Informe sobre o Índice de Comercio polo Miúdo
Datos correspondentes a abril de 2026
Data de publicación: 28/05/2026
descarga en pdf
Principais resultados
O índice xeral do comercio polo miúdo a prezos constantes rexistrou en Galicia un crecemento interanual do 0,3% no mes de abril de 2026.
Por produtos, as vendas en “Alimentación” aumentan un 1,5% e en “Resto de produtos” un 1%.
O índice xeral do comercio polo miúdo a prezos correntes crece un 6,7% en abril de 2026 con respecto ao mesmo mes de 2025.
O índice xeral de ocupación rexistra unha taxa interanual do 1,5%.
Índice xeral do comercio minorista a prezos constantes. Taxas de variación interanual (%)
Fonte: INE.
1 Índice xeral de comercio polo miúdo a prezos constantes
En abril de 2026, o índice xeral do comercio polo miúdo a prezos constantes aumenta un 0,3% en taxa interanual tanto en Galicia como en España.
O índice xeral sen estacións de servizo medra un 1,2% en Galicia e un 1,7% en España respecto a abril de 2025. Desagregando por produtos:
“Alimentación” incrementa a facturación un 1,5% en Galicia e un 1,2% no conxunto de España.
“Resto de produtos” medra un 1% en Galicia e un 2,2% no conxunto de España.
Índices de comercio polo miúdo a prezos constantes. Abril de 2026
| Índice deflactado | Taxa interanual (%) | Taxa no que vai de ano (%) | |
|---|---|---|---|
| Xeral | 99,8 | 0,3 | 3,3 |
| Xeral sen estacións de servizo | 98,6 | 1,2 | 3,5 |
| Alimentación | 97,1 | 1,5 | 2,7 |
| Resto | 103,1 | 1,0 | 4,7 |
| Fonte: IGE. Elaboración propia a partir dos datos subministrados polo INE. |
| Índice deflactado | Taxa interanual (%) | Taxa no que vai de ano (%) | |
|---|---|---|---|
| Xeral | 105,8 | 0,3 | 2,5 |
| Xeral sen estacións de servizo | 106,0 | 1,7 | 2,9 |
| Alimentación | 102,8 | 1,2 | 2,1 |
| Resto | 113,6 | 2,2 | 4,2 |
| Fonte: INE. |
No que levamos de ano, as vendas minoristas aumentan un 3,3% en Galicia e un 2,5% en España. Rexístrase un incremento das vendas en “Alimentación” do 2,7% en Galicia e do 2,1% en España. No “Resto de produtos”, as vendas increméntanse un 4,7% en Galicia e un 4,2% en España.
2 Índices por comunidades e cidades autónomas
As vendas aumentan en taxa interanual en 11 comunidades e cidades autónomas. Os maiores incrementos rexístranse en Aragón (4,4%), País Vasco (2,7%) e Estremadura (2,5%).
No que vai de ano, o índice increméntase en todas as comunidades e cidades autónomas agás en Illas Balears (-2,1%). As taxas máis altas preséntanse en Aragón (6,3%), Estremadura (4,5%) e País Vasco (4,5%).
Índice xeral do comercio minorista a prezos constantes. Abril de 2026
Taxas de variación (%)
Fonte: INE.
3 Índice xeral de comercio polo miúdo a prezos correntes
No mes de abril, o índice xeral do comercio polo miúdo a prezos correntes aumenta un 6,7% en Galicia e un 6,4% en España en taxa interanual.
O índice xeral sen estacións de servizo rexistra unha taxa do 4,4% en Galicia e do 4,6% en España. Desagregando por produtos, en Galicia, as vendas aumentan un 4,9% en “Alimentación” e un 3,9% en “Resto de produtos”. En España, rexístrase un incremento do 4,2% nas vendas en “Alimentación” e do 5,1% en “Resto de produtos”.
No que vai de ano, o índice medra un 6,7% en Galicia e un 5,7% en España. En Galicia, as vendas increméntanse un 6,3% en “Alimentación” e un 6,2% en “Resto de produtos”. En España, as vendas varían un 5,4% tanto en “Alimentación” como en “Resto de produtos”.
Índices de comercio polo miúdo a prezos correntes. Abril de 2026
| Índice | Taxa interanual (%) | Taxa no que vai de ano (%) | |
|---|---|---|---|
| Xeral | 127,6 | 6,7 | 6,7 |
| Xeral sen estacións de servizo | 123,9 | 4,4 | 6,2 |
| Alimentación | 130,6 | 4,9 | 6,3 |
| Resto | 119,0 | 3,9 | 6,2 |
| Fonte: IGE. Elaboración propia a partir dos datos subministrados polo INE. |
| Índice | Taxa interanual (%) | Taxa no que vai de ano (%) | |
|---|---|---|---|
| Xeral | 135,1 | 6,4 | 5,7 |
| Xeral sen estacións de servizo | 132,8 | 4,6 | 5,3 |
| Alimentación | 138,5 | 4,2 | 5,4 |
| Resto | 128,6 | 5,1 | 5,4 |
| Fonte: INE. |
4 Índice de ocupación
No mes de abril, o índice xeral de ocupación amosa unha taxa de variación interanual do 1,5% en Galicia e do 0,9% no conxunto de España. No que vai de ano, a ocupación medra un 1% en Galicia e un 0,9% en España.
Índices de ocupación. Abril de 2026
| Índice | Taxa interanual (%) | Taxa no que vai de ano (%) | |
|---|---|---|---|
| Xeral | 104,5 | 1,5 | 1,0 |
| Xeral sen estacións de servizo | 104,4 | 1,7 | 1,1 |
| Fonte: INE. |
| Índice | Taxa interanual (%) | Taxa no que vai de ano (%) | |
|---|---|---|---|
| Xeral | 106,7 | 0,9 | 0,9 |
| Xeral sen estacións de servizo | 106,8 | 0,9 | 0,9 |
| Fonte: INE. |
5 Índices de ocupación por comunidades e cidades autónomas
A ocupación no comercio minorista aumenta en 15 comunidades e cidades autónomas no mes de abril. Os maiores incrementos rexístranse en Asturias (3,4%) e Ceuta (3,4%). As comunidades onde diminúe o persoal ocupado son Illas Baleares (-0,9%), A Rioxa (-0,9%) e País Vasco (-0,1%).
Índice xeral de ocupación. Abril de 2026
Taxas de variación (%)
Fonte: INE.
No acumulado do ano, a ocupación aumenta en 16 comunidades e cidades autónomas. Asturias (3,2%) e Ceuta (3,2%) rexistran os maiores incrementos. As comunidades onde diminúe o persoal ocupado son Illas Baleares (-0,2%), A Rioxa (-0,2%) e País Vasco (-0,1%).
6 Notas metodolóxicas
Os índices de comercio polo miúdo son uns indicadores conxunturais que teñen por obxecto coñecer as características fundamentais das empresas dedicadas ao exercicio do comercio polo miúdo en España, e que permiten medir, a curto prazo, a evolución da actividade das empresas incluídas na sección G da CNAE-2009.
Os índices calcúlanse como un índice Laspeyres encadeado con ano base 2021 (encadeamento mensual no mes de decembro).
Os índices de comercio polo miúdo a prezos constantes mostran a evolución das ventas do sector minorista unha vez eliminado o efecto que os prezos teñen sobre as ditas vendas.
Os deflactores que se utilizan nos distintos índices a nivel de comunidade autónoma son:
- Índice xeral de comercio minorista: IPC xeral sen IVE sen servizos nin alugueres; nin automóbiles, outros vehículos, repostos e accesorios para mantemento.
- Índice xeral sen estacións de servizo: IPC xeral sen IVE sen servizos nin alugueres; nin carburantes e lubricantes, nin automóbiles, outros vehículos, repostos e accesorios para mantemento; nin distribución de auga, nin electricidade nin gas.
- Índice Alimentación: IPC alimentos, bebidas e tabaco sen IVE.
- Índice Resto: IPC xeral sen IVE sen alimentos, bebidas e tabaco; nin servizos nin alugueres; nin carburantes e lubricantes; nin automóbiles, outros vehículos, repostos e accesorios para mantemento; nin distribución de auga, nin electricidade nin gas.
Os índices de comercio polo miúdo a prezos constantes obtéñense como cociente entre os índices de comercio polo miúdo a prezos correntes e o deflactor.