Informe sobre as variacións dos Índices de prezos de consumo
Datos correspondentes a setembro de 2025
Data de publicación: 15/10/2025
descarga en pdf
Principais resultados
En setembro de 2025, o índice xeral rexistrou un aumento interanual do 2,9% en Galicia.
A taxa de variación mensual do índice foi do -0,4%.
A taxa interanual da inflación subxacente fou dun 2%.
Índice xeral e subxacente. Galicia
Unidade: Taxas de variación interanual (%)
Fonte: INE. Índices de precios de consumo. Extraído de http://www.ine.es.
1 O IPC do mes de setembro de 2025
O IPC de Galicia aumentou o 2,9% en taxa interanual, unha décima menos que en España (3%). Respecto a agosto, os prezos diminuíron o 0,4% en Galicia e o 0,3% en España.
| Mensual | No que vai do ano | Anual | |
|---|---|---|---|
| Galicia | -0,4 | 1,3 | 2,9 |
| España | -0,3 | 1,7 | 3,0 |
| Fonte: INE. Índice de precios de consumo. Extraído de: https://www.ine.es/. |
A variación interanual da inflación subxacente (índice xeral sen alimentos non elaborados nin produtos enerxéticos) foi do 2%, catro décimas menos que a nivel estatal (2,4%).
2 Variacións intermensuais
En variación intermensuais, os grupos con maiores incrementos dos prezos en Galicia foron “Ensino” (1,3%) e “Vestido e calzado” (1,2%).
En senso contrario, os grupos con maior baixada dos prezos foron “Ocio e cultura” (-3,2%) e “Restaurantes e hoteis” (-0,8%).
| Grupo ECOICOP | Galicia | España |
|---|---|---|
| Índice xeral | -0,4 | -0,3 |
| Alimentos e bebidas non alcohólicas | -0,2 | -0,1 |
| Bebidas alcohólicas e tabaco | 0,0 | 0,2 |
| Vestido e calzado | 1,2 | 2,5 |
| Vivenda, auga, electricidade, gas e outros combustibles | -0,1 | 0,4 |
| Mobles, artigos do fogar e artigos para o mantemento corrente do fogar | -0,1 | 0,1 |
| Sanidade | 0,1 | 0,1 |
| Transporte | -0,7 | -0,7 |
| Comunicacións | -0,1 | -0,1 |
| Ocio e cultura | -3,2 | -4,2 |
| Ensino | 1,3 | 1,4 |
| Restaurantes e hoteis | -0,8 | 0,2 |
| Outros bens e servizos | 0,4 | 0,0 |
| Fonte: INE. Índice de precios de consumo. Extraído de: https://www.ine.es/. |
3 Variacións interanuais
Todos os grupos rexistran taxas de variación interanual positivas. Os grupos con maior crecemento interanual dos prezos son “Vivenda, auga, electricidade, gas e outros combustibles” (6,6%) e “Restaurantes e hoteis” (4,7%).
| Grupo ECOICOP | Galicia | España |
|---|---|---|
| Índice xeral | 2,9 | 3,0 |
| Alimentos e bebidas non alcohólicas | 2,4 | 2,4 |
| Bebidas alcohólicas e tabaco | 3,8 | 4,2 |
| Vestido e calzado | 1,3 | 0,8 |
| Vivenda, auga, electricidade, gas e outros combustibles | 6,6 | 7,1 |
| Mobles, artigos do fogar e artigos para o mantemento corrente do fogar | 0,2 | 0,8 |
| Sanidade | 2,1 | 2,0 |
| Transporte | 2,2 | 2,2 |
| Comunicacións | 0,8 | 0,9 |
| Ocio e cultura | 1,0 | 0,6 |
| Ensino | 2,3 | 2,8 |
| Restaurantes e hoteis | 4,7 | 4,3 |
| Outros bens e servizos | 3,2 | 3,5 |
| Fonte: INE. Índice de precios de consumo. Extraído de: https://www.ine.es/. |
4 Información por provincias
En relación cos índices provinciais, a taxa de variación mensual dos prezos variou entre o -0,5% da Coruña e o -0,3% de Lugo.
En variación interanual, as taxas movéronse entre o 2,8% da Coruña e Pontevedra e o 3,2% de Ourense.
| Provincia | Mensual | No que vai de ano | Anual |
|---|---|---|---|
| A Coruña | -0,5 | 1,4 | 2,8 |
| Lugo | -0,3 | 1,2 | 3,1 |
| Ourense | -0,4 | 1,4 | 3,2 |
| Pontevedra | -0,4 | 1,3 | 2,8 |
| Galicia | -0,4 | 1,3 | 2,9 |
| Fonte: INE. Índice de precios de consumo. Extraído de: https://www.ine.es/. |
5 Información por comunidades e cidades autónomas
A taxa de variación mensual do IPC moveuse entre o -0,9% de Principado de Asturias e o 0,3% de Comunidade de Madrid.
En termos de inflación interanual, a taxa variou entre o 2,2% de Canarias e o 3,9% de Ceuta.
| Mensual | No que vai do ano | Anual | |
|---|---|---|---|
| España | -0,3 | 1,7 | 3,0 |
| Andalucía | -0,2 | 1,6 | 3,1 |
| Aragón | -0,3 | 1,6 | 3,2 |
| Asturias (Principado de) | -0,9 | 1,8 | 3,1 |
| Baleares, Illas | -0,6 | 2,4 | 3,3 |
| Canarias | -0,7 | 1,1 | 2,2 |
| Cantabria | -0,7 | 1,3 | 2,8 |
| Castela e León | -0,3 | 1,4 | 3,0 |
| Castela-A Mancha | -0,2 | 1,2 | 2,7 |
| Cataluña | -0,5 | 1,5 | 2,6 |
| Comunidade Valenciana | -0,4 | 2,1 | 3,4 |
| Estremadura | -0,4 | 1,4 | 3,0 |
| Galicia | -0,4 | 1,3 | 2,9 |
| Madrid, Comunidade de | 0,3 | 2,2 | 3,5 |
| Murcia, Rexión de | -0,3 | 1,1 | 2,4 |
| Navarra, Comunidade Foral de | -0,7 | 1,2 | 2,8 |
| País Vasco | -0,3 | 1,8 | 3,3 |
| Rioxa, A | -0,4 | 1,1 | 2,8 |
| Ceuta | -0,3 | 2,4 | 3,9 |
| Melilla | -0,7 | 1,0 | 2,8 |
| Fonte: INE. Índice de precios de consumo. Extraído de: https://www.ine.es/. |
6 Previsións
O valor previsto para a variación interanual do índice xeral de Galicia era do 2,9% no mes de setembro de 2025, igual ao valor acadado polo índice. Na inflación subxacente, a predición (2,3%) foi tres décimas superior ao valor finalmente observado (2%).
| Grupos especiais | Observada | Predición | Observada | Predición |
|---|---|---|---|---|
| Índice xeral | -0,4 | -0,4 | 2,9 | 2,9 |
| Inflación subxacente | -0,5 | -0,3 | 2,0 | 2,3 |
| Alimentos sen elaboración | 0,2 | -0,6 | 7,7 | 6,8 |
| Alimentos elaborados | -0,4 | 0,1 | 0,6 | 1,0 |
| Bens industriais sen produtos enerxéticos | 0,3 | 0,5 | 0,8 | 1,0 |
| Produtos enerxéticos | -0,3 | -0,8 | 6,8 | 6,3 |
| Servizos | -0,9 | -0,8 | 3,3 | 3,4 |
| Fonte: IGE. |
A predición para o mes de outubro de 2025 do IPC xeral en Galicia é dunha taxa interanual do 2,7%, dúas décimas inferior á rexistrada en setembro. A predición sobre o mes anterior é dunha taxa do 0,6%.
| Grupos especiais | Mensual | Anual |
|---|---|---|
| Índice xeral | 0,6 | 2,7 |
| Inflación subxacente | 0,6 | 1,9 |
| Alimentos sen elaboración | 1,8 | 7,3 |
| Alimentos elaborados | 0,4 | 0,3 |
| Bens industriais sen produtos enerxéticos | 2,1 | 0,7 |
| Produtos enerxéticos | -0,5 | 5,7 |
| Servizos | 0,0 | 3,2 |
| Fonte: IGE. Informe sobre as variacións dos índices de prezos de consumo (descarga da táboa). |
7 Notas metodolóxicas
A predición do IPC xeral baséase na desagregación do mesmo en cinco compoñentes. Esta desagregación realízase da seguinte forma: unha primeira desagregación entre bens e servizos partindo da base de que a estrutura de custos e a facilidade a niveis maiores de competencia é moi distinta nestes dous grupos. Dentro do sector de bens, as características da oferta son moi distintas e convén distinguir fundamentalmente catro tipos de bens: alimentos non elaborados, alimentos elaborados, bens industriais sen produtos enerxéticos e produtos enerxéticos. No sector servizos non se realiza ningunha distinción.
Para cada un dos compoñentes realízase unha modelización univariante, agás para os combustibles e carburantes (un dos compoñentes de produtos enerxéticos) onde se contrasta a súa evolución cos prezos do cru nos mercados internacionais e cos prezos dos combustibles e da electricidade a través de modelos BVAR.