Informe sobre os indicadores de actividade e de VEB do sector servizos
Datos correspondentes a decembro de 2025
Data de publicación: 20/02/2026
descarga en pdf
Principais resultados
O indicador de actividade no sector servizos rexistra un crecemento interanual do 3,9% en Galicia no mes de decembro de 2025. En España o incremento é do 6,3%.
O persoal ocupado no sector servizos medra un 0,9% en Galicia e un 1% en España neste mes.
No conxunto do ano 2025, o índice da cifra de negocios aumentou un 3,5% en Galicia e un 4,8% en España.
Indicador de actividade do sector servizos. Cifra de negocios. Taxas de variación interanual
Unidade: porcentaxe
Fonte: INE. Indicadores de actividad del sector servicios.
1 Cifra de negocios
1.1 Índice xeral e por sectores de actividade
En decembro, o indicador de actividade no sector servizos en Galicia rexistra un crecemento interanual do 3,9%. Esta taxa é 0,5 puntos superior á rexistrada no mes de novembro. En España, a cifra de negocios no sector servizos medra un 6,3%, taxa superior en 2 puntos á do mes de novembro.
A facturación en “Comercio” aumenta un 3,2 % e “en Outros servizos” un 5,6 %. En España a facturación en “Comercio” aumenta o 6 % e en “Outros servizos” o 7 %.
Índices de cifra de negocios. Decembro de 2025
| Índice | Taxa interanual (%) | Taxa media 2025 (%) | |
|---|---|---|---|
| XERAL | 148,1 | 3,9 | 3,5 |
| COMERCIO | 149,2 | 3,2 | 3,1 |
| Venda e reparación de vehículos de motor | 167,6 | 13,3 | 0,2 |
| Comercio por xunto | 143,9 | 0,6 | 3,4 |
| Comercio ao retallo | 156,0 | 6,8 | 3,6 |
| OUTROS SERVIZOS | 145,4 | 5,6 | 4,6 |
| Transporte | 139,0 | 6,3 | 2,6 |
| Hostalería | 160,2 | -0,1 | 4,6 |
| Información e comunicacións | 168,0 | 16,4 | 2,7 |
| Actividades profesionais, científicas e técnicas | 157,3 | -1,6 | 8,3 |
| Actividades administrativas e servizos auxiliares | 129,5 | 7,8 | 9,8 |
| Fonte: IGE. Elaboración propia a partir dos datos subministrados polo INE. |
| Índice | Taxa interanual (%) | Taxa media 2025 (%) | |
|---|---|---|---|
| XERAL | 144,4 | 6,3 | 4,8 |
| COMERCIO | 140,3 | 6,0 | 4,8 |
| Venda e reparación de vehículos de motor | 154,8 | 11,3 | 7,8 |
| Comercio por xunto | 128,9 | 4,9 | 4,3 |
| Comercio ao retallo | 160,4 | 6,1 | 4,7 |
| OUTROS SERVIZOS | 151,9 | 7,0 | 4,7 |
| Transporte | 139,8 | 5,5 | 4,4 |
| Hostalería | 146,4 | 1,9 | 4,4 |
| Información e comunicacións | 161,1 | 11,5 | 4,0 |
| Actividades inmobiliarias | 158,7 | 10,7 | 8,7 |
| Actividades profesionais, científicas e técnicas | 166,0 | 4,6 | 4,1 |
| Actividades administrativas e servizos auxiliares | 164,9 | 9,4 | 5,3 |
| Fonte: INE. Indicadores de actividad del sector servicios. |
Nas actividades comerciais, aumenta a cifra de negocios de “Venda e reparación de vehículos de motor” un 13,3 %, a de “Comercio polo xunto” un 0,6 % e a de “Comercio ao retallo” un 6,8 %. A nivel nacional, aumenta a cifra de negocios en “Venda e reparación de vehículos de motor” un 11,3 %, en “Comercio polo xunto” un 4,9 % e en “Comercio ao retallo” un 6,1 %.
En “Outros servizos”, a maior baixada rexístrase en “Actividades profesionais, científicas e técnicas” (-1,6 %) e o maior crecemento no sector de “Información e comunicacións” (16,4 %). En España, o maior incremento rexístrase en “Información e comunicacións” (11,5 %).
1.2 Índice de cifra de negocios ponderando por VEB
Utilizando como ponderación o VEB en lugar da cifra de negocios, o índice aumenta un 5% en decembro. No conxunto do ano 2025, o incremento foi do 3,6%.
“Información e comunicacións” é o sector onde se rexistra o maior incremento interanual (17,8 %) en decembro de 2025.
1.3 Datos corrixidos de efectos de calendario
O seguinte gráfico amosa a evolución do indicador de actividade do sector servizos corrixido de efectos de calendario segundo o método de ponderación. O índice ponderado por cifra de negocios aumenta o 1,4% respecto ao mes de decembro do ano anterior e o índice ponderado por VEB aumenta o 3,1%.
Indicador de actividade do sector servizos corrixido de efectos de calendario. Taxas de variación interanual
Unidade: porcentaxe
Fonte: IGE. Elaboración propia a partir dos datos subministrados polo INE.
1.4 Indicadores por comunidades autónomas
A cifra de negocios aumenta en todas as comunidades autónomas no mes de decembro respecto ao mesmo mes de 2024. A Rioxa (8,6%), País Vasco (8,6%) e Cantabria (7,7%) rexistran os maiores incrementos da facturación. Pola contra, os menores crecementos rexístranse en Galicia (3,9 %) e Navarra (4,3 %).
No conxunto do ano 2025, a cifra de negocios aumenta en todas as comunidades autónomas. As taxas máis altas preséntanse en Illas Baleares (6,9%), A Rioxa (6,2%) e País Vasco (6%).
Índices de cifra de negocios. Decembro de 2025
Taxas de variación (%)
Fonte: INE. Indicadores de actividad del sector servicios.
2 Persoal ocupado
2.1 Índice xeral e por sectores de actividade
En decembro de 2025, o persoal ocupado aumenta un 0,9% en Galicia e un 1% en España. O persoal ocupado crece un 1% en “Comercio” e un 0,8% en “Outros servizos”. Os sectores con maiores incrementos son “Información e comunicacións” (3,6%) e “Venda e reparación de vehículos de motor” (2,2%).
En España, o persoal ocupado aumenta un 0,9% en “Comercio” e un 1,1% en “Outros servizos”. Os maiores crecementos rexístranse en “Actividades administrativas e servizos auxiliares” (2,1%), “Información e comunicacións” (1,6%) e “Transporte” (1,5%).
No conxunto do ano 2025, o emprego rexistrou un incremento medio do 1,3 % tanto en Galicia como en España.
Indicador de actividade do sector servizos. Persoal ocupado. Taxas de variación interanual
Unidade: porcentaxe
Fonte: INE. Indicadores de actividad del sector servicios.
2.2 Indicadores de ocupación por comunidades autónomas
O emprego no sector servizos increméntase en 16 comunidades autónomas no mes de decembro. As comunidades con maiores aumentos do persoal ocupado son Canarias (2%) e Illas Baleares (2%). Andalucía é a única comunidade onde diminúe o persoal ocupado (-0,4%).
No conxunto do ano, o persoal ocupado increméntase en todas as comunidades autónomas. Illes Balears e a Comunidade Foral de Navarra son as comunidades que rexistran maiores taxas de crecemento.
Índices de persoal ocupado. Decembro de 2025
Taxas de variación (%)
Fonte: INE. Indicadores de actividad del sector servicios.
3 Notas metodolóxicas
Cifra de negocios: comprende os importes facturados pola empresa pola prestación de servizos e venda de bens que son obxecto do tráfico da empresa, incluídos os realizados por subcontratación. Contabilízanse incluíndo os impostos que gravan os bens e servizos coa excepción do IVE repercutido ao cliente.
Persoal ocupado: É o número total de persoas que traballan na empresa; inclúe o persoal remunerado, persoal que non percibe unha remuneración fixa ou salario (propietarios que traballan na empresa e axudas familiares), persoal facilitado polas empresas de traballo temporal y traballadores autónomos dependentes con contrato non laboral.
Valor engadido bruto: Para cada unidade dedicada a unha actividade produtiva, é a diferenza entre a produción e os consumos intermedios. Valórase a prezos básicos, que son os prezos que os produtores reciben dos compradores restando calquera imposto que se pague e sumando calquera subvención que se reciba.
Os indicadores constrúense a partir dos microdatos dos Indicadores de actividade do sector servizos subministrados polo INE.
Os índices son provisionais polo que poden modificarse nos meses seguintes.