Informe sobre os indicadores de actividade e de VEB do sector servizos
Datos correspondentes a xuño de 2026
Data de publicación: 14/08/2026
descarga en pdf
Principais resultados
O indicador de actividade no sector servizos rexistra un crecemento interanual do 7,5% no mes de xuño de 2026.
O persoal ocupado no sector servizos medra un 1,6% en Galicia.
Indicador de actividade do sector servizos. Cifra de negocios. Taxas de variación interanual
Unidade: porcentaxe
Fonte: INE. Indicadores de actividad del sector servicios.
1 Cifra de negocios
1.1 Índice xeral e por sectores de actividade
En xuño, o indicador de actividade no sector servizos en Galicia rexistra un crecemento interanual do 7,5%. Esta taxa é 4,5 puntos superior á rexistrada no mes de maio. En España, a cifra de negocios no sector servizos medra un 8,8%, taxa superior en 3,7 puntos á do mes de maio.
A facturación en “Comercio” aumenta un 8,5 % e en “Outros servizos” un 5,1 %. En España a facturación en “Comercio” aumenta o 9,4 % e en “Outros servizos” o 7,7 %.
Índices de cifra de negocios. Xuño de 2026
| Índice | Taxa interanual (%) | Taxa no que vai de ano (%) | |
|---|---|---|---|
| XERAL | 142,8 | 7,5 | 2,7 |
| COMERCIO | 144,0 | 8,5 | 3,0 |
| Venda e reparación de vehículos de motor | 173,2 | 15,3 | 14,7 |
| Comercio por xunto | 143,1 | 7,3 | 0,6 |
| Comercio ao retallo | 136,9 | 9,4 | 6,8 |
| OUTROS SERVIZOS | 139,8 | 5,1 | 1,8 |
| Transporte | 143,8 | 11,6 | 5,2 |
| Hostalería | 180,9 | 2,2 | 2,5 |
| Información e comunicacións | 120,5 | -8,3 | -10,7 |
| Actividades profesionais, científicas e técnicas | 119,6 | 0,6 | -4,7 |
| Actividades administrativas e servizos auxiliares | 149,7 | 12,8 | 10,5 |
| Fonte: IGE. Elaboración propia a partir dos datos subministrados polo INE. |
| Índice | Taxa interanual (%) | Taxa no que vai de ano (%) | |
|---|---|---|---|
| XERAL | 146,8 | 8,8 | 5,7 |
| COMERCIO | 142,0 | 9,4 | 6,0 |
| Venda e reparación de vehículos de motor | 167,7 | 7,9 | 3,9 |
| Comercio por xunto | 136,6 | 11,1 | 6,6 |
| Comercio ao retallo | 145,4 | 6,7 | 5,8 |
| OUTROS SERVIZOS | 155,8 | 7,7 | 5,0 |
| Transporte | 154,4 | 10,7 | 6,2 |
| Hostalería | 193,2 | 0,7 | 3,1 |
| Información e comunicacións | 137,2 | 8,5 | 5,2 |
| Actividades inmobiliarias | 148,8 | 12,6 | 4,8 |
| Actividades profesionais, científicas e técnicas | 147,2 | 8,6 | 3,9 |
| Actividades administrativas e servizos auxiliares | 184,2 | 7,4 | 5,9 |
| Fonte: INE. Indicadores de actividad del sector servicios. |
Nas actividades comerciais, aumenta a cifra de negocios en “Venda e reparación de vehículos de motor” un 15,3 %, en “Comercio ao retallo” un 9,4 %, e en “Comercio polo xunto” un 7,3%. A nivel nacional, aumenta a cifra de negocios en “Venda e reparación de vehículos de motor” un 7,9 %, en “Comercio ao retallo” un 6,7 %, e en “Comercio polo xunto” un 11,1 %.
En “Outros servizos”, o maior crecemento rexístrase no sector de “Actividades administrativas e servizos auxiliares” (12,8 %), mentres que “Información e comunicacións” (-8,3%) é o único sector no que se produce unha baixada. En España, o maior incremento rexístrase en “Actividades inmobiliarias” (12,6 %).
Utilizando como ponderación o VEB en lugar da cifra de negocios, o índice aumenta un 6,4% en xuño. “Transporte” é o sector onde se rexistra a maior subida interanual (11,9 %).
1.2 Datos corrixidos de efectos de calendario
O seguinte gráfico amosa a evolución do indicador de actividade do sector servizos corrixido de efectos de calendario segundo o método de ponderación. O índice ponderado por cifra de negocios aumenta o 6% respecto ao mes de xuño do ano anterior e o índice ponderado por VEB aumenta o 4,2%.
Indicador de actividade do sector servizos corrixido de efectos de calendario. Taxas de variación interanual
Unidade: porcentaxe
Fonte: IGE. Elaboración propia a partir dos datos subministrados polo INE.
1.3 Indicadores por comunidades autónomas
A cifra de negocios aumenta en todas as comunidades autónomas no mes de xuño respecto ao mesmo mes de 2025. País Vasco (12,9%), Andalucía (11,9%) e A Rioxa (11,8%) rexistran os maiores incrementos da facturación. Pola contra, as maiores baixadas rexístranse en Illas Baleares (2,7 %) e Comunidade Valenciana (6 %).
No que vai de ano, a cifra de negocios aumenta en todas as comunidades autónomas. As taxas máis altas preséntanse en País Vasco (9,4%), A Rioxa (8,3%) e Andalucía (7,9%).
Índices de cifra de negocios. Xuño de 2026
Taxas de variación (%)
Fonte: INE. Indicadores de actividad del sector servicios.
2 Persoal ocupado
2.1 Índice xeral e por sectores de actividade
O persoal ocupado aumenta un 1,6% en Galicia e un 1,3% en España. O persoal ocupado crece un 1,3% en “Comercio” e un 1,8% en “Outros servizos”. Os sectores con maiores incrementos son “Actividades administrativas e servizos auxiliares” (5,1%) e “Actividades profesionais, científicas e técnicas” (3,6%).
En España, o persoal ocupado aumenta un 0,8% en “Comercio” e un 1,5% en “Outros servizos”. Os maiores crecementos rexístranse en “Actividades administrativas e servizos auxiliares” (3,1%), “Comercio por xunto” (1,9%) e “Transporte” (1,9%).
Indicador de actividade do sector servizos. Persoal ocupado. Taxas de variación interanual
Unidade: porcentaxe
Fonte: INE. Indicadores de actividad del sector servicios.
2.2 Indicadores de ocupación por comunidades autónomas
O emprego no sector servizos increméntase en 16 comunidades autónomas no mes de xuño. As comunidades con maiores aumentos do persoal ocupado son A Rioxa (3,3%) e Estremadura (3,1%). En Castela-A Mancha non varía o persoal ocupado (0%).
Índices de persoal ocupado. Xuño de 2026
Taxas de variación (%)
Fonte: INE. Indicadores de actividad del sector servicios.
3 Notas metodolóxicas
Cifra de negocios: comprende os importes facturados pola empresa pola prestación de servizos e venda de bens que son obxecto do tráfico da empresa, incluídos os realizados por subcontratación. Contabilízanse incluíndo os impostos que gravan os bens e servizos coa excepción do IVE repercutido ao cliente.
Persoal ocupado: É o número total de persoas que traballan na empresa; inclúe o persoal remunerado, persoal que non percibe unha remuneración fixa ou salario (propietarios que traballan na empresa e axudas familiares), persoal facilitado polas empresas de traballo temporal y traballadores autónomos dependentes con contrato non laboral.
Valor engadido bruto: Para cada unidade dedicada a unha actividade produtiva, é a diferenza entre a produción e os consumos intermedios. Valórase a prezos básicos, que son os prezos que os produtores reciben dos compradores restando calquera imposto que se pague e sumando calquera subvención que se reciba.
Os indicadores constrúense a partir dos microdatos dos Indicadores de actividade do sector servizos subministrados polo INE.
Os índices son provisionais polo que poden modificarse nos meses seguintes.