Informe sobre o Índice de Comercio polo Miúdo
Datos correspondentes a xaneiro de 2026
Data de publicación: 11/03/2026
descarga en pdf
Principais resultados
O índice xeral do comercio polo miúdo a prezos constantes rexistrou en Galicia un crecemento interanual do 5,7% no mes de xaneiro de 2026. En España aumentou un 3,7%.
Por produtos, as vendas en “Alimentación” aumentan un 4,3% e en “Resto de produtos” un 7,6%.
O índice xeral do comercio polo miúdo a prezos correntes crece un 6,5% en Galicia en xaneiro de 2026 con respecto ao mesmo mes de 2025. En España aumenta un 4,7%.
O índice xeral de ocupación rexistra unha taxa interanual do 0,9% tanto en Galicia coma en España.
Índice xeral do comercio minorista a prezos constantes. Taxas de variación interanual (%)
Fonte: INE.
1 Índice xeral de comercio polo miúdo a prezos constantes
O índice xeral do comercio polo miúdo a prezos constantes aumenta un 5,7% en Galicia e un 3,7% en España en xaneiro de 2026 con respecto ao mesmo mes do ano anterior.
O índice xeral sen estacións de servizo medra un 5,6% en Galicia e un 3,6% en España respecto a xaneiro de 2025. Desagregando por produtos:
“Alimentación” incrementa a facturación un 4,3% en Galicia e un 3,5% no conxunto de España.
“Resto de produtos” medra un 7,6% en Galicia e un 4,8% no conxunto de España.
Índices de comercio polo miúdo a prezos constantes. Xaneiro de 2026
| Índice deflactado | Taxa interanual (%) | |
|---|---|---|
| Xeral | 106,5 | 5,7 |
| Xeral sen estacións de servizo | 105,2 | 5,6 |
| Alimentación | 93,6 | 4,3 |
| Resto | 120,4 | 7,6 |
| Fonte: IGE. Elaboración propia a partir dos datos subministrados polo INE. |
| Índice deflactado | Taxa interanual (%) | |
|---|---|---|
| Xeral | 111,0 | 3,7 |
| Xeral sen estacións de servizo | 110,5 | 3,6 |
| Alimentación | 99,9 | 3,5 |
| Resto | 126,6 | 4,8 |
| Fonte: INE. |
2 Índices por comunidades e cidades autónomas
As vendas aumentan en taxa interanual en todas as comunidades e cidades autónomas. Os maiores incrementos rexístranse en Aragón (6,4%), País Vasco (6,1%) e Asturias (6%).
Índice xeral do comercio minorista a prezos constantes. Xaneiro de 2026
Taxas de variación interanual (%)
Fonte: INE.
3 Índice xeral de comercio polo miúdo a prezos correntes
O índice xeral do comercio polo miúdo a prezos correntes aumenta un 6,5% en Galicia e un 4,7% en España no mes de xaneiro de 2026 con respecto a xaneiro de 2025.
O índice xeral sen estacións de servizo rexistra unha taxa do 7,4% en Galicia e do 5,5% en España. Desagregando por produtos, en Galicia, as vendas aumentan un 7,7% en “Alimentación” e un 7,2% en “Resto de produtos”. En España, rexístrase un incremento do 6,9% nas vendas en “Alimentación” e do 4,5% en “Resto de produtos”.
Índices de comercio polo miúdo a prezos correntes. Xaneiro de 2026
| Índice | Taxa interanual (%) | |
|---|---|---|
| Xeral | 128,3 | 6,5 |
| Xeral sen estacións de servizo | 128,7 | 7,4 |
| Alimentación | 125,3 | 7,7 |
| Resto | 131,3 | 7,2 |
| Fonte: IGE. Elaboración propia a partir dos datos subministrados polo INE. |
| Índice | Taxa interanual (%) | |
|---|---|---|
| Xeral | 133,9 | 4,7 |
| Xeral sen estacións de servizo | 135,2 | 5,5 |
| Alimentación | 133,9 | 6,9 |
| Resto | 136,3 | 4,5 |
| Fonte: INE. |
4 Índice de ocupación
No mes de xaneiro, o índice xeral de ocupación amosa unha taxa de variación interanual do 0,9% en Galicia e en España.
Índices de ocupación. Xaneiro de 2026
| Índice | Taxa interanual (%) | |
|---|---|---|
| Xeral | 104,7 | 0,9 |
| Xeral sen estacións de servizo | 104,5 | 0,9 |
| Fonte: INE. |
| Índice | Taxa interanual (%) | |
|---|---|---|
| Xeral | 106,4 | 0,9 |
| Xeral sen estacións de servizo | 106,5 | 0,9 |
| Fonte: INE. |
5 Índices de ocupación por comunidades e cidades autónomas
En xaneiro, a ocupación no comercio minorista aumenta en 17 comunidades e cidades autónomas. Os maiores incrementos rexístranse en Ceuta (3,4%) e Asturias (3,1%). En País Vasco diminúe o persoal ocupado (-0,1%) e en Illas Baleares mantense sen variacións.
Índice xeral de ocupación. Xaneiro de 2026
Taxas de variación interanual (%)
Fonte: INE.
6 Notas metodolóxicas
Os índices de comercio polo miúdo son uns indicadores conxunturais que teñen por obxecto coñecer as características fundamentais das empresas dedicadas ao exercicio do comercio polo miúdo en España, e que permiten medir, a curto prazo, a evolución da actividade das empresas incluídas na sección G da CNAE-2009.
Os índices calcúlanse como un índice Laspeyres encadeado con ano base 2021 (encadeamento mensual no mes de decembro).
Os índices de comercio polo miúdo a prezos constantes mostran a evolución das ventas do sector minorista unha vez eliminado o efecto que os prezos teñen sobre as ditas vendas.
Os deflactores que se utilizan nos distintos índices a nivel de comunidade autónoma son:
- Índice xeral de comercio minorista: IPC xeral sen IVE sen servizos nin alugueres; nin automóbiles, outros vehículos, repostos e accesorios para mantemento.
- Índice xeral sen estacións de servizo: IPC xeral sen IVE sen servizos nin alugueres; nin carburantes e lubricantes, nin automóbiles, outros vehículos, repostos e accesorios para mantemento; nin distribución de auga, nin electricidade nin gas.
- Índice Alimentación: IPC alimentos, bebidas e tabaco sen IVE.
- Índice Resto: IPC xeral sen IVE sen alimentos, bebidas e tabaco; nin servizos nin alugueres; nin carburantes e lubricantes; nin automóbiles, outros vehículos, repostos e accesorios para mantemento; nin distribución de auga, nin electricidade nin gas.
Os índices de comercio polo miúdo a prezos constantes obtéñense como cociente entre os índices de comercio polo miúdo a prezos correntes e o deflactor.