE. Afiliacións á Seguridade Social por concello de residencia da persoa afiliada (descarga da táboa). |
A análise segundo o sexo amosa un comportamento diferenciado do crecemento interanual das persoas afiliadas. En xullo, o incremento foi maior entre as mulleres no conxunto de Galicia e nos concellos da Coruña e Ourense, mentres que en Ferrol, Santiago de Compostela, Lugo, Pontevedra e Vigo foi superior entre os homes.
Variación interanual do número de persoas afiliadas medias
Unidade: taxas de variación interanuais
Galicia
A Coruña
Ferrol
Santiago de Compostela
Lugo
Ourense
Pontevedra
Vigo
Fonte: IGE. Afiliacións á Seguridade Social por concello de residencia da persoa afiliada (descarga da táboa).
3. Afiliacións medias á Seguridade Social por sectores de actividade
O 4,6% das afiliacións en alta laboral de persoas que residen en Galicia corresponden a actividades relacionadas coa agricultura e a pesca; o 13,7% rexístranse no sector industrial; o 7,3% na construción, e o 73,6% corresponden a actividades do sector servizos. A suma das afiliacións por sectores non coincide co total debido á existencia de afiliacións sen sector de actividade asignado.
Nos seguintes mapas e táboas móstrase o peso das afiliacións por sector de actividade e concello de residencia das persoas traballadoras, destacando os concellos con maior peso relativo.
| Sector de actividade | Afiliacións | Porcentaxe |
|---|---|---|
| Total | 1.104.721 | 100,0 |
| Agricultura e pesca | 51.148 | 4,6 |
| Industria | 150.974 | 13,7 |
| Construción | 81.004 | 7,3 |
| Servizos | 813.260 | 73,6 |
| Fonte: IGE. Afiliacións á Seguridade Social por concello de residencia da persoa afiliada (descarga da táboa). |
As maiores proporcións de afiliacións na agricultura e na pesca
rexístranse no interior da provincia de Lugo, nas comarcas coruñesas de
Xallas, Terra de Melide e Arzúa, na comarca do Deza e nalgúns municipios
costeiros cunha actividade pesqueira relevante.
As afiliacións na industria teñen un maior peso nos municipios do sur da provincia de Pontevedra, nas comarcas de Valdeorras, Barbanza, Caldas e O Sar.
A construción destaca especialmente nos concellos da Costa da Morte, así como nalgúns municipios do sur e do oeste da provincia de Ourense.
O sector servizos amosa un maior peso nos sete grandes concellos e nos seus municipios limítrofes e noutros concellos cunha función urbana ou terciaria destacada, como Mondariz Balneario, Corcubión ou Monforte de Lemos.
Afiliacións medias á Seguridade Social en alta laboral por concellos. Xullo de 2026
Agricultura e pesca
Unidade: porcentaxe