Índices de valor unitario para o comercio exterior. Referencia 2010
Datos correspondentes a xullo de 2025
Resumo de resultados 25/09/2025
descarga en pdf
Principais resultados
En xullo de 2025, os prezos dos bens exportados aumentaron un 1,6% con respecto ao mesmo mes do ano anterior. Os prezos dos bens importados medraron un 0,3% en termos interanuais.
Atendendo á clasificación por destino económico, os prezos dos bens de consumo exportados aumentaron un 3,3% e os dos bens intermedios un 4,6%. En senso contrario, os prezos dos bens de capital exportados baixaron un 11,0% respecto ao mes de xullo de 2024.
Con respecto ás importacións, os prezos dos bens de consumo diminuíron un 2,4% e os dos bens intermedios un 1,1% respecto ao mes de xullo do ano anterior. Os prezos dos bens de capital medraron un 30,0%.
Índices de valor unitario. Taxas de variación interanuais. Galicia
Unidade: porcentaxe
Fonte: IGE. Índices de valor unitario para o comercio exterior (descarga da táboa)
1 Clasificación por destino económico dos bens
Segundo a clasificación por destino económico, produciuse un aumento interanual do 3,3% nos prezos das exportacións de bens de consumo e do 4,6% nos prezos dos bens intermedios; os bens de capital baixaron un 11,0% no mes de xullo de 2025 respecto ao mesmo mes de 2024.
En canto as importacións, os prezos dos bens de consumo diminuíron un 2,4% e os dos bens intermedios un 1,1%, en comparación con xullo de 2024. En senso contrario, os prezos dos bens de capital aumentaron un 30,0%.
| 2024/Xullo | 2025/Xullo | Variación interanual | 2024/Xullo | 2025/Xullo | Variación interanual | |
|---|---|---|---|---|---|---|
| BENS DE CONSUMO | 130,53 | 134,81 | 3,3 | 129,45 | 126,35 | -2,4 |
| BENS INTERMEDIOS | 130,78 | 136,78 | 4,6 | 134,80 | 133,29 | -1,1 |
| BENS DE CAPITAL | 161,66 | 143,84 | -11,0 | 86,19 | 112,08 | 30,0 |
| NON ENERXÉTICO | 131,77 | 134,25 | 1,9 | 118,97 | 123,52 | 3,8 |
| IVU TOTAL | 134,92 | 137,02 | 1,6 | 131,47 | 131,80 | 0,3 |
| Fonte: IGE. Índices de valor unitario para o comercio exterior (descarga da táboa) |
2 Clasificación por orixe/destino xeográfico
Por destino xeográfico, os prezos dos bens exportados aos países da Unión Económica e Monetaria aumentaron un 5,2% en termos interanuais; os das exportacións ao conxunto da Unión Europea medraron un 2,9%. As exportacións dirixidas a países da OCDE incrementáronse un 2,4% mentres que os prezos dos bens destinados ao resto do mundo diminuíron un 4,5%.
En canto á orixe xeográfica das importacións, os prezos dos bens procedentes da Unión Económica e Monetaria subiron un 3,6% respecto a xullo de 2024 e os procedentes da Unión Europea, aumentaron un 3,0%. As importacións de bens desde países da OCDE rexistraron un alza do 3,9%, mentres que os prezos dos bens importados do resto do mundo baixaron un 4,5%.
| 2024/Xullo | 2025/Xullo | Variación interanual | 2024/Xullo | 2025/Xullo | Variación interanual | |
|---|---|---|---|---|---|---|
| UEM | 126,97 | 133,59 | 5,2 | 112,85 | 116,94 | 3,6 |
| UE | 130,24 | 134,05 | 2,9 | 118,07 | 121,64 | 3,0 |
| OCDE | 134,47 | 137,70 | 2,4 | 120,21 | 124,85 | 3,9 |
| Resto do Mundo | 134,43 | 128,36 | -4,5 | 158,37 | 151,26 | -4,5 |
| Fonte: IGE. Índices de valor unitario para o comercio exterior (descarga da táboa) |
3 Notas metodolóxicas
Índices de valor unitario para o comercio exterior é unha operación estatística que elabora o Instituto Galego de Estatística (IGE) con periodicidade mensual.
O obxectivo desta operación estatística é obter unha aproximación aos índices de prezos das operacións de exportación e importación de mercadorías con orixe ou destino en Galicia, excluíndo o comercio co resto de España.
As principais utilidades destes índices son as seguintes: permiten aproximar a evolución dos prezos das exportacións e importacións; úsanse como deflactores para seguir a evolución en volume do comercio exterior; serven para construír indicadores como a relación real de intercambio ou os índices de competitividade.
4 Definicións, fontes e máis información
Definicións
Descarga de datos
- Índices de valor unitario encadeados por áreas xeográficas. Referencia 2010
- Índices de valor unitario encadeados por destino económico. Referencia 2010
Fontes de información
IGE. Índices de valor unitario para o comercio exterior. Referencia 2010.