Informe sobre os indicadores de actividade e de VEB do sector servizos
Datos correspondentes a febreiro de 2026
Data de publicación: 17/04/2026
descarga en pdf
Principais resultados
O indicador de actividade no sector servizos rexistra unha diminución interanual do 3,4% no mes de febreiro de 2026.
En España, a cifra de negocios no sector servizos aumenta un 1,6%.
O persoal ocupado no sector servizos medra un 1,3% en Galicia e un 1,2% en España.
Indicador de actividade do sector servizos. Cifra de negocios. Taxas de variación interanual
Unidade: porcentaxe
Fonte: INE. Indicadores de actividad del sector servicios.
1 Cifra de negocios
1.1 Índice xeral e por sectores de actividade
En febreiro, o indicador de actividade no sector servizos en Galicia rexistra un decrecemento interanual do 3,4%. Esta taxa é 1,1 puntos inferior á rexistrada no mes de xaneiro. En España, a cifra de negocios no sector servizos medra un 1,6%, taxa superior en 1,4 puntos á do mes de xaneiro.
A facturación en “Comercio” diminúe un 3,5 % e “en Outros servizos” un 3,2 %. En España a facturación en “Comercio” aumenta o 0,8 % e en “Outros servizos” o 2,9 %.
Índices de cifra de negocios. Febreiro de 2026
| Índice | Taxa interanual (%) | Taxa no que vai de ano (%) | |
|---|---|---|---|
| XERAL | 116,0 | -3,4 | -2,8 |
| COMERCIO | 116,7 | -3,5 | -2,8 |
| Venda e reparación de vehículos de motor | 148,8 | 10,6 | 8,7 |
| Comercio por xunto | 115,2 | -7,7 | -6,5 |
| Comercio ao retallo | 110,2 | 4,2 | 5,3 |
| OUTROS SERVIZOS | 114,4 | -3,2 | -2,8 |
| Transporte | 125,4 | 0,6 | -0,9 |
| Hostalería | 125,7 | -1,0 | 2,2 |
| Información e comunicacións | 106,6 | -14,3 | -12,8 |
| Actividades profesionais, científicas e técnicas | 91,6 | -18,9 | -11,6 |
| Actividades administrativas e servizos auxiliares | 115,3 | 12,1 | 6,3 |
| Fonte: IGE. Elaboración propia a partir dos datos subministrados polo INE. |
| Índice | Taxa interanual (%) | Taxa no que vai de ano (%) | |
|---|---|---|---|
| XERAL | 118,5 | 1,6 | 0,9 |
| COMERCIO | 116,5 | 0,8 | -0,1 |
| Venda e reparación de vehículos de motor | 138,1 | 2,2 | 0,7 |
| Comercio por xunto | 113,1 | -0,7 | -2,3 |
| Comercio ao retallo | 117,2 | 3,4 | 4,0 |
| OUTROS SERVIZOS | 122,1 | 2,9 | 2,7 |
| Transporte | 126,8 | 1,6 | 1,0 |
| Hostalería | 127,4 | 3,0 | 3,5 |
| Información e comunicacións | 113,1 | 2,5 | 4,8 |
| Actividades inmobiliarias | 121,4 | 4,0 | 2,8 |
| Actividades profesionais, científicas e técnicas | 116,8 | 1,7 | 1,5 |
| Actividades administrativas e servizos auxiliares | 146,0 | 6,2 | 3,5 |
| Fonte: INE. Indicadores de actividad del sector servicios. |
Nas actividades comerciais, aumenta a cifra de negocios de “Venda e reparación de vehículos de motor” un 10,6 % e a de “Comercio ao retallo” un 4,2 %. A facturación de “Comercio polo xunto” redúcese un 7,7%. A nivel nacional, aumenta a cifra de negocios en “Venda e reparación de vehículos de motor” un 2,2 % e en “Comercio ao retallo” un 3,4 %. En “Comercio polo xunto” baixa un 0,7 %.
En “Outros servizos”, a maior baixada rexístrase en “Actividades profesionais, científicas e técnicas” (-18,9%) e o maior crecemento no sector de “Actividades administrativas e servizos auxiliares” (12,1 %). En España, o maior incremento rexístrase en “Actividades administrativas e servizos auxiliares” (6,2 %).
Utilizando como ponderación o VEB en lugar da cifra de negocios, o índice diminúe un 1,4% en febreiro. “Actividades profesionais, científicas e técnicas” é o sector onde se rexistra a maior baixada interanual (-14,9 %).
1.2 Datos corrixidos de efectos de calendario
O seguinte gráfico amosa a evolución do indicador de actividade do sector servizos corrixido de efectos de calendario segundo o método de ponderación. O índice ponderado por cifra de negocios diminúe o 3,4% respecto ao mes de febreiro do ano anterior e o índice ponderado por VEB diminúe o 1,4%.
Indicador de actividade do sector servizos corrixido de efectos de calendario. Taxas de variación interanual
Unidade: porcentaxe
Fonte: IGE. Elaboración propia a partir dos datos subministrados polo INE.
1.3 Indicadores por comunidades autónomas
A cifra de negocios aumenta en 13 comunidades autónomas no mes de febreiro respecto ao mesmo mes de 2025. Murcia (5,9%), Navarra (5,8%) e A Rioxa (5,7%) rexistran os maiores incrementos da facturación. Pola contra, as maiores baixadas rexístranse en Galicia (-3,4 %) e Madrid (-1,2 %).
No que vai de ano, a cifra de negocios aumenta en 13 comunidades autónomas. As taxas máis altas preséntanse en País Vasco (4,5%), Murcia (4,3%) e Andalucía (4,1%).
Índices de cifra de negocios. Febreiro de 2026
Taxas de variación (%)
Fonte: INE. Indicadores de actividad del sector servicios.
2 Persoal ocupado
2.1 Índice xeral e por sectores de actividade
O persoal ocupado aumenta un 1,3% en Galicia e un 1,2% en España. O persoal ocupado crece un 0,2% en “Comercio” e un 1,9% en “Outros servizos”. Os sectores con maiores incrementos son “Información e comunicacións” (2,8%) e “Actividades administrativas e servizos auxiliares” (2,5%).
En España, o persoal ocupado aumenta un 1% en “Comercio” e un 1,3% en “Outros servizos”. Os maiores crecementos rexístranse en “Actividades administrativas e servizos auxiliares” (2%), “Información e comunicacións” (1,8%) e “Comercio por xunto” (1,3%).
Indicador de actividade do sector servizos. Persoal ocupado. Taxas de variación interanual
Unidade: porcentaxe
Fonte: INE. Indicadores de actividad del sector servicios.
2.2 Indicadores de ocupación por comunidades autónomas
O emprego no sector servizos increméntase en 16 comunidades autónomas no mes de febreiro. As comunidades con maiores aumentos do persoal ocupado son Estremadura (2,2%) e Cataluña (1,8%). Castela-A Mancha é a única comunidade onde diminúe o persoal ocupado (-0,1%).
Índices de persoal ocupado. Febreiro de 2026
Taxas de variación (%)
Fonte: INE. Indicadores de actividad del sector servicios.
3 Notas metodolóxicas
Cifra de negocios: comprende os importes facturados pola empresa pola prestación de servizos e venda de bens que son obxecto do tráfico da empresa, incluídos os realizados por subcontratación. Contabilízanse incluíndo os impostos que gravan os bens e servizos coa excepción do IVE repercutido ao cliente.
Persoal ocupado: É o número total de persoas que traballan na empresa; inclúe o persoal remunerado, persoal que non percibe unha remuneración fixa ou salario (propietarios que traballan na empresa e axudas familiares), persoal facilitado polas empresas de traballo temporal y traballadores autónomos dependentes con contrato non laboral.
Valor engadido bruto: Para cada unidade dedicada a unha actividade produtiva, é a diferenza entre a produción e os consumos intermedios. Valórase a prezos básicos, que son os prezos que os produtores reciben dos compradores restando calquera imposto que se pague e sumando calquera subvención que se reciba.
Os indicadores constrúense a partir dos microdatos dos Indicadores de actividade do sector servizos subministrados polo INE.
Os índices son provisionais polo que poden modificarse nos meses seguintes.