Informe sobre os indicadores de actividade e de VEB do sector servizos
Datos correspondentes a outubro de 2025
Data de publicación: 18/12/2025
descarga en pdf
Principais resultados
O indicador de actividade no sector servizos rexistra unha diminución interanual do 0,4% no mes de outubro de 2025.
En España, a cifra de negocios no sector servizos aumenta un 4,7%.
O persoal ocupado no sector servizos medra un 1,8% en Galicia e un 1,2% en España.
Indicador de actividade do sector servizos. Cifra de negocios. Taxas de variación interanual
Unidade: porcentaxe
Fonte: INE. Indicadores de actividad del sector servicios.
1 Cifra de negocios
1.1 Índice xeral e por sectores de actividade
En outubro, o indicador de actividade no sector servizos en Galicia rexistra un decrecemento interanual do 0,4%. Esta taxa é 11,1 puntos inferior á rexistrada no mes de setembro. En España, a cifra de negocios no sector servizos medra un 4,7%, taxa inferior en 3,2 puntos á do mes de setembro.
A facturación en “Comercio” diminúe un 2,3 % e “en Outros servizos” aumenta un 5,2 %. En España a facturación en “Comercio” aumenta o 4,3 % e en “Outros servizos” o 5,4 %.
Índices de cifra de negocios. Outubro de 2025
| Índice | Taxa interanual (%) | Taxa no que vai de ano (%) | |
|---|---|---|---|
| XERAL | 149,5 | -0,4 | 3,5 |
| COMERCIO | 148,7 | -2,3 | 3,1 |
| Venta e reparación de vehículos de motor | 165,3 | 6,1 | -2,0 |
| Comercio por xunto | 154,3 | -5,4 | 3,8 |
| Comercio ao retallo | 128,1 | 5,6 | 3,3 |
| OUTROS SERVIZOS | 151,9 | 5,2 | 4,5 |
| Transporte | 164,6 | -0,2 | 2,3 |
| Hostalería | 175,8 | 14,3 | 4,9 |
| Información e comunicacións | 138,9 | 4,2 | 1,2 |
| Actividades profesionais, científicas e técnicas | 140,6 | 11,3 | 10,0 |
| Actividades administrativas e servizos auxiliares | 140,6 | 14,5 | 10,5 |
| Fonte: IGE. Elaboración propia a partir dos datos subministrados polo INE. |
| Índice | Taxa interanual (%) | Taxa no que vai de ano (%) | |
|---|---|---|---|
| XERAL | 138,1 | 4,7 | 4,7 |
| COMERCIO | 133,3 | 4,3 | 4,8 |
| Venta e reparación de vehículos de motor | 158,4 | 8,2 | 7,4 |
| Comercio por xunto | 128,2 | 2,8 | 4,4 |
| Comercio ao retallo | 136,3 | 5,8 | 4,5 |
| OUTROS SERVIZOS | 146,9 | 5,4 | 4,6 |
| Transporte | 146,5 | 4,6 | 4,4 |
| Hostalería | 173,2 | 4,8 | 4,8 |
| Información e comunicacións | 132,2 | 6,9 | 3,4 |
| Actividades inmobiliarias | 136,7 | 10,7 | 8,1 |
| Actividades profesionais, científicas e técnicas | 139,9 | 4,1 | 4,2 |
| Actividades administrativas e servizos auxiliares | 176,9 | 4,8 | 4,8 |
| Fonte: INE. Indicadores de actividad del sector servicios. |
Nas actividades comerciais, aumenta a cifra de negocios de “Venda e reparación de vehículos de motor” un 6,1 % e a de “Comercio ao retallo” un 5,6 %. A facturación de “Comercio polo xunto” diminúe un 5,4 %. A nivel nacional, aumenta a cifra de negocios en “Venda e reparación de vehículos de motor” un 8,2 %, en “Comercio polo xunto” un 2,8 % e en “Comercio ao retallo” un 5,8 %.
En “Outros servizos”, a única baixada rexístrase en “Transporte” (-0,2 %) e os maiores crecementos nos sectores de “Actividades administrativas e servizos auxiliares” (14,5 %) e “Hostalería” (14,3 %). En España, o maior incremento rexístrase en “Actividades inmobiliarias” (10,7 %).
1.2 Índice de cifra de negocios ponderando por VEB
Utilizando como ponderación o VEB en lugar da cifra de negocios, o índice aumenta un 3% en outubro.
“Hostalería” é o sector onde se rexistra o maior incremento interanual (14,1 %).
1.3 Datos corrixidos de efectos de calendario
O seguinte gráfico amosa a evolución do indicador de actividade do sector servizos corrixido de efectos de calendario segundo o método de ponderación. O índice ponderado por cifra de negocios diminúe o 0,4% respecto ao mes de outubro do ano anterior e o índice ponderado por VEB aumenta o 3%.
Indicador de actividade do sector servizos corrixido de efectos de calendario. Taxas de variación interanual
Unidade: porcentaxe
Fonte: IGE. Elaboración propia a partir dos datos subministrados polo INE.
1.4 Indicadores por comunidades autónomas
A cifra de negocios aumenta en todas as comunidades autónomas agás Galicia no mes de outubro respecto ao mesmo mes de 2024. Navarra (7,4%), A Rioxa (7,2%) e Aragón (6,5%) rexistran os maiores incrementos da facturación.
No que vai de ano, a cifra de negocios aumenta en todas as comunidades autónomas. As taxas máis altas preséntanse en Illas Baleares (7,3%), A Rioxa (6,2%) e Canarias (6,1%).
Índices de cifra de negocios. Outubro de 2025
Taxas de variación (%)
Fonte: INE. Indicadores de actividad del sector servicios.
2 Persoal ocupado
2.1 Índice xeral e por sectores de actividade
O persoal ocupado aumenta un 1,8% en Galicia e un 1,2% en España.
O persoal ocupado crece un 0,7% en “Comercio” e un 2,5% en “Outros servizos”. Os sectores con maiores incrementos son “Actividades administrativas e servizos auxiliares” (3,1%) e “Información e comunicacións” (3%).
En España, o persoal ocupado aumenta un 1% en “Comercio” e un 1,4% en “Outros servizos”. Os maiores crecementos rexístranse en “Actividades administrativas e servizos auxiliares” (2,3%) e “Transporte” (1,9%).
Indicador de actividade do sector servizos. Persoal ocupado. Taxas de variación interanual
Unidade: porcentaxe
Fonte: INE. Indicadores de actividad del sector servicios.
2.2 Indicadores de ocupación por comunidades autónomas
O emprego no sector servizos increméntase en todas as comunidades autónomas no mes de outubro. As comunidades con maiores aumentos do persoal ocupado son Illas Baleares (2,6%), Canarias (2,4%) e Navarra (2,3%). Castela-A Mancha e A Rioxa son as comunidade onde menos se incrementa o persoal ocupado (0,3%).
Índices de persoal ocupado. Outubro de 2025
Taxas de variación (%)
Fonte: INE. Indicadores de actividad del sector servicios.
3 Notas metodolóxicas
Cifra de negocios: comprende os importes facturados pola empresa pola prestación de servizos e venta de bens que son obxecto do tráfico da empresa, incluídos os realizados por subcontratación. Contabilízanse incluíndo os impostos que gravan os bens e servizos coa excepción do IVE repercutido ao cliente.
Persoal ocupado: É o número total de persoas que traballan na empresa; inclúe o persoal remunerado, persoal que non percibe unha remuneración fixa ou salario (propietarios que traballan na empresa e axudas familiares), persoal facilitado polas empresas de traballo temporal y traballadores autónomos dependentes con contrato non laboral.
Valor engadido bruto: Para cada unidade dedicada a unha actividade produtiva, é a diferenza entre a produción e os consumos intermedios. Valórase a prezos básicos, que son os prezos que os produtores reciben dos compradores restando calquera imposto que se pague e sumando calquera subvención que se reciba.
Os indicadores constrúense a partir dos microdatos dos Indicadores de actividade do sector servizos subministrados polo INE.
Os índices son provisionais polo que poden modificarse nos meses seguintes.