Enquisa conxuntural a fogares
Datos correspondentes ao Cuarto trimestre de 2025
Data de publicación: 09/01/2026
descarga en pdf
Principais resultados
- No cuarto trimestre de 2025, o indicador de confianza diminúe 1,46 puntos respecto ao trimestre anterior e sitúase nos -14,47 puntos.
- O 56,96 % dos fogares galegos chega con facilidade ou moita facilidade a fin de mes no cuarto trimestre de 2025.
1 Indicador de confianza do consumidor
No cuarto trimestre de 2025, o indicador de confianza do consumidor (ICC) situouse en -14,47 puntos, 1,46 puntos inferior que no trimestre anterior. Neste trimestre diminuíron os catro indicadores parciais de perspectivas de evolución: a situación financeira persoal (-0,32), o desemprego (-0,65), a situación económica en Galicia (-2,36) e a capacidade futura de aforro (-2,49).
| ICC | Situación financeira persoal (perspectivas de evolución) | Capacidade futura de aforro | Situación económica en Galicia (perspectivas de evolución) | Desemprego (perspectivas de evolución) | |
|---|---|---|---|---|---|
| 2022/IV | -24,53 | -11,57 | -34,57 | -28,33 | -23,65 |
| 2023/I | -20,96 | -7,57 | -35,56 | -22,15 | -18,55 |
| 2023/II | -12,05 | -4,23 | -28,03 | -10,41 | -5,53 |
| 2023/III | -16,77 | -6,24 | -35,18 | -12,61 | -13,05 |
| 2023/IV | -22,92 | -10,25 | -38,03 | -23,67 | -19,71 |
| 2024/I | -16,27 | -5,12 | -31,59 | -15,90 | -12,45 |
| 2024/II | -13,21 | -6,61 | -28,31 | -11,91 | -6,01 |
| 2024/III | -13,93 | -6,17 | -27,29 | -11,55 | -10,70 |
| 2024/IV | -16,46 | -5,25 | -29,17 | -16,48 | -14,95 |
| 2025/I | -13,81 | -3,44 | -25,95 | -15,78 | -10,06 |
| 2025/II | -12,25 | -5,30 | -19,49 | -18,02 | -6,20 |
| 2025/III | -13,01 | -6,76 | -19,95 | -15,57 | -9,77 |
| 2025/IV | -14,47 | -7,08 | -22,44 | -17,93 | -10,42 |
| Fonte: IGE. Enquisa conxuntural a fogares (descarga da táboa). |
O indicador de confianza do consumidor varía en función dos ingresos do fogar. Os fogares con menores ingresos medios mensuais presentan valores máis baixos no ICC, mentres que a confianza aumenta ao incrementárense os ingresos do fogar. Así, o indicador no caso dos fogares con menos de 600€ ao mes sitúase en -37,14 puntos, namentres que nos fogares cun ingreso por riba dos 3.000€ o indicador sitúase en 2,01.
Indicador de confianza do consumidor
(ICC) segundo o intervalo de ingresos mensuais do fogar. Cuarto
trimestre de 2025. Galicia.
Unidade: Puntos de -100 a 100
Fonte: IGE. Enquisa conxuntural a fogares (descarga da táboa).
2 Situación económica dos fogares nos últimos tres meses
No cuarto trimestre de 2025, o 56,96% dos fogares galegos chega con facilidade ou moita facilidade a fin de mes, o 37,00% con dificultade e o 6,04% restante con moita dificultade.
Con respecto ao trimestre anterior, aumentan 1,14 puntos os fogares que chegan con facilidade ou moita facilidade a fin de mes e 0,43 puntos os que chegan con moita dificultade, mentres que diminuíu a proporción dos que chegan con dificultade (1,56).
En comparación co cuarto trimestre do ano 2024, a porcentaxe de fogares que chega con facilidade ou moita facilidade a fin de mes aumenta 3,08 puntos porcentuais. A porcentaxe de fogares que chega con dificultade a fin de mes diminúe 1,51 puntos entre ambos períodos e a porcentaxe de fogares que chega con moita dificultade decrece 1,56 puntos.
Unidade: Porcentaxe
| 2024/IV | 2025/I | 2025/II | 2025/III | 2025/IV | |
|---|---|---|---|---|---|
| Con facilidade ou moita facilidade | 53,88 | 53,67 | 57,68 | 55,82 | 56,96 |
| Con dificultade | 38,51 | 39,46 | 36,95 | 38,56 | 37,00 |
| Con moita dificultade | 7,60 | 6,87 | 5,36 | 5,61 | 6,04 |
| Total | 100,00 | 100,00 | 100,00 | 100,00 | 100,00 |
| Fonte: IGE. Enquisa conxuntural a fogares (descarga da táboa) |
Porcentaxes cuarto trimestre de 2025. Galicia
3 Medidas económicas tomadas polos fogares nos últimos tres meses
O 18,80% dos fogares galegos non se permitiu ningún extra nos tres últimos meses. Considéranse como extra os gastos destinados a vacacións ou viaxes, facer fronte a imprevistos ou grandes compras, extras de alimentación, roupa ou calzado, contratar novos servizos para o fogar, saír a cear, ir ao cine… Tamén se inclúe nesta categoría poder aforrar e traballar menos horas ou que algún membro do fogar se permitira deixar de traballar.
No cuarto trimestre de 2025, o 21,13% dos fogares galegos cambiou os seus hábitos de compra mercando marcas brancas, produtos en oferta etc. Esta foi a medida económica máis habitual empregada polos fogares para reducir os gastos, aumentar os ingresos ou afrontar pagos neste período. Ademais, o 11,49% dos fogares galegos diminuíu outros gastos comúns (como roupa e calzado, transporte, gas, electricidade etc.), agás alimentación.
| 2024/IV | 2025/I | 2025/II | 2025/III | 2025/IV | |
|---|---|---|---|---|---|
| Cambiar os seus hábitos de compra mercando marcas brancas, produtos en oferta… | 25,82 | 22,99 | 29,21 | 26,64 | 21,13 |
| Diminuír outros gastos comúns, como roupa e calzado, transporte, gas, electricidade…, agás alimentación | 21,19 | 17,15 | 13,21 | 14,92 | 11,49 |
| Algún dos membros do fogar tivo que poñerse a traballar ou aumentar a xornada de traballo | 1,70 | 0,78 | 2,92 | 2,75 | 1,40 |
| Recibir axuda económica de familiares ou amizades | 4,16 | 3,01 | 5,11 | 5,28 | 3,21 |
| Tomar medidas financeiras | 2,65 | 2,40 | 3,99 | 4,12 | 2,91 |
| Fonte: IGE. Enquisa conxuntural a fogares (descarga da táboa). |
4 Medidas económicas que esperan realizar os fogares nos próximos tres meses
Nos próximos tres meses, o 41,56% dos fogares galegos ten pensado aforrar algo de cartos; o 61,53% facer algún extra en produtos de alimentación; o 65,53% saír a cear, a cafeterías, ir ao cine ou ao teatro, e o 22,60% facer fronte a imprevistos ou grandes compras.
| 2024/IV | 2025/I | 2025/II | 2025/III | 2025/IV | |
|---|---|---|---|---|---|
| Pagarse unhas vacacións, viaxes ou estadías de lecer | 14,39 | 13,95 | 21,73 | 17,25 | 13,73 |
| Saír a cear, a cafeterías, ir ao cine, ao teatro | 66,54 | 64,34 | 73,66 | 73,28 | 65,53 |
| Facer fronte a imprevistos ou grandes compras | 25,34 | 21,12 | 22,66 | 22,46 | 22,60 |
| Aforrar algo de cartos | 37,12 | 38,49 | 42,24 | 41,85 | 41,56 |
| Facer algún extra en produtos de alimentación | 60,56 | 44,43 | 49,01 | 49,77 | 61,53 |
| Algunha compra extraordinaria en roupa ou calzado | 25,48 | 18,89 | 18,51 | 15,77 | 24,65 |
| Fonte: IGE. Enquisa conxuntural a fogares (descarga da táboa). |
5 Compra de vivenda e coche nos fogares
O 12,94% dos fogares galegos está pagando a vivenda principal na que habitan, o 10,38% o coche e o 3,15% unha segunda vivenda. Con respecto ao cuarto trimestre de 2024, baixou 0,67 puntos a porcentaxe de fogares que paga a vivenda habitual.
| 2024/IV | 2025/I | 2025/II | 2025/III | 2025/IV | |
|---|---|---|---|---|---|
| Vivenda principal | 13,61 | 13,43 | 12,47 | 12,92 | 12,94 |
| Segunda vivenda | 3,08 | 2,61 | 2,94 | 2,91 | 3,15 |
| Coche | 8,51 | 8,22 | 8,13 | 10,51 | 10,38 |
| Fonte: IGE. Enquisa conxuntural a fogares (descarga da táboa). |
6 Notas metodolóxicas
Os obxectivos principais da Enquisa conxuntural a fogares (ECF) son os seguintes:
Construír o Indicador de Confianza do Consumidor (ICC) e o Indicador de Sentimento do Consumidor (ISC), que permiten obter un rápido coñecemento dos cambios na percepción do consumidor respecto as súas expectativas de gasto e aforro, así como da situación económica persoal e xeral da comunidade autónoma. As percepcións dos fogares, independentemente dos indicadores macroeconómicos, son unha ferramenta moi útil para a análise económica a curto prazo.
Proporcionar información sobre as medidas que toman, ou pensan tomar, os fogares galegos segundo sexa a súa propia situación económica: decisións sobre os gastos efectuados, aforro, número de horas a traballar, solucións financeiras etc.
O ICC varía de -100 a 100, sendo o valor 0 o punto neutral; valores positivos do indicador amosan optimismo e valores negativos indican pesimismo por parte dos consumidores galegos.
7 Definicións, metodoloxía, fontes e máis información
Definicións
Metodoloxía
Descarga de datos
- Indicador de confianza do consumidor (ICC) e as súas compoñentes. Galicia
- Indicador de confianza do consumidor (ICC) e indicador de sentimento do consumidor (ISC) por intervalo de ingresos mensuais do fogar. Galicia
- Fogares segundo o grao de dificultade para chegar a fin de mes. Galicia
- Fogares que non se permitiron ningún extra nos últimos tres meses. Galicia
- Fogares que tomaron as seguintes medidas para reducir gastos, aumentar ingresos ou afrontar pagos nos últimos tres meses. Galicia
- Fogares que teñen pensado permitirse os seguintes extras nos próximos tres meses. Galicia
- Fogares que teñen comprado e están pagando a vivenda ou o coche. Galicia
Fontes de información
IGE. Enquisa conxuntural a fogares elaborada polo IGE.