Enquisa conxuntural a fogares
Datos correspondentes ao Segundo trimestre de 2026
Data de publicación: 10/07/2026
descarga en pdf
Principais resultados
- Aumentou a confianza do consumidor en 7 puntos no segundo trimestre de 2026.
- Das catro compoñentes do ICC, a que maior avance experimentou foi a capacidade futura de aforro (17 puntos).
- Nos últimos 3 meses o 42,4% dos fogares cambiou os seus hábitos de compra, sendo esta a medida económica máis empregada polos fogares para reducir gastos.
1 Indicador de confianza do consumidor
Durante o segundo trimestre de 2026, o ICC acadou os -10,83 puntos, o que representa unha subida de 7,11 puntos en comparación co trimestre precedente. Esta evolución positiva sustentouse no avance de tres dos catro indicadores parciais: a situación financeira persoal mellorou en 6,08 puntos, a capacidade futura de aforro incrementouse en 17,19 puntos e a percepción sobre o desemprego aumentou 6,78 puntos.
| ICC | Situación financeira persoal (perspectivas de evolución) | Capacidade futura de aforro | Situación económica en Galicia (perspectivas de evolución) | Desemprego (perspectivas de evolución) | |
|---|---|---|---|---|---|
| 2023/II | -12,05 | -4,23 | -28,03 | -10,41 | -5,53 |
| 2023/III | -16,77 | -6,24 | -35,18 | -12,61 | -13,05 |
| 2023/IV | -22,92 | -10,25 | -38,03 | -23,67 | -19,71 |
| 2024/I | -16,27 | -5,12 | -31,59 | -15,90 | -12,45 |
| 2024/II | -13,21 | -6,61 | -28,31 | -11,91 | -6,01 |
| 2024/III | -13,93 | -6,17 | -27,29 | -11,55 | -10,70 |
| 2024/IV | -16,46 | -5,25 | -29,17 | -16,48 | -14,95 |
| 2025/I | -13,81 | -3,44 | -25,95 | -15,78 | -10,06 |
| 2025/II | -12,25 | -5,30 | -19,49 | -18,02 | -6,20 |
| 2025/III | -13,01 | -6,76 | -19,95 | -15,57 | -9,77 |
| 2025/IV | -14,47 | -7,08 | -22,44 | -17,93 | -10,42 |
| 2026/I | -17,94 | -10,86 | -25,02 | -24,02 | -11,86 |
| 2026/II | -10,83 | -4,78 | -7,83 | -25,64 | -5,08 |
| Fonte: IGE. Enquisa conxuntural a fogares (descarga da táboa). |
A evolución do ICC difire segundo os ingresos do fogar, con valores máis baixos entre os fogares de menor capacidade económica e maiores niveis de confianza nos tramos superiores. No segundo trimestre, o valor mínimo corresponde aos fogares con ingresos inferiores a 1.000 € (-27 puntos),mentres que nos fogares con ingresos superiores a 3.000 € o indicador acada 0,33 puntos.
Indicador de confianza do consumidor
(ICC) segundo o intervalo de ingresos mensuais do fogar. Segundo
trimestre de 2026. Galicia.
Unidade: Puntos de -100 a 100
Fonte: IGE. Enquisa conxuntural a fogares (descarga da táboa).
2 Medidas económicas tomadas polos fogares nos últimos tres meses
No segundo trimestre de 2026, case a metade dos fogares galegos (42,44%) optou por marcas brancas e produtos en oferta, configurando así a medida económica máis habitual para reducir gastos. A segunda medida con maior frecuencia foi a diminución doutros gastos comúns distintos da alimentación —como vestido e calzado, transporte, gas ou electricidade— declarada polo 22,74% dos fogares. Ademais, o 4,20% recibiu axuda económica de familiares ou amizades, o 2,61% adoptou medidas financeiras, e no 1,53% dos fogares algún membro comezou a traballar ou ampliou a súa xornada.
| 2025/II | 2025/III | 2025/IV | 2026/I | 2026/II | |
|---|---|---|---|---|---|
| Cambiar os seus hábitos de compra mercando marcas brancas, produtos en oferta… | 29,21 | 26,64 | 21,13 | 24,58 | 42,44 |
| Diminuír outros gastos comúns, como roupa e calzado, transporte, gas, electricidade…, agás alimentación | 13,21 | 14,92 | 11,49 | 11,72 | 22,74 |
| Algún dos membros do fogar tivo que poñerse a traballar ou aumentar a xornada de traballo | 2,92 | 2,75 | 1,40 | 1,63 | 1,53 |
| Recibir axuda económica de familiares ou amizades | 5,11 | 5,28 | 3,21 | 3,53 | 4,20 |
| Tomar medidas financeiras | 3,99 | 4,12 | 2,91 | 2,58 | 2,61 |
| Fonte: IGE. Enquisa conxuntural a fogares (descarga da táboa). |
O 13,17% dos fogares galegos non se permitiu ningún extra nos tres últimos meses. Considéranse como extra os gastos destinados a vacacións ou viaxes, facer fronte a imprevistos ou grandes compras, extras de alimentación, roupa ou calzado, a contratación de novos servizos para o fogar, así como saír a cear, ir ao cine… Tamén se inclúe nesta categoría a capacidade de aforrar, a redución de horas de traballo ou que algún membro do fogar se permitira deixar de traballar.
3 Medidas económicas que esperan realizar os fogares nos próximos tres meses
Nos próximos tres meses, o 73,43% dos fogares de Galicia manifesta intención de destinar parte do seu orzamento ao ocio (ceas, cafés, cine, teatro). Xunto a isto, o 48,32% espera aforrar algo, o 36,50% prevé realizar gastos extraordinarios en alimentación, e o 30,03% anticipa ter que cubrir imprevistos ou acometer grandes compras.
| 2025/II | 2025/III | 2025/IV | 2026/I | 2026/II | |
|---|---|---|---|---|---|
| Pagarse unhas vacacións, viaxes ou estadías de lecer | 21,73 | 17,25 | 13,73 | 14,80 | 25,69 |
| Saír a cear, a cafeterías, ir ao cine, ao teatro | 73,66 | 73,28 | 65,53 | 65,91 | 73,43 |
| Facer fronte a imprevistos ou grandes compras | 22,66 | 22,46 | 22,60 | 22,16 | 30,03 |
| Aforrar algo de cartos | 42,24 | 41,85 | 41,56 | 39,70 | 48,32 |
| Facer algún extra en produtos de alimentación | 49,01 | 49,77 | 61,53 | 41,82 | 36,50 |
| Algunha compra extraordinaria en roupa ou calzado | 18,51 | 15,77 | 24,65 | 13,24 | 24,35 |
| Fonte: IGE. Enquisa conxuntural a fogares (descarga da táboa). |
A comparación co trimestre anterior está marcada polos patróns de consumo propios do verán, que afectan sobre todo ás vacacións e ao gasto en roupa e calzado. Se se toma como referencia o mesmo trimestre de 2025, obsérvase unha caída na intención de facer gastos extraordinarios en alimentación (–12,51 puntos), unha estabilidade nas previsións de ocio, e un incremento no resto das medidas previstas polos fogares.
4 Compra de vivenda
O 14,69 % dos fogares galegos teñen gasto en adquisición da sua vivenda habitual. Este gasto presenta unha tendencia ascendente ininterrompida durante o último ano.
| 2025/II | 2025/III | 2025/IV | 2026/I | 2026/II | |
|---|---|---|---|---|---|
| Vivenda principal | 12,47 | 12,92 | 12,94 | 13,04 | 14,69 |
| Fonte: IGE. Enquisa conxuntural a fogares (descarga da táboa). |
5 Notas metodolóxicas
Os obxectivos principais da Enquisa conxuntural a fogares (ECF) son os seguintes:
Construír o Indicador de Confianza do Consumidor (ICC) e o Indicador de Sentimento do Consumidor (ISC), que permiten obter un rápido coñecemento dos cambios na percepción do consumidor respecto as súas expectativas de gasto e aforro, así como da situación económica persoal e xeral da comunidade autónoma. As percepcións dos fogares, independentemente dos indicadores macroeconómicos, son unha ferramenta moi útil para a análise económica a curto prazo.
Proporcionar información sobre as medidas que toman, ou pensan tomar, os fogares galegos segundo sexa a súa propia situación económica: decisións sobre os gastos efectuados, aforro, número de horas a traballar, solucións financeiras etc.
O ICC varía de -100 a 100, sendo o valor 0 o punto neutral; valores positivos do indicador amosan optimismo e valores negativos indican pesimismo por parte dos consumidores galegos.
6 Definicións, metodoloxía, fontes e máis información
Definicións
Metodoloxía
Descarga de datos
- Indicador de confianza do consumidor (ICC) e as súas compoñentes. Galicia
- Indicador de confianza do consumidor (ICC) e indicador de sentimento do consumidor (ISC) por intervalo de ingresos mensuais do fogar. Galicia
- Fogares que non se permitiron ningún extra nos últimos tres meses. Galicia
- Fogares que tomaron as seguintes medidas para reducir gastos, aumentar ingresos ou afrontar pagos nos últimos tres meses. Galicia
- Fogares que teñen pensado permitirse os seguintes extras nos próximos tres meses. Galicia
- Fogares que teñen comprada e están pagando a vivenda. Galicia
Fontes de información
IGE. Enquisa conxuntural a fogares elaborada polo IGE.