Afiliacións á Seguridade Social por concello de residencia da persoa afiliada
Datos correspondentes ao mes de maio de 2026
Data de publicación: 30/06/2026
descarga en pdf
Principais resultados
- En maio de 2026, Galicia rexistrou 1.038.386 persoas afiliadas medias á Seguridade Social con residencia na comunidade, un 0,7% máis que en abril e un 1,4% máis que en maio de 2025.
- A afiliación aumentou no último ano nos sete grandes concellos galegos, cos maiores incrementos en Ferrol (+2,9%) e Ourense (+2,6%)
- Por concellos, a industria acadou o maior peso en Carballeda de Valdeorras (38,4%) e Valga (32,2%), mentres que os servizos destacaron en Santiago de Compostela (87,5%) e A Coruña (85,3%).
1. Situación da afiliación á Seguridade Social en Galicia
En maio de 2026 rexistráronse 1.111.867 afiliacións medias á Seguridade Social en Galicia, un 1,6% máis que en maio de 2025. Destas, 1.081.404 (o 97,3%) corresponden a persoas cuxa residencia se atopa nun dos concellos de Galicia.
Débese ter en conta que un mesmo traballador ou traballadora pode figurar varias veces no sistema da Seguridade Social, tantas como actividades laborais distintas desempeñe; máis correctamente, tantas como situacións de cotización distintas teña. Por exemplo, se un traballador ou unha traballadora desempeña un traballo remunerado por conta allea nunha empresa e, ao mesmo tempo, traballa por conta propia noutra empresa da que é propietario/a, figurará ao menos dúas veces no sistema: unha no réxime xeral e outra no réxime de autónomos/as.
Así, se contabilizamos, non o número de afiliacións, senón o de persoas afiliadas medias con residencia en Galicia, a cifra baixa ás 1.038.386 persoas afiliadas en alta laboral ao Sistema da Seguridade Social en maio de 2026, un 0,7% máis que o mes anterior e un 1,4% máis que en maio de 2025.
| Variable | 2026/Maio | Variación relativa respecto a 2026/Abril | Variación relativa respecto a 2025/Maio |
|---|---|---|---|
| Afiliacións totais á Seg. Social | 1.111.867 | 0,7 | 1,6 |
| Afiliacións á Seg. Social de residentes en Galicia | 1.081.404 | 0,7 | 1,4 |
| Persoas afiliadas á Seg. Social con residencia en Galicia | 1.038.386 | 0,7 | 1,4 |
| Fonte: IGE. Afiliacións á Seguridade Social por concello de residencia da persoa afiliada (descarga da táboa). |
2. Persoas afiliadas medias nos grandes concellos de Galicia
A continuación amósase a variación interanual do número de traballadores e traballadoras afiliados/as á Seguridade Social nos sete grandes municipios galegos.
Nos últimos doce meses (de maio de 2025 a maio de 2026), o número de persoas afiliadas aumentou nos sete grandes concellos galegos e, agás no caso de Santiago de Compostela, tiveron un crecemento maior ca o da media de Galicia. Os maiores incrementos déronse nos concellos de Ferrol (2,9%) e Ourense (2,6%).
| Concello | 2026/Maio | Variación relativa respecto a 2026/Abril | Variación relativa respecto a 2025/Maio |
|---|---|---|---|
| Galicia | 1.038.386 | 0,7 | 1,4 |
| Coruña, A | 98.022 | 0,7 | 2,3 |
| Ferrol | 20.054 | 0,6 | 2,9 |
| Santiago de Compostela | 42.178 | 0,7 | 1,3 |
| Lugo | 39.843 | 0,5 | 1,6 |
| Ourense | 39.304 | 0,7 | 2,6 |
| Pontevedra | 31.475 | 0,8 | 1,9 |
| Vigo | 115.664 | 0,6 | 2,0 |
| Fonte: IGE. Afiliacións á Seguridade Social por concello de residencia da persoa afiliada (descarga da táboa). |
Variación interanual do número de persoas afiliadas medias
Unidade: taxas de variación interanuais
Galicia
A Coruña
Ferrol
Santiago de Compostela
Lugo
Ourense
Pontevedra
Vigo
Fonte: IGE. Afiliacións á Seguridade Social por concello de residencia da persoa afiliada (descarga da táboa).
3. Afiliacións medias á Seguridade Social por sectores de actividade
O 4,6% das afiliacións en alta laboral de persoas que residen en Galicia corresponden a actividades relacionadas coa agricultura e a pesca; o 13,7% rexístranse no sector industrial; o 7,3% na construción, e o 73,5% corresponden a actividades do sector servizos. A suma das afiliacións por sectores non coincide co total debido á existencia de afiliacións sen sector de actividade asignado.
Nos seguintes mapas e táboas móstrase o peso das afiliacións por sector de actividade e concello de residencia das persoas traballadoras, destacando os concellos con maior peso relativo.
| Sector de actividade | Afiliacións | Porcentaxe |
|---|---|---|
| Total | 1.081.404 | 100,0 |
| Agricultura e pesca | 50.249 | 4,6 |
| Industria | 148.335 | 13,7 |
| Construción | 79.477 | 7,3 |
| Servizos | 795.225 | 73,5 |
| Fonte: IGE. Afiliacións á Seguridade Social por concello de residencia da persoa afiliada (descarga da táboa). |
Os concellos cun maior peso das afiliacións no sector primario atópanse
no interior de Lugo (a excepción da capital de provincia, Rábade e
Monforte de Lemos), nas comarcas coruñesas de Xallas, Terra de Melide e
Arzúa, e na comarca do Deza, xunto con algúns concellos costeiros nos
que destaca a actividade pesqueira.
As afiliacións na industria teñen un maior peso nos municipios do sur da provincia de Pontevedra, na comarca de Valdeorras, Barbanza, Caldas e O Sar.
No que respecta á construción, sobresaen os municipios da zona da Costa da Morte (excepto Corcubión e Fisterra) e a meirande parte dos municipios do sur de Ourense e algúns do oeste da provincia.
O sector servizos amosa un maior peso nos sete grandes concellos e nos seus municipios limítrofes, e noutros concellos cunha función urbana ou terciaria destacada (Mondariz Balneario, Corcubión ou Monforte de Lemos).
Afiliacións medias á Seguridade Social en alta laboral por concellos. Maio de 2026
Agricultura e pesca
Unidade: porcentaxe