Informe sobre os indicadores de actividade e de VEB do sector servizos
Datos correspondentes a agosto de 2025
Data de publicación: 17/10/2025
descarga en pdf
Principais resultados
O indicador de actividade no sector servizos rexistra unha diminución interanual do 0,4% no mes de agosto de 2025.
En España, a cifra de negocios no sector servizos aumenta un 2,8%.
O persoal ocupado no sector servizos medra un 1,2% en Galicia e un 1,3% en España.
Indicador de actividade do sector servizos. Cifra de negocios. Taxas de variación interanual
Unidade: porcentaxe
Fonte: INE. Indicadores de actividad del sector servicios.
1 Cifra de negocios
1.1 Índice xeral e por sectores de actividade
En agosto, o indicador de actividade no sector servizos en Galicia rexistra un decrecemento interanual do 0,4%. Esta taxa é 3,6 puntos inferior á rexistrada no mes de xullo. En España, a cifra de negocios no sector servizos medra un 2,8%, taxa inferior en 1,9 puntos á do mes de xullo.
A facturación en “Comercio” diminúe un 0,2 % e en “Outros servizos” un 0,8 %. En España a facturación en “Comercio” aumenta o 3 % e en “Outros servizos” o 2,3 %.
Índices de cifra de negocios. Agosto de 2025
| Índice | Taxa interanual (%) | Taxa no que vai de ano (%) | |
|---|---|---|---|
| XERAL | 126,6 | -0,4 | 3,1 |
| COMERCIO | 122,8 | -0,2 | 2,7 |
| Venta e reparación de vehículos de motor | 127,0 | -2,7 | -3,2 |
| Comercio por xunto | 116,9 | -0,9 | 3,5 |
| Comercio ao retallo | 135,7 | 1,8 | 2,7 |
| OUTROS SERVIZOS | 136,7 | -0,8 | 4,4 |
| Transporte | 130,8 | -2,4 | 2,5 |
| Hostalería | 263,2 | -3,4 | 4,8 |
| Información e comunicacións | 109,9 | -0,4 | -0,1 |
| Actividades profesionais, científicas e técnicas | 95,7 | 1,4 | 9,7 |
| Actividades administrativas e servizos auxiliares | 116,9 | 5,8 | 10,0 |
| Fonte: IGE. Elaboración propia a partir dos datos subministrados polo INE. |
| Índice | Taxa interanual (%) | Taxa no que vai de ano (%) | |
|---|---|---|---|
| XERAL | 118,8 | 2,8 | 4,3 |
| COMERCIO | 112,1 | 3,0 | 4,2 |
| Venta e reparación de vehículos de motor | 109,9 | 5,5 | 6,9 |
| Comercio por xunto | 103,6 | 2,4 | 3,9 |
| Comercio ao retallo | 131,9 | 3,5 | 4,0 |
| OUTROS SERVIZOS | 131,0 | 2,3 | 4,4 |
| Transporte | 126,9 | 1,8 | 4,5 |
| Hostalería | 223,8 | 4,1 | 4,8 |
| Información e comunicacións | 104,4 | 2,3 | 2,8 |
| Actividades inmobiliarias | 111,3 | 3,0 | 7,2 |
| Actividades profesionais, científicas e técnicas | 93,1 | -1,9 | 4,0 |
| Actividades administrativas e servizos auxiliares | 162,8 | 3,9 | 4,6 |
| Fonte: INE. Indicadores de actividad del sector servicios. |
Nas actividades comerciais, diminúe a cifra de negocios de “Venda e reparación de vehículos de motor” un 2,7 % e a de “Comercio polo xunto” un 0,9 %. “Comercio ao retallo” incrementa a súa facturación un 1,8 %. A nivel nacional, aumenta a cifra de negocios en “Venda e reparación de vehículos de motor” un 5,5 %, en “Comercio polo xunto” un 2,4 % e en “Comercio ao retallo” un 3,5 %.
En “Outros servizos”, a maior baixada rexístrase en “Hostalería” (-3,4 %) e o maior crecemento no sector de “Actividades administrativas e servizos auxiliares” (5,8 %). En España, o maior incremento rexístrase en “Hostalería” (4,1 %).
1.2 Índice de cifra de negocios ponderando por VEB
Utilizando como ponderación o VEB en lugar da cifra de negocios, o índice diminúe un 0,5% en agosto.
“Hostalería” é o sector onde se rexistra a maior baixada interanual (-4,5 %) e o sector con maior incremento é “Actividades administrativas e servizos auxiliares” (4,9 %).
1.3 Datos corrixidos de efectos de calendario
O seguinte gráfico amosa a evolución do indicador de actividade do sector servizos corrixido de efectos de calendario segundo o método de ponderación. O índice ponderado por cifra de negocios aumenta o 2% respecto ao mes de agosto do ano anterior e o índice ponderado por VEB aumenta o 0,6%.
Indicador de actividade do sector servizos corrixido de efectos de calendario. Taxas de variación interanual
Unidade: porcentaxe
Fonte: IGE. Elaboración propia a partir dos datos subministrados polo INE.
1.4 Indicadores por comunidades autónomas
A cifra de negocios aumenta en 13 comunidades autónomas no mes de agosto respecto ao mesmo mes de 2024. Illas Baleares (8,3%), Canarias (6,2%) e Madrid (5,2%) rexistran os maiores incrementos da facturación. Pola contra, as maiores diminucións rexístranse en Asturias (-2,6 %) e Comunidade Valenciana (-0,9 %).
No que vai de ano, a cifra de negocios aumenta en todas as comunidades autónomas. As taxas máis altas preséntanse en Illas Baleares (7,3%), Canarias (6%) e País Vasco (6%).
Índices de cifra de negocios. Agosto de 2025
Taxas de variación (%)
Fonte: INE. Indicadores de actividad del sector servicios.
2 Persoal ocupado
2.1 Índice xeral e por sectores de actividade
O persoal ocupado aumenta un 1,2% en Galicia e un 1,3% en España respecto a agosto de 2024 .
O persoal ocupado crece un 1% en “Comercio” e un 1,4% en “Outros servizos”. Os sectores con maiores incrementos son “Transporte” (3,7%) e “Actividades profesionais, científicas e técnicas” (2,2%).
En España, o persoal ocupado aumenta un 1,6% en “Comercio” e un 1,2% en “Outros servizos”. Os maiores crecementos rexístranse en “Venta e reparación de vehículos de motor” (2%), “Comercio ao retallo” (2%) e “Transporte” (2%).
Indicador de actividade do sector servizos. Persoal ocupado. Taxas de variación interanual
Unidade: porcentaxe
Fonte: INE. Indicadores de actividad del sector servicios.
2.2 Indicadores de ocupación por comunidades autónomas
O emprego no sector servizos increméntase en 16 comunidades autónomas no mes de agosto. As comunidades con maiores aumentos do persoal ocupado son Illas Baleares (2,9%) e Navarra (2,7%). Andalucía é a única comunidade onde diminúe o persoal ocupado (-0,3%).
Índices de persoal ocupado. Agosto de 2025
Taxas de variación (%)
Fonte: INE. Indicadores de actividad del sector servicios.
3 Notas metodolóxicas
Cifra de negocios: comprende os importes facturados pola empresa pola prestación de servizos e venta de bens que son obxecto do tráfico da empresa, incluídos os realizados por subcontratación. Contabilízanse incluíndo os impostos que gravan os bens e servizos coa excepción do IVE repercutido ao cliente.
Persoal ocupado: É o número total de persoas que traballan na empresa; inclúe o persoal remunerado, persoal que non percibe unha remuneración fixa ou salario (propietarios que traballan na empresa e axudas familiares), persoal facilitado polas empresas de traballo temporal y traballadores autónomos dependentes con contrato non laboral.
Valor engadido bruto: Para cada unidade dedicada a unha actividade produtiva, é a diferenza entre a produción e os consumos intermedios. Valórase a prezos básicos, que son os prezos que os produtores reciben dos compradores restando calquera imposto que se pague e sumando calquera subvención que se reciba.
Os indicadores constrúense a partir dos microdatos dos Indicadores de actividade do sector servizos subministrados polo INE.
Os índices son provisionais polo que poden modificarse nos meses seguintes.