Informe sobre os indicadores de actividade e de VEB do sector servizos
Datos correspondentes a xaneiro de 2026
Data de publicación: 23/03/2026
descarga en pdf
Principais resultados
O indicador de actividade no sector servizos rexistra unha diminución interanual do 2,3% no mes de xaneiro de 2026.
En España, a cifra de negocios no sector servizos aumenta un 0,2%.
O persoal ocupado no sector servizos medra un 0,9% en Galicia e un 1,1% en España.
Indicador de actividade do sector servizos. Cifra de negocios. Taxas de variación interanual
Unidade: porcentaxe
Fonte: INE. Indicadores de actividad del sector servicios.
1 Cifra de negocios
1.1 Índice xeral e por sectores de actividade
En xaneiro, o indicador de actividade no sector servizos en Galicia rexistra un decrecemento interanual do 2,3%. Esta taxa é 6,1 puntos inferior á rexistrada no mes de decembro. En España, a cifra de negocios no sector servizos medra un 0,2%, taxa inferior en 6 puntos á do mes de decembro.
A facturación en “Comercio” diminúe un 2,2 % e en “Outros servizos” un 2,7 %. En España a facturación en “Comercio” diminúe o 1 % e en “Outros servizos” increméntase o 2,4 %.
Índices de cifra de negocios. Xaneiro de 2026
| Índice | Taxa interanual (%) | |
|---|---|---|
| XERAL | 135,4 | -2,3 |
| COMERCIO | 141,4 | -2,2 |
| Venda e reparación de vehículos de motor | 137,5 | 6,7 |
| Comercio por xunto | 146,6 | -5,6 |
| Comercio ao retallo | 128,3 | 6,5 |
| OUTROS SERVIZOS | 119,7 | -2,7 |
| Transporte | 134,9 | -2,6 |
| Hostalería | 123,2 | 5,1 |
| Información e comunicacións | 114,5 | -10,8 |
| Actividades profesionais, científicas e técnicas | 102,6 | -4,2 |
| Actividades administrativas e servizos auxiliares | 108,5 | 0,7 |
| Fonte: IGE. Elaboración propia a partir dos datos subministrados polo INE. |
| Índice | Taxa interanual (%) | |
|---|---|---|
| XERAL | 121,5 | 0,2 |
| COMERCIO | 119,7 | -1,0 |
| Venda e reparación de vehículos de motor | 122,9 | -1,0 |
| Comercio por xunto | 113,0 | -3,9 |
| Comercio ao retallo | 133,9 | 4,7 |
| OUTROS SERVIZOS | 124,7 | 2,4 |
| Transporte | 126,5 | 0,1 |
| Hostalería | 128,9 | 3,9 |
| Información e comunicacións | 126,8 | 6,8 |
| Actividades inmobiliarias | 125,2 | 2,0 |
| Actividades profesionais, científicas e técnicas | 115,3 | 1,4 |
| Actividades administrativas e servizos auxiliares | 144,2 | 0,9 |
| Fonte: INE. Indicadores de actividad del sector servicios. |
Nas actividades comerciais, aumenta a cifra de negocios de “Venda e reparación de vehículos de motor” un 6,7 % e a de “Comercio ao retallo” un 6,5 %. A facturación de “Comercio polo xunto” diminúe un 5,6 %. A nivel nacional, diminúe a cifra de negocios en “Venda e reparación de vehículos de motor” un 1 % e en “Comercio polo xunto” un 3,9 %. En “Comercio ao retallo” aumenta un 4,7 %.
En “Outros servizos”, a maior baixada rexístrase en “Información e comunicacións” (-10,8 %) e o maior crecemento no sector de “Hostalería” (5,1 %). En España, o maior incremento rexístrase en “Información e comunicacións” (6,8 %).
1.2 Índice de cifra de negocios ponderando por VEB
Utilizando como ponderación o VEB en lugar da cifra de negocios, o índice diminúe un 0,2% en xaneiro.
“Hostalería” é o sector onde se rexistra o maior incremento interanual (5,6 %).
1.3 Datos corrixidos de efectos de calendario
O seguinte gráfico amosa a evolución do indicador de actividade do sector servizos corrixido de efectos de calendario segundo o método de ponderación. O índice ponderado por cifra de negocios diminúe o 0,9% respecto ao mes de xaneiro do ano anterior e o índice ponderado por VEB aumenta o 1%.
Indicador de actividade do sector servizos corrixido de efectos de calendario. Taxas de variación interanual
Unidade: porcentaxe
Fonte: IGE. Elaboración propia a partir dos datos subministrados polo INE.
1.4 Indicadores por comunidades autónomas
A cifra de negocios aumenta en 11 comunidades autónomas no mes de xaneiro respecto ao mesmo mes de 2025. País Vasco (3,8%) e Aragón (3,7%) rexistran os maiores incrementos da facturación. Pola contra, os maiores descensos rexístranse en Madrid (-2,9 %) e Galicia (-2,3 %).
Índices de cifra de negocios. Xaneiro de 2026
Taxas de variación interanual(%)
Fonte: INE. Indicadores de actividad del sector servicios.
2 Persoal ocupado
2.1 Índice xeral e por sectores de actividade
O persoal ocupado aumenta un 0,9% en Galicia e un 1,1% en España. O persoal ocupado crece un 0,5% en “Comercio” e un 1,1% en “Outros servizos”. Os sectores con maiores incrementos son “Información e comunicacións” (2,4%) e “Actividades profesionais, científicas e técnicas” (2,3%).
En España, o persoal ocupado aumenta un 1% en “Comercio” e un 1,2% en “Outros servizos”. O maior crecemento rexístrase en “Actividades administrativas e servizos auxiliares” (1,8%).
Indicador de actividade do sector servizos. Persoal ocupado. Taxas de variación interanual
Unidade: porcentaxe
Fonte: INE. Indicadores de actividad del sector servicios.
2.2 Indicadores de ocupación por comunidades autónomas
O emprego no sector servizos increméntase en 16 comunidades autónomas no mes de xaneiro. As comunidades con maiores aumentos do persoal ocupado son Canarias (1,9%) e Cataluña (1,9%). Castela-A Mancha é a única comunidade onde diminúe o persoal ocupado (-0,1%).
Índices de persoal ocupado. Xaneiro de 2026
Taxas de variación (%)
Fonte: INE. Indicadores de actividad del sector servicios.
3 Notas metodolóxicas
Cifra de negocios: comprende os importes facturados pola empresa pola prestación de servizos e venda de bens que son obxecto do tráfico da empresa, incluídos os realizados por subcontratación. Contabilízanse incluíndo os impostos que gravan os bens e servizos coa excepción do IVE repercutido ao cliente.
Persoal ocupado: É o número total de persoas que traballan na empresa; inclúe o persoal remunerado, persoal que non percibe unha remuneración fixa ou salario (propietarios que traballan na empresa e axudas familiares), persoal facilitado polas empresas de traballo temporal y traballadores autónomos dependentes con contrato non laboral.
Valor engadido bruto: Para cada unidade dedicada a unha actividade produtiva, é a diferenza entre a produción e os consumos intermedios. Valórase a prezos básicos, que son os prezos que os produtores reciben dos compradores restando calquera imposto que se pague e sumando calquera subvención que se reciba.
Os indicadores constrúense a partir dos microdatos dos Indicadores de actividade do sector servizos subministrados polo INE.
Os índices son provisionais polo que poden modificarse nos meses seguintes.