Afiliacións á Seguridade Social por concello de residencia da persoa afiliada
Datos correspondentes ao mes de abril de 2026
Data de publicación: 29/05/2026
descarga en pdf
Principais resultados
- En abril de 2026, Galicia rexistrou 1.031.225 persoas afiliadas medias á Seguridade Social con residencia na comunidade, un 1,3% máis ca no mesmo mes do ano anterior.
- Por cada 100 persoas afiliadas medias menores de 40 anos había 225 persoas afiliadas de 40 ou máis anos.
- O sector servizos concentrou a maior parte das afiliacións medias, co 73,4% do total. A continuación situáronse a industria, co 13,8%, a construción, co 7,3%, e a agricultura e pesca, co 4,7%.
1. Situación da afiliación á Seguridade Social en Galicia
En abril de 2026, Galicia acadou 1.103.820 afiliacións medias á Seguridade Social, un 1,5% máis que no mesmo mes do ano anterior. A maior parte delas, 1.074.025, correspondían a persoas residentes na comunidade.
A diferenza entre afiliacións e persoas afiliadas é relevante: as primeiras recollen situacións de cotización, mentres que as segundas contabilizan cada traballador ou traballadora unha única vez. Así, o número de persoas afiliadas medias con residencia en Galicia situouse en 1.031.225, cun incremento interanual do 1,3%.
No último día do mes, as persoas afiliadas residentes en Galicia ascenderon a 1.031.124, un 1,2% máis que en abril de 2025.
| Variable | 2026/Abril | Variación relativa respecto a 2026/Marzo | Variación relativa respecto a 2025/Abril |
|---|---|---|---|
| Afiliacións medias | |||
| Afiliacións totais á Seg. Social | 1.103.820 | 0,7 | 1,5 |
| Afiliacións á Seg. Social de residentes en Galicia | 1.074.025 | 0,7 | 1,4 |
| Persoas afiliadas á Seg. Social con residencia en Galicia | 1.031.225 | 0,7 | 1,3 |
| Afiliacións último día de mes | |||
| Afiliacións totais á Seg. Social | 1.099.526 | 0,4 | 1,3 |
| Afiliacións á Seg. Social de residentes en Galicia | 1.072.842 | 0,6 | 1,2 |
| Persoas afiliadas á Seg. Social con residencia en Galicia | 1.031.124 | 0,5 | 1,2 |
| Fonte: IGE. Afiliacións á Seguridade Social por concello de residencia da persoa afiliada (descarga da táboa). |
2. Persoas afiliadas medias por idade e grandes concellos
A estrutura por idade da poboación afiliada permite observar o peso relativo das persoas de máis idade dentro do mercado laboral. Para isto emprégase o índice de estrutura da poboación afiliada, que relaciona as persoas afiliadas de 40 ou máis anos coas afiliadas de 16 a 39 anos.
En abril de 2026, Galicia presentou un índice de 225, o que significa que, por cada 100 persoas afiliadas menores de 40 anos, había 225 persoas afiliadas de 40 ou máis anos. Entre os sete grandes concellos, A Coruña, Ferrol, Santiago de Compostela, Lugo, Ourense e Vigo situáronse por debaixo da media galega. Pola contra, Pontevedra foi o único dos grandes concellos que superou ese valor, cun índice de 236.
| Espazo | Índice de estrutura da poboación afiliada | Taxa de substitución da poboación afiliada |
|---|---|---|
| Galicia | 225 | 19 |
| Coruña, A | 199 | 20 |
| Ferrol | 223 | 20 |
| Santiago de Compostela | 221 | 16 |
| Lugo | 219 | 18 |
| Ourense | 205 | 19 |
| Pontevedra | 236 | 17 |
| Vigo | 220 | 20 |
| Fonte: IGE. Afiliacións á Seguridade Social por concello de residencia da persoa afiliada (descarga da táboa). |
Outro indicador relevante é a taxa de substitución da poboación afiliada, que compara as persoas afiliadas menores de 25 anos coas maiores de 55 anos. Este dato permite aproximarse á relación entre a poboación que se incorpora ao sistema e aquela que se atopa máis próxima á saída do mercado laboral.
En Galicia, a taxa de substitución situouse en 19, é dicir, por cada 100 persoas afiliadas maiores de 55 anos había 19 persoas afiliadas menores de 25 anos. Nos grandes concellos, os valores oscilaron entre o 16 de Santiago de Compostela e o 20 da Coruña, Ferrol e Vigo.
Nos últimos doce meses, entre abril de 2025 e abril de 2026, a afiliación media aumentou nos sete grandes concellos galegos. Destacaron Ferrol e Ourense, cos maiores crecementos interanuais, do 2,8% e do 2,3%, respectivamente.
| Concello | 2026/Abril | Variación relativa respecto a 2026/Marzo | Variación relativa respecto a 2025/Abril |
|---|---|---|---|
| Galicia | 1.031.225 | 0,7 | 1,3 |
| Coruña, A | 97.377 | 0,3 | 1,9 |
| Ferrol | 19.927 | 0,7 | 2,8 |
| Santiago de Compostela | 41.877 | 1,1 | 1,3 |
| Lugo | 39.644 | 0,7 | 1,6 |
| Ourense | 39.044 | 0,4 | 2,3 |
| Pontevedra | 31.212 | 0,7 | 1,9 |
| Vigo | 115.000 | 0,5 | 1,9 |
| Fonte: IGE. Afiliacións á Seguridade Social por concello de residencia da persoa afiliada (descarga da táboa). |
A continuación amósase a variación interanual do número de traballadores e traballadoras afiliados/as á Seguridade Social nos sete grandes municipios galegos.
Variación interanual do número de persoas afiliadas medias
Unidade: taxas de variación interanuais
Galicia
A Coruña
Ferrol
Santiago de Compostela
Lugo
Ourense
Pontevedra
Vigo
Fonte: IGE. Afiliacións á Seguridade Social por concello de residencia da persoa afiliada (descarga da táboa).
3. Afiliacións medias á Seguridade Social por sectores de actividade
A distribución sectorial das afiliacións permite observar a estrutura produtiva asociada ao lugar de residencia das persoas traballadoras. En abril de 2026, o sector servizos concentrou a maior parte das afiliacións en alta laboral de persoas residentes en Galicia, cun peso do 73,4% sobre o total. A continuación situáronse a industria, co 13,8%, a construción, co 7,3%, e as actividades de agricultura e pesca, co 4,7%. Hai unha pequena porcentaxe (0,9%) das afiliacións que non foi posible asignar a ningún sector por falta de información ao respecto.
Nos seguintes mapas e táboas amósase o peso das afiliacións en alta laboral e os principais concellos segundo os sectores de actividade e o concello de residencia dos traballadores.
| Sector de actividade | Afiliacións | Porcentaxe |
|---|---|---|
| Total | 1.074.025 | 100,0 |
| Agricultura e pesca | 50.351 | 4,7 |
| Industria | 147.965 | 13,8 |
| Construción | 78.928 | 7,3 |
| Servizos | 788.763 | 73,4 |
| Fonte: IGE. Afiliacións á Seguridade Social por concello de residencia da persoa afiliada (descarga da táboa). |
A análise territorial mostra unha certa especialización segundo os
concellos. O sector primario presenta maior presenza relativa en áreas
do interior de Lugo, así como nas comarcas coruñesas de Xallas, Terra de
Melide e Arzúa, e tamén na comarca do Deza.
No caso da industria, os pesos máis elevados localízanse principalmente no sur da provincia de Pontevedra, na comarca de Valdeorras, Barbanza, Caldas e O Sar.
A construción ten unha presenza especialmente relevante en municipios da Costa da Morte, agás Corcubión e Fisterra, e tamén en boa parte do sur e oeste da provincia de Ourense.
Pola súa banda, o sector servizos acada os maiores pesos nos sete grandes concellos galegos e nos municipios da súa contorna, o que reflicte a concentración das actividades terciarias nos principais espazos urbanos e periurbanos.
Afiliacións medias á Seguridade Social en alta laboral por concellos. Abril de 2026
Agricultura e pesca
Unidade: porcentaxe
Concellos de Galicia con maior porcentaxe de afiliacións en alta laboral por sectores. Abril de 2026
| Espazo | Datos |
|---|---|
| Rodeiro | 41,7 |
| Dozón | 40,2 |
| Pol | 38,3 |
| Triacastela | 38,3 |
| Páramo, O | 37,3 |
| Pastoriza | 36,8 |
| Paradela | 36,6 |
| Illa de Arousa, A | 34,9 |
| Calvos de Randín | 34,4 |
| Mazaricos | 32,3 |
| Toques | 31,1 |
| Láncara | 30,7 |
| Baleira | 30,4 |
| Taboada | 30,3 |
| Cervantes | 29,8 |
Industria
Unidade: porcentaxe
| Espazo | Datos |
|---|---|
| Carballeda de Valdeorras | 38,8 |
| Valga | 32,6 |
| Catoira | 32,0 |
| Pontecesures | 31,1 |
| Dodro | 28,2 |
| Salceda de Caselas | 27,1 |
| Cerceda | 26,8 |
| Piñor | 26,2 |
| Boiro | 25,5 |
| Salvaterra de Miño | 25,5 |
| Pobra do Caramiñal, A | 25,4 |
| Porriño, O | 25,1 |
| Padrón | 24,0 |
| Rianxo | 23,7 |
| Somozas, As | 23,2 |
Construción
Unidade: porcentaxe
| Espazo | Datos |
|---|---|
| Gomesende | 17,9 |
| Cabana de Bergantiños | 17,8 |
| Coristanco | 17,7 |
| Vimianzo | 17,6 |
| Cabanas | 16,9 |
| Dumbría | 16,4 |
| Pontedeva | 16,0 |
| Moraña | 15,6 |
| Xunqueira de Ambía | 15,3 |
| Gudiña, A | 15,2 |
| Carballo | 15,1 |
| Zas | 15,1 |
| Laxe | 14,7 |
| Malpica de Bergantiños | 14,5 |
| Ponteceso | 14,5 |
Servizos
Unidade: porcentaxe
| Espazo | Datos |
|---|---|
| Santiago de Compostela | 87,4 |
| Coruña, A | 85,3 |
| Ames | 83,9 |
| Lugo | 83,2 |
| Oleiros | 83,1 |
| Pontevedra | 81,7 |
| Sada | 81,2 |
| Teo | 80,7 |
| Mondariz Balneario | 80,7 |
| Ourense | 80,5 |
| Culleredo | 80,1 |
| Corcubión | 79,5 |
| Cambre | 79,2 |
| Monforte de Lemos | 79,2 |
| Vigo | 79,2 |
Fonte: IGE. Afiliacións á Seguridade Social por concello de residencia da persoa afiliada
Notas metodolóxicas
O principal obxectivo desta operación estatística é coñecer o número de persoas afiliadas á Seguridade Social en alta laboral segundo o concello de residencia. Tamén se analiza a distribución das afiliacións por sectores de actividade e réximes de cotización. Preséntanse os datos de afiliacións medias, obtidos como media dos datos diarios dos días hábiles do mes, e a fin de mes.
Para obter o concello de residencia, crúzase o ficheiro de afiliacións recibido da Seguridade Social co Padrón municipal continuo de habitantes, recibido do Instituto Nacional de Estadística (INE).
Para unha mesma persoa traballadora poden figurar varias afiliacións en alta laboral, por exemplo, se desempeña varias actividades laborais nun mesmo réxime ou en varios. Cando se fala de afiliacións á Seguridade Social, cada persoa contabilízase tantas veces como situacións de cotización teña. Pola contra, cando se fala persoas afiliadas, cada traballador ou traballadora contabilízase unha única vez.
Definicións, metodoloxía, fontes e máis información
Definicións
Metodoloxía
Descarga de datos
Fontes de información
IGE. Afiliacións á Seguridade Social por concello de residencia da persoa afiliada