Informe sobre os indicadores de actividade e de VEB do sector servizos
Datos correspondentes a setembro de 2025
Data de publicación: 21/11/2025
descarga en pdf
Principais resultados
O indicador de actividade no sector servizos rexistra un crecemento interanual do 10,7% no mes de setembro de 2025.
En España, a cifra de negocios no sector servizos aumenta un 7,9%.
O persoal ocupado no sector servizos medra un 1,2% tanto en Galicia coma en España.
Indicador de actividade do sector servizos. Cifra de negocios. Taxas de variación interanual
Unidade: porcentaxe
Fonte: INE. Indicadores de actividad del sector servicios.
1 Cifra de negocios
1.1 Índice xeral e por sectores de actividade
En setembro, o indicador de actividade no sector servizos en Galicia rexistra un crecemento interanual do 10,7%. Esta taxa é 11,1 puntos superior á rexistrada no mes de agosto. En España, a cifra de negocios no sector servizos medra un 7,9%, taxa superior en 5,1 puntos á do mes de agosto.
A facturación en “Comercio” aumenta un 13,3 % e en “Outros servizos” un 4,3 %. En España a facturación en “Comercio” aumenta o 9,4 % e en “Outros servizos” o 5,5 %.
Índices de cifra de negocios. Setembro de 2025
| Índice | Taxa interanual (%) | Taxa no que vai de ano (%) | |
|---|---|---|---|
| XERAL | 145,3 | 10,7 | 4,0 |
| COMERCIO | 146,5 | 13,3 | 3,8 |
| Venta e reparación de vehículos de motor | 146,3 | 1,9 | -2,9 |
| Comercio por xunto | 154,1 | 17,2 | 5,1 |
| Comercio ao retallo | 125,5 | 6,4 | 3,0 |
| OUTROS SERVIZOS | 142,2 | 4,3 | 4,4 |
| Transporte | 148,8 | 3,2 | 2,6 |
| Hostalería | 178,9 | -1,3 | 4,0 |
| Información e comunicacións | 138,3 | 8,6 | 0,9 |
| Actividades profesionais, científicas e técnicas | 118,6 | 11,2 | 9,8 |
| Actividades administrativas e servizos auxiliares | 136,4 | 10,8 | 10,0 |
| Fonte: IGE. Elaboración propia a partir dos datos subministrados polo INE. |
| Índice | Taxa interanual (%) | Taxa no que vai de ano (%) | |
|---|---|---|---|
| XERAL | 133,2 | 7,9 | 4,7 |
| COMERCIO | 128,1 | 9,4 | 4,8 |
| Venta e reparación de vehículos de motor | 146,9 | 13,6 | 7,3 |
| Comercio por xunto | 123,3 | 9,6 | 4,6 |
| Comercio ao retallo | 132,6 | 7,4 | 4,3 |
| OUTROS SERVIZOS | 142,6 | 5,5 | 4,5 |
| Transporte | 138,5 | 4,0 | 4,4 |
| Hostalería | 187,0 | 4,5 | 4,7 |
| Información e comunicacións | 125,1 | 4,6 | 3,0 |
| Actividades inmobiliarias | 130,3 | 12,3 | 7,8 |
| Actividades profesionais, científicas e técnicas | 129,2 | 5,7 | 4,2 |
| Actividades administrativas e servizos auxiliares | 174,2 | 6,7 | 4,9 |
| Fonte: INE. Indicadores de actividad del sector servicios. |
Nas actividades comerciais, aumenta a cifra de negocios de “Venda e reparación de vehículos de motor” un 1,9 %, a de “Comercio ao retallo” un 6,4 % e a de “Comercio polo xunto” un 17,2 %. A nivel nacional, aumenta a cifra de negocios en “Venda e reparación de vehículos de motor” un 13,6 %, en “Comercio polo xunto” un 9,6 % e en “Comercio ao retallo” un 7,4 %.
En “Outros servizos”, a maior baixada rexístrase en “Hostalería” (-1,3 %) e o maior crecemento no sector de “Actividades profesionais, científicas e técnicas” (11,2 %). En España, o maior incremento rexístrase en “Actividades inmobiliarias” (12,3 %).
1.2 Índice de cifra de negocios ponderando por VEB
Utilizando como ponderación o VEB en lugar da cifra de negocios, o índice aumenta un 5,2% en setembro.
“Comercio” é o sector onde se rexistra o maior incremento interanual (10,8 %).
1.3 Datos corrixidos de efectos de calendario
O seguinte gráfico amosa a evolución do indicador de actividade do sector servizos corrixido de efectos de calendario segundo o método de ponderación. O índice ponderado por cifra de negocios aumenta o 8% respecto ao mes de setembro do ano anterior e o índice ponderado por VEB aumenta o 3,4%.
Indicador de actividade do sector servizos corrixido de efectos de calendario. Taxas de variación interanual
Unidade: porcentaxe
Fonte: IGE. Elaboración propia a partir dos datos subministrados polo INE.
1.4 Indicadores por comunidades autónomas
A cifra de negocios aumenta en todas as comunidades autónomas no mes de setembro respecto ao mesmo mes de 2024. A Rioxa (12,8%), Galicia (10,7%) e Madrid (10,2%) rexistran os maiores incrementos da facturación. Pola contra, os menores crecementos rexístranse en Estremadura (4 %) e Asturias (4,8 %).
No que vai de ano, a cifra de negocios aumenta en todas as comunidades autónomas. As taxas máis altas preséntanse en Illas Baleares (7,6%), Canarias (6,2%) e A Rioxa (6,1%).
Índices de cifra de negocios. Setembro de 2025
Taxas de variación (%)
Fonte: INE. Indicadores de actividad del sector servicios.
2 Persoal ocupado
2.1 Índice xeral e por sectores de actividade
O persoal ocupado aumenta un 1,2% en Galicia e en España.
O persoal ocupado crece un 0,4% en “Comercio” e un 1,7% en “Outros servizos”. Os sectores con maiores incrementos son “Transporte” (3%) e “Actividades administrativas e servizos auxiliares” (2,8%).
En España, o persoal ocupado aumenta un 1,1% en “Comercio” e un 1,2% en “Outros servizos”. Os maiores crecementos rexístranse en “Transporte” (2,1%), “Actividades administrativas e servizos auxiliares” (1,9%) e “Venta e reparación de vehículos de motor” (1,7%).
Indicador de actividade do sector servizos. Persoal ocupado. Taxas de variación interanual
Unidade: porcentaxe
Fonte: INE. Indicadores de actividad del sector servicios.
2.2 Indicadores de ocupación por comunidades autónomas
O emprego no sector servizos increméntase en 16 comunidades autónomas no mes de setembro. As comunidades con maiores aumentos do persoal ocupado son Illas Baleares (3,4%) e Navarra (2,8%). Andalucía é a única comunidade onde diminúe o persoal ocupado (-0,4%).
Índices de persoal ocupado. Setembro de 2025
Taxas de variación (%)
Fonte: INE. Indicadores de actividad del sector servicios.
3 Notas metodolóxicas
Cifra de negocios: comprende os importes facturados pola empresa pola prestación de servizos e venta de bens que son obxecto do tráfico da empresa, incluídos os realizados por subcontratación. Contabilízanse incluíndo os impostos que gravan os bens e servizos coa excepción do IVE repercutido ao cliente.
Persoal ocupado: É o número total de persoas que traballan na empresa; inclúe o persoal remunerado, persoal que non percibe unha remuneración fixa ou salario (propietarios que traballan na empresa e axudas familiares), persoal facilitado polas empresas de traballo temporal y traballadores autónomos dependentes con contrato non laboral.
Valor engadido bruto: Para cada unidade dedicada a unha actividade produtiva, é a diferenza entre a produción e os consumos intermedios. Valórase a prezos básicos, que son os prezos que os produtores reciben dos compradores restando calquera imposto que se pague e sumando calquera subvención que se reciba.
Os indicadores constrúense a partir dos microdatos dos Indicadores de actividade do sector servizos subministrados polo INE.
Os índices son provisionais polo que poden modificarse nos meses seguintes.