Índices de valor unitario para o comercio exterior. Referencia 2010
Datos correspondentes a xuño de 2026
Resumo de resultados 20/08/2026
descarga en pdf
Principais resultados
En xuño de 2026, os prezos dos bens exportados aumentaron un 0,7% con respecto ao mesmo mes do ano anterior. Os prezos dos bens importados aumentaron un 7,5% en termos interanuais.
Atendendo á clasificación por destino económico, os prezos dos bens de consumo exportados diminuíron un 0,5% e os prezos dos bens de capital exportados un 5,2%. En senso contrario, os prezos dos bens intermedios aumentaron un 5,6% respecto ao mes de xuño de 2025.
Con respecto ás importacións, os prezos dos bens de consumo aumentaron un 2,3% e os dos bens intermedios un 12,5% respecto ao mes de xuño do ano anterior. Os prezos dos bens de capital reducíronse un 1,9% .
Índices de valor unitario. Taxas de variación interanuais. Galicia
Unidade: porcentaxe
Fonte: IGE. Índices de valor unitario para o comercio exterior (descarga da táboa).
1 Clasificación por destino económico dos bens
Segundo a clasificación por destino económico, produciuse unha diminución interanual do 0,5% nos prezos das exportacións de bens de consumo; os bens de capital baixaron un 5,2% e os prezos dos bens intermedios aumentaron un 5,6% no mes de xuño de 2026 respecto ao mesmo mes de 2025.
En canto as importacións, os prezos dos bens de consumo creceron un 2,3% e os dos bens intermedios un 12,5%, en comparación con xuño de 2025. En senso contrario, os prezos dos bens de capital diminuíron un 1,9%.
|
EXPORTACIÓNS
|
IMPORTACIÓNS
|
|||||
|---|---|---|---|---|---|---|
| 2025/Xuño | 2026/Xuño | Variación interanual | 2025/Xuño | 2026/Xuño | Variación interanual | |
| BENS DE CONSUMO | 130,46 | 129,81 | -0,5 | 124,66 | 127,55 | 2,3 |
| BENS INTERMEDIOS | 128,48 | 135,68 | 5,6 | 128,31 | 144,32 | 12,5 |
| BENS DE CAPITAL | 149,19 | 141,36 | -5,2 | 98,56 | 96,66 | -1,9 |
| NON ENERXÉTICO | 130,21 | 130,15 | 0,0 | 118,92 | 122,56 | 3,1 |
| IVU TOTAL | 132,43 | 133,42 | 0,7 | 127,44 | 137,02 | 7,5 |
| Fonte: IGE. Índices de valor unitario para o comercio exterior (descarga da táboa). | ||||||
2 Clasificación por orixe/destino xeográfico
Por destino xeográfico, os prezos dos bens exportados aos países da Unión Económica e Monetaria mantivéronse sen cambios en termos interanuais; os das exportacións ao conxunto da Unión Europea medraron un 0,2%. Os prezos das exportacións dirixidas a países da OCDE incrementáronse un 0,2% mentres que os prezos dos bens destinados ao resto do mundo aumentaron un 4,7%.
En canto á orixe xeográfica das importacións, os prezos dos bens procedentes da Unión Económica e Monetaria baixaron un 2,6% respecto a xuño de 2025 e os procedentes da Unión Europea, diminuíron un 1,6%. As importacións de bens desde países da OCDE rexistraron un alza do 7,1%, mentres que os prezos dos bens importados do resto do mundo medraron un 8,6%.
|
EXPORTACIÓNS
|
IMPORTACIÓNS
|
|||||
|---|---|---|---|---|---|---|
| 2025/Xuño | 2026/Xuño | Variación interanual | 2025/Xuño | 2026/Xuño | Variación interanual | |
| UEM | 128,99 | 129,01 | 0,0 | 114,88 | 111,88 | -2,6 |
| UE | 128,59 | 128,83 | 0,2 | 122,51 | 120,58 | -1,6 |
| OCDE | 131,78 | 132,08 | 0,2 | 122,88 | 131,66 | 7,1 |
| Resto do Mundo | 133,55 | 139,77 | 4,7 | 142,10 | 154,26 | 8,6 |
| Fonte: IGE. Índices de valor unitario para o comercio exterior (descarga da táboa). | ||||||
3 Notas metodolóxicas
Índices de valor unitario para o comercio exterior é unha operación estatística que elabora o Instituto Galego de Estatística (IGE) con periodicidade mensual.
O obxectivo desta operación estatística é obter unha aproximación aos índices de prezos das operacións de exportación e importación de mercadorías con orixe ou destino en Galicia, excluíndo o comercio co resto de España.
As principais utilidades destes índices son as seguintes: permiten aproximar a evolución dos prezos das exportacións e importacións; úsanse como deflactores para seguir a evolución en volume do comercio exterior; serven para construír indicadores como a relación real de intercambio ou os índices de competitividade.
4 Definicións, fontes e máis información
Definicións
Descarga de datos
- Índices de valor unitario encadeados por áreas xeográficas. Referencia 2010
- Índices de valor unitario encadeados por destino económico. Referencia 2010
Fontes de información
IGE. Índices de valor unitario para o comercio exterior. Referencia 2010.