Índices de valor unitario para o comercio exterior. Referencia 2010
Datos correspondentes a agosto de 2025
Resumo de resultados 27/10/2025
descarga en pdf
Principais resultados
En agosto de 2025, os prezos dos bens exportados aumentaron un 0,4% con respecto ao mesmo mes do ano anterior. Os prezos dos bens importados diminuíron un 3,2% en termos interanuais.
Atendendo á clasificación por destino económico, os prezos dos bens de capital exportados baixaron un 1,8% e os dos bens intermedios un 0,2%. En senso contrario, os prezos dos bens de consumo exportados aumentaron un 0,9% respecto ao mes de agosto de 2024.
Con respecto ás importacións, os prezos dos bens de consumo aumentaron un 5,5% e os dos bens de capital un 43,9% respecto ao mes de agosto do ano anterior. Os prezos dos bens intermedios rexistraron unha diminución interanual do 10,6%.
Índices de valor unitario. Taxas de variación interanuais. Galicia
Unidade: porcentaxe
Fonte: IGE. Índices de valor unitario para o comercio exterior (descarga da táboa).
1 Clasificación por destino económico dos bens
Segundo a clasificación por destino económico, produciuse un aumento interanual do 0,9% nos prezos das exportacións de bens de consumo; os prezos dos bens de capital baixaron un 1,8% e os dos bens intermedios diminuíron un 0,2% no mes de agosto de 2025 respecto ao mesmo mes de 2024.
En canto as importacións, os prezos dos bens de consumo creceron un 5,5% e os dos bens de capital un 43,9%, en comparación con agosto de 2024. En senso contrario, os prezos dos bens intermedios experimentaron unha diminución interanual do 10,6%.
| 2024/Agosto | 2025/Agosto | Variación interanual | 2024/Agosto | 2025/Agosto | Variación interanual | |
|---|---|---|---|---|---|---|
| BENS DE CONSUMO | 129,82 | 130,99 | 0,9 | 127,27 | 134,30 | 5,5 |
| BENS INTERMEDIOS | 131,33 | 131,06 | -0,2 | 153,53 | 137,24 | -10,6 |
| BENS DE CAPITAL | 146,09 | 143,40 | -1,8 | 78,84 | 113,43 | 43,9 |
| NON ENERXÉTICO | 130,98 | 130,52 | -0,4 | 128,71 | 130,20 | 1,2 |
| IVU TOTAL | 132,37 | 132,92 | 0,4 | 141,58 | 137,12 | -3,2 |
| Fonte: IGE. Índices de valor unitario para o comercio exterior (descarga da táboa). |
2 Clasificación por orixe/destino xeográfico
Por destino xeográfico, os prezos dos bens exportados aos países da Unión Económica e Monetaria aumentaron un 3,0% en termos interanuais e os das exportacións ao conxunto da Unión Europea un 2,1%. As exportacións dirixidas a países da OCDE incrementáronse un 0,9% mentres que os prezos dos bens destinados ao resto do mundo diminuíron un 4,0%.
En canto á orixe xeográfica das importacións, os prezos dos bens procedentes da Unión Económica e Monetaria subiron un 0,7% respecto a agosto de 2024 e os procedentes da Unión Europea, diminuíron un 2,2%. Os prezos das importacións de bens desde países da OCDE non variaron, mentres que os prezos dos bens importados do resto do mundo baixaron un 6,8%.
| 2024/Agosto | 2025/Agosto | Variación interanual | 2024/Agosto | 2025/Agosto | Variación interanual | |
|---|---|---|---|---|---|---|
| UEM | 125,71 | 129,52 | 3,0 | 114,42 | 115,21 | 0,7 |
| UE | 127,12 | 129,76 | 2,1 | 124,42 | 121,64 | -2,2 |
| OCDE | 132,06 | 133,30 | 0,9 | 127,23 | 127,26 | 0,0 |
| Resto do Mundo | 131,52 | 126,21 | -4,0 | 173,83 | 162,01 | -6,8 |
| Fonte: IGE. Índices de valor unitario para o comercio exterior (descarga da táboa). |
3 Notas metodolóxicas
Índices de valor unitario para o comercio exterior é unha operación estatística que elabora o Instituto Galego de Estatística (IGE) con periodicidade mensual.
O obxectivo desta operación estatística é obter unha aproximación aos índices de prezos das operacións de exportación e importación de mercadorías con orixe ou destino en Galicia, excluíndo o comercio co resto de España.
As principais utilidades destes índices son as seguintes: permiten aproximar a evolución dos prezos das exportacións e importacións; úsanse como deflactores para seguir a evolución en volume do comercio exterior; serven para construír indicadores como a relación real de intercambio ou os índices de competitividade.
4 Definicións, fontes e máis información
Definicións
Descarga de datos
- Índices de valor unitario encadeados por áreas xeográficas. Referencia 2010
- Índices de valor unitario encadeados por destino económico. Referencia 2010
Fontes de información
IGE. Índices de valor unitario para o comercio exterior. Referencia 2010.