Informe sobre os indicadores de actividade e de VEB do sector servizos
Datos correspondentes a marzo de 2026
Data de publicación: 21/05/2026
descarga en pdf
Principais resultados
O indicador de actividade no sector servizos rexistra un crecemento interanual do 6,4% en Galicia no mes de marzo de 2026.
O persoal ocupado no sector servizos medra un 1%.
Indicador de actividade do sector servizos. Cifra de negocios. Taxas de variación interanual
Unidade: porcentaxe
Fonte: INE. Indicadores de actividad del sector servicios.
1 Cifra de negocios
1.1 Índice xeral e por sectores de actividade
En marzo, o indicador de actividade no sector servizos en Galicia rexistra un crecemento interanual do 6,4%. Esta taxa é 9,8 puntos superior á rexistrada no mes de febreiro. En España, a cifra de negocios no sector servizos medra un 9,4%, taxa superior en 7,4 puntos á do mes de febreiro.
A facturación en “Comercio” aumenta un 7,8 % e en “Outros servizos” un 2,6 %. En España a facturación en “Comercio” aumenta o 11,5 % e en “Outros servizos” o 5,8 %.
Índices de cifra de negocios. Marzo de 2026
| Índice | Taxa interanual (%) | Taxa no que vai de ano (%) | |
|---|---|---|---|
| XERAL | 140,9 | 6,4 | 0,3 |
| COMERCIO | 144,7 | 7,8 | 0,8 |
| Venda e reparación de vehículos de motor | 177,2 | 29,8 | 15,4 |
| Comercio por xunto | 148,1 | 5,0 | -2,6 |
| Comercio ao retallo | 125,7 | 9,2 | 6,6 |
| OUTROS SERVIZOS | 131,0 | 2,6 | -1,0 |
| Transporte | 140,6 | 4,4 | 0,9 |
| Hostalería | 151,4 | 6,9 | 4,0 |
| Información e comunicacións | 117,9 | -9,9 | -11,8 |
| Actividades profesionais, científicas e técnicas | 114,7 | -3,5 | -9,0 |
| Actividades administrativas e servizos auxiliares | 130,1 | 10,4 | 7,4 |
| Fonte: IGE. Elaboración propia a partir dos datos subministrados polo INE. |
| Índice | Taxa interanual (%) | Taxa no que vai de ano (%) | |
|---|---|---|---|
| XERAL | 139,9 | 9,4 | 4,1 |
| COMERCIO | 140,5 | 11,5 | 4,4 |
| Venda e reparación de vehículos de motor | 164,7 | 12,4 | 4,9 |
| Comercio por xunto | 139,6 | 12,9 | 3,8 |
| Comercio ao retallo | 135,1 | 8,0 | 5,4 |
| OUTROS SERVIZOS | 138,8 | 5,8 | 3,7 |
| Transporte | 142,3 | 7,0 | 3,0 |
| Hostalería | 150,1 | 5,5 | 4,0 |
| Información e comunicacións | 126,4 | 3,8 | 4,3 |
| Actividades inmobiliarias | 132,8 | 2,3 | 2,6 |
| Actividades profesionais, científicas e técnicas | 135,6 | 4,5 | 2,5 |
| Actividades administrativas e servizos auxiliares | 165,4 | 9,2 | 5,5 |
| Fonte: INE. Indicadores de actividad del sector servicios. |
Nas actividades comerciais, aumenta a cifra de negocios de “Venda e reparación de vehículos de motor” un 29,8 %, a de “Comercio ao retallo” un 9,2 % e a de “Comercio polo xunto” un 5%. A nivel nacional, aumenta a cifra de negocios en “Comercio polo xunto” un 12,9 %, en “Venda e reparación de vehículos de motor” un 12,4 % e en “Comercio ao retallo” un 8 %.
En “Outros servizos”, a maior baixada rexístrase en “Información e comunicacións” (-9,9%) e o maior crecemento no sector de “Actividades administrativas e servizos auxiliares” (10,4 %). En España, o maior incremento rexístrase en “Actividades administrativas e servizos auxiliares” (9,2 %).
Utilizando como ponderación o VEB en lugar da cifra de negocios, o índice aumenta un 6,7% en marzo. “Comercio” é o sector onde se rexistra o maior crecemento interanual (9,9 %).
1.2 Datos corrixidos de efectos de calendario
O seguinte gráfico amosa a evolución do indicador de actividade do sector servizos corrixido de efectos de calendario segundo o método de ponderación. O índice ponderado por cifra de negocios aumenta o 5,3% respecto ao mes de marzo do ano anterior e o índice ponderado por VEB aumenta o 5,6%.
Indicador de actividade do sector servizos corrixido de efectos de calendario. Taxas de variación interanual
Unidade: porcentaxe
Fonte: IGE. Elaboración propia a partir dos datos subministrados polo INE.
1.3 Indicadores por comunidades autónomas
A cifra de negocios aumenta en todas as comunidades autónomas no mes de marzo respecto ao mesmo mes de 2025. Estremadura (13,2%), A Rioxa (12,6%) e Aragón (12,4%) rexistran os maiores incrementos da facturación. Pola contra, os menores crecementos rexístranse en Asturias (4,7 %) e Galicia (6,4 %).
No que vai de ano, a cifra de negocios aumenta en todas as comunidades autónomas. As taxas máis altas preséntanse en País Vasco (7,1%), Andalucía (6,8%) e Aragón (6,7%).
Índices de cifra de negocios. Marzo de 2026
Taxas de variación (%)
Fonte: INE. Indicadores de actividad del sector servicios.
2 Persoal ocupado
2.1 Índice xeral e por sectores de actividade
O persoal ocupado aumenta un 1% en Galicia e un 1,5% en España. O persoal ocupado crece un 0,7% en “Comercio” e un 1,1% en “Outros servizos”. Os sectores con maiores incrementos son “Actividades inmobiliarias” (5,9%) e “Actividades administrativas e servizos auxiliares” (3,3%).
En España, o persoal ocupado aumenta un 1,2% en “Comercio” e un 1,7% en “Outros servizos”, sendo “Actividades administrativas e servizos auxiliares” o sector con maior crecemento (2,8%).
Indicador de actividade do sector servizos. Persoal ocupado. Taxas de variación interanual
Unidade: porcentaxe
Fonte: INE. Indicadores de actividad del sector servicios.
2.2 Indicadores de ocupación por comunidades autónomas
O emprego no sector servizos increméntase en todas as comunidades autónomas no mes de marzo. As comunidades con maiores aumentos do persoal ocupado son Cataluña (2,7%) e Illas Baleares (2,6%). Castela-A Mancha é a comunidade onde menos medra o persoal ocupado (0,1%).
Índices de persoal ocupado. Marzo de 2026
Taxas de variación (%)
Fonte: INE. Indicadores de actividad del sector servicios.
3 Notas metodolóxicas
Cifra de negocios: comprende os importes facturados pola empresa pola prestación de servizos e venda de bens que son obxecto do tráfico da empresa, incluídos os realizados por subcontratación. Contabilízanse incluíndo os impostos que gravan os bens e servizos coa excepción do IVE repercutido ao cliente.
Persoal ocupado: É o número total de persoas que traballan na empresa; inclúe o persoal remunerado, persoal que non percibe unha remuneración fixa ou salario (propietarios que traballan na empresa e axudas familiares), persoal facilitado polas empresas de traballo temporal y traballadores autónomos dependentes con contrato non laboral.
Valor engadido bruto: Para cada unidade dedicada a unha actividade produtiva, é a diferenza entre a produción e os consumos intermedios. Valórase a prezos básicos, que son os prezos que os produtores reciben dos compradores restando calquera imposto que se pague e sumando calquera subvención que se reciba.
Os indicadores constrúense a partir dos microdatos dos Indicadores de actividade do sector servizos subministrados polo INE.
Os índices son provisionais polo que poden modificarse nos meses seguintes.