Informe sobre os indicadores de actividade e de VEB do sector servizos
Datos correspondentes a xullo de 2026
Data de publicación: 21/09/2026
descarga en pdf
Principais resultados
O indicador de actividade no sector servizos rexistra un crecemento interanual do 3,7% no mes de xullo de 2026.
O persoal ocupado no sector servizos medra un 1,3% en Galicia.
Indicador de actividade do sector servizos. Cifra de negocios. Taxas de variación interanual
Unidade: porcentaxe
Fonte: INE. Indicadores de actividad del sector servicios.
1 Cifra de negocios
1.1 Índice xeral e por sectores de actividade
En xullo, o indicador de actividade no sector servizos en Galicia rexistra un crecemento interanual do 3,7%. Esta taxa é 3,8 puntos inferior á rexistrada no mes de xuño. En España, a cifra de negocios no sector servizos medra un 4,8%, taxa inferior en 3,9 puntos á do mes de xuño.
A facturación en “Comercio” aumenta un 4 % e “en Outros servizos” un 2,7 %. En España a facturación en “Comercio” aumenta o 4,8 % e en “Outros servizos” o 4,7 %.
Índices de cifra de negocios. Xullo de 2026
| Índice | Taxa interanual (%) | Taxa no que vai de ano (%) | |
|---|---|---|---|
| XERAL | 158,6 | 3,7 | 2,9 |
| COMERCIO | 161,0 | 4,0 | 3,2 |
| Venda e reparación de vehículos de motor | 159,1 | 6,3 | 13,5 |
| Comercio por xunto | 166,7 | 3,3 | 1,0 |
| Comercio ao retallo | 146,2 | 5,8 | 6,6 |
| OUTROS SERVIZOS | 152,3 | 2,7 | 1,9 |
| Transporte | 162,0 | 9,9 | 5,9 |
| Hostalería | 222,4 | 0,6 | 2,1 |
| Información e comunicacións | 124,2 | -6,8 | -10,1 |
| Actividades profesionais, científicas e técnicas | 114,8 | -9,8 | -5,5 |
| Actividades administrativas e servizos auxiliares | 147,0 | 6,8 | 9,8 |
| Fonte: IGE. Elaboración propia a partir dos datos subministrados polo INE. |
| Índice | Taxa interanual (%) | Taxa no que vai de ano (%) | |
|---|---|---|---|
| XERAL | 147,9 | 4,8 | 5,5 |
| COMERCIO | 141,5 | 4,8 | 5,8 |
| Venda e reparación de vehículos de motor | 155,7 | -0,3 | 3,2 |
| Comercio por xunto | 135,6 | 6,4 | 6,5 |
| Comercio ao retallo | 150,2 | 3,9 | 5,5 |
| OUTROS SERVIZOS | 159,7 | 4,7 | 4,9 |
| Transporte | 159,9 | 8,3 | 6,5 |
| Hostalería | 219,0 | 0,5 | 2,6 |
| Información e comunicacións | 132,4 | 4,1 | 5,1 |
| Actividades inmobiliarias | 143,0 | 9,7 | 5,4 |
| Actividades profesionais, científicas e técnicas | 143,2 | 3,4 | 3,8 |
| Actividades administrativas e servizos auxiliares | 191,7 | 4,5 | 5,7 |
| Fonte: INE. Indicadores de actividad del sector servicios. |
Nas actividades comerciais, aumenta a cifra de negocios de “Venda e reparación de vehículos de motor” un 6,3 % e a de “Comercio ao retallo” un 5,8 %. A facturación de “Comercio polo xunto” aumenta un 3,3%. A nivel nacional, “Comercio por xunto” aumenta un 6,4%, e “Comercio ao retallo” un 3,9 %. A cifra de negocios en “Venda e reparación de vehículos de motor” diminúe un 0,3%.
En “Outros servizos”, a maior baixada rexístrase en “Actividades profesionais, científicas e técnicas” (-9,8%) e o maior crecemento no sector de “Transporte” (9,9 %). En España, o maior incremento rexístrase en “Actividades inmobiliarias” (9,7 %).
Utilizando como ponderación o VEB en lugar da cifra de negocios, o índice aumenta un 4,1% en xullo. “Transporte” é o sector onde se rexistra a maior subida interanual (10 %), “Información e comunicacións” é o sector onde coa maior baixada (-4,9 %).
1.2 Datos corrixidos de efectos de calendario
O seguinte gráfico amosa a evolución do indicador de actividade do sector servizos corrixido de efectos de calendario segundo o método de ponderación. O índice ponderado por cifra de negocios aumenta o 3,7% respecto ao mes de xullo do ano anterior e o índice ponderado por VEB aumenta o 4,3%.
Indicador de actividade do sector servizos corrixido de efectos de calendario. Taxas de variación interanual
Unidade: porcentaxe
Fonte: IGE. Elaboración propia a partir dos datos subministrados polo INE.
1.3 Indicadores por comunidades autónomas
A cifra de negocios aumenta en todas as comunidades autónomas no mes de xullo respecto ao mesmo mes de 2025. País Vasco (8,8%), Madrid (6,4%) e Castela-A Mancha (5,7%) rexistran os maiores incrementos da facturación.
No que vai de ano, a cifra de negocios tamén aumenta en todas as comunidades autónomas. As taxas máis altas preséntanse en País Vasco (9,2%), A Rioxa (7,6%) e Andalucía (7,4%).
Índices de cifra de negocios. Xullo de 2026
Taxas de variación (%)
Fonte: INE. Indicadores de actividad del sector servicios.
2 Persoal ocupado
2.1 Índice xeral e por sectores de actividade
O persoal ocupado aumenta un 1,3% en Galicia e un 1,2% en España. O persoal ocupado crece un 1,2% en “Comercio” e un 1,4% en “Outros servizos”. Os sectores con maiores incrementos son “Actividades profesionais, científicas e técnicas” (3,1%) e “Actividades administrativas e servizos auxiliares” (3%).
En España, o persoal ocupado aumenta un 0,8% en “Comercio” e un 1,4% en “Outros servizos”. Os maiores crecementos rexístranse en “Actividades administrativas e servizos auxiliares” (2,3%), “Venda e reparación de vehículos de motor” (2%) e “Comercio por xunto” (1,9%).
Indicador de actividade do sector servizos. Persoal ocupado. Taxas de variación interanual
Unidade: porcentaxe
Fonte: INE. Indicadores de actividad del sector servicios.
2.2 Indicadores de ocupación por comunidades autónomas
O emprego no sector servizos increméntase en 16 comunidades autónomas no mes de xullo. As comunidades con maiores aumentos do persoal ocupado son Canarias (2,6%) e Estremadura (2,6%). Cantabria é única comunidade na que diminue en termos interanuais o persoal ocupado (-0,9%).
Índices de persoal ocupado. Xullo de 2026
Taxas de variación (%)
Fonte: INE. Indicadores de actividad del sector servicios.
3 Notas metodolóxicas
Cifra de negocios: comprende os importes facturados pola empresa pola prestación de servizos e venda de bens que son obxecto do tráfico da empresa, incluídos os realizados por subcontratación. Contabilízanse incluíndo os impostos que gravan os bens e servizos coa excepción do IVE repercutido ao cliente.
Persoal ocupado: É o número total de persoas que traballan na empresa; inclúe o persoal remunerado, persoal que non percibe unha remuneración fixa ou salario (propietarios que traballan na empresa e axudas familiares), persoal facilitado polas empresas de traballo temporal y traballadores autónomos dependentes con contrato non laboral.
Valor engadido bruto: Para cada unidade dedicada a unha actividade produtiva, é a diferenza entre a produción e os consumos intermedios. Valórase a prezos básicos, que son os prezos que os produtores reciben dos compradores restando calquera imposto que se pague e sumando calquera subvención que se reciba.
Os indicadores constrúense a partir dos microdatos dos Indicadores de actividade do sector servizos subministrados polo INE.
Os índices son provisionais polo que poden modificarse nos meses seguintes.