Informe sobre os indicadores de actividade e de VEB do sector servizos
Datos correspondentes a abril de 2026
Data de publicación: 22/06/2026
descarga en pdf
Principais resultados
O indicador de actividade no sector servizos rexistra un crecemento interanual do 4,7% no mes de abril de 2026.
O persoal ocupado no sector servizos medra un 1,5% en Galicia.
Indicador de actividade do sector servizos. Cifra de negocios. Taxas de variación interanual
Unidade: porcentaxe
Fonte: INE. Indicadores de actividad del sector servicios.
1 Cifra de negocios
1.1 Índice xeral e por sectores de actividade
En abril, o indicador de actividade no sector servizos en Galicia rexistra un crecemento interanual do 4,7%. Esta taxa é 1,7 puntos inferior á rexistrada no mes de marzo. En España, a cifra de negocios no sector servizos medra un 7,5%, taxa inferior en 1,7 puntos á do mes de marzo.
A facturación en “Comercio” aumenta un 4,3 % e “en Outros servizos” un 5,9 %. En España a facturación en “Comercio” aumenta o 8,1 % e en “Outros servizos” o 6,5 %.
Índices de cifra de negocios. Abril de 2026
| Índice | Taxa interanual (%) | Taxa no que vai de ano (%) | |
|---|---|---|---|
| XERAL | 140,4 | 4,7 | 1,4 |
| COMERCIO | 140,7 | 4,3 | 1,7 |
| Venda e reparación de vehículos de motor | 165,8 | 25,7 | 18,1 |
| Comercio por xunto | 142,6 | 1,4 | -1,6 |
| Comercio ao retallo | 127,6 | 6,7 | 6,7 |
| OUTROS SERVIZOS | 139,9 | 5,9 | 0,7 |
| Transporte | 157,9 | 8,9 | 3,1 |
| Hostalería | 155,0 | 3,2 | 3,1 |
| Información e comunicacións | 118,4 | -6,9 | -10,6 |
| Actividades profesionais, científicas e técnicas | 117,0 | 1,8 | -6,2 |
| Actividades administrativas e servizos auxiliares | 138,6 | 13,5 | 9,1 |
| Fonte: IGE. Elaboración propia a partir dos datos subministrados polo INE. |
| Índice | Taxa interanual (%) | Taxa no que vai de ano (%) | |
|---|---|---|---|
| XERAL | 136,9 | 7,5 | 5,0 |
| COMERCIO | 134,6 | 8,1 | 5,3 |
| Venda e reparación de vehículos de motor | 143,9 | 4,9 | 3,9 |
| Comercio por xunto | 133,4 | 9,5 | 5,3 |
| Comercio ao retallo | 135,1 | 6,4 | 5,7 |
| OUTROS SERVIZOS | 140,9 | 6,5 | 4,4 |
| Transporte | 147,0 | 9,8 | 4,7 |
| Hostalería | 164,5 | 4,1 | 4,0 |
| Información e comunicacións | 129,4 | 7,8 | 5,3 |
| Actividades inmobiliarias | 130,0 | 3,3 | 2,9 |
| Actividades profesionais, científicas e técnicas | 129,9 | 5,2 | 3,2 |
| Actividades administrativas e servizos auxiliares | 163,7 | 5,5 | 5,5 |
| Fonte: INE. Indicadores de actividad del sector servicios. |
Nas actividades comerciais, increméntase a cifra de negocios de “Venda e reparación de vehículos de motor” un 25,7 %, a de “Comercio ao retallo” un 6,7 % e a de “Comercio polo xunto” un 1,4%. A nivel nacional, aumenta a cifra de negocios en “Venda e reparación de vehículos de motor” un 4,9 %, en “Comercio ao retallo” un 6,4 % e en “Comercio polo xunto” un 9,5 %.
En “Outros servizos”, a maior baixada rexístrase en “Información e comunicacións” (-6,9%) e o maior crecemento no sector de “Actividades administrativas e servizos auxiliares” (13,5 %). En España, o maior incremento rexístrase en “Transporte” (9,8 %).
Utilizando como ponderación o VEB en lugar da cifra de negocios, o índice aumenta un 6,6% en abril. “Transporte” é o sector onde se rexistra o maior crecemento interanual (9,8 %).
1.2 Datos corrixidos de efectos de calendario
O seguinte gráfico amosa a evolución do indicador de actividade do sector servizos corrixido de efectos de calendario segundo o método de ponderación. O índice ponderado por cifra de negocios aumenta o 4,4% respecto ao mes de abril do ano anterior e o índice ponderado por VEB aumenta o 6,7%.
Indicador de actividade do sector servizos corrixido de efectos de calendario. Taxas de variación interanual
Unidade: porcentaxe
Fonte: IGE. Elaboración propia a partir dos datos subministrados polo INE.
1.3 Indicadores por comunidades autónomas
A cifra de negocios aumenta en todas as comunidades autónomas no mes de abril respecto ao mesmo mes de 2025. País Vasco (11,1%), A Rioxa (10,4%) e Navarra (9,7%) rexistran os maiores incrementos da facturación. Pola contra, os menores crecementos rexístranse en Illas Baleares (0,2 %), Asturias (3,4 %) e Canarias (3,4 %).
No que vai de ano, a cifra de negocios tamén aumenta en todas as comunidades autónomas. As taxas máis altas preséntanse en País Vasco (8,1%), A Rioxa (7,6%) e Aragón (7,5%).
Índices de cifra de negocios. Abril de 2026
Taxas de variación (%)
Fonte: INE. Indicadores de actividad del sector servicios.
2 Persoal ocupado
2.1 Índice xeral e por sectores de actividade
O persoal ocupado aumenta un 1,5% en Galicia e un 1,2% en España. O persoal ocupado crece un 1,3% en “Comercio” e un 1,6% en “Outros servizos”. Os sectores con maiores incrementos son “Actividades inmobiliarias” (3,6%), “Actividades administrativas e servizos auxiliares” (3%) e “Venda e reparación de vehículos de motor” (2,9%).
En España, o persoal ocupado aumenta un 1% en “Comercio” e un 1,2% en “Outros servizos”. Os maiores crecementos rexístranse en “Actividades administrativas e servizos auxiliares” (2,2%), “Transporte” (1,5%) e “Venda e reparación de vehículos de motor” (1,4%).
Indicador de actividade do sector servizos. Persoal ocupado. Taxas de variación interanual
Unidade: porcentaxe
Fonte: INE. Indicadores de actividad del sector servicios.
2.2 Indicadores de ocupación por comunidades autónomas
O emprego no sector servizos increméntase en todas as comunidades autónomas no mes de abril. As comunidades con maiores aumentos do persoal ocupado son Estremadura (2,5%) e Canarias (2,1%). Cantabria é a comunidade onde menos medra o persoal ocupado (0,1%).
Índices de persoal ocupado. Abril de 2026
Taxas de variación (%)
Fonte: INE. Indicadores de actividad del sector servicios.
3 Notas metodolóxicas
Cifra de negocios: comprende os importes facturados pola empresa pola prestación de servizos e venda de bens que son obxecto do tráfico da empresa, incluídos os realizados por subcontratación. Contabilízanse incluíndo os impostos que gravan os bens e servizos coa excepción do IVE repercutido ao cliente.
Persoal ocupado: É o número total de persoas que traballan na empresa; inclúe o persoal remunerado, persoal que non percibe unha remuneración fixa ou salario (propietarios que traballan na empresa e axudas familiares), persoal facilitado polas empresas de traballo temporal y traballadores autónomos dependentes con contrato non laboral.
Valor engadido bruto: Para cada unidade dedicada a unha actividade produtiva, é a diferenza entre a produción e os consumos intermedios. Valórase a prezos básicos, que son os prezos que os produtores reciben dos compradores restando calquera imposto que se pague e sumando calquera subvención que se reciba.
Os indicadores constrúense a partir dos microdatos dos Indicadores de actividade do sector servizos subministrados polo INE.
Os índices son provisionais polo que poden modificarse nos meses seguintes.